السبت، مايو 29، 2010

للاسف حقيقه




الخبر للاسف قريته فى الشروق المصريه

و للاسف حسيت لما قريته بالقهره و الغيظ

اخيرا و بعد طول غياب المصريين حسوا

انهم مقصرين تجاه اخواننا الافارقه

فقرروا يبعتوا وفد من اساتذه طب العيون

و عملوا حوالى 500 عمليه للمرضى الكينيين

طبعا الراجل راجع بيقول ان الكينيين انتقدوا قله المساعدات المصريه

للافارقه بالمقارنه باسرائيل اللى على طول معاهم و بتساعدهم

و طبعا ده مش لله فى لله و لا محبه و لا كتر فلوس

الراجل الكينى قال للدكتور المصرى انتوا فرحانين قوى بال500عمليه

اللى عملتوهم مع انه قليلين بالمقارنه باننا بنمدكم بشريان الحياه

و طبعا هما قصدهم على النيل





المصيبه بقى ان الدكتور المصرى قال انه دخل على عميد احدى الكليات الكينيه

لقيه حاطط علم اسرائيل جنب علم بلاده و اظن الرساله واضحه قوى و المعنى باين جدا

الدكتور قال ان اسرائيل شغاله شغل جامد قوى فى دول افريقيا 

و للاسف حكومتنا المصريه نايمه فى العسل و مش حاسه بالمصيبه اللى خلاص بقينا 

فى وسطها فعلا و ربنا يستر و نعرف نطلع منها

لانى حاسه ان توقيع بعض  الدول على اتفاقيه اعاده توزيع حصه ماء النيل

مش خارج بره اسرائيل اللى بتحلم من زمان بالنيل و و ان ميته توصل لغايه عندها

الموضوع ده بيبين قد ايه اسرائيل بقت تقريبا محتله كل افريقيا 

عن طريق سيطرتها على مقدرات الدول الفقيره هناك اقتصاديا و معنويا

بلد زى اثيوبيا اسرائيل بقت محتكره مشروعات الرى و الكهرباء فيها



ياريت الناس اللى عندنا يفوقوا و يعرفوا هما واقفين فين بالضبط

قبل ما يصحوا فى يوم يلاقوا النيل اخره اسيوط زى ما الخبراء قالوا

طبعا انا اكتر واحده مش حتضر من الموضوع ده

انا بس خايفه عليكم انتم

اه و الله

هناك 97 تعليقًا:

ويكا يقول...

ساعتها اسيوط هتبقى ايه ؟؟؟؟؟

عرفت انا دلوقتى ليه انتى من اسيوط .
ههههههه


ماشى

عموما ارزاق

samy يقول...

ياااااااااة يااااااااة

دلوقت الناس حست باللى بيحصل

دة من زمان قوى وكانت بينة مش محتاجة دكتور يروح ويشوف

احنا ربنا معانا

البنفسج الحزين يقول...

علي قد مانا باكرة اسرائيل عمي وباتمني أصحي الصبح الاقيها اتشالت من علي الخريطه يارب يارب يا رب
الا اني معجبه باصرار الناس دي علي تنفيذ اللي هما عايزين يوصلوله قرن ورا قرن وجيل ورا جيل علي الرغم من انهم علي الباطل ...
لو كان عندنا ربع الاصرار والارادة بتاعتهم واحنا اللي علي الحق مكانش يبقي دا حالنا...
ثم ايه دا النيل هيوصل لحد أسيوط بس ؟؟؟
طب مايبحبحوها شويه
ويمدوه لحد المنيا...واهو نشرب معاكوا
تحياتي

فكرة من الزمن ده يقول...
أزال المؤلف هذا التعليق.
MR.PRESIDENT يقول...

يا دكتورة شعب سلبي .. مش بيدافع عن حقه في بلده ..
.. الحكومة الموقرة .. اصلا غير شرعية

طب والشعب هيعمل ايه

دا قرار سياسي وحكومي ..

البلد بتضيع يوم ورا يوم

والحل التغير

أيوا تغير الرئيس

تغير الشعب

المهم يحصل تغير

في حاجة منهم

واعتقد ان تغير الشعب اسهل

لأن مش هيقول لأ

ندى الياسمين يقول...

شوف البت الندله
هههههههههههههه

الكلام ده يا بنتى طول عمرنا بنقووووووووووووله

بس ما حدش فاضي يا حلوه

هوبتي يقول...

انا بجد مش عارفه ارد مش عارفه اقول ايه ؟!

امال فين السلام العالمي الي هما عايزينه مع العرب ومع العالم كله هو دا السلام العالمي ؟ يارتي حققتوه ...حققتيه يا اسرائيل الان؟

حسبي الله ونعمه الوكيل

فكرة من الزمن ده يقول...

انت تفتكري ان في حد حايفوق ولا يعمل اي حاجة؟
لا طبعا
اكيد الكل نايم وغرقان في سبات عميق
طالما الغاز بيتباع برخص التراب
مافيش مشكلة
ولا لفت نظرهم كلمة اسرائيل من النيل للفرات
وتصريحات المسؤلين اليهود من اكتر من عشر سنين ان الحرب القادمة سوف تكون حرب على المياه
الكلمة دي من كتر ما اترددت على سمعنا حسيناها سخيفة لكن عذرنا اننا كنا صغيرين
ومش بايدنا حل
ولا فاهمين ازاي ده حايحصل واحنا عندنا النييييييييييييييييل
العيب على المسؤلين عندنا اللي مش شايفين غير تحت رجليهم هما وبس

زهراء يقول...

يا دكتوره علا

ان شاء الله هاجى اسكن فى الشارع اللى وراكم على طوووووووووول
علشان النيل يبقى عندنا ....
يا ست الكل احنا لا يهمنا ولا يربطنا بدول افريقيا سوى لعب كرة القدم فقط لا غير ....
فى مثل بيقول اطعم الفم تستحى العين لكن حضرتك اسرائيل مش بتطعم الافارقه انما بتعمل معاهم كل حاجه
ماحدش بقى يرجع يقولى مصر ام الدنيا وانها الاخت الكبيره والكلام ده لو ممكن يعنى مافيش ام بتعمل كده ما اولادها ومافيش اخت بتنسى اخواتها اللى اصغر منه
بجد خبر مستفز وصورة العلم مستفزه بجد
ربنا يستر على الايام الجايه
باقولك شوفى لى شقه جنبكم حجرتين وريسبشن وتطل على النيل

فتاه من الصعيد يقول...

فضلنا مشغولين بالورث والتوريث لما هيموتونا عطشا ..

اسرائيل لعبتها صح في الزمن الغلط :(

تحياتي

سمع هوص (Abo 3li) يقول...

لو حصل... يبقي استضيفينا عندكم في اسيوط...

شفتي بقي اخر مصيبة... مصر معندهاش ولا وثيقة واحدة ولا صورة حتي من المعاهدات بتااعة النيل... شفتي واكسة الخارجية !!!
ربنا يستر..

مهموهـــــــة يقول...

ههههههههههههه
معلش يا دكتور ايوة انتي خايفة علينا ربنا يخليكي يا رب
ههههههههههههههههههه
عجبتني حتة خايفة عليكم دي
و الله يا غالية الموضوع ده متعب اوي و زعلت لما لقيت الكلام زاد فيه
علشان نعرف بجد قد ايه احنا حكومة كلها غباء
مش يهمها مصلحة بلدهم وسط الشعوب و مكانتها في العالم
قد ما يهمهم يستغلوا المناصب و يلموا الفلوس و يملوا الكروش

ربنا يرحمنا منهم بقى

واحشاني مووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووت و الله يا لولة يا قلبي و بجد و الله انا مقصرة معاكم اوي اوي بس عندي حاجة جديدة كده هبقى اقولكم عليها قريب اوي
بس انتوا ادعولي ربنا يسهلها يا رب

و اتمنى ما تزعليش مني ابدا لانك في بالي علطول و الله

ربنا ما يحرمينش منك يا اغلى اخت على قلبي
و اتمنى تبقي تبلغي زهرا الكلام ده

اكلمكم ان شاء الله في اقرب فرصة

خالص حبي و تقديري و اشواقي

adel يقول...

انا مش عارف انتم قارشين ملحة ااسرائيل ليه
دي عالم زي الفل

بذمتك عمرك شفت ديمقرطية عندنا ويهم ؟
دول بيعملوا مظاهرات عشان الحشيش

طيب سمعت انهم قفلوا الحدود عشان مصر بتهربلهم حشيش ؟؟
والله احنا نستاهل ضرب الجزمة :)

Wanda يقول...

يعنى لما نحب نصتط نيجيلك ؟؟؟
و ايه ده حتعملوا دلتا عندك ؟؟ على بحر الرمال

الاسيطة حيتهروا قر على كده

موضوع اسرائيل و نموها فى افريقيا اعتقد من زمان ازى كان مسلسلات المخابرات بتاعتنا مبينه ده
النظرية احنا الى بعدنا عن الشر و غنيناله بس الشر مش سايبنا فى حالنا

لولة مش احنا اصحاب و حبيب
لتر المياة حتبيعهولى بكام
نفاصل من دلوقتى :-)

الزهرة البرية يقول...

تسمحى لى أصوت عندك يا دكتورة ده ليلة منيلة شكلها مش عارفة أقولك ايه ده احنا المية لما بتقطع بنتجنن مابالك ان فى يوم كده نلاقى الميه بح نهائى دى واقعة سودا يعنى الجفاف اللى قالوا عليه هيجى بعد مية سنة دلوقتى أصبح الوقت أقرب من كده بكتير وشكلنا بعد ما قولنا مفيش حرب هنحارب وشكلها قربت أوووى ربنا يستر

resalatye يقول...

ربنا يستر علينا ويرحمنا ﻻن احنا فعﻻ محتاجين رحمه ربنا تنزل علينا

ELMOSTAFZ يقول...

طب يعني امتحن ولا هموت م العطش قبل مااتخرج ؟؟؟؟؟؟؟؟؟؟؟

حلم بيعافر يقول...

بنقوووول كده من زمان

والناس سادة ودانها وبتستهبل

قلم رصاص يقول...

لا ماهو النظام والحكومه واعدين الشعب بالميه المعدنيه

والله على رأي عادل
احنا نستاهل الضرب بالجزمه

ميرا ( وومن ) يقول...

يا صباح البوستات الجامدة وادخل كدة افتح عيني علي علم إسرائيل

خير اللهم اجعله خير اظاهر اننا نسينا أننا تابعين لهذه القارة اصلا واننا لينا جيران وليهم حقوق علينا

وانشغلنا بجارة السو اللي مضينا معاها معاهدة وأحنا رافعين شعار " أصبر علي جارك السو لا يرحل لاتجيلة مصيبة تاخدة"

لكن لا بيرحل ولا بتجيلة مصيبة دة بينتشر وبيتوغل واحنا هنا غارقانين في خبيتنا التقيلة

والنيل هايبقي اخرة أسيوط وهانيجي نملي كام قلة من عندكم

amirsat يقول...
أزال المؤلف هذا التعليق.
momken يقول...
أزال المؤلف هذا التعليق.
momken يقول...

بصى النيل طول عمره ماشى فى قلب مصر الجديده
وبيروى حقول مصر الجديده
وبنتمشى على الكونيش فى مصر الجديده ومدينه نصر

ولو الميه جرلها حاجه مش هقولك هنولع فى افرقيا لاء..احنا هنكتفى بشرب الميه المعدنيه

وطبعا مش هنستحمى ونعفن ونزعجهم برجيتنا


بصى يا صيدلانيه
ـــــــــــــــــ
احنا اعتمدنا على الكلمه الشهيره الاخت الكبرى والشقيقه مش عارف ايه
وكبيره القاره وكبيره العرب
ونتيجه التواكل ده بدانا ناكل لامؤخذه على قفانا من كل اتجاه
هى بدأت بالميه وهتنتهى بلارض

اسرائيل محاصره من دول عربيه وتسعى لحصار الدول العربيه بدول صديقه لها
وبدات بالفعل فى شراء الاصدقاء
وحصرنا

واحنا طبعا متكعبلين فى موضوع الجزائر والاتوبيس بتعهم
وموضوع قطر الى اشترت مملتكات الفايد فى لندن لمجرد انزال العلم المصرى من عليها
وغيرها من القضايا الى اعتقد ان غبائنا هو الى متسبب فيها


موضوعاتك بتعجبنى جدا وافكارك جميله

دمتى بخير


تحياتى

همس الاحباب يقول...

مع الاسف الحقيقة واضحة وضوح الشمس
والكل يعلم نوايا اسرائيل الخبيثة
ولكن نحن جميعا فى ثبات عميق
اما لو النيل اخره اسيوط
يبقى انا ارجع سوهاج ونعمل سد ونمنع المياه عن اسيوط
يلا خليها تخرب
ربنا يستر يا دكتورة
تحياتى

ستيتة حسب الله الحمش يقول...

ازيك يا لولاااااااااااااااااااا

عاتي
كل اللي بتقوليه عاتي
الخارجية بتاعتنا فله وعاملة شغلها صح
الوزارات بتاعتنا استراتيجية اخر حاجتين تلاتة
علاقتنا بالأمم بقت تفطس من الضحك ولا افلام هنيدي بتاع بابا أوبح

كل ما هو أت يجب ان يكون لأننا فرطنا في حقوق أن نقول لااااااااااا للسفهاء

تحياتي

محمد فؤاد (صاحب عمود النور) يقول...

ربنا يسترها
الله يرحمك يا عبد الناصر

Foxology يقول...

لا يصلح العطار ما أفسده الدهر

دى خلاصة الكلام

تحياتى

صيدلانيه طالعه نازله يقول...

ويكا


مالها اسيوط يا سى ويكا
شفت بقى انا كانت نظرتى مستقبليه ازاى
هههههههههه


منورنى

Sharm يقول...

اسرائيل فعلا عاملة مجهود جامد في افريقيا .. و لكل مجتهد نصيب .. حتى لو كان كافر !

صيدلانيه طالعه نازله يقول...

samy

كانت باينه وواضحه
بس احنا كل اهتمامنا بالقضيه الفلسطينيه
و نسينا نهتم بقارتنا و اللى بيحصل فيها

للاسف خدنا بالنا متاخر قوى

صيدلانيه طالعه نازله يقول...

البنفسج الحزين

انتى لو اتحايلتى عليا شويه حبعتهولك المنيا

اسرائيل دى عامله زى الطفل المعجزه
الكل كارهها و مع كده الكل بيخاف منها و يعملها الف حساب
لانها بتفكر صح و بتنفز صح الصح
ياريت نبقى فى ربع تفكيرهم

منورانى

صيدلانيه طالعه نازله يقول...

MR.PRESIDENT

طبعا الشعب هو اللى حيتغير
و لا انت عندك كلام تانى
قول لو عندك كلام تانى

منورنى

صيدلانيه طالعه نازله يقول...

ندى الياسمين

انا ندله؟؟؟
انا كده كده الميه حتوصلنى
انا خايفه عليكم انتوا

يبقى اطلع بعد كل التحذيرات دى ندله

لا حقيقى اخص عليكى يا ندى

صيدلانيه طالعه نازله يقول...

هوبتي

سلامهم العالمى عمره ما حيتحقق لانهم على طول حاسين انهم مكروهين و مهددين

و عمرهم ما حيحبونا و لا يسيبونا فى حالنا ابدا

صيدلانيه طالعه نازله يقول...

فكرة من الزمن ده

و ياريتهم حتى شايفين تحت رجليهم
كفايه عليهم الاتفاقيات الهبله اللى مش بتاكل عيش و طول النهار السلام السلام
و للاسف كله وعود فى الهوا و اسرائيل شغاله فى الخباثه

صيدلانيه طالعه نازله يقول...

زهراء

شخشخى جيبك و ارمى بياضك يتحقق مرادك
شقه و على النيل
ده حلم يا امى
بس ميغلاش عليكى يا زهرا

صيدلانيه طالعه نازله يقول...

فتاه من الصعيد

طول عمر اسرائيل بتحسبها صح
و بتلعبها فى الجون
و احنا طول عمرنا شغالين بسياسه رد الفعل بس بعد خراب مالطه

صيدلانيه طالعه نازله يقول...

سمع هوص (Abo 3li)

استضيفكم؟؟؟

و لا اعرفكم اصلا
ههههههههههههه

مصر و الخارجيه شغاله ببركه دعاء الوالدين
يعنى توقع منهم كل حاجه و اى حاجه
و كلها حاجات من نوعيه الكوميديا السوداء

صيدلانيه طالعه نازله يقول...

مهموهـــــــة

اه طبعا خايفه عليكم
عندك شك و لا ايه
انا اصلا فى الامان و معنديش مشكله خااااااالص

طول عمر وزاراءنا بيتبعوا نفس السياسه و مش غريب عليهم و لا مستغرب

فمتزعليش نفسك قوى يعنى

انتى كمان يا مها واحشانى جدا
و مفتقداكى جدا
ربنا يطمنى عليكى يارب

صيدلانيه طالعه نازله يقول...

adel

من جهه ضرب الجزمه اكيد نستاهله و زياده شويه


طبعا احنا قارشين ملحه اسرائيل
انت عارف العين متغيرش غير من الاحسن منها

و هما احسن منا بكتييييير

صيدلانيه طالعه نازله يقول...

Wanda

و الله يا ونون
موضوع بيع الميا ده
حيعتمد على العروض اللى متقدمالى فى الموضوع ده و انتى كلك نظر حضرتك
اوعى تزعلى ده تفكير صيادله بحت
هههههههههههههههه

ابجنى تجدنى

صيدلانيه طالعه نازله يقول...

الزهرة البرية

الحرب العالميه القادمه
حتكون عشان الميه اصلا
و بعدين شكل المحافظات كلها حتيجى تحتل اسيوط
هههههههههههههههه
و حنعمل تصفيات
و اللى حيفوز حيمثل مصر فى الحرب العالميه
و كده نبقى عوضنا وكستنا فى كاس العالم
ههههههههههههههههههه

منورانى

صيدلانيه طالعه نازله يقول...

resalatye

طبعا رحمه ربنا وسعت كل شيىء

منورانى

صيدلانيه طالعه نازله يقول...

ELMOSTAFZ

لا بعد ما تتخرج بيومين
لا تقلق
حتاخد الشهاده و تعلقها على الحيطه

صيدلانيه طالعه نازله يقول...

حلم بيعافر

بلاش نظلمهم
هما معندهومش ودان اصلا
عشان يسمعوا و يفهموا

صيدلانيه طالعه نازله يقول...

قلم رصاص

اصلا الميه المعدنيه المصريه متعبيه من الحنفيه
و ساعه الميه ما تتقطع مش حنلاقيها
ههههههههههههههه
و حتبقى فضيحتهم بجلاجل

قال ميه معدنيه قال

صيدلانيه طالعه نازله يقول...

ميرا

واحنا فى ديك الساعه اما تيجى تملى ميه من عندنا

و كل اسبوع نلاقى فاتيما بتدعوا الى لقاء تدوينى فى اسيوط
و طبعا ده عشان يستحموا و ينضفوا من زباله الاسبوع
ههههههههههههههههههههه
و يعملوا كأنه لقاء للخير
و ده فى مصلحتى لانى حاشوفكم كل اسبوع لغايه ما ازهق منكم

مدونة مستر بلال يقول...

فعلا نحتاج الى قرصة في الخد لكي نصحو
لا ادري هل قرصة تكفي !
ام اننا نحتاج الى الملايين من القرصات !

تدوينة مميزه اختي , بارك الله فيك

صيدلانيه طالعه نازله يقول...

momken

ليه يا ممكن بتفكرنى
ياما اتفسحت بالمركب فى نيل مصر الجديده و مدينه نصر
اصل النيل هناك و خصوصا فى روكسى له مذاق خاص و انت بتاكل ابو فروه و المارون جلاسيه
و تقف تصطاد سمك من نيل مكرم عبيد
ههههههههههههههههههههه

اسرائيل فعلا اكتر بلد فى المنطقه
لا تكل ولا تمل من التفكير فى ايجاد طرق تحاصرنا بيها و تخنقنا
و فضلت شغلانا بالقضيه الفلسطينيه
و هيا شغاله فى الخباثه فى استقطاب الدول الافريقيه الفقيره و توجيههم كسلاح ضد مصر اولا و العرب ككل ثانيا
و للاسف نجحت و باقتدار
و من اهم مظاهر نجاحها اتفاقيه اعاده توزيع حصه المياه
ايادىاسرائيل الخفيه كانت واضحه قوى

و للاسف كل اللى عملناه لجان منبثقه و غير منبثقه من اجل وضع تصور محورى حول الازمه

و برضه مش حنعمل حاجه
و حينضم الموضوع ده لاخواته زى صفر المونديال و اتوبيس الجزائر

عاااااااااااتى جدا
عادتنا ولا حنشتريها

منورنى

صيدلانيه طالعه نازله يقول...

همس الاحباب
ماهو مدام اخره اسيوط
يبقى الخير عندى و عندك
تقوم تعمل سد و تمنع الميه عنى
و انا اللى عماله اقول نعمل مشروع و نعبى قزايز ميه و نهيص

ماشى ماشى
ربنا يسامحك

صيدلانيه طالعه نازله يقول...

ستيتة حسب الله الحمش

نقول لا للسفهاء اما يكون اللى عندنا عاقل
بس للاسف هو ميتخيرش عنهم

يا خوفى من اللى جاى
لانه حيكون صعب قوى و دموى

صيدلانيه طالعه نازله يقول...

فؤاد (صاحب عمود النور)

اه و الله
زمان كان كل الافارقه بيتسابقوا يسموا ولادهم ناصر او عبد الناصر
من كتر احترامهم لينا
و كل بلد افريقى تقريبا فيها شارع على اسمه
دلوقتى مش مستنضفين حتى يمدوا ايدهم و يسلموا علينا

منورنى

صيدلانيه طالعه نازله يقول...

Foxology

انت قلت الخلاصه يا فوكس

منورنى

صيدلانيه طالعه نازله يقول...

sharm

و اى شغل ده شغل ميت فل و عشره
و فعلا لكل مجتهد نصيب

تحياتى

صيدلانيه طالعه نازله يقول...

مدونة مستر بلال

بس اللى حيحصل من الميه مش حيبقى قرصه
لا دى عضه و حتطلع بالدم

ربنا يستر علينا كلنا

فاروق بن النيل يقول...

صيدلانية طالعة نازلة ...
أولا أنا إسمى فاروق بن النيل وعندى حكايات عن النيل لأنى إرتبطت بالنيل منذ صغرى لذا إفتتحت مدونتى" تجاربى وحكاياتى" لأقول لماذا سميت نفسى " فاروق بن النيل" لو كان ماتقوليه صحيحا وأنا أشك لك الحق فيما قولتى أن نخاف ونحاول أن نعمل شيئا ولكنى عندى إعتراض ليس على ماكتبتيه هو صحيح جدا بل المضمون :
أولا: الكينيون لي لهم علاقة بنهر النيل فنهر النيل يأتى من تساقط الأمطار الغزيرة على هضبة الحبشة وتفتت الصخور وتحمل هذا الطمى عبر النيل الأزرق من الحبشة والنيل الأبيض من أوغنده ثم يتجمعان فى الشلال السادس قرب الخرطوم ويجتمع معهمانهر عطبرة من الحبشة أيضا فى الشلال الخامس شمال الخرطوم ثم الشلال الرابع والثالث ثم الثانى فى حدود مصر ثم الأول عند السد العالى بأسوان إذن الحبشة هى أكثر الأماكن مؤثرة على مصر تليها أوغنده بتأثير أقل كثيرا وكينيا ليس لها تأثير البتة .أرجو أن أتشرف بزيارتك لمدونتى وشكرا

اقصوصه يقول...

حسبنا الله ونعم الوكيل :(

غير معرف يقول...

أنا مش فاهم مغزى ربط اسرائيل بالمشكلة؟
لكن يبدو إننا تخلفنا بالجملة وثقافتنا بقت, اسرائيل دى كخة, يع, اخصى, وحشة خالص خالص خالص ياعيال, واحتلت أمريكا وأفرقيا والمريخ.
ونسينا اننا بنتكلم عن بلد بتساعد البنى آدمين وبتنضفهم وتوعيهم وتعالجهم, واحنا مش عرفين نساعد حتى نفسنا.
جتنا نيلة على نيلنا اللى أهملناه ولوثناه.
جتنا نيلة على رئيسنا إللى سرق منا كل حاجة ومش هاين عليه يسبلنا حتى المية اللى بنشربها.
بالمناسبة, ماتنسوش تنتخبوه تانى, لسه فيه عندنا كام هرم, عشان يلحق يبعهم قبل مايموت.
كل اللى فالحين فيه هو, اسرائيل وعزرائيل, ياماما, هايخدوا منا النيل,
جتنا ستين نيلة.

ليله شتاء يقول...

السلام عليكم
يارب الحكومة تفوق فيل حتى منلقيش مياه توصل اسيوط هههههههه

ليله شتاء يقول...

كل سنة وانتى طيبة ويارب كل ايامك فى فرح وسعادة وتكونى محققة كل احلامك

الازهرى يقول...

أسيوط ؟ أسيوط ؟
ودى فين على الخريطة إن شاء الله ؟

كارثة الكوارث فى النظام الحاكم عدم وجود النظرة المستقبلية للأمور

ربنا يستر على بكره

نسر الشرق يقول...

انتى بتقولى ايه اذا كان الدول دى بتفكر تحط علم اسرائيل بس انتى نسيتى اللى حصل فى كاس العالم من لاعب غانا على العموم انا عملت استقصاء ونقلت وجهة نظر الفلاحين منشورة على مدونتى
ياريت تشرفينا على فكرة فى سؤال تحت ياريت تجوبى عليه فى جايزة كبيره
http://nisr-elsharq.blogspot.com/

Alaa Salim - علاء سالم يقول...

للأسف حكومتنا مش فاضيه للأمور التافهه والغير مهمه دي
فيه عندهم مشغوليات أهم بكتير
يعني يهتموا بالنيل ويسيبوا البيزنس والعمولات والمليارات اللي بيجمعوها ؟
وبعدين الموضوع مش فارق معاهم لأن لو حتى النيل بقى آخره في السودان كل واحد فيهم عنده رصيد أموال برة تعيشه ملك بقية حياته في أحسن منتجعات العالم

ربنا يرحمنا برحمته
تقبلي مروري

الشاعر الفنان أحمد فتحى فؤاد يقول...

أختنا العزيزة

ما خفى كان أعظم

و الأهم دلوقتى و بعد الإتفاقية المعدلة و المنقوصة لنهر النيل بقت أفريقيا مهمة و كل يوم يطلع مسئول همام يقول أفريقيا أفريقيا
كان فيه ده و كل الجرايد بتكتب من كام سنة ... طبعا الجرائد المستقلة مش جرائد الهتاف

ما علينا

إنتى إزيك و عاملة إيه ...يا رب بخير
ده المهم

دمتى بخير

همس الاحباب يقول...

دكتورنا
كل سنة وانتى طيبة
وعقبال 100 سنة صحة وسعادة
تحياتى

فاتيما يقول...

كل سنة و انتى يا لولاّ
حبيبتى

http://www.glitter-graphics.com/graphics/568929

فاتيما يقول...

كل سنة و انتى يا لولا وسطنا

http://www.glitter-graphics.com/graphics/17150

فاتيما يقول...

كل سنة و انتى يا لولا ..أسعد

http://www.glitter-graphics.com/graphics/329442

فاتيما يقول...

و انا يا لولتى ... بحبااااااك

http://www.glitter-graphics.com/graphics/415647

فاتيما يقول...

و كل سنة و الغزالون يهبلون و سيف منورين حياتك
♥♥
http://www.glitter-graphics.com/graphics/416020

فاتيما يقول...

و دكتور أشرف ف قلبك و يخليكم لبعض

http://www.glitter-graphics.com/graphics/568929

فاتيما يقول...

بحبك

غير معرف يقول...

كل سنة ونتى طيبة يا ماما وعبال مية سنة




سيف

احاسيس آيوشه يقول...

انا جاية اقول لحضرتك كل سنة وانت طيبة وعقبال 100 سنة كلها سعيدة باذن الله

Wanda يقول...

:-))))للاسف حقيقة
طلعت غلطت فى اليوم و النهاردة عيد الطفل مش اول امبارح و عليه
الى احلى طفلة و اشقى طفلة و اجن طفلة
كل سنة و انت طيبة :-))))))

ايها القوم لقد اثبت كوكب الارض جدارته فىالصمود و يختص بهذا التميز قارة افريقيا و جمهورية مصر و محافظة اسيوط و مدينة اسيوط
انها قادرة على احتواء هذا النجم الساطع :-)))
البسوا النظارات قبل ما تبصوا الى حيقولى عايز عملية اقوله التامين ملوش دعوة :-))

فقد اثبتت النجوم ان لها قدرة علاجية و التخفى فى صور اجمل المهن الصيدلة :-))))( صحيح بيتغانقوا مع الزباين ساعات بس تلك نقرة اخرى :-)

و انها لها مفهوم اخر فى حركة الكون و الزمن و ليس للامام و الخلف بل بالصعود و الهبوط
حيث يختلف منظور الامور و الاشياء اذا نظر اليها من اعلى او من اسفل وعليه فمن مهمات النجم ان ينير من كل الزوايا
(يعنى لو لاقتوا الكلام نازل علي دماغكم ساعات عادى عادى طنشوا :-)

اذا فلتصطفوا طابور و انا اولكم فى انتظار حصتكم من تورتة المى فاى :-)))) و استعدوا بالتهانئ و الاغانى و انا ما على الا التصفر صفارة البداية و النهاية :-))))


كل سنة و انت طيبة يا لولة
كفاية عليكى تعليق صغير اصل مشغولة :-(( وورايا مذاكرة مش اجازة زى ناس اصحابنا :-((((

ملحوظة : اذا لم تصلنى حصتى من التورتة فاسوف اقوم بكتابة تعليق اخر هجائى على نهج شعراء العرب :-)))) و قد اعذر من علق :-)))

richardCatheart يقول...

اه شغاله ومن زمان اوى
واحنا حكوماتنا نطه فر بطمان العثل

ضيلعونا بره وجوه

تحياتى يا لالا

فاتيما يقول...

صباااااح الخير و الناس الحلوة
اللى زادت سنة ف عمرها


طبعا سيادتك واخدة ركن م الصبح ف الصيدلية و مدياها عيااااط
منا عارفكى تعزى العياط زى عينيكى


قاعدة بتعيطى طبعااا
ع السنة اللى راحت


بتقولى و لا هامك؟؟!!

اطلعى من دول


كلنا يا ماما بنعيط
مفيهاش حاجة يعنى ..
متنكسفيشى خالث


انا عاجبنى قوى توصيف زهراء
إنك فلة المدونات
خلاص بقى لقبك يا ست انتى


كل سنة
و انتى طيبة يا حبيبتى

صيدلانيه طالعه نازله يقول...

فاروق بن النيل

كلنا عارفين علاقه الكينيين الوثيقه بالنيل
و اهميتهم لينا

تحياتى و ان شاء الله ارد الزياره

صيدلانيه طالعه نازله يقول...

اقصوصه

و انا باضم صوتى لصوتك

صيدلانيه طالعه نازله يقول...

غير معرف

ميرسى لتعليقك
و شكرا لابداء وجهه نظرك

صيدلانيه طالعه نازله يقول...

ليله شتاء

ليه بس كده
خليها توصل اسيوط و انا اوعدكم انى حاديكم منهاو الله

انا مش ندله قوى للدرجه دى

ميرسى يا حبيبتى على التهنئه و ربنا يديم المحبه

samy يقول...

صيدلانية

كل سنة وانتى طيبة

كل سنة تكون أجمل من الأولانية

وكل سنة وانتى طيبة وفاتحة صيدالية


ايوة تبقى سلسلة صيدليات (:


صباح الخير

انا عارف دة برة الموضوع

بس انا علقت على الموضوع فوق

(:

صيدلانيه طالعه نازله يقول...

الازهرى

ماهو انت لو عندك خريطه اصلا
كنت عرفت فين اسيوط

صيدلانيه طالعه نازله يقول...

نسر الشرق

موضوع غانا فى كاس العالم كل الناس شفته و حسيت بخطورته
ماعدا العرب اعتقد
احنا من النوع اللى بنتفرج على الاجوان و بس

منورنى

صيدلانيه طالعه نازله يقول...

Alaa Salim - علاء سالم

انت عندك حق
النيل ده ميهمش غير الغلابه اللى متعوده على شرب ميه المجارى
لكن البشوات ليهم اهتمامات اخرى

منورنى

صيدلانيه طالعه نازله يقول...

الشاعر الفنان أحمد فتحى فؤاد

للاسف مخدناش بالنا من افريقيا
غير بعد ما بقت سلاح موجه لينا

ربنا يسترها علينا

انا الحمد لله كويسه و زى الفل

منورنى

صيدلانيه طالعه نازله يقول...

همس الاحباب

ميرسى يا ابو همس
على ذوقك و اهتمامك
و ربنا يديم الاخوه يارب

صيدلانيه طالعه نازله يقول...

فاتيما

ايه ده كله
ايه ده كله

كل دى هدايا يا تيما
ربنا يخليكى ليا و ميحرمنيش منك ابدا
انتى بجد اخت و ام و صديقه و كل حاجه حلوه فى حياتى
اموووووووووووه

صيدلانيه طالعه نازله يقول...

سيف

و انت طيب يا حبيبى
و يارب اشوفك زى الناس الحلوه دى كلها

بحبك

صيدلانيه طالعه نازله يقول...

احاسيس آيوشه

ربنا يخليكى يا يويو
و افرح بيكى قريب
ان شاء الله

صيدلانيه طالعه نازله يقول...

Wanda

انتى مش معقوله يا واندا
يا سلام عليكى اما تبقى رايقه بتقولى احلى كلام
انا مش حديكى حته من التورته
انتى حتتبعتلك تورته مخصوصه ليكى وحدك

امااااااااااااال هو انا عندى كام واندا


بحبك

صيدلانيه طالعه نازله يقول...

richardCatheart

اهلا اهلا بالناس اللى من ساعه ما فتحوا مدونه
مشوفناهمش و اتشغلوا عنا خااااااااالص
انتى من الناس اللى كان نفسى اروح لقاء اسكندريه عشان اشوفهم
بس ملحوقه
اول اما انزل لماما اسكندريه حابقى ابعتلك انى وصلت و نتقابل

و حاولى تبعتيلى نمره تليفونك
او قوليلى مع مين و انا اخدها

بحبك

صيدلانيه طالعه نازله يقول...

فاتيما

صباح فاتيمى
معطر بالورد
و الفل
و الياسمين
طبعا انتى عارفانى
اعز النكد زى عينيا
بس مش معقوله
بعد كل المهرجانات اللى معموله عشانى دى و اعيط
يبقى معنديش دم خالص
انا اول مره احس بالحب الكتير قوى ده
و اللى فاق كل توقعاتى
و تخيلاتى و تصوراتى

انا بحبكم قوى
انتوا خليتوا لليوم ده طعم و لون و ريحه

ربنا يخليكى ليا يا تيما
و يديم الحب و الصداقه بيننا لغايه ما تجوزى يوسف و شادن و سيف
و كل عيال البلوجريه
يارب
بحبك قوى قوى قوى

صيدلانيه طالعه نازله يقول...

samy

ميرسى ليك يا سامى
كلك ذوق
ربنا يخليك و يكرمك دايما

Ana keda يقول...

كل سنة وانتى طيبة يا علا
يا صيدلانية
عقثبال مليون سنة وانتى فى صحة وسعادة كده يا رب علطول
وانتى احلى واطيب وانقى واقرب لربنا ولطاعته
ربنا يخليكى لينا :)

ستيتة حسب الله الحمش يقول...

هابي بيرثداي تو يوووووووووووووو
سنة حلوة يا كميل
يالا حالا حالا حالا هاتوا تورتة وجاتوه

كل سنة وانتي طيبة وسعيدة وفرحانة ومستورة وآمنة وفي زيادة وفضل وكرم من رب العالمين

ابويامن يقول...

المهم العريس الطويييييييييل ورفاقه ومعاونوه يكتمل استمتاعهم بملاعب الجولف وقصورهم الحصينه ووزير ريهم الجديد الاهبل واللى الظاهر بيعتبر البحر الابيض ومياه الصرف الصحى احتياطه الاستراتيجى من المياه.....عينى عليكى يابلد

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .