الأربعاء، ديسمبر 29، 2010

كل سنه و احنا قلوبنا على بعض




ساعات قليله قوى تفرق بيننا وبين السنه الجديده

سنه طوييييله قوى كانت 2010 احداثها كتيره اوووى  بالنسبالى انا على الاقل

اتعرفت على ناس كتير جدا ناس كانوا موجودين من الاول بس قربنا اكتر من بعض

و ناس ظهروا لاول مره فى حياتى

سواء دول او دول انا اتعلمت منهم كتييييييييير اوى

استفدت بقى او اتضريت مش مهم المهم فعلا انى اتعلمت

حد من بعييييييييد كده حيضحك نص ضحكه و حيقول و الله انتى عمرك ما حتتعلمى حاجه ابدا

لا بجد بقى اتعلمت كتير من التعامل مع كل البشر

اللى عايزه اقوله بقى لكل الناس اللى عرفتها

الناس اللى معايا ومازالوا يعرفونى عايزه اقولهم انا بحبكم اوووى و ووجودكم فى حياتى منورنى و مفرحنى

الناس اللى زعلوا منى فى اى حاجه انا عملتها عايزه اقولهم سامحونى ماكنش قصدى و حقكم عليا و برضه بحبكم جدا

عايزه اقول لولادى و اسرتى ربنا يخليكم ليا و ربنا يبعد عنا كل شرور الدنيا



كل سنه و احنا طيبين و مبسوطين و فرحانين و قلوبنا على بعض

كل سنه و احنا  مستخدمين ايدينا فى الطبطبه على بعض

مش فى اننا نضرب بعض بيها

كل سنه و احنا عينينا مساعدانا اننا نشوف بيها كل حاجه حلوه 

كل سنه و لساننا بيقول كلمه الحق و قادر يعتذر عن الغلط اللى قاله

كل سنه و كل انسان عرفنى راضى عنى و مبسوط من وجودى فى حياته


كل سنه و انتوا كلكم طيبين و انا معاكم طبعا

اه نسيت اهم حاجه

عايزه اقول لكل انسان زعلان من اى حاجه


افتح قلبك تفرح

:)


هناك 59 تعليقًا:

Ramy يقول...

كل سنة و انتِ طيبة يا دكتورة

بجد يا دكتورة أنتِ من الناس اللى حببونى فى التدوين

عارفة انتِ اول بوست قريته عندك هنا كان ب}جة الخير

و كُنتى رايحة مخصوص من أسيوط (:

بجد السنة دى فيها إيجابيات كتير ليا

الحمد لله

الحمدلله

شكراً يا دكتورة (:

سندباد يقول...

كل سنة وانتي طيبة يادكتور وربنا يحافظ عليكي وعلي اهل بيتك وتبقي السنة الجاية افضل ليكي ولينا
حضرتك شخصية جميلة ومحترمة وسعداء اننا اتعرفنا عليكي
تقديري واحترامي

FAW يقول...

كل سنة وإنتي وكل الناس طيبين

Mona Hekal يقول...

كل سنة و انت طيبة يا احلي علا دخلت حياتي -------اساسا معرفش واحدة تانية اسمها علا :))
ان شاءالله سنة جديدة سعيدةعليكي و علي اسرتك

مدونة رحلة حياه يقول...

السلام عليكم
كل سنة وانتى طيبة واسرتك طيبة
كل سنة وكل الناس طيبين وعلى بعض خايفين وبإيدين بعض ماسكين ولطريق الفرح ماشين
كل سنة واهل فلسطين والعراق وسوريا ولبنان وكل شبر عايش فيه حد من اهلنا او حتى مش من اهلنا كل سنة وهما كلهم طيبين
يارب يسامح على كل اللى فات ويطيب كل اللى جاى
كل عام انتم بخير

;كارولين فاروق يقول...

كل سنه وانت طيبه
وربنا يجعل السنه الجديده
كلها خير وسعاده
علينا كلنا

Unknown يقول...

كل سنه و انت بألف خير و سعاده مع أسرتك الجميله أنا سعيده جداً اني اتعرفت على شخصيه جميله و على طبيعتها زيك
تحياتي و حبي و احترامي ليكي

Zouka's يقول...

كل سنه وانت طيبه
بس بلاش الجو ده
ثلج مطر ثلج فى اسيوط
وعجبى,,,,,,,,,,

شمس النهار يقول...

كل سنة وانتي طيبه وبخير وسعادة

وبصحة وربنا يريح قلبك

كل سنه وانتي في طاعة لربنا اكتر

وغفران وهداية ونور

ربنا يجعله عام سعيد عليكي وعلي اسرتك

:))

لــــ زهــــــراء ــــولا يقول...

لوله

كل لحظه وانتى بخير وياااااااااارب يجعل سنة 2011 كلها خير وسعاده عليكى وعلى كل احبابك ....

يارب فى السنه الجايه اشوفك تانى ونقعد نتكلم مع بعض كتيييييييير ونشرب عصير مانجو وجاتوه ميل فى مربى هههههههههه

افتح قلبك تفرح
ربنا يفرح قلوبنا يا اغلى لوله

زهراء

ألمــــــــــس قلـــــــــــــبى يقول...

