السبت، مارس 19، 2011

مش مهم نعم مش مهم لا المهم راينا قلناه

النهارده مصر عروسه بجد

و الكل شارك فى زفتها و الامساك بالطرحه البيضا بتاعتها

مهما تخيلت  بخصوص الاقبال على الاستفتاء

مكانش خيالى واصل خالص للى حصل النهارده

لاول مره الورق يخلص و يجيبوا ورق تانى

لاول مره  طوابير الاستفتاء

تتفوق على طوابير العيش

اللى كان زعلان انه منزلش المظاهرات من اول 25 يناير

و حاسس انه لم يشارك فى الثوره

اعتقد ان نزوله النهارده يعتبر مشاركه فى ثوره جديده

مهما  كانت النتيجه انا موافقه عليها وراضيه

لاننا لاول مره نشارك فعلا

مش مهم نعم مش مهم لا المهم رأينا قلناه

هناك 24 تعليقًا:

لــــ زهــــــراء ــــولا يقول...

عندك حق بس الزعل في اللي بيملوا الناس تقول ايه وميقلوش ايه كأننا لسة غير مؤهلين لاتخاذ قرارات بيثبتوا عملي اللي كان قاله عم نظيف لما نظف البلد قبل ما يخرج مطرود منها

لولا

شمس النهار يقول...

كلامك صح يالولا

الغريب ان الناس كانت واقفة مش زهقانين واقفين فرحانين جدا
بنرغي ونتناقش

عظيمة يامصر
بحبك يابلادي

اسيره الاحزان يقول...

عندك حق انا فرحااااااااااااااااانه جدااااااا انهارده كان يوم عيد بالظبط

الاعداد اللى نزلت اعداد رهيييييييييييييبه

لو النتيجه طلعت نعم انا مش هزعل عشان الاغلبيه عايزه كده

اسيره الاحزان يقول...

بجد اللى حصل انهارده حاجه تفرح اوووووووووى

أبوحميد يقول...

أنا مدونتى ضاعت للأسف
ربنا يسهل وأستطيع إسترجاعها

MTMA89 يقول...

مبروووووووووك يا دكتورة :)

فعلا.. امبارح كان كيوم عيد.. و الكل شارك بإيجابية.. و إن شاء الله ده هيوصل بمصر للأحسن..


تحياتي

محمد
:)

Foxology يقول...

والأهم اننا قدرنا نفهم وناس كتيرة قدرت تفهم وحست انها بتعمل حاجة مهمة للبلد وللأجيال اللى جاية :)

تحياتى

Mahmoud Ahmed يقول...

صـــــــــــــــــح
والمهم كمان ان الناس كلها نزلت و الناس طلعت واعيه و ناصحه ^_^

gogo!sf يقول...

طبعا عندك حق جدا المهم اننا حاسين ان رأينا هيتسمع ولاول مرة نقول لاء ونعم بممزاجنا ومش مجبارين عليها بس المهم النتيجه تكون فعلا صحيحه

ملحوظه على جنب يا علا
احساسك وانت فى مظاهرة مختلف تماما عن يوم الاستفتا رغم انى كنت سعيده جدا بردو
انما وانا فى المظاهرة كانت سعيده اكتر واحساس مقدرش اوصفه بجد يمكن عشان كنت اول مرة اشارك فى مظاهرات

سيبك انتى المهم رأينا مسموع وبس
جوجو

صيدلانيه طالعه نازله يقول...

لـــــــولا

للاسف يا لولا هيا دى الكارثه فعلا
كل القوى السياسيه بتستغل جهل الناس البسيطه و تملى عليهم ما يتوجب عليهم فعله
زى ما يكونوا اوصياء عليهم

صيدلانيه طالعه نازله يقول...

شمس النهار

انا فضلت ادور على لجنه مش فيها زحمه لغايه اما لقيت و مش طولت بس اللى لاحظته ان الناس كلها كانت مبتسمه وسعيده جدا حتى اللى كانوا واقفين فى طوابير طويله اوووى وطولوا فى الوقت

اليوم كله كان يجنن

صيدلانيه طالعه نازله يقول...

اسيره الاحزان

اليوم فعلا كان ليه طعم تانى من اوله
و رغم ان المؤشرات كلها بتقول ان النتيجه نعم للتعديلات الا انى مش زعلانه
لان المره دى الانتخابات كانت حقيقيه مش زى زمان خالص

صيدلانيه طالعه نازله يقول...

أبوحميد

ليه كده حصل ايه يا باشمهندس
اتهكرت ولا ايه؟؟

صيدلانيه طالعه نازله يقول...

MTMA89

ايا كانت النتيجه اكيد هتوصلنا للاحسن

نورتنى

صيدلانيه طالعه نازله يقول...

Foxology

فعلا ده احلى ما فى الموضوع

نورتنى

صيدلانيه طالعه نازله يقول...

سبايدرمان

الناس فاقت ومحدش هيتحكم فيها تانى

صيدلانيه طالعه نازله يقول...

gogo!sf

اكيد احساس المظاهره مختلف جداااااا انا متاكده
بس اللى مش شارك فيها واول مره يشارك فى الاستفتاء او الانتخابات زى حالاتى كان طاير من الفرحه و حاسس انه فخور بنفسه

من الاخر كل اللى شارك فى اى حاجه من حقه يفتخر ويرفع راسه ويقول انا مصرى

نورتينى يا قمر

Tamer Nabil Moussa يقول...

كان يوم عالمى واكثر من رائع


الناس كلها فرحانة

لانها اول مرة تحس ان صوتها لية قيمة

مع خالص تحياتى

مدونه ما كفايه بقى يقول...

كلامك مظبووووووووط

والف الف مبروك لمصر

بجد بجد النهارده عيد مش علشان النتيجه طلعت نعم

علشان لقينا إن صوتنا مؤثر ولأول مره

عقبال كل الخطوات الجايه على طريق الديمقراطيه

تحياتى لكى دكتورتى

مدونة رحلة حياه يقول...

السلام عليكم
عندك حق فعلا مش مين قال نعم مش مهم مين قال لا الكل عاوز مصلحة البلد وكل واحد له رؤيته ولازم الاخر يحترمها
مهم قوى دلوقتى اكتر اننا نتقبل النتيجة مهما تكون ونتشغل ببناء بلدنا اعتقد دا الاهم

sony2000 يقول...

يارب يكون خير يارب اللهم امين يارب

كلمات من نور يقول...

احنا دلوقتي في مرحلة

يارب النصر لمصر

Noha Saleh يقول...

مش مهم مين قال ايه
المهم اننا قد المسئولية

غير معرف يقول...

السلام عليكم

انا عارفه اني مقصره معاك في التعليق والمتابعه الفتره اللي فاتت ولكن ده كان لظروف :)

عندي بوست وطلب مهم ارجو المساعده فيه :)

http://mal2atlhash3noan.blogspot.com/2011/03/blog-post_24.html

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .