كل اربع سنين و انتوا طيبين
بدأت النهارده بطوله كأس العالم لكره القدم
البطوله دى انا نفسى مسدوده منها و من قبل ما تبدأ
لان كل ذكرياتها معانا حزينه من اول الصفر المونديالى الشهير
اللى خدناه بجداره و استحقاق اثناء مرحله اختيار الفيفا للبلد
المنظم
و انتهاءا بموقعه ام درمان الشهيره و تأهل الجزائر للعب فى
نهائيات كأس العالم
و على الرغم ان البطوله دى المفروض المصريين لا ليهم فيها
ناقه و لا جمل
الا انى مقابلتش حد معدى فى الشارع الا و كان عمل اشتراك فى
الجزيره الرياضيه
و كمان اشتراك ماتشات كأس العالم اللى هو مبلغ تانى غير
الاشتراك الاولانى
و بعد ما كل الناس اشتركت و الجزيره لمت على قلبها قد كده
قرر التلفزيون المصرى بكل شهامه و اخلاص و تفانى
انه يشترى حقوق بث الماتشات على القنوات الارضيه
و بعد كل الملايين اللى دفعها التلفزيون المصرى قررت قنوات
الجزيره الرياضيه
بث الماتشات كلها على قناه الجزيره الرياضيه المفتوحه لكل
الناس
طب ده بقى معناااااااااه اييييييه
انا فضلت افكر و افكر ثم افكر و افكر
و ملقيتش غير فكره واحده و عايزه رأيكم فيها يا ترى صح و لا
غلط؟؟؟
التلفزيون المصرى ليه مأعلنش انه حيشترى حق بث الماتشات
قبل ما الناس تدفع دم قلبها فى الاشتراكات؟؟؟
هما الناس دى مش مصريين؟؟؟؟ و التلفزيون اسمه التلفزيون
المصرى يعنى فيه قرابه بينهم
ولاد عم تقريييييييييييبا
ده مالوش غير معنى واحد مالوش تانى
ان التلفزيون المصرى متواطىء مع الجزيره فى القصه دى
كلها من الاول خالص
و ان الرقم اللى دفعه التلفزيون اقل بكتير من الملايين اللى تم
الاعلان عنها
و ان الموضوع كله تمثيليه رخيصه دفع تمنها الناس العاديه
الغلابه
و فى الاخر الجزيره ضربت المصريين و التلفزيون على قفاهم و
بثت الماتشات على القناه المفتوحه
و موضوع التشويش اللى حصل فى ماتش الافتتاح النهارده كان
مقصود من النايل سات عشان ينكدوا على الجزيره
بعد ما ضربتهم على قفاهم و طلعت منظرهم زباله قدام الناس
مش عارفه انا تصورى صح و لا غلط
بس ارجع اقول فى الاخر القانون لا يحمى المغفلييييييييييين
وعوضكم على الله يا مشتركيييييييييييين
المشاركات
هناك 50 تعليقًا:
ازيك
صحيح ملناش لا ناقة ولا جمل
بس دة كاس العالم يا ناااااس
(:(:
وانت جبتى من الأخر القانون لا يحمى المغفلين
علشان نترحم على ايام ART
يلا تصبحى على خير
وكاس عالم سعيد (:(:
سلام
السلام عليكم
شوفى التليفزيون اشترى حق بث عدد معين من الماتشات مش كلها
ودا اعلنوه فى الجرائد من فتره من ضمنها مباراه الافتتاح اما باقى اختيار الماتشات ففى علمهم هما طبعا
الاختيار ازاى
والجزيره المفتوحه هتنقطنا بكام ماتش تفاريح علشان اللى ما اشتركش يشترك
مش كل المباريات بردوا
وانا على فكره من محبين بطولات كاس العالم وامم اوربا جدا ومتابعينها من زمان بس من ساعه الاحتكار والايه ار تى
بسمع اللى بيتذاع على الدش العادى او الارضى
لانى لن اشترك فى وصلات او شراء كارت
ومن ناحيه التليفزيون متواطئ دا الطبيعى ان كان باع تراثه القديم والجديد لروتانا وايه ار تى وبقت فى ايد اليهود
وربنا كبير
البلد بقت بتنقط فساد وظلم
ربنا يرحمنا
ههههههههههههههههه
ههههههه
هههههههه
اموت انا لما الناس تقع فى بعضها ، وكله يدى كله على قفاه.
انا ضدك تمام .....
فى نقطه الجزيرة دى
طبعا انا من محبى قناه الجزيرة كتير كتير ...لانها هى وقناتين ثلاثه بتجيب اخبار حلوة وصحيحه .......
انا ضدك قولى ليه ....
1. فيه مشاكل مابين قطر ومصر فاعمر ماهيكون فيه تناسق مابينهم .....
2. قناه الجزيرة فيها تشويش على القنوات الخاصه ومتعمد من مين الله اعلم
3. ان كاس العالم زى ماالناس بتقول عروس الكرة ...
فالناس بتسمعها زى افلام الاثارة فرحه لااكتر
...........
ومع هذا الكلام
اه انا محبى كرة القدم ولكن بالعقل ولست كالكثير من الناس
.......
ونتمنى فوز الجزائر بكاس العالم
او على الاقل تلعب حلو
لتشرف الكرة العربيه
ياعزيزتي هنا في المغرب وعلى الاقل بالنسبة لي كأنثى لن أذهب لاتفرج في المقهى نزل علي قرار البث على الجزيرة المفتوحة بردا وسلاما وتابعت من البيت مبارتي اليوم وعقبال البقية ان شاء الله
تحياتي عزيزتي
اول ماتش مش لذيذ
ياعبـ عزيز
يا لولاّ
دا اسمه تلفزيون النوظام المصرى سعادتك
يعنى انتى بتتكلمى فى ايه بس يا علا ؟؟
مصلحة المواتن دا ايه ؟؟
ثانيا لماضة
لا فوض فوها
لخصت الحدوتة فى البوست دا
http://lamadaa.blogspot.com/2010/06/blog-post.html
يعنى مش عشان سواد عيونا
و لا تواطؤ مع الجزيرة
او ضدها حتى
دى خيابة بعيد عنك
و فلوس ف الأرض و خلاص
و الواحد ملوش نفس و الله
يشوف كورة
بعد اللى حاصل دا
بوسيلى العيال
و خلى بالك من نفسوياتك
أنا شايف إن البلد مابتحترمش الرياضة ولا الفن ولا نفسها, أقصد النظام الحاكم يعنى.
أصبحت مصر اليوم, مولد وصاحبه غايب, وهنا بقى مابقصدش ب (صاحبه) النظام, لا, باقصد المواطن المصرى.
مش عايز انكد عليكم, لكن انهاردة المواطن المصرى غايب ومتغيب, وهو المواطن الوحيد اللى بيغش ويخدع نفسه, ويكدب وينصب على نفسه.
والغريبة, ان الشعب اللى فيه كل البلاوى دى, بيرضع دين ويطفطم على دين ويفطر ويتغدى ويتعشى دين ... وفى نفس الوقت, شعب يطلع الدين.
طب قلولى بقى, الشعب ده لو مانصبش على نفسه؟ ... هاينصب على مين؟.
لو حد قال لكم, ان الكلام اللى باقولو ده غلط وزفت وطين, صدقوه, وقوموا صلوا ركعتين, وقولوا بصوت عالى, آمين ... بس للأتاوى والرشاوى والإشتركات, انتوا دافعين دافعين.
انا جاية اسلم واقول ميرسي يا قمرة على السؤال
وزي ما انتي شايفة كده انا مش عارفة انام لسبب غير معلوم خاااااااااالص :)
انا لسه ما اتفرجتش على ماتشات
يعني الجمعة راح مني في الوبا
بس ان شاء الله ها تفرج
تلفزيون مصري وجزيرة
اممممممممممممممم
ومين قال ان التلفزيون كان يعرف ان الجزيرة ها تمن عليه وتسمح له بعرض 22 ماتش
وكده كده اللي بيحب الماتشات الحلوة لن يكتفي بعدد دون الأخر وها يشتري التروماي :)
مفتكرش ان التلفزيون متواطئ مع الجزيرة في الحوار ده...
الليلة ان كالعادة الجزيرة مش عاوزة تبيع بسعر رخيصص للتفزيون المصري... والتلفزيون محلتوش التمن... فبيرفض...
لحد ما الكبير (الريس) يأمر بأنهم يشتروه.. بقرار سيادي سياسي الهدف منه اشغال الناس بالفرجة علي الكاس... وعلشان ميركزوووش مع البلاوي الهيعملها النظام في الفترة دي... واهو اي حاجة الناس تتلهي فيها...
بس بتوع الجزيرة طلعو صييع... وبعد ما باعو حقوق بث ال 20 ماتش دووول للتلفزيون الارضي ... قررو انهم يزيعوها ببلاش عندهم علي المفتوحة... وكده التلفزيون خسر مرتين.. لان كده المُعلنين مش هيروحو علي التلفزيون الارضي ال محدش بيستخدمو تقريبا.. وهيروحو للمفتوحة...
ودُمت..
الحمد لله احنا مشتركناش ..
وحتي اللي اشترك مش مغفل
يعني حتي اي حاجة تفرح
اللي حصل ده مهزلة
يدل ان البهايم كتروا في الاماكن الادارية
يعني الحمار اللي ابرم العقد
مش يفهم خالص .
بس يله اصلا المتشات القصد منها تنيم الناس ان البلد بتتحرق دلوقتي من جوه
والناس بتغلي
وبقينا في بركان
وربنا يستر .
لولة
الكورة ديه ممكن نعتبرها بديل البانجو و البراشيم
خليى بالك بكرة يجوا الصيدلية يسالوكى عليها :-)))
حضرى استوكات كثيرة كثيرة يا لولة
:-)))))))))))))))
تعرفى الكورة عملت فينا ايه ؟
قلبت ميدان رمسيس و الاسعاف و احمد حلمى لحد دلوقتى بسببها
خلتنا نلم الناس فى طيارات للسودان ( من زمان معملوهاش تقريبا علشان لما يضربوا و يتبهدلوا تسمع كويس و برضه)
و اتبهدلنا لمرحلة كنا حنعلن الحرب على الجزائر لكن الحمد لله محناش جنب بعض و الا كانت ولعت بجد
و لما بداؤا يقولوا المتشات محتكره تسمعى العجب العجاب
فتاوى حرام الفرجة منغير ما تدفعى انت كده حرميياية
و فتوى تبيح بانك تسرقى و تفتحى شفرة المحطات دول هما العالم المفترية
فتاوى رايحة و جاية و الدين بقى سبهلله
و لسه الناس عايزة تتوه فى الكورة و تنسى الشورى و البرادعى و البلاوى الثانية و كمان تدفع
و بعدين سؤال سخيف يعنى التلفزيون المصرى مينفعش يشترى الا من الجزيرة على متشات بتنظمها الفيفا فى جنوب افريقيا
اشمعنى ؟؟؟؟؟؟؟؟
بصى الى معاه قرش و محيره يجيب الجزيرة و المتشات و يطيره
و القلم من الجزيرة للتلفزيون المسرى للمواطن المصرى عادى ياترى بقى الناس حتدى قلم لمين ؟؟ مهو لازم يتنقل ؟؟ مش كده برضة و لا ايه ؟؟؟؟
و بعدين مش قولتلك فى عهد الرئيسة انشاء الله حتبقى المونديال عندنا و احنا بقى نغلس على العالم دول كلهم :-)))
قولى انشاء الله :-)))))))))))))))
اه طبعا
يا بنتى اللعب من تحت الترابيزه دلوقتي بقى من فوق الترابيزه وبكل بجاحه
وبعدين احسسسسسسسسن
كل الى دفع واتاكل على قفاه احسسسسسسسسسسن
داتكم ستين نيله لكم نفس تدفعوا عشان ماتشات كاس العالم وانتم مواكيس فيها من الدرجه الاولى
صباح الخير با لوليه
يا لولة المقولة دي اتغيرت من زماااان
بقت "القانون لا يحمي المصريين"
بجد المصريين هم الوحيدين في العالم اللي مفيش قانون يحميهم ولا يرجع لهم حقوقهم أي حقوق حتى حقوق الملكية الفكرية
أنا كل معلوماتي عن الكورة إنها مدورة وبالتالي مش عارفة أي معلومات عن أي كاسات لكن أي حد يعمل أي حاجة والمصريين يشيلوا
هو في غير المصريين يشيل!!!
samy
هو فيه زى ادب و اخلاق art
هيييييييه كانوا يفضلوا يذلونا و برضه فى الاخر يخلونا نشوف الماتشات ببلاش
ايااااااااااام
بسنت
اللى فهمته امبارح ان الجزيره الرياضيه التانيه المفتوحه حتذيع الماتشات كلها و الله اعلم
اصل خلاص الفلوس و اتدفعت و الاعلانات و اتعملت
يبقى خلاص الاذاعه للماتشات مش حتخليها تخسر حاجه
ويكا
بتبقى متعه مش كده؟؟؟
ههههههههههههه
قلــ"بـــلال"ــــــب فارس
ساعه المصلحه و دفع الفلوس المصالح حتتصالح و مش حيبقى فيه قطر و مصر حيبقى فيه سلم و استلم
سلم الفلوس و استلم المصريين اضحك عليهم براحتك
تحياتى
خواطر شابة
انا برضه كان صعب انى انزل اى كافيه و اتفرج
بس ده ميمنعش اننا اضحك علينا و بعدما الناس دفعت
لقيت الماتشات لكل الناس سواء من دفع ام لم يدفع
مش كده يبقى غش و لا ايه؟
adel
فعلا الماتش الاولانى جميل
لكن التانى كنت متوقعه فرنسا تلعب احسن من كده
بس مش حنحكم من اول ماتش
فاتيما
البطوله دى سبحان الله جايه بالنكد من قبل معادها بعشر سنين
و الواحد فعلا ملوش نفس يتفرج
بوست لماضه زى كل البوستات اللى اتكتبت عن خالد مؤلمه و موجعه
ربنا يرحمه و يرحمنا جميعا برحمته
Mark Hogan
كلام مؤلم و يوجع قوى
بس للاسف حقيقه
و مقدرش اقاوح و لا اقولك ايه اللى بتقوله ده
انت وصفت اللى بيحصل كأنك معانا
منورنى
ستيتة حسب الله الحمش
يااااااادى التروماى اللى الكل اشتراه و لسه فيه حجوزات تانى عليه
ههههههههههههه
المهم انتى يارب تكونى كويسه و الثانويات العامات متكونش القت بظلالها السلبيه عليكى
ربنا معاكم يا توته يا قمر
سمع هوص (Abo 3li)
انا قلت فعلا التلفزيون ميدفعش المبلغ ده كله الا بأوامر عليا
طبعا نظامنا بيحب يدلع شعبه
عندك اعتراض و لا ليك رأى تانى
قول قول و مش تتكسف
MR.PRESIDENT
فعلا الناس خلاص بدأت النوم من امبارح و معاك كده شهر قدام
تصبح على خير بقى
Wanda
فى عهد الريسه حيبقى شعارنا
المونديال للجميع
هههههههههههههه
طبعا مينفعش نشترى غير من الجزيره
لان الفيفا باعتله حق البث يعنى هما محتكرين المونديال فى الوطن العربى
صباحك فل
ندى الياسمين
شريره انتى يا ستنا
احسسسسسسسسسن قوى كده
مش دول زمايلك المصريين و حتما و لابد نتعاطف معاهم و نتبرع و لو بجنيه
هههههههههههههههههه
صباح الفل يا ياسمينا
يــوم جــديد
يييييييييييه انتى معلوماتك قديمه قوى
الكوره اتغيرت بقت مستطيله و ساعات مربعه
لكن مدوره نووووووووو كانت موضه و بطلت
و بعدين المصريين من زمان غاويين يشيلوا
و يحملوا
و غنوا من زمان اغنيه
حمال الاسيه يعنى محدش ظلمهم و لا اتجنى عليهم
ههههههههههههههه
منورانى يا قمر
حاسه ان فيه حلقه مفقوده بين الموقف المصرى و موقف قناه الجزيره
و طبعا مش حتتعرف الحلقه دى غير لو اتخانق الطرفين و فضحوا بعض
ساعتها بس حتتكشف خيوط المؤامره
دعواتكم انهم يتخانقوا
دكتوره علا
-*-*-*-*
هو من امتى الناس بتثق فى اى حاجه بيقولها التى فى المصرى بصى انا هاخرج من الموضوع شويه فاكره وقت موضوع الدويقه هو كان موضوع مصرى ميه فى الميه احنا بقى كنا نتابع الاخبار فى العربيه والجزيره لانه بكل بساطه الاعلام المصر فقد مصداقيته عند الناس عارفه حتى لو كانوا قالوا ان المباريات هتتذاع كان برضه الناس مش هتصدق يابنتى خلاص الثقه مفقووووووووووده
بكره كل شئ ينكشف ويبان وتعرفى انها كانت خطه مدروسه وكل حاجه كان لها سبب معروف ومتفق عليه مسبقا
انا مش ناويه اشجع اى حد
تحياتى لكى ولكل المشجعين
شكرا يا أستاذة, دا كله من نورك, لأنك بتنورى الناس,
ولأنك حقيقية, بتوصلى بسرعة لكل من عنده إحساس,
باهديلك من هنا نسمات من على نهر الدانوب,
محمولة بالأمل, اللى يشجعك ويخليكى دايما منورة وتسعدى القلوب.
عادى
عادى
يعنى هى جت على دى!!!!
مليش نفس اتفرج على كاس العالم
صباح الفل علي الناس الرايقة اللي بتشجع الكورة وكاس العالم واللعب اللي علي كبير
بصي يا لولو بما أني مش هاتابع غير الفاينال وهاكتفي بمعرفة النتائج
فبصراحة مش مهتمة بموضوع كاس العالم قوي
اييييييييييه فين ايام مكنت انا وماما نصحي من بدري علشان نشجع اليابان :))
المهم يا حبيبتي ان التي في المصري أشتري التروماي واتنصب عليه والناس بتتفرج علي الجزيرة برضة علشان محدش بيعبر الجهاز اللي العقيم اللي اكلة السوس ده
التليفزيون المصري صورة معبرة عن الفساد اللي بنعيشة
صباح التشجيع
ازيك يا دكتور
انا مش عارف ايه دخلك صيدله بس
كنتى ادخلى سياسه علشان تنوريها و نزيد واحد
بالنسبه لموضوع الجزيره
دى الطبيعى واعادى بتعنا احنا دايما بناخد خطوة متاخره
وبنتصرف بطيبه وحسن نيه (عبط يعنى)مع الاشقاء الزفت العرب
وكل دوله من دول بتبذذل قصارى جهدها للنيل من مصر باى صوره وطريقه
والحقيقه شويه الموظفين الغريبه الى عندنا يسعدوعم بشتى الطرق وبتفانى عجيب
ودى تطور طبيعى للوظايف الى راحت للوسايط فى اوائل التمانينات
واصبح الموظفين دول للاسف مسئولين كبار
بدون علم ولا درايه
انتى اشارتى لاخفاقات كتير زى صفر المونديال وفضيحه الجزائر وتصدير الغاز لاسرائيل ببلاش واتحاد الكوره
والامم المتحده وهروب طلبه الدرسات العليه لامريكا علشان ينفعواوميتحولوش لمدرسين جامعه وموظفين
والمنح الدراسيه الى تحت الترابيزات لمتفوقين كليات علميه كبيره زى العلوم والجيلوجيا وهندسه الطاقه كل دول يبتسرسبوا زى ما اترسب فاروق الباز واحمدد زويل ومجدى يعقوب وغيرهم كتير اوى
والى هبفضل يبقى زى يحى المشد ومنعرفش نحميه او يبقى زى المسيرى ونهاجمه ونقطع لسانهلازم نفضل كده تحت حكم الموظفين والمنتفعين
كفايه كده علشان اتنرفزت
ابوست جميل وملهم وكالعاده ملتهب
تحياتى
اهى سبوبة ومصلحة والمغفلين هم الضحايا
عليه العوض فى الملايين اللى اتصرفت
تحياتى
ممكن يكون كلامك صح
بس انا رأيى ان فيه نداله جامدة فى الموضوع
وفى النهايه مستحيل الجزيرة تذيع اكتر من 30% بس من المباريات على القنوات المفتوحه
بنت وولد
ياااااااااااااارب يتخانقوا يا اختى عشان المسروقات تبان
نورتونى فى اول زياره و يارب متكونش الاخيره
زهــــراء
اسوأ حاجه اما الناس تفقد الثقه فى اعلام بلدها و تلجأ لغيره
مع انه ممكن يكون برضه مضلل بس الناس بتثق فيه
منورانى
Mark Hogan
ربنا يخليك
و ميرسى على نسماتك الجميله
و على كلامك اللى بيدينى دفعه انى دايما احاول ابقى احسن و اكثرواقعيه
تحيات مبلله و معطره بماء النيل
كيكى عوووووو
على رأيك يا كيكى يا اختى
هيا جت على دى؟؟؟
صوت من مصر
تصدق بالله
و لا انا كمان ليا نفس
ميرا ( وومن )
تخيلى فعلا يا ميرا البطولات اللى فاتت كنا منفعلين اكتر و بنشجع فرق بعينها اكتر
دلوقتى لا
التلفزيون اشترى المترو
التروماى اتلغى من زمان
بطلى جهل بقى
هههههههههههههههههه
منورانى يا سكر
momken
لا يا سيدى السياسه سيبناها لاهل السياسه انا ابعد من يكون سياسى فى يوم من الايام
ههههههههههههههه
انا نفسى اعرف فعلا هيا مصر واجعاهم ليه قوى كده
هل هيا غيره فعلا
من ايه و على ايه
احنا بقينا فرجه لشعوب الارض
اقل شعب فى العالم بقى احسن مننا
و فعلا زى ما انت بتقول احنا عندنا شويه موظفين يجيبوا الضغط فى كل الاماكن و الجهات
بس المفروض جهاز سيادى حساس زى التلفزيون يبقى فيه ناس انضف من كده
بس للاسف الموظف موظف فى كل حته
شكلك موجوع و متغاظ قوى و يمكن اكتر منى كمان
ربنا يرحمنا و ينور طريق البلد دى بقى
و ميرسى على رأيك فى البوست و كويس ان مش معاك كبريت
كان البوست ولع
منورنى
Foxology
كلامك قليل
بس هو صح فعلا
تحياتى
had-befham
لا من جهه النداله فعااااادى
بتوع الجزيره بيحبوا مصر موووووووووت
و كل حاجه متوقعه منهم
منورنى
ثقافة الهزيمة .. حلوة يا بلدى
فى كتاب داخل مصر"Inside Egypt": أرض الفراعنة على شفا الثورة الذى صدر عام 2008 يقول كاتبه الصحفي الأنجليزي جون برادلي عن مستقبل مصر أنه على رغم من بعض النجاحات الاقتصادية ألا أن توزيعها تم على من أرتبطوا بالنظام فقط دون أن يصل ذلك لباقي الشعب مما أدى"زيادة الحنق" بين المصريين. ويشير الكاتب إلى رؤيته في زياراته المتكررة لمصر كيف مثلا أن عدة ملايين من الثروة المصرية تنفق لأنشاء المصارف وتقديم المياه للقرى السياحية والفنادق الفاخرة التي يستخدمها السياح الأجانب والأغنياء المصريون فقط "في حين يموت الألاف المصريين كل عام نتيجة تلوث المياه التي تصل لهم"...
باقى المقال ضمن مقالات ثقافة الهزيمة بالرابط التالى www.ouregypt.us
و لايفوتك زيارة صفحة من الشرق و الغرب فى نفس الرابط و به الكثير من المقالات الجيدة.
ايه اللي بيعجب الناس في الكورة نفسي افهمممممممممم
يقول المثل الشعبى
ضرب القفا... شفا
إرسال تعليق