السبت، أغسطس 21، 2010

قاهره الموبايلات











بقالى كتير مكتبتش حاجه و لا اتكلمت معاكم و لا حكيت و رغيت

اصلى بصراحه بقيت بحكى اكتر عالفون

طبعااااااااااااااااا و متكلمش ليه مهو المكالمه بقت حاجه ببلاش كده

الساعه تقريبا بقت بحوالى اقل من الجنيه بشويه

و كل ما تشحن تاخد دقايق مجانيه و رسايل مجانيه برضه

و النتيجه ان الواحد بقى طول النهار و الليل حاطط التليفون على ودنه

انا قربت انام و انا حاطه الفون على ودنى عشان احلم بحلم ناطق

ههههههههههههههههههههههههه

و طبعا اكيد كل الحاجات دى تكون ليها خساير تانيه غير تمن المكالمه

اول خسايرها انى حرقت شاشه موبايلى الجديد اللى مش كمل تلات اسابيع

و اما كشفوا عليه فى الصيانه قالوا انهم لقيوا جواه سوائل

طبعا السوائل دى هيا العرق اللى بيلمس التليفون من وشى نتيجه الحر و الكلام الكتير

و بسبب السوائل دى التليفون اتصلح على حسابى مع انه  لسه فى الضمان

و دفعت مبلغ و قدره

اللى فهمته بعد تفكير عميق فى الموضوع ده

ان التليفونات دى متصنعه عشان الناس تتكلم فيها بالكتير خمس دقايق و تقفل

لكن بعد العروض الكتيره االلى بقت موجوده و اللى وصلت لسعر الدقيقه انه يكون 

اقل من خمس قروش بقت الناس بتحكى براحتها و مش يهمها حاجه

فين ايام ما كانت الدقيقه باتنين جنيه و كان الواحد يتكلم كل الدقيقه و هو باصص على العداد

لاحسن يدخل فى الدقيقه اللى بعدها

بس ايامها لا كان فيه تليفونات بتبوظ و لا حد بيجيله مشاكل فى ودانه و لا حاجه ابداااااااااا

و دلوقتى بقى احب اوجه نداء لشركات المحمول

ارفعوا اسعار المكالمات تانى  الله يكرمكم







هناك 58 تعليقًا:

ويكا يقول...

هههههههههههههه

انا بضحك على النداء الاخير ده بصراحه ، لانى حاسس انه طالع بصدق

وموضوع السوايل ده كمان حكايه.
حسيت فيه كده انها عصارة الكلام والرغى.

عموما حودا عميداً ، وكل سنه وانتى طيبه.
يووووووهقصد ان
عوداً حميداً ، وكل سنه وانتى طيبه.

Ramy يقول...

اقدر اقول

حمد الله ع السلاااااامة (:

طب واحنا مالنا يعنى انت تبوظى الأجهزة

و احنا يغلولنا الدقيقة ليه هاااا

و اول تعليق

(:(:

رمضااااان كرييييم

Ramy يقول...

يارب اكون اول تعليق

ههههههههههههههه

فاتيما يقول...

هههههههه

انا موافقة ع الكرار دا
انتى عارفة محبتى للنوبايلات
من معماميق امعاقى يعنى


ازيك الاول ؟؟

و ازاى العيال و ابوهم ؟

هتيجوا الفطار ؟؟
يا ريت

اصلك وحشتينا كلنا
مش انا بس
يا ريت لو تقدرى

و الكلام ف الموبايل مخليكى بطلتى تكتبى
اولع ف شبكات المحمول انا و ميقولش فاتيما اتجننت و لا إيه نظامكو ؟!!

كل سنة و انتى طيبة
يا قاهرة الموبايلات انتى

بوسيلى سيف و الغزالون يهبلون
و احضنيلى روحك

رمضان كريم يا ست انتى
و دول عشان القمرين
۩ - ۩

FAW يقول...

أنا الحمدلله بزنس كنترول و مبيجليش ولا دقايق مجانية ولا رسايل مجانيه D:
كل سنة و إنتي طيبه . .

ميرا ( وومن ) يقول...

هههههههههههههههههههههههه عندك حق والله احنا نعمل حملة علي الفيس بوك نطالب فيها برفع سعر الدقيقة حرصاً علي صحة المواطنين

اللي هما احنا يعني

حمد الله علي السلامة نورتي المدونة

Unknown يقول...