كل سنه وانت طيبه
وربنا يجعل السنه الجديده
كلها خير وسعاده
للجميـــــــع

إنسان || Human يقول...

كل سنة وانتي طيبة ...أتمنى انك تحققي كل امانيكي في السنة الجاية

sony2000 يقول...

كل سنه والكل طيب وكويس
واللي جاي
احلي من اللي راح:)
بس خلاص

غير معرف يقول...

كل سنة وانتى طيبه يا لولتى
عام جديد سعيد عليكى وعلى اسرتك وعلى الجميع يااااارب

وتحققى كل اللى تتمنيه
يارب

*****

adel يقول...

كل سنة وانتي طيبة ياحماتي وسنة سعيدة حلوة لذيذة عليكم كلكم ان شاء الله :)

reemaas يقول...

كل سنة وانتى ياعلى وكل اسرتك وكل اللى تحبيهم بخيير

كل سنة واحنا كلنا حوالينا اللى بنحبهم ويحبونا

كل سنة وكلنا امل ان لسه فيه امل

eng_semsem يقول...

كل سنه وانت بصحه وبخير وفي سعاده دايمه وتكون سنة 2011 سنة تحقيق كل امانيكي واحلامك وتتمحي فيها كل احزانك
كل سنه وانت بخير انت والاسره الكريمه

Carmen يقول...

كل سنة وانتي طيبة حبيبتي وسنة جديدة جميلة عليك يارب

البنفسج الحزين يقول...

كل سنه وانتي واسرتك بألف خير وأكثر سعاده ان شاء الله

مصطفى سيف الدين يقول...

كل سنة وانتي طيبة ومصر والامة العربية كلها بخير
وان شاء الله 2011 هتكون احسن من 2010

من كل بستان زهرة يقول...

كل سنة وانتي بخير وسعاده يا دكتوره

والسنة الجديده تكون اولها طاعه
واخرها ثواب وأجر

غير معرف يقول...

كل سنة و انت طيبة و بصحة و سعادة انتي و و زوجك و اولادك و عائلتك كلها
ربنا يجعل 2011 أفضل علينا جميعا

لــــ زهــــــراء ــــولا يقول...

حد من بعييييييييد كده حيضحك نص ضحكه و حيقول و الله انتى عمرك ما حتتعلمى حاجه ابدا
" هههههههههههههه "

كل سنة وانتي طيبة يا لوله وبسعادة وحب
لولا

غير معرف يقول...

كل سنه وانتي طيبه وبخير :)

تحياتي

صيدلانيه طالعه نازله يقول...

Ramy

الحمد لله على الشر قبل الخير
انت كمان يا رامى من الايجابيات اللى ظهرت فى التدوين السنه اللى فاتت
ربنا يحققلك كل اللى تتمناه

صيدلانيه طالعه نازله يقول...

سندباد

ميرسى ربنا يخليك
كل سنه و حضرتك طيب و بخير

صيدلانيه طالعه نازله يقول...

FAW

كل سنه و حضرتك طيب
و سنه سعيده عليك و علينا

صيدلانيه طالعه نازله يقول...

Mona Abo - Elso3od

طبعا يا منمن انا الاولى و اللى حيجى بعدى حقتله
ههههههههههههههههههههههههههه
كل سنه و انتى احلى من السكر

صيدلانيه طالعه نازله يقول...

مدونة رحلة حياه

ربنا يتقبل منك كل امنياتك الجميله دى
سنه سعيده عليك ان شاء الله

صيدلانيه طالعه نازله يقول...

;كارولين فاروق

يااااااااااارب
ان شاء الله
علينا و على كل الناس

نورتينى

صيدلانيه طالعه نازله يقول...

شيرين سامي

لا بقى يا ستى
انا اللى سعيده اكتر
انى اتعرفت عليكى لسببين ربما يكون لهما ثالث و كمان رابع
انك زميله نقابه اولا
انك مدونه موضوعتها تجنن ثانيا
انك دمك خفيف ثاثا
افكر فى رابعا و ارجع اقولك

منورانى يا شيرى
و كل سنه و انتى وولادك و الهاسباند بخير و صحه

صيدلانيه طالعه نازله يقول...

Zouka's

كل سنه و انت طيب و جنبى و منورنى دايما
اما التلج ده
فانا اعتبره انجاز تاريخى بكل المقاييس
و يستحق ان نسجله من احداث العام المنصرم
هههههههههههههههههههههههه

صيدلانيه طالعه نازله يقول...

شمس النهار

ربنا يخليكى يا احلى شمس
ربنا يجعلها سنه بيضه و سعيده علينا كلنا ان شاء الله

نورتينى

صيدلانيه طالعه نازله يقول...

زهراااااااااااااااا

مش بحب الميل فى بالمربى و انتى عارفه و قاصده تختاريه بالمربى عشان مش اكل
ماااااااشى يا زهرا

كل سنه و انتى طيبه و بخير و سعاده و ربنا يتوب عليكى من المذاكره يا اختى
و ترجعى لعقلك و تنضمى لفريق المدونين المتفرغيييييين

منوراااااااانى

صيدلانيه طالعه نازله يقول...

ألمــــــــــس قلـــــــــــــبى

و حضرتك طيبه و بخير و سعاده

نورتينى

صيدلانيه طالعه نازله يقول...

Hu-man

يااااااااااااارب

كل سنه و حضرتك طيب

نورتنى

صيدلانيه طالعه نازله يقول...

sony2000

كل سنه و انتى طيبه
و عسوله
و زى العسل
و و و و
بس خلاص

صيدلانيه طالعه نازله يقول...

الحــب الجميـــل

كل سنه و انتى طيبه يا حبى
و دايما منورانى و مبسوطه بيكى
على فكره بقى
انتى من الاحداث الايجابيه اللى حصلتلى السنه اللى فاتت
انى اتعرفت عليكى
ربنا يخليكى ليا يا جميييله

صيدلانيه طالعه نازله يقول...

adel

كل سنه و انت طيب يا عادل
عشان السنه الجديده و العيد اللى قرب
ها
فين كيس المثاثات؟؟؟

صيدلانيه طالعه نازله يقول...

ريمااااااااس


كل سنة واحنا كلنا حوالينا اللى بنحبهم ويحبونا

كل سنة وكلنا امل ان لسه فيه امل

الللللللللللللللله عليكى
حلوين اوى الدعوتين دول
منا ومنكم و لنا و لكم ان شاء الله

صيدلانيه طالعه نازله يقول...

eng_semsem

آمييييييييييين يارب العالمين
نورتنى

صيدلانيه طالعه نازله يقول...

carmen

ميرسى يا قمر
على الكلام الجميل
كل سنه و انتى محققه اللى تتمنيه

صيدلانيه طالعه نازله يقول...

البنفسج الحزين

كل سنه و انت طيبه و بصحه و سعاده دايما

نورتينى

صيدلانيه طالعه نازله يقول...

مصطفى سيف

ياااااااااارب تكون احسن ان شاء الله

نورتنى

صيدلانيه طالعه نازله يقول...

من كل بستان زهرة

اللهم امين
كل سنه و انتى طيبه و جميله

صيدلانيه طالعه نازله يقول...

يوميات شحات

ميرسى ربنا يخليك
نحن و اياكم ان شاء الله

كل سنه و حضرتك طيب

صيدلانيه طالعه نازله يقول...

لولااااااااااااااا

اوعى تكونى انتى يا هانم اللى ضحكتيها
هههههههههههههههههههههههههههه

كل سنه و انتى طيبه و زى السكر و محققه كل اللى تتمنييييه

نورتينى

صيدلانيه طالعه نازله يقول...

فتاه من الصعيد

ميرسى حبيبتى ربنا يخليكى
كل سنه و انتى الى الله اقرب

نورتينى

قلم رصاص يقول...

كل سنه وانتي طيبة يادكتور

وان شاء الله سنه سعيدة على حضرتك وعلى كل الناس ^^

تقبلي مروري وتحيتي
^^

عمرو يسرى يقول...

كل سنه وحضرتك واسرتك طيبين وبخير
وسعداء

Noha Saleh يقول...

كل سنة وانتى بخير وصحة وسعادة
يارب تكون سنة سعيدة عليكى وعلى احبائك وتحققى اللى تتمنيه كله

Magdy Hatem يقول...

كل سنة وانتي والجميع طيبين
ويارب السنة الجاية تكون خير عليكم وعلينا
وعلي الجميع

صيدلانيه طالعه نازله يقول...

قلم رصاص

ميرسى ربنا يخليك
كل سنه و حضرتك طيب و سنه سعيده على الجميع

تحياتى

صيدلانيه طالعه نازله يقول...

عمرو يسرى

و حضرتك طيب و بالصحه و السلامه

نورتنى

صيدلانيه طالعه نازله يقول...

Noha Saleh

ميرسى يا نهى
كل سنه و انتى طيبه و اسرتك الصغيره بخير وصحه و سعاده

نورتينى

صيدلانيه طالعه نازله يقول...

Magdy Hatem

كل سنه و حضرتط طيب
و سنه بيضا على كل الناس

نورتنى

محمد التركى يقول...

السلامو عليكم

كل سنه وحضرتك طيبه وبخير وبسعاده
وتحققى كل اللى تتمنيه

فعلا السنه دى كانت سنه غريبه جدا مع اغلب الناس
سنه عنيده مرت بفروغ الصبر
انا شخصيا زهقت منها قووووى

ربنا يجعل 2011 سنه كده خفيفه على قلوبنا
يارب

تقبلى مرورى

تحياتى
محمــد التركــى

Casper يقول...

كل سنة وحضرتك طيبة
وسنة سعيدة عليكي

Zouka's يقول...

سنه بيضه قوى

واضح ان بياضها زايد ربنا يستر وتعدى على خير

استر يا رب

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .