تمنيت لو اجهل ما حدث بالامس و اعلم ما فى الغد
بل اوافق حتى على ان اظل اعمى عما يحمله الغد
بشرط ان يختفى الامس تماما
اوافق على ما هو اقل
ان يشرق الصبح فاعيش يومى وحده
و قد غابت من ذهنى كل الذكريات
اى ترتيب مريح للحياه ان نعيش اليوم
دون ازعاج الامس و الغد معا
بهاء طاهر
واحه الغروب
المشاركات
هناك 58 تعليقًا:
دايما بقول اننا المفروض نعيش الحياه لحظه بلحظه
لكن للاسف ياعلا ان اللى مش له ماضى مش هيكون له حاضر ولا مستقبل
الماضى جزء مننا عشناه
والحاضر جزء بنعيشه وبنسعى اننا نستمتع بيه
والمستقبل جزء من حياتنا بنتمناه وبنحلم بيه
دكتوه علا
-*-*-
حلو اوى العنوان بجد ...
انتى عارفه حياة كل انسان فينا هى عباره عن :-
** ماحدث له بالامس , ما تعلمه من خبرات ,وما اكتسبه من معرفه كيف يمكن له ان يتنكر لكل هذا لمجرد ان تكون مرت فى حياته ذكرى سيئه او حادث غير سار بالمره ...
** اليوم وما سوف يحمله من اشياء كثيره يتمنى ان تحمله له سويعاته الكثير والكثير من كل ما هو جميل ..
*** الغد الذى يحمل على الدوام لنا الحلم والامل فى الافضل يحمل لنا معرفه جديده وكذلك اكتساب شخص جديد او معلومه جديده
طبيعى ان كل انسان فينا اعمى عما يحمله الغد من اشياء , ولكن لا يستطيع انسان او اى مخلوق ان يحذف امس من حياته
لانه باختصار امس هو حياتى السابقه
اليوم فى حياتى اللحظيه
اما الغد فهو حلمى الذى اتمنى ان احصل فيه عل كل ما هو جميل ومشرق ...
البوست فلسفى اوى اوى
ممكن ارجع اكتب كومنت تانى
اتمنى لكى ان تكونى حصلتى على خبرات من الامس
اتمنى لكى من قلبى السعاده فى اليوم
وان تحافظى على جمال روحك فى الغد
دمتى بكل خير
زهـــراء
مساء الخيييييييير على اللى بيستحملوا يقروا روايات فىالجو الحر ده
أزيك
انا قريت للكاتب
قصة نقطة نور
بس بختلف معة فى وجهة النظر دى
لأن انا يعنى ذكرياتى اللى بنتنى
بالسيىء والجيد
والحمد للة احنا منعرفش بكرة فى اية
ممكن الواحد يحب ان يعيش
كل يوم بيومة دة صحيح
بس دة يحصل بينا أحنا نقدر نتحكم فى دة
شكرا
لو علمتم ما فى الغيب لاحترتم الواقع.
ياريت والله بس المشكله انك لو عشتى اليوم وبس اكيد هييجى غيره واليوم ده هيتحول للامس
وعلى رايك اى تريتب المهم اننا نعيش من غير الام الامس والتفكير والخوف م الغد ونعيش اليوم بكل ما فيه....ياريت بجد كان زمننا مرتاحييييين
بوست جميل
خالص تحياتى وتقديرى
صعب ان نعيش هكذا
فالحياة امس واليوم وغدا بكل ما فيها من ذكريات وحزن وفرح
وان كانت امنية لذيذة ان نعيش هكذا بشرط ان نكون غير فاقدى الوعى والذاكرة طبعا
تحياتى
تفتكري تبقى حلوه
فكرتينى بفيلم بتاع بيري درو باحبه اوي
لما كانت بتصحى كل يوم تكرر نفس اليوم
قريبه من فكرتك
بس ممكن اكون اكتر طمعا واروح انا فى الماضي امسح ايام معينه واسيب الباقي ؟؟
والمستقبل بقى مش عارفه لو معايا الاستيكه بتاعة مسح ايام معينه من الماضي مش مهم بكره هايحصل ايه
اهو هايعدي ونبقى نمسحه
تحفه واحه الغروب دي
انا ديما بقول ان لازم كل واحد يستغل كل لحظه في حياته ويعيش اليوم بطوله وميفكرش في بكره عشان ميقلقش وميفكرش في امبارح عشان ميندمش
خليه في انهارده عشان يبقي عنده امل
وكل يوم بيكتسب خبره عن اليوم اللي قبله وبعمل خطأ بيحاول يبعد عنه
كل يوم بيتعلم حاجه جديده
تحياتي
راااااااااااااااائعه جدا جدا بجد
المشكله يا دكتوره ان احنا عندنا فضول بكره مخبي ايه؟
وساعات بيضيع اليوم في كلام عن بكره
لكني هاقولك حاجه افتكرتها الان يارب تعجبك
" اجعل الماضي فصل خريف تتساقط كأوراق الشجر ...والحاضر بعثره بين الصيف والربيع كضحكات النجوم وحكاوي السهر ...أما المستقبل لانه مجهول دعه متجمد في جبال الشتاء فهو أتيٍ إليك رغم عنك فلا داعي لذهابك اليك"
شكرا ليكي يادكتوره على روعة الاختيار
كلمات لمست حاجات كتير جدا عندي
تقبلي مروري وتحيتي
جميلة جدا واتمنى من الجميع انه يشرفنى فى مدونتى الجديدة
خواطر شاعر غلبان
http://kwr-sr-glbn.blogspot.com/
إيه ده؟
يعنى أنا أصحى الصبح ماعرفش مين اللى معايا فى البيت دول؟ وبعدين ألبس هدومى وماعرفش انا رايح أشتغل فين ولو عرفت أكيد مش حعرف أشتغل لأنى مش عارف عملت إيه إمبارح طيب وأنا حتعب نفسى فى اليوم ده ليه ماأنا حصحى الصبح ألاقى نفسى نسيت كل حاجة
والمصيبة بقى إن مراتى كمان تنسى إن جيبتلها ورد إمبارح
عاااااااااااااااا
الامس..
ذلك الاحساس بالحنين الى الذكريات..!!
غداً..
ذلك المجهول الذي يخيفنا ومع ذلك نترقبة..!!
اليوم..
الذي يضيع بين الحنين والتفكير في الماضي..وبين الخوف والرهبة من الغدِ..!!
(وجهة نظر شخصية جداا)
الملوش ماضي .. ملهوش حاضر ولا مستقبل...
الماضي بكل قرفه وسواده برضه له فايدته ... علشان نقدر نبني المستقبل صح...
ونتعلم من الفات...
و الله لا الحاضر عدل ولا الماضي عدل و أدينا عايشين علي أمل...ياكش الحال ينعدل...
تحياتي الكبيرة...
أنسي كدة وخلاص ....
صعب قوي يا علا إمبارح زي ما فيه حاجات واجعانا فيه كتير فرحنا
طب ليه منغمضش عنينا عن كل اللي وجعنا نرمية في بحر النسيان
نعمل فلتر أول بأول للذاكره
مقدرش أنسي كل حاجة واي حاجة مجرد التخيل مرعب
هافتكر أول مرة قلبي دق وحبيت ، وهانسي يوم فراقنا
هافتكر أنه كان ضحة عيوني ، حلم بكرة وهانسي انه بكاني
لا أنا نسيت خلاص نسيت أني أنجرحت واتخدعت واتهانت نسيت كل حاجة وحشة ومش بفتكر غير اللي بيفرحني
بكره بقي مش عاوزة اعرفه لا ، لو عرفت هاستني بكره ليه ؟
هافتح عيوني وفي قلبي أمل أزاي ؟
تفتكري هاضحك من قلبي وانا عارفة مثلا ان حد دلوقتي هايقولي نكتة وهاضحك
بكره سحره في انه مجهول
بيفجأنا
لالالالا انا عاوزة اعيش كل يوم كأنة اول يوم بعيشة
انا ببساطة بعيش اليوم بيومه بنسي أمبارح وأستني بكره وخلاص
جميل الكلام يالالا
الحياه امس اتعلمنا منه سواء حلو او وحش
واصبح ذكرى دائما نحن فى حنين له
اليوم نملكه بما فيه من قوه وضعف
والغد فى علم خالق الكون نساله ان يكون افضل من امسنا ويومنا
علشان كده انا بحب اليوم لانه ما امتلك
ربنا يجعلك كل ايام جميله
لو علمتم الغيب لاخترتم الواقع :)
بهاء طاهر ابدع فى الوصف الحقيقة والرواية كلها ابداع طبعا
تحياتى
نحن بشق الحاضر و يخنفنا التفكير بالمستقبل
ام الماضى شبح يطردنا بالشق المظلم
الماضى..... والحاضر .....والمستقبل ملضومين بخيط واحد
واذا فكناهم من بعض بنتهوة فوسطيهم
لما يكون الماضى بيحذرنا من خطر وننسى
ولما الحاضر الحاضر يدينا علامات ونغفل
ولما المستقبل يكون واضح قدامنا ونغمض عنينا
يبقى لازم منلمش الا نفسنا لو صدمنا الخطر ده ووقعنا فيه
مع احترامى الشديد للاستاذ بهاء طاهر
من ليس لديه ماضى ليس لديه خبره او دروس
ومن ليس لديه حاضر ليس لديه حياه
ومن افتقد الماضى والحاضر فلا امل ان يكون له مستقبل
تحياتى
فعلا و الله يا دكتورة
الواحد دايما عايش بيخطط لبكرة
و عايش فاكر امبارح
و عايش يقول يا رب يعدي النهاردة
امبارح نسيناه
النهاردة بننسى
بكرة بنحاول ننساه
خالص حبي و تقديري
عاشقه الرومانسيه
اكيد كلامك صح يا دودو بس ساعات بتيجى علينا لحظات بنتمنى ده يحصل
مش كده و لا ايه؟؟
زهراء
اتمنى لكى ان تكونى حصلتى على خبرات من الامس
اتمنى لكى من قلبى السعاده فى اليوم
وان تحافظى على جمال روحك فى الغد
يارب امنياتك ليا تتحقق
لانى محتاجاها قوى
حلم بيعافر
حنعمل ايه بقى
المزاج يحكم
samy
ياريت الواحد يقدر يعيش اليوم بيومه
من غير ما يفكر لا فى الامس و لا فى الغد
بس فعلا صعبه قوى
تحياتى
MONTY
الواحد بيبقى نفسه يعمل اى حاجه المهم يبقى مرتاح
همس الاحباب
ماهو احنا لو فقدنا الوعى مش حنستمتع بتحقيق الامنيه
لازم نبقى صاحيين و مفوقين
ندى الياسمين
حلوه حكايه الاستيكه دى يا ندى
تخيلى لو معانا فعلا
ده احنا كنا عملنا عمايل بيها
طب ما نسأل بتتباع فين
سمكه واحده
اهلا بعد غيبه طويله
كلامك النهارده صح الصح بجد
لازم نتعلم من خطأنا و نعيش يومنا من غير هم التفكير فى بكره و القلق من اللى جاى
هبة الحياة
الله عليكى يا هبه
هو ده الكلام و الا فلا
قلم رصاص
ربنا يخليك
ده بس من ذوقك
منورنى
صبرى صالح
شكرا لمرورك السريع
جدا
أبو حميد
اهو اهم حاجه
انها تنسى موضوع الورد ده
حقوده انا جدا و شريره
منورنى
Timo..
وجهه نظر صحيحه
و تعريفات مظبوطه و ميه ميه
منورنى
سمع هوص (Abo 3li)
ماشى ياعم
تعز الققرف انت و السواد قوى
طالعلى
هههههههههههههههههههه
ELMOSTAFZ
و انا كمان عايشه على الامل ده
تحياتى
ميرا ( وومن )
هو ده الكلام اللى مفيش بعده كلام
الله عليك يا جميل
بحب دماغك انا يا مرمر
:-)
قاعدة بحاول اتخيل الاحساس
انى اصح مش فاكرة حاجة و مش منتظرة حاجة
بيتهيالى مش حقوم من السرير اساسا :-) طيب اقوم اعمل ايه و لمين ؟؟
اول مرة رجعت مصر بعد فترة الغربة الاولى و كنت راجعة من رحلة من قلب الثلوج و اخذت فى وشها 20 ساعة متوصلة من التنقلات
نمت بعمق
و صحيت و كنت لوحدى فىالبيت و فتحت عينى و بصت فى الاوضة و قولت لنفسى خير الله ما اجعله خير غريب الحلم بالغربة و بالسفر و الذهاب و العودة :-)) و بعدين بقوم كعادتى قبل السفر ادخل الحمام و اشغل الكومبيوتر و الراديو لاقيت شنطة السفر
وقفت مذبهلة
و قولت ده مطلعش حلم ده حقيقة :-)
بصراحة حسيت بنكد قوى بس تخيلت برضه لو مكنتش شوف الشنطة كنت حفضل فى الوهم ده قد ايه ؟
الانسان
مخلوق يعيش فى ثلاث ابعاد للمكان و للزمان
يعنى XYZ عمودى و افقى و حجمى كمان
و يعنى الماضى و الحاضر و المستقبل
عايزة تعيشى بدون بعدين للزمان جربى تضغطى نفسك فى بعد مكانى واحد :-)
افقى او راسى :-) ))))))
:-))))))))))))))))))))))))))
معلش بتخيلك مضغوطة افقيا يا لولة
:-)))))))))))))))))))))))))))))))))))))))))))))))))))))))))))))))))))))))))
richardCatheart
ربنا يخليكى يا قمر و يجعل حاضرك و مستقبلك كله افراح
Foxology
الوايه دى اكثر من رائعه
و خصوصا الاجزاء اللى جات على لسان مليكه
و الاسكندر الاكبر
اكثر من رائعه
العيسوى الصغير
كلام صحيح فعلا
momken
انا متفقه معاك فى كل كلامك
بس لو حضرتك قريت الروايه كنت حتعرف ان الكلام كان على لسان محمود بطل الروايه
و اللى كان بيمر بصراعات نفسيه سيئه
بسبب ماضيه الاليم و ما يؤنب ضميره
نتيجه تخليه و زملاءه عن احمد عرابى اثناء الثوره
و بالتالى من الطبيعى انه يقول الكلام ده
و محدش يقدر يلومه
دعوه منى ياريت تقرا الروايه دى لانها رائعه جدا
مهموهـــــــة
ربنا يحلى ايامك و ايامنا
امين يارب
وحشتينى يا مهموهه و الله
منورانى
Wanda
بقى مضغوطه افقيا
ماااااااااااااشى يا ست واندا
تتردلك فى الافراح يا ونون
مش عايزه اقول اشوف فى ناس يوم
بس يكون رأسى
هههههههههههههههههههههههههه
:))))))))))))))))))))
ماشى ماشى ماشى
موش هاعلق على كلام بهاء طاهر لانى بحب كتابات الراجل دا جدا بحسه بيقول المفيد ويجيب م الاخر
اما بالنسبالى بقى فامس انا عايشه فيه وناسيه بيه الحاضر والمستقبل
تعالى هنا بقى ياست انتى فينك
ولااقول انا اللى فينى
ههههههههههههههههه
شوفتينى وانا منشكحه
طبعا اجنن
عروسه بقى امال ايه
من رأيي ان ده صعب جدا
فاليوم هو نتاج الأمس
والغد هو ثمرة اليوم
فحياتنا تراكميه يتم البناء يوما بعد يوم حتى يكتمل البناء ويظهر في أبهى صوره فمثلا العالم اليوم هو طالب مجد وساهر لليالي بالأمس
ولولا امسه ما اضحى هكذا حاضره
وهكذا تستمر الأيام يمهد كل يوم لما يليه كما مهد له سابقه
تقبلي تحياتي
ماينفعش نقول للامس باي باي
كيانك كله يتكون اغلبه من الامس وبعد كده الباقي من بكره
بهاء طاهر علي اد مابحبه لكن اللي مكتوب ده بيعبر عن بطل من ابطاله مابيعبرش عنه هو شخصيا واعتقد انك بتؤيدي البطل ده
هلا دكتوره علا ...
بجد وحشاني
ويارب تكوني في أحسن حال :) ...
أنا لا أتفق مع المبدع بهاء طاهر هنا ...
فأنا لاأقبل أن أعيش بلا ماضي ...
بالضبط زي مابحب إني أفطر واتغدا وأتعشى ...
فأنا بحب برضو إن يبقى ليا ماضي وحاضر ومستقبل ...
ومابحبش كتير أنسى الماضي حتى لو كان مؤلم .. فالذكريات لها لذتها في الحالتين ...
وفي النهايه إللي بيهمني أكتر هو الحاضر .. يعني إني أعيش اللحظه بلحظتها .. لتسجل بعد ذلك في صفحات مذكراتي
تسلمي حبيبتي ...
............
أه صحيح أنا زعلت أوي إني ماجيتش يوم البؤجه .. يعني إنتي تختاري اليوم إللي ماروحش فيه وتيجي ههههههههه
كان غصبا عني للأسف
بس يااااارب اشوفك في اقرب فرصه قبل ماأهاجر من هنا
... ;) ,,, ;) ...
Cute Kitty **sookra
ازيك يا قمر
انتى يا بنتى خميره نكد
يعنى عروسه و برضه عايشه فى الماضى
طب اعمل ايه انا بقى فيكى اشد شعرى
فكيها يا شيخه ربنا يفكها علينا و عليكى
ههههههههههههه
معلش بقى الامتحانات شغاله و اول ما نفضى حاكلمك
شدى حيلك يا قمر
ahmed_k
دايما منورنى و مشرفنى بكلماتك الراقيه و الجميله
تحياتى
dr.lecter
الكلام فعلا على لسان احد ابطال الروايه و نظرا للظروف اللى مر بها الكلام ده متوقع منها
تحياتى
ghada mOhsen
اكيد كلنا اللى بيهمنا اكتر الحاضر لانه ما نملكه فى ايدينا فعلا
انا كمان كان نفسى قوى اشوفك
و ان شاء الله نتقابل قريب
و بعدين تروحى فين احنا زعلناكى و لا ايه
انتى منورانا و الله
السلام عليكم
أخيراااا عرفت أدخل التعليقات
الكلمات حلوة أوى
تمنيت لو اجهل ما حدث بالامس و اعلم ما فى الغد
ياسلام لو أفقد الذاكرة
دمتى بخير
لولى .. مش كل امبارح كان وحش حبيبتى
ما امبارح ده مثلا فيه يوم ماشفنا بعض
مثلا كان فيه يوم ما سيف نور الدنيا
مثلا فيه ايامك الحلوة مع اصحابك
وعيلتك
خلينا نقول ياريت نقدر نعيش
النهاردة من غير مانفتكر الوحش
بتاع امبارح
نقدر نعتبره مات او ماحصلش اصلا
صح ولا ايييه ؟؟
اكيد حد غيرى قالك بردو نفس الكلام
بس بصراحة مش قادرة اقرا كل
التعليقات لانى مفيصة هههههه
بحبك اكتر منك اه وربنا
اى ترتيب مريح للحياه ان نعيش اليوم
دون ازعاج الامس و الغد معا
الله على بهاء طاهر
ولكن ازى نعيش بدون ازعاج
دى معادله فى غايه الصعوبه
كل التحيه علا
ليله شتاء
و بعد ما تفقدى الذاكره
حتنسينى و تنسى المدونه و انتى اول مره تيجى
اعمل ايه بقى ساعتها
ههههههههههههههه
منورانى
صباح الخير علي الجميع
يا جماااااااعة
أنا بعتذرلكم بشدة
لأن حد ابن حلال
دخل مدونتى
و بعت لينكات
و نشر بوست بشع عليها
و أذى مشاعركم
و عيونكم
انا شيلت الحاجات
دى خلاص
و حطيت بوست جديد
عشان اشرح فيه اللى حصل
بس مش راضى يطلع ف الريدر
معرفش ليه؟؟
المدونة شكلها
فيها مشاكل فنية
انا غيرت الباس ورد القديمة
لأنها كانت سهلة
و غالبا ابن الحلال خمنها
و تخمينها نجح
أخويا عملى باسورد
جديدة معقدة
و عالله اللى دخل دا
ميعرفهاش هيا روخرا
و أختكم بخير
متقلقوش
ماما بس جالها حالة هلع
و عشان كدا
مش هفتح المدونة تانى
الا لما أعرف اصلح اللخبطات دى
الناس اللى إتبعتلها لينكات منى فيها سخافات
معلش .. بجد معلش
و عاوزة أشكر خيخة جدااااا
و علا صيدلانية طالعة نازلة
و بطوط حبوب و خالد همس
و د.ستيتة و وندا
و كل حد نبهنى و كلف خاطره يتصل
من الساعة اربعة الفجر
لحد كتابة التعليق دا
منحرمشى منكو
وأسفة للمرة التانية
جمييييييييل
اوووي بجد
تسلم اختيارك وزوقك ^_^
إرسال تعليق