الأحد، مايو 23، 2010

انا مبسوطه

 بقالى فتره مش عارفه اكتب حاجه و لا

عارفه ارد عند حد و ياريت عشان خاطرى

متزعلوش منى


بس حصل حاجتين حلوين قوى و حسيت

انى نفسى تشاركونى فيهم يمكن تبسطكم

معايا

اول حاجه قريت خبر فى الجرنال جايز

 يكون قديم وقريتوه و جايز اول مره تعرفوه

شاعرنا الكبير عبد الرحمن الابنودى قرر

انه يتبرع بالصالح من اعضاء جسمه للتبرع

بعد وفاته

اول اما قريت الخبر ده انبسطت قوى و

حسيت ان بلدنا لسه فيها ناس محترمين و

يستحقوا مننا اننا نجاهر

باحترامنا و تقديرنا ليهم

طول عمرى من ساعه ما فهمت يعنى ايه

شعر و انا بحبه و باحترمه و زادت غلاوته

 عندى

اما التقيت بيه اثناء زيارته لاسوان و كنت

وقتها فى اولى ثانوى و اتكلمنا فى الادب و

الشعر

لانى كنت وقتها حافظه اشعار كتير ليه و

 بصراحه هو شخصيه طيبه قوى و بسيطه

جدا

بس بعد اللى قريته حسيت انه انسان يستحق

ان نفخر بيه

و ياريت كل الناس المشهوره و المحبوبه

زيه تعمل زى ما عمل لان الخير اما بيجى

 عن طريق الناس دى

بيبقى باين و مميز و بيشجع الناس انها تعمل

 زيهم

و انا من هنا عايزه اقوله

بنحبك يا خال




الخبر التانى اللى عايزاكم تشاركونى

فيه  .......الحمد لله النهارده تم افتتاح المسجد

 الموجود فى العماره اللى ساكنه فيها

قد ايه كان قلبى طاير و انا سامعه اذان

العصر طالع منه و قد ايه دعيت لكل اللى

 اعرفهم

بس خصيت بالدعاء حبيبتى  و اللى فرحت

قوى انى سمعت صوتها ايمان قنديل

صاحبه مدونه كلام نسوان

ربنا يكمل شفاكى يا حبيبتى و ترجعى 

منورانا زى زمان و نرجع نتلم عندك مع كل

 بوست جديد تكتبيه

قد ايه الخير جميل و عمله سهل قوى و مع

كده اثره بيبقى كبير و رائع

انا بشكر كل اللى شارك باى صوره و

طريقه علشان المسجد ده يظهر و يبقى كيان

حقيقى محسوس

ربنا يجعله فى ميزان حسنات الجميع

آمين يارب العالمين

هناك 41 تعليقًا:

لــــ زهــــــراء ــــولا يقول...

عارفه لو نسيتى تدعى ليا هاعمل ايه مش هازعل لانى مش اعرف ازعل منك

ربنا يجعلك مبسوطه اوى وفرحانه
ربنا يفرح قلبك ويسعد ايامك وتشوفى كل الخير والهنا فى حياتك

انا كمان باعشق عبد الرحمن الابنودى رغم انى مش ليا فى الشعر خالص مالص بس هو حاله كده صعب انها تتكرر

اوعى تنسى تدعى لى فى اذان الفجر

ادعو للرحمن ان يرزقك بالسعاده والفرحه مدى الزمان


زهـــــــــــراء

رحلتنا في الحياة يقول...

السلام عليكم
ازيك يادكتورة اخبار حضرتك ايه
ربنا يسعد ايام حضرتك كلها يارب ويبسطك دايما اللهم امين يارب العالمين
مبرووووك على المسجد
اما خبر عبد الرحمن الابنودى خبر طيب وجميل لانه المفروض فعلا الناس اللى ليها شعبية وجمهور بيحبه ويحترمه يكون قدوة ليهم فى تصرفاته
بس كان نفسى يعمل حاجة تنفع الناس قبل ما يفكر بعد وفاته
ساعات بفكر هو ليه مشاهير المجتمع مش يتجمعوا ويعملوا حاجة لاطفال الشوارع ولا للايتام ولا للفقراء
شئ يحرك الشعب اللى بقى كل واحد يلا نفسى ومصلحته وبس
ربنا يصلح الاحوال جميعا يارب

أع ـقل مـ ج ـنـونــة يقول...

انا فرحت اوي ان الخال قرر كدا .. ربنا يجازيه خير يارب

ودعواتك بئة اشمعني انا مش هتدعيلي :(

اهئ اهئ اهئ

تقبلي مرووووووري

هوبتي يقول...

السلام عليكم
عامله ايه يا دكتوره ؟ يارب تكوني بخير اما انا فالحمد لله شمعه منوره

اولا وحشتييييييني جدا جدا جدا وحمدلله علي السلامه

ثانيا بجد فرحتيني بالخبرين دول لان الاول زاي ما قلتي حاجة تفرح وتخلينا نعتز بيه كا شاعر كبير وعظيم والخبر التاني ان اسم ربنا بيتكرر كل يوم وبيزيد ويااااااااه لما يطلع من بيتك يا سلالالالالالالالالام

ثالثا انا حابة اقول لايمان قنديل

صاحبه مدونه كلام نسوان ...ان شاء الله ربنا يكمل شفاكي علي خير وترجعي لكل احبابك وترجعي لينا تاني وانتي سالمه

خواطر شابة يقول...

ربي يفرحك كمان وكمان
الخال عبد الرحمان الابنودي انا ايضا من عشاقه اعشق سماعه يلقي الشعر واعشق الاستماع له في برامجه ولقاءته التلفزيونية احس انه موسوعة تمشي على الارض ماشاء الله
دمت بكل ود عزيزتي

صيدلانيه طالعه نازله يقول...

لـــولا وزهـــراء

انا دعيت لينا كلنا بس اختصيت ايمان بالدعاء اكتر شويه
ربنا يشفيها و يبعد المرض عن الجميع

الابنودى شخص الكل متفق عليه و لا جدال فى انه فنان رائع و انسان اروع

منورانى

صيدلانيه طالعه نازله يقول...

احاسيس آيوشه

الابنودى طول عمره بيشارك فى الخير و محتضنه بس المره دى كانت ظاهره عشان تبقى دعوه منه و تشجيع لكل الناس انها تحذو حذوه

منورانى يا يويو

صيدلانيه طالعه نازله يقول...

أع ـقل مـ ج ـنـونــة

متعيطيش يا قمر انا دعيت للجميع اللى اعرفه و اللى معرفوش
و متخافيش ادينى دعتلك فى اذان المغرب

تحياتى

صيدلانيه طالعه نازله يقول...

هوبتي

كلامك حلو قوى يا هبه
و فعلا صوت الاذان و هو طالع من البيت له طعم تانى و احساس مختلف

و كلامك لايمان ياريت هيا تيجى تنورنى و تشوفه بنفسها

منورانى يا هوبتى

صيدلانيه طالعه نازله يقول...

خواطر شابة

نوجا يا حبيبتى ازيك

ربنا يخليكى ليا و يخلى مشاعرك الجميله دى
الابنودى انسان و شاعر لا يختلف عليه اتنين
و كلنا بنفتخر بانتمائه لمصر و شعبها

منورانى

الزهرة البرية (Joudy) يقول...

أخبار بجد تفرح يا دكتورة من غير كلام بجد كل خبر أحلى من التانى بصراحة إن الناس تفهم حاجة غيرها ببساطة من غير لعبكة قوانين ونقاش ومن غير غرض مادى ورا ده حاجة بجد كويسة

أما بقى خبر المسجد فده خبر حلو تصدقى إنى نفسى يعنى إذا ربنا شاء وخرجت بره بيت أهلى وكان ليا بيتى الخاص يكون فى مسجد جنبه وفيه دروس بتذاع من جواه بحيث إنى أقدر أسمعه وأنا جوا فى البيت

ربنا يسعدك دوما ويفرح قلبك

دمتى بكل الخير والسعادة

صيدلانيه طالعه نازله يقول...

الزهرة البرية

ازيك يا جودى
اكيد انتى كلامك صح و لو كل واحد بدأ بنفسه اكيد حتبقى عندنا وفره فى الخير و حتختفى سرقه الاعضاء و الكوارث اللى بتحصل من وراها

و ان شاء الله ربنا يحققلك كل امانيكى

منورانى

غير معرف يقول...

ياااااااارب دايما مبسوووووطة

و ربنا يجازيه خير على قراره ده

والف مبروك على الجامع

adel يقول...

يعني انا يدوب بحاول اعلق و ارجع تختفي انتي يا حماتي ماشي ماشي

علي العموم يارب دايما مبسوطة

علي فكرة في شعرا افضل من الابنودي بكتير
بس هو من شعرا الالقاء زي تميم البرغوثي
يعني متعته في سماعه مش في قرايه كلامه
لانه بعد اول ديوان كرر نفسه كتير قوي

Remas يقول...

وحشانى اوى اوى ياتوتة

يارب دايما فرحانة ومبسوطة

عبد الرحمن الابنودى بيعجبنى فيه ان حد بطبيعته اوى اوى

اما موضوع المسجد دا حقيقي من حقك تفرحى وتحسي ان مودك حلو وقلبك يرتاح وانتى بتسمعى الاذان

ولا رمضان بئا يا علا وصلاة التراويح وقيام الليل

ربنا يفرحك دايما يا حبيبة قلبي

بوساتى لكى ولشادن وسيف

shimaa elkholy يقول...

لووووووووووليه

بصي انا هاموت من الضحك

لا لا مالكوش دعوه انتم

بصي يا لوليه

اول لما قريت العنوان فى الريدر قلت قشطططططططططه بالفراوله البت لولو عملت بنصحيتى ههههههههههههههههههههههههههههههههههههههههه


عموما يا جميل انا مبسوطه لانبساطك بس

بس على فكره خدي بالك بقى من الجامع عشان ممكن بتاع الكاوتش ياخد مفتاح الجامع ويأذن هو الفجر ويجيبلك تخلف عقلي حاد لما تسمعي صوته وهو صاحي من النوم او ضارب كرسي دخان لزوم السهره يعنى

اه اصل ده بيحصل فى الجامع الى عندنا فى الشارع

ومركب للجامع 3 ميكروفنات موجهه الى ودانا دوغري

تحياتي يا جميل ما مبسوط انت

SHAPE YOUR LIFE (ABOALI) يقول...

ربنا يفرح قلبك بكل خير ويجعلك من المقربين اليه ودائما قلبك بكل جميل منشرح

اللهم امين

قلم رصاص يقول...

فعلا والله خبرين يفرحوا والله اوي
وربنا يفرحك كمان وكمان يادكتور

تقبلي مروري وتحيتي

Ramy يقول...

صيدلانية

حاجة جميلة ان الواحد يبوص على الحاجات الحلوة فى حياتة وفى اللى حوالية

علشان الحاجات دى هى التسند وسط كل ما هو يحبط

يا رب دايما تكونى مبسوطة

ربنا يوفقك

شكرا

سواحة يقول...

يا رب يا لولة ديما مبسوطة

سمع هوص (Abo 3li) يقول...

يارب ديما... يسلاااام.. ده يوووم المووووني...

غير معرف يقول...

تحياتى
والف سلامة للشاعر الاصيل

ahmed_k يقول...

الأستاذ عبد الرحمن الأبنودي شاعر عملاق ولا غبار عليه في الشعر ولا في قيمته كشاعر وفنان له وزنه في كل عالمنا العربي
ولكنه لا يملك الحق في التبرع بأعضاءه
فهي ليست ملكه بل هو مؤتمن عليها
وهذه كانت فتوة الشيخ الشعراوي رحمه الله بأن الإنسان لا يملك جسده لكي يتبرع بأعضاءه إلا في حالات الضرورة القصوى وفقط في حالة عدم تأثير ذلك على الفرد نفسه كالتبرع بالدم أو الكليه مثلا

الموضوع التاني مبروك أفتتاح المسجد ونسأل الله ان يكون مسجدا مباركا وان تعم بركاته كل جواره

وألف حمدا لله على سلامة إيمان قنديل

خالص تحياتي

richardCatheart يقول...

والله بقالى يومين عايزة ادخل عندك مش عارفه فى ايه العنوان ظاهر غندى بس ادخل
القيه واقع
المهم انا مبسوطه اوى علشان انت مبسوطه
والله
عبد الرحمن الابنودى طول عمره انسان مصرى جدع بسيط من قلب مصر دا مش غريب عنه

وانا كمان سعيده اوىىىىىىىىى بدعائك لاختنا ايمان قنديل ربنا يشفى عنها ويفرحنا برجعها سلمى يارب
ويتقبل منك ويجعله فى ميزانك يالالا

يارب ديما مبسوطه ربنا يفرح قلبك

-_- يقول...

يا ريت يعملوا كارنيهات التبرع زي امريكا
و الله انا عايز اتبرع بكل اعضاء جسمي في حالة وفاتي عشان تبقى صدقة جارية بعد مماتي

حلم بيعافر يقول...

انا مكتئب

د. ياسر عمر عبد الفتاح يقول...

حمد الله على السلامة
الأبنودي شاعر متمكن ,, وإنسان
مبروك المسجد

Noha Saleh يقول...

مدونتك حلوة جدا

وعبد الرحمن الابنودى فى رأيى من احسن الشعراء فى مصر ولازم نفتخر بيه

мαησηα يقول...

الله اكبببببببببببر يارب ع طول

مبسوطة يا لولايتى انا بفرح اووى بجد

لما بلاقيكى مبسوطة حبيبتى

والف مبروك افتتاح المسجد اللى جنبكوا

ماتنسيش تدعيلى بين الاذان والاقامة

ان ربنا يفرحنى ويكرمنى ويرزقنى

لولايتى _ وش بيبرش _ من غير ضرررب

هناك تااااااااج ف انتظارك :))

عندى تدبيسة ليكى ف واحد شاى

لو اخدتيه قبل كده ابقى قولي بقه

ماشى لولايتى

بحبك انا

قناه ايما يقول...

يارب بدل الفرحه تكون اتنين وتلاته وعشره وتكون ايامك كلها فرحه

ميرا ( وومن ) يقول...

ربنا يزيدك فرح وهنا وسعادة يارب

بجد هي مبادرة هايلة من الشاعر الكبير ربنا يديله الصحة

تعرفي يا هلا اني بفكر في الموضوع دة من قترة كبيرة

وبرة في وصية بيكتبوها الشباب ان في حالة موتهم صغيرين أو في حوادث يتبرعوا بأعضائهم

بس القانون عندنا لا يسمح الا بنقل الأعضاء من الآقارب والعملية الوحيدة المصرح بيها عندنا نقل فص الكبد

انما الباقي كلة بيتم بطرق غير مشروعة وفي الحقيقة انا مش عارفة قانون نقل الاعضاء الجديد وصل لحد فين ؟؟

بس لو دة ممكن انا بجد اول واحدة هاوصي بنقل أعضائي

حمد الله علي سلامة المدونة

غير معرف يقول...

السلام عليكم
ازيك يادكتوره
خبر حلو ان يبقى فيه مسجد قريب قوي كده
لان اصلا مجرد سماع الاذان حاجه جميله جدا جدا
على الاقل خالص حاجه تصحى الناس فى الفجر
وكمان تشجع الناس تروح تصلى فى الجامع لقربه
نفسي ان الناس تروح الصلوات اليوميه زي صلاه الجمعه
هايبقى فيه ود اكتر بين الناس ويتكلموا مع بعض ويناقشوا ازاى يطوروا منطقتهم ويحلوا مشاكلها

ربنا يصلح الاحوال
ربنا يكرمك ويوفقك

momken يقول...

بصى موضوع التبرع بلاعضاء مع احترامى الشديد له

الا ان جسمى عزيز عليا جدا

وبعدين ياسيتى انا هتبرع بيه علشان غيرى يبيع الاعضاء دى وينبصت وانا ياكلنى قطر؟

انا اعتقد لو عملت كده هاذى اهلى والناس الى بتحبنى

يبقى بجانب انهم زعلنين على موتى مضطرين كمان يتبهدلوا ويتمرمطوا وينتظروا عمليه تقطيعى وبعدين ياخدوا الشويه الى يتفضلوا علشان يدفوناها


بصى الجسم انا لسه مؤمن انه امانه وهو ملكى طول ما فيه روحى واول روحى ما تغادر البدن ده هو ملك الى وهبه ليا

رغم وباكد رغم احترامى الشديد لعمليات نقل الاعضاء الى بتنقذ ناس كتير من الموت
بس الناس دول القادرين فقط مسمعتش ان حد غلبان اتنقل له اعضاء قبل كده

موضوعاتك بتعجبنى رغم اختلافى احيانا الا انى احترم افكارك بشده



تحياتى

غير معرف يقول...

الف مبروووووووك ربنا يثبت الاجر لكل من ساهم ولو بالقليل ابويامن

MoHaMed AhMeD يقول...

إليكى يا دوك : ان أستاذنا عبد الرحمن الأبنودى طيب جداً جداً وكمان عقلية فريدة وفيه نموذج من المصرى البسيط والمثقف افريد وكنت قرأت ليه خاطرة كتبها عند أعتقاله (قال فيها )....
قلت لنفسى وبعدين
راح تفضل كدة على طول أمتى
أيه تانى باقى عشان تبقى عليه
وطنك متباع
سرك منزاع
الدنيا حويطه وأنت بتاع
ويهين المعنى الظابط
ويدوس بالجزمة على الحلم
ربنا رزقه بجهل غنيه عن كل العلم
ماذا تعنى
الكون ييسيعك ييسعنى
رد يا حيوان يا أبن الوسخة يا كلب
وصفعنى وتنه على بطنى بالكعب .....


كل ما سبق على لسان شاعرنا الكبير وانا أسف اذا نقلت ( الكلام الخارج )
انا بتمنى أنه ربنا يعطيه الصحة ودوام العافية
واتمنى لكى السعادة وتقللى من الطلوع والنزول علشان صحتك
محمد أحمد القوسى ناراً بلا رماد

dr.lecter يقول...

اخر الرجال المحترمين

وبعدين انت كنت قافله المدونه لفتره؟ علشان معرفتش ادخل من اسبوعين كده

Foxology يقول...

عبد الرحمن الابنودى او الخال يعتبر من انجح الشعراء المصريين فى الوقت الحالى وفعلا هو انسان بسيط جدااا وعبقرى الحقيقة

تحياتى ومبروك المسجد ربنا يجازى اللى عملوه خير

Asmaa mahaba يقول...

ربنا يسعدك على طول انتى طيبه وبنت حلال والله يا دكتوره وصاحبه واجب
والحاله دى عندنا كلنا
اما التبرع فالاختلاف عليه لحد دلوقتى لسه قائم فمتعرفيش صح ولا غلط المهم اللى حاسس بحاجه انها صح يعملها فى الحاجات دى
وبعدين هو الابنودى عنده كم سنه ههههههه يعنى الصالح اللى حيبقى فيه حيبقى ايه دا انا 24 اهو ومفيش جهاز عندى مش واخد ضربه مفك
ربنا يقدر الناس على فعل الخير يا رب

صيدلانيه طالعه نازله يقول...

star in the sky

ربنا يبارك فيكى يا قمر

صيدلانيه طالعه نازله يقول...

adel

ما قلنا يا عادل الاغلاق ده من الضرايب
ههههههههههههه

تخيل فعلا الابنودى سماعه احلى بكتير من قرايته

بيخلى الواحد يروح فى دنيا تانيه

منورنى يا دوله

صيدلانيه طالعه نازله يقول...

reem

منورانى يا ريم
الجامع فعلا بيدى لرمضان طعم تانى

كل سنه و انتى طيبه مقدما

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .