ايوه انا هتغير
ماهو مش معقول يبقى شبابنا اللى خرج يوم 25 يناير
ضحى بنفسه و بحياته عشان بلدنا تتغير
و الحمد لله التغيير اللى كنا فاكرينه مستحيل حصل خلاص
و بقينا شعب حر ومضرب المثل فى الشجاعه
و العالم كله حاليا بقى مبهور بينا و باللى حققناه
و مش قادرين نتغير من جوانا
و عشان التغيير ده يحصل
لازم نناقش سلبياتنا بكل امانه و من غير كسوف ولا خوف
كل واحد شايف حاجه غلط فى شغله ,مجتمعه,بيئه المحيطه
يكتبها و يتناقش فيها مع زمايله و اصحابه
و ده اللى هنعمله هنا
الحمله انطلقت من مدونه
و ياريت كلنا نشارك فيها و نقول كل حاجه مضايقانا حوالينا
و نحاول نغيرها بكل صدق و امانه
وياريت و احنا بنكتب نفتكر قد ايه كانت التضحيات
اللى قدمها الناس الجميله دى عشان نقدر دلوقت نتكلم و نقول
بكل حريه و من غير خوف
لن ننساكم ابدا
هناك 17 تعليقًا:
علا
قرات البوست عند كلمات من نور وقراته هنا
بصراحه انا اتغيرت فيا حاجه بس خايفه ارجع فيها تانى
من فتره وفكرة السفر خارج مصر والاستقرار بعيد جدا عن ارض الوطن تراودنى وباحلم بها ولكن فكرت وقررا انى استقر هنا وابنى هنا واحقق احلامى على ارض الوطن بس بصراحه خايفه اتغير وارجع فى كلامى لانى قلقانه من الوضع الاقتصادى فى الايام الجايه
اتمنى ان روح المصريين اللى اكتشفتها فى الايام السابقه تفضل زى ما هى اننا نحافظ على شوارعنا وعلى بيوتنا وقبل كل ده نحافظ على بعض بجد
زهــــــــراء
انا عاوز اغير المدام
طبعا ده بديهى لاى عاقل
ثم اللى ححصل لى اليوم فى اجتماع
عاجل بالفيديو كونفرنس
قال رئيس مجلس ادارة شركتنا
ان شركة جانسن سيلاج قفلت امس فى مصر
طبعا جالنا مغص انا وزمايلى
فسالته زميله صديقه
هل شركتنا هتقفل ولا هتخفض عماله بس
قال لها
لايستطيع تقرير ذلك الان
لكن
من المفترض ياخذ قرار بايهما حسب
خسائر الانتاج وركود السوق
قبل اول ابريل
لان الان معركتنا تشغيل المصانع مره
اخرى
وتوفير المواد الاوليه لللانتاج
وشكرا للثوره
مش الوزراء الفاسدين بس اللى لبسوا
الجلابيه......البقيه تاتى
الثورة غيرت فية حاجة هى الامل والتفائل فقد كنت متشائمة جدا وخاصة على حال اولادى فدائما كنت اسال ما مصير اولادى فى بلد تعانى من الفقر والبطالة ولكن رجع لى الامل فى الغد وانتهى الخوف من داخلى واصبحت متفائلة و حرة واشم نسيم الحرية
تحياتى لكى على فكرة البوست
انا مش عايزه اشوف طوابير فى البلد خاااااااااااااااالص
وياريت اى تقديم على اى حاجه او اى حجز يحاولوا يعملوه ع الانتر نت وبكده هنخفف كتيييير من الزحمه والطوابير اللى تقرف دى
حمله جميله جدا
واتمنى نعائم الثوره تعم على جميع عناصر
الشعب وخاصه الذين يطهدون الثوره حتى الان
ثقافة الهزيمة .. أنها حقا عائلة محترمة
فى 6 فبراير 2011 نشرت شبكة الأخبار الأمريكية CNN كشفت صحيفة الجارديان البريطانية نقلا عن محللين مختصين بشؤون الشرق الأوسط قولهم أن ثروة الرئيس المصري حسني مبارك بلغت نحو 70 مليار دولار، جزء كبير منها موجود في بنوك سويسرية وبريطانية، أو على شكل عقارات في لندن ونيويورك ولوس أنجلوس، أضافة إلى ممتلكات خاصة على طول شاطئ البحر الأحمر، وقال تقرير أن المصدر الرئيسي لهذه الثروة هو أطلاع الرئيس على صفقات أستثمارية حققت مئات الملايين من الدولارات لمصر، ولهذا تم نقلها إلى حسابات سرية في بنوك أجنبية، أو أستثمارها في البورصات العالمية والعقارات، وأكد التقرير أن علاء وجمال مبارك هم إيضا من أصحاب المليارات، ونقلت الصحيفة عن أماني جمال، أستاذة العلوم السياسية في جامعة برينستون، قولها أن ثروة العائلة تتراوح ما بين 40 و 70 مليار دولار، وهي أرقام تقارب ثروات بعض من زعماء دول الخليج، الغنية بالنفط...
باقى المقال ضمن مقالات ثقافة الهزيمة بالرابط التالى www.ouregypt.us
كل حد بأذن الله
بنتغير بجد
وبأذن الله ربنا معانا:)
الحمدلله .. على كل ماتم للثورة
و إن شاء الله كلنا هنكون مع الثورة و نعود ببلدنا لتتنافس في كل المجالات
و ده مش هيتم غير بان كل واحد يغير أسوأ ما في نفسه و يغير كل ما هو سيء حوله
تقبلي مروري
محمد
:)
في حاجات كتير نفسي تتغير فيه وفي البلد
بس اهم حاجه قدرت اغيرها هي السلبيه
واني اتكسف اتكلم عن اي غلط كنت بشوفه
نفسي المصريين يفضلوا على نفس الأخلاق الي شوفناها الأيام الي فاتت
ويارب مصر تبقى احسن بلاد الدنيا
ندعو الله ان يساعدنا علي التغيير يادكتور ونتمني بكرة يكون افضل
تحياتي للبوست الهادف ده
هو ده الكلام الصح
اننا نجتهد اننا نبقى كويسين
و نحافظ على بلدنا و نعمل على تطوير انفسنا و تطوير البلد
كلنا بنحبها و ان شاء الله تبقى كويسه و احسن بلد فى الدنيا
هنتغير بإذن الله يادكتر
جعلتني عصبي شوية لاني متخوف عليها من الالتفاف والاجهاض
لكنني متفائل بشدة
فعلا لازم الناس تتغير وتكون أكثر إيجابيه في مقاومة الفساد والظلم والتخلي عن السلبيه التي دمرت حياتنا ،
تحياتي
يكفي الأجيال الجديدة من هذه الثورة أنهم استعادو الشعور بأنهم في بلدهم و ليسوا في عزبة
يارب يكون التغيير للأفضل ان شاء الله ، قلوبنا معكم وهنيئا لكم بالحرية والكرامة .
هتتغيرى؟
هتبقى زملكاوية مثلا؟
إرسال تعليق