الجمعة، أبريل 23، 2010

حبيبتى من ضفايرها طل القمر








انا بحب عمار الشريعى قوى


و بحب كل الحانه و اغنياته

خصوصا اللى بيشارك فيها بصوته

كمان كل اغنيات فرقه الاصدقاء

بصراحه كلها احلى من بعض

متعرفوش اذا كانت اغنيات عاطفيه

و لا وطنيه و لا ايه بالضبط

كل حد بيسمعها بمفهوم غير التانى

زى اغنيات منير تماما

كمان الاغنيات اللى جت فى افلام

الرائع الراحل عاطف الطيب

اللى لسه لغايه دلوقتى محدش

قدر يملا مكانه

النهارده انا اخترتلكم الاغنيه دى

لانى بموووووووت فيها

و خصوصا ان بعد بكره عيد تحرير سينا

كل سنه و احنا مصريين

كل سنه و احنا حاسين ببعضنا

و قلوبنا على بعضنا

كل سنه و احنا بنخاف عليها

كل سنه و هيا ضامانا لحضنها


و يارب السنه الجايه تبقى فووووووووووووووق

قولوا معايا

آميييييييييييييييين

هناك 37 تعليقًا:

richardCatheart يقول...

امييييييييييييييييين

يارب يالالا وانت طيبه وبلدنا الحلوة رفعه رسها واحلى واحسن ربنا يزيح هