النهارده مصر عروسه بجد
و الكل شارك فى زفتها و الامساك بالطرحه البيضا بتاعتها
مهما تخيلت بخصوص الاقبال على الاستفتاء
مكانش خيالى واصل خالص للى حصل النهارده
لاول مره الورق يخلص و يجيبوا ورق تانى
لاول مره طوابير الاستفتاء
تتفوق على طوابير العيش
اللى كان زعلان انه منزلش المظاهرات من اول 25 يناير
و حاسس انه لم يشارك فى الثوره
اعتقد ان نزوله النهارده يعتبر مشاركه فى ثوره جديده
مهما كانت النتيجه انا موافقه عليها وراضيه
لاننا لاول مره نشارك فعلا
مش مهم نعم مش مهم لا المهم رأينا قلناه
هناك 24 تعليقًا:
عندك حق بس الزعل في اللي بيملوا الناس تقول ايه وميقلوش ايه كأننا لسة غير مؤهلين لاتخاذ قرارات بيثبتوا عملي اللي كان قاله عم نظيف لما نظف البلد قبل ما يخرج مطرود منها
لولا
كلامك صح يالولا
الغريب ان الناس كانت واقفة مش زهقانين واقفين فرحانين جدا
بنرغي ونتناقش
عظيمة يامصر
بحبك يابلادي
عندك حق انا فرحااااااااااااااااانه جدااااااا انهارده كان يوم عيد بالظبط
الاعداد اللى نزلت اعداد رهيييييييييييييبه
لو النتيجه طلعت نعم انا مش هزعل عشان الاغلبيه عايزه كده
بجد اللى حصل انهارده حاجه تفرح اوووووووووى
أنا مدونتى ضاعت للأسف
ربنا يسهل وأستطيع إسترجاعها
مبروووووووووك يا دكتورة :)
فعلا.. امبارح كان كيوم عيد.. و الكل شارك بإيجابية.. و إن شاء الله ده هيوصل بمصر للأحسن..
تحياتي
محمد
:)
والأهم اننا قدرنا نفهم وناس كتيرة قدرت تفهم وحست انها بتعمل حاجة مهمة للبلد وللأجيال اللى جاية :)
تحياتى
صـــــــــــــــــح
والمهم كمان ان الناس كلها نزلت و الناس طلعت واعيه و ناصحه ^_^
طبعا عندك حق جدا المهم اننا حاسين ان رأينا هيتسمع ولاول مرة نقول لاء ونعم بممزاجنا ومش مجبارين عليها بس المهم النتيجه تكون فعلا صحيحه
ملحوظه على جنب يا علا
احساسك وانت فى مظاهرة مختلف تماما عن يوم الاستفتا رغم انى كنت سعيده جدا بردو
انما وانا فى المظاهرة كانت سعيده اكتر واحساس مقدرش اوصفه بجد يمكن عشان كنت اول مرة اشارك فى مظاهرات
سيبك انتى المهم رأينا مسموع وبس
جوجو
لـــــــولا
للاسف يا لولا هيا دى الكارثه فعلا
كل القوى السياسيه بتستغل جهل الناس البسيطه و تملى عليهم ما يتوجب عليهم فعله
زى ما يكونوا اوصياء عليهم
شمس النهار
انا فضلت ادور على لجنه مش فيها زحمه لغايه اما لقيت و مش طولت بس اللى لاحظته ان الناس كلها كانت مبتسمه وسعيده جدا حتى اللى كانوا واقفين فى طوابير طويله اوووى وطولوا فى الوقت
اليوم كله كان يجنن
اسيره الاحزان
اليوم فعلا كان ليه طعم تانى من اوله
و رغم ان المؤشرات كلها بتقول ان النتيجه نعم للتعديلات الا انى مش زعلانه
لان المره دى الانتخابات كانت حقيقيه مش زى زمان خالص
أبوحميد
ليه كده حصل ايه يا باشمهندس
اتهكرت ولا ايه؟؟
MTMA89
ايا كانت النتيجه اكيد هتوصلنا للاحسن
نورتنى
Foxology
فعلا ده احلى ما فى الموضوع
نورتنى
سبايدرمان
الناس فاقت ومحدش هيتحكم فيها تانى
gogo!sf
اكيد احساس المظاهره مختلف جداااااا انا متاكده
بس اللى مش شارك فيها واول مره يشارك فى الاستفتاء او الانتخابات زى حالاتى كان طاير من الفرحه و حاسس انه فخور بنفسه
من الاخر كل اللى شارك فى اى حاجه من حقه يفتخر ويرفع راسه ويقول انا مصرى
نورتينى يا قمر
كان يوم عالمى واكثر من رائع
الناس كلها فرحانة
لانها اول مرة تحس ان صوتها لية قيمة
مع خالص تحياتى
كلامك مظبووووووووط
والف الف مبروك لمصر
بجد بجد النهارده عيد مش علشان النتيجه طلعت نعم
علشان لقينا إن صوتنا مؤثر ولأول مره
عقبال كل الخطوات الجايه على طريق الديمقراطيه
تحياتى لكى دكتورتى
السلام عليكم
عندك حق فعلا مش مين قال نعم مش مهم مين قال لا الكل عاوز مصلحة البلد وكل واحد له رؤيته ولازم الاخر يحترمها
مهم قوى دلوقتى اكتر اننا نتقبل النتيجة مهما تكون ونتشغل ببناء بلدنا اعتقد دا الاهم
يارب يكون خير يارب اللهم امين يارب
احنا دلوقتي في مرحلة
يارب النصر لمصر
مش مهم مين قال ايه
المهم اننا قد المسئولية
السلام عليكم
انا عارفه اني مقصره معاك في التعليق والمتابعه الفتره اللي فاتت ولكن ده كان لظروف :)
عندي بوست وطلب مهم ارجو المساعده فيه :)
http://mal2atlhash3noan.blogspot.com/2011/03/blog-post_24.html
إرسال تعليق