و الله يا ريت يلغوها خالص ، عشان الواحد يعرف يهرب من أي حد عايزه من غير مايتجاب من قفاه بالموبايل

إيمان يقول...

هههههههههه جامد الكرار ده
بس هيزعل ناس كتير لو الدقيقه اتلغت
داانا مامتى مش وراها غيرى بصراحه ياريت يتلغى
تروح الشغل وكل شويه تكلمنى
تصحينى وتفكرنى بشغل البيت واعملى كذا وكذا
دا جه على رأسى انا ههههههههههههههه
وحمدلله على السلامه
وكل سنه وانتى طيبه يادوك ياقمر
تحياتى وحبى

Zouka's يقول...

ابو بلاش كتر منه

ستيتة يقول...

هههههههههههههههههههههههه
فداكي الموبيل
المهم ربنا يسلم النفوخ :)
كل سنة وانتي واسرتك الكريمة طيبة يا لولو هانم

أع ـقل مـ ج ـنـونــة يقول...

هههههههههههههههههههه

طب ما في حل تاني يادكتورة :D

جيبي هاند فري وعيشي :D :D

احنا كشعب مصري مسالم بنحب نستغل كل حاجة حتي عروض الموبايلات

طب تصدقي ..

ليا حد قريبي كدا كان كل ما عرض ينزل ببلاش علي الموبايل كان بيشتري خط الشبكة لو مش معاه ^_^

لحد ما بقي معاه التلت خطوط

واعرف حد تاني كل ما عرض ينزل شغل خط من اللي تحت البلاطة

طب دا الخطوط دلوقتي مع الناس بقت زي الدهب كدا واكتر :D :D

ههههههههههههههه

كل سنة وانتي طيبة ياقمر ورمضان كريم ^_^

هوبتي يقول...

اولا ازيك يا دكتوره وحشتيني جدا ورمضان كريم
ثانيا لالالالالالالالالالالا لالالالالالالالالالالالا لالالالالالالالالالالالالالالالا
اوعي اي شركة تليفون تسمع كلامها لان في ناس غلابه زاي حلاتي مش بيتحملوا بجد انا اهو برغم ان الدقيقه اقل من 5 قروش الا انا جلده ايحه ما بتكلمش اكتر من دقيقه او اتنين بالكتير فا حرام يغلوه فيه بشر زاي حلاتي يعني مش لقين اللقمه
ثالثا الف سلامه علي موبايلك

لــــ زهــــــراء ــــولا يقول...

علاااااااااااااااااااا

ابو بلاش كتر منه
كل ده بينافسوا الفون الارضى يا بنتى دى سياسه اعلانيه وبعدين اشترى هاند فرى عشان الموبايل الجديد
وبلاش نداءت الله يكرمك لان موبينيل بتسمع دبة النمله وانا مش ناقصه

زهراء

غير معرف يقول...

كل سنه وانتي طيبه

وخليكي محضر خير

يغلوا ايه بس

احنا نلم لك كل ما موبايلك يبوظ وخلاص

Unknown يقول...

فداكى الموبايل وبلاش النداء دا اللى الشعب المصرى والعربى كمان هيدعى عليكى بسببه بس انا مش معاهم ...انا متضمنة معاكى بس من بعيد العمر مش بعزقة

Abd-Alrahman يقول...

هههههههههههه
مش انتي بس والله كلنا
انا بجد فعلا بنام والموبايل مفتوح والمكالمة لسة شغالة
وخصوصا بقي بيدايقني الموضوع دة ايام المذاكرة والامتحانات
بكون ناوي اتكلم دقيقتين
الاقيهم بقوا كام ساعة كدة في ثواني

ههههههههههههههههه

انا كمان والله حصل معايا نفس الي حصل معاكي في الموبايل
بس انا نشفته بالسشوار بتاع الشعر والشاشة اشتغلت تاني

كل سنة وانتي طيبة يا دكتورة
يارب الايام تعدي عليكي بخير

منتظر زيارتك

تحياتي /الصيدلي المطحون

Foxology يقول...

ومين اللى قال انهم عاوزين تبقى المكالمات غالية ؟؟؟ بالعكس من مصلحتهم انهم يرخصو سعر الدقيقة لأقل سعر ممكن علشان نظرية العرض والطلب

عموما قدر الله ما شاء فعل بالنسبة للتليفون

تحياتى ورمضان كريم

قوس قزح يقول...

حمدلله على السلامة
فداكى التليفون
العيب مش فى رخص المكالمة
فى امريكا الكلام ببلاش و مع كده مفيش حد فيهم بيرغى فى التليفون اكتر من 5 دقايق ..تفتكرى ايه السبب ؟؟

كل سنة و انتى طيبة
و حاولى تيجى الفطار

همس الاحباب يقول...

هههههههههه
ابو بلاش كتر منه
دى سياسة استخدام خاطىء مع الاسف
والمصرى استاذ فىالرغى على الفاضى والمليان
فداكى الموبيل والمكالمات المجانية
وكل سنة وانتى والاسرة الكريمة بخير
رمضان كريم

تيمور يقول...

كل عام وانتى بخير

اية الدعوة دى

لازم نجتمع ونرفع عليكى دعوة حق بقى ههههه.

بس يلا المسامح كريم

تحياتى

P A S H A يقول...

مش اسمها إيه كانت بتغني :

أدينا بندردش ورانا إيه ؟

كل سنة وأنتِ طيبة وبألف خير وصحة وسعادة أنتِ وأسرتك الكريمة ورمضان كريم

:)

richardCatheart يقول...

وحشتينى يا لالا كل سنه وانت طيبه

مبسوطه اوى انى جيت لقيت البلوج هنا اشتغل وفى بوست لانه ليه معازه خاصه
عندى حقيقى

طبعا النوبايل دلوقتى معمول على بورده
وتاتش مش زاى النوكيا 5110 الشبشب بتاع زمان والايركسون القوبقاب كنا نضربه فى الحيطه يرد فى دمغنا يفتحها تمنيات سبعات من غير تردد

كله بيغلى الا دقايق الموبايل هما يرخصو واحنا بنديها كلام الله ينور

اشنحلنى شكرا اشحن كلملى بابا يشحن
هههههههه

dr.lecter يقول...

بياكلوا علي قفانا فلووس ياما

عاوز اشتغل في موبنييل

صيدلانيه طالعه نازله يقول...

ويكا

هههههههههه
كل سنه و انت طيب
و بصراحه النداء طالع من اقصى معاميق قلبى و الله
اصل فلوس التصليح لسه مبردتش

منورنى

صيدلانيه طالعه نازله يقول...

Ramy

عااااااااااااااا
بقولكم الموبايل باظ من كتر الرغى
هو محدش ليه متعاطف معايا فى البلد دى

و انا اللى بقول عليك طيب يا رامى يا اللى كنت سامى

منورنى

صيدلانيه طالعه نازله يقول...

Ramy

احسن يا رامى
مش اول تعليق
نياهاااااااااا

صيدلانيه طالعه نازله يقول...

فاتيما

اولا وحشتيييييييييييييييييييييييينى
جدااااااااااااااااااااا
و لاخر ما اقدر اقول
و احب من هذا المكان اقولك انا فضيتلك يا فوزيه
قصدى يا تيما و مبقاش عندى غيركم
واخدالى بالك انتى
هههههههههههههههههههههه

طبعا انا عارفه حبك الشديد و العجيب للنوبايلات و عارفه انك من المؤيدين لى و لحكومتى

موضوع الفطار صعب اوى يا تيما
لانى كنت لسه فى كايرو اليومين اللى فاتوا و مش حقدر انزل تانى
بس قلبى معاكم و وسطكم و بحبكم

و بحبك انتى اكتر

صيدلانيه طالعه نازله يقول...

FAW

طب و الله احلى حاجه
روح يا شيخ ربنا يبعد عنك الرسايل و الدقايق قادر يا كريم


منورنى

صيدلانيه طالعه نازله يقول...

ميرا ( وومن )

اوووووووووووك انا معاكى يا ريسه فى الحمله دى
بس المهم منرجعش بعدها نعمل مظاهره لتخفيض سعر الدقيقه تانى
هههههههههههههههههه

وحشتينى جدااااااااااا

صيدلانيه طالعه نازله يقول...

ELMOSTAFZ

زمان الواحد كان مجرد ما يخرج من بيته محدش يبقدر يجيبه
دلوقتى ممكن كمان يجيبوك فين بالضبط عن طريق التتبع
هههههههههههههههههههه
و من العلم ما خنق

منورنى

Maha Shahen يقول...

هههههههههههههههه
ليه الاذيه دى بس زى ما بيقولو خلى الشعب يعيش
يا بنت الحلال كل انسان ولازم يستوعبها بعقله
ياخد اللي يفيده وبس تكتر العروض او تقل نستخدمها فى حاجه تفيدنا وبس

عارفه فكرتينى بموضوعك دا بحد كان جاله رصيد مجانى ملقاش حد يكلمه قال لأخته هتصل بيكى وافضلى فاتحه التليفون فبتقوله ليه قالها علشان الرصيد المجانى ميروحش عليا قالتله والشحن
نستفيد من الكلام دا ان الاتنين بخله اصلا ههههههههههههه

سواحة يقول...

بصى يا لولة
لمعزتك عندى و الله
و فى رمضان الكريم المبارك

انا حبعت فيكى بلاغ للنائب العام
بس هو يسلت ايده من لمس اللوحات و يبطل يشوف حتزمر و لا مش حتزمر :-)
اساسا الكهرباء مقطوعة حتزمر ازى معرفش الراجل ده دماغه ساحت من الحر معانا :-)
المهم
حقولة
لولة حبيبتى الى طالعة نازلة فى جمهورية مصر العربية و مفضيتش توقف تسلم حتى فى السكة
ملهاش دعوة باللوحة استنى بس اسمعنى او اقرا بلاغى الاول
لولة بقى يا سيت النائب
بتخلص على كل حاجة
على موبيلات
على ارصده موبيلات عند الناس الثانية :-) و خصوصا الحبايب
على فلوس و جيوب الغلابة الى عندهم موبيلات و مش على نظام فودافون
و كل ده و علشان غلاوتها و الله و احنا مستحملنها :-)
اصل اشمعنى مستحملين هو و منستحملهاش يعنى
مش هى ليها نفس الغلاوة برضه و مستعدين نهتف وراها بالروح بالموبيل بالرصيد نفديكى يا لولة و بدون اى تىشيرتات او بوستارات

بس الى مش ممكن اقبله منها خالص
انها جابت عدة :-) جديدة و بدون سماعة
يرضيك كده يا سيت النائب
التجريسة ديه
يقولوا الصعايدة ملهومش فى التكونولوبيا
و لا يعرفوا سماعة بلوتوث و لا خاصية الميك و عدتهم غير مقاومة للسوائل
و لا معندهمش المخدة الى بتنام عليها و ترد على التلفون و ترغى فى الاحلام برحتك
يا كسوفى يا كسوفى
لذا اطالب من سيادتكم بتنحية صفة صعيدية عن المبلغ عنها لولة و يستكفى بانها صيدلانية :-))))
اصلهم معروف عنهم مكالماتهم فرطة و ارصدتهم مش فى موبيلاتهم :-))))


شفتى معزتك يا لولة
بقولك ايه انا حبعت اجيب قدرة فول اخذها معايا التخشيبة لما تيجوا يستلقونى :-)
انت بقى عليككى العيش بس يكون مرحرح كده و جميل ماشى
و فطوم حوصيها بس تفتح التعليقات تحجز عند البقال 10 علب حلاوة مش الرشيدى الميزان قبل النور ما يققطع
و نفطر سواء بقى :-)))
داحنا حناكل اكل بس بعد المدفع ما يضرب :-) مش المدفع برضه هو الى بيضرب ؟؟؟؟

سواحة يقول...

بصى يا لولة
لمعزتك عندى و الله
و فى رمضان الكريم المبارك

انا حبعت فيكى بلاغ للنائب العام
بس هو يسلت ايده من لمس اللوحات و يبطل يشوف حتزمر و لا مش حتزمر :-)
اساسا الكهرباء مقطوعة حتزمر ازى معرفش الراجل ده دماغه ساحت من الحر معانا :-)
المهم
حقولة
لولة حبيبتى الى طالعة نازلة فى جمهورية مصر العربية و مفضيتش توقف تسلم حتى فى السكة
ملهاش دعوة باللوحة استنى بس اسمعنى او اقرا بلاغى الاول
لولة بقى يا سيت النائب
بتخلص على كل حاجة
على موبيلات
على ارصده موبيلات عند الناس الثانية :-) و خصوصا الحبايب
على فلوس و جيوب الغلابة الى عندهم موبيلات و مش على نظام فودافون
و كل ده و علشان غلاوتها و الله و احنا مستحملنها :-)
اصل اشمعنى مستحملين هو و منستحملهاش يعنى
مش هى ليها نفس الغلاوة برضه و مستعدين نهتف وراها بالروح بالموبيل بالرصيد نفديكى يا لولة و بدون اى تىشيرتات او بوستارات

بس الى مش ممكن اقبله منها خالص
انها جابت عدة :-) جديدة و بدون سماعة
يرضيك كده يا سيت النائب
التجريسة ديه
يقولوا الصعايدة ملهومش فى التكونولوبيا
و لا يعرفوا سماعة بلوتوث و لا خاصية الميك و عدتهم غير مقاومة للسوائل
و لا معندهمش المخدة الى بتنام عليها و ترد على التلفون و ترغى فى الاحلام برحتك
يا كسوفى يا كسوفى
لذا اطالب من سيادتكم بتنحية صفة صعيدية عن المبلغ عنها لولة و يستكفى بانها صيدلانية :-))))
اصلهم معروف عنهم مكالماتهم فرطة و ارصدتهم مش فى موبيلاتهم :-))))


شفتى معزتك يا لولة
بقولك ايه انا حبعت اجيب قدرة فول اخذها معايا التخشيبة لما تيجوا يستلقونى :-)
انت بقى عليككى العيش بس يكون مرحرح كده و جميل ماشى
و فطوم حوصيها بس تفتح التعليقات تحجز عند البقال 10 علب حلاوة مش الرشيدى الميزان قبل النور ما يققطع
و نفطر سواء بقى :-)))
داحنا حناكل اكل بس بعد المدفع ما يضرب :-) مش المدفع برضه هو الى بيضرب ؟؟؟؟

صيدلانيه طالعه نازله يقول...

emymony

يااااااااااااه يا ايمى
كل ده شايلاه فى قلبك و ساكته
هههههههههههههههههه
كل الامهات كده على فكره
غالبا يا بنتى وبا و بيصيبهم
انا لو منك اقفل الموبايل و اقولها فصل شحن
ههههههههههههههههه

صيدلانيه طالعه نازله يقول...

Ashraf

اه مش كده

صيدلانيه طالعه نازله يقول...

ستيتة حسب الله الحمش

اولا وحشتينى مووووووووووت
من هنا للسنه الجايه
فدايا اه بس مش للدرجه دى
هههههههههههههه
كل سنه و انتى طيبه يا ستيته باشا

صيدلانيه طالعه نازله يقول...

أع ـقل مـ ج ـنـونــة

هههههههههههه
فعلا فيه ناس معاها خطوط من التلات شركات و بتستعملهم حسب اعروض
انا شفت كده كتيييييير

منورانى

صيدلانيه طالعه نازله يقول...

هوبتي

كل سنه و انتى طيبه يا قمر
خلاص عشان خاطرك انتى حقولهم مش تغلوها
ها
و لا تزعلى
منورانى

صيدلانيه طالعه نازله يقول...

لـــولا وزهـــراء

نداء الى موبينيل
هل تسمعنى
حووووووووووووول

صيدلانيه طالعه نازله يقول...

مصري جدا

هههههههههههههه
انا طول عمرى محضر خير

طب ابقى محضر خير اكتر و تلمولى اجيب موبايل جديد؟؟؟

هههههههههههه
منورنى

صيدلانيه طالعه نازله يقول...

dreams

ندله
معايا من بعيد لبعيد
و الضرب ليا مش كده

شكرا يا ستى يفتح الله

صيدلانيه طالعه نازله يقول...

Abd-Alrahman

و مقلتش حكايه السيشوار دى من زمان ليه
ياللا ما علينا
اللى يجى فى الريش بقشيش

منورنى يا زميل

صيدلانيه طالعه نازله يقول...

Foxology

الحمد لله فعلا
و قدر الله و ما شاء فعل

كل سنه و انت طيب

صيدلانيه طالعه نازله يقول...

قوس قزح

مممممممممممممممم
قصدك العيب فى مين يا ست داليا

اوعى يكون قصدك انا

هههههههههههههههههههه
الفطار صعب اوى يا داليا
و برضه كله فى علم ربنا

وحشتينى اوى و الله

صيدلانيه طالعه نازله يقول...

همس الاحباب

حتى انت يا خالد
عايم على عوم داليا

بس بصراحه كلامكم صح
و الحمد لله على كل شيىء

صيدلانيه طالعه نازله يقول...

تيمور

ايه يا عم انت جاى عندى تتخانق
ماشى ماشى

كل سنه و انت طيب

صيدلانيه طالعه نازله يقول...

P A S H A

ايوه و اى دردشه
دردشه مؤلمه اوى

كل سنه و انت طيب يا شريف و رمضان كريم

صيدلانيه طالعه نازله يقول...

richardCatheart

انتى كمان يا مارو وحشتينى اوى
و ربنا العالم بمعزتك

من جهه الرغى سبحان الله متعرفيش الكلام بيجى منين و الساعه بتخلص هوااااااا

حاجه غريبه

كل سنه و انت قمر

صيدلانيه طالعه نازله يقول...

dr.lecter

و انا عايزه اشتغل فى اتصالات
هههههههههههههههههه

صيدلانيه طالعه نازله يقول...

nour shahen

اكيد لازم الواحد ياخد اللى يناسبه بس
دى حقيقه فعلا

حلوه حكايه اللى كلم اخته ده
ههههههههههههههههههههه

Tamer Nabil Moussa يقول...

ازيك علا


كل سنة وانتى طيبة


انا معاكى


ويا سلام لو تبقى الديقية بخمسة جنية ههههه

مع خالص تحياتى

لــــ زهــــــراء ــــولا يقول...

ازي القمر .... كل سنة وانتي بخير وسعادة
بصي بقى يعملوا عروض على مزاجهم انا مبستغلش التليفون غير ف المفيد لا بحب الرغي ولا الكلام الكتير لاني عشان استغل كل الدقايق المجانية هيجي على حساب حاجات كتيرة قوي والتوامات قدامي اخلصها فبالتالي استعمالي على قد حاجتي

لولا

صيدلانيه طالعه نازله يقول...

Wanda

بقى بتسيحيلى فى المدونه يا واندا
ماااااااشى ماااااااااااااشى
انا بقى اللى بخلص على ارصده الموبايلات للناس التانيه

بس علىالاقل كلمتك مرتين تلاته عمر ما مره منهم قطع النور و انا بكلمك
واخدالى بالك انتى
انا مش بلقح كلام و لا حاجه لا سمح الله
بس بحب اوضح بعض الامور التى قد تغيب عن معلوم النائب العام

و شكرا لحسن الاستماع

سلام يا قمر

صيدلانيه طالعه نازله يقول...

Tamer Nabil

لا يا تامر مش لدرجه 5 جنيه
كتير اوى كده
امال انا ارغى ازاى بقى

كل سنه و انت طيب

Noha Saleh يقول...

انا كمان تليفونى باظ
وبيتصلح ودايخين على قطعة غيار ومش لاقيينها
الحل اننا نختار النظام اللى فيه اكتر سعر للدقيقة ساعتها هنبقى ناس بخيلة وهنكتفى بالميسدات زى زمان

عمدة كفر المظاليم يقول...

عندك حق يا أختي والله
الوسيلة بقت غاية
رحم الله شوقي

دقات قلب المرء قائلة له
إن الحياة دقائق وثواني

فاعمل لنفسك بعد موتك ذكرها
فالذكر للإنسان عمر ثان

وجزاكم الله خيرا

قلم رصاص يقول...

طب وليه مانفكرش في حل سماعة الهيدفون؟
هههههههههههههههه

كل سنه وحضرتك طيبه يادكتور
ورمضان كريم عليكم

عمرو يسرى يقول...

لا تقلقى حضرتك من غير ماتطلبى هيعملوها هو فى حاجه بتفضل رخيصه

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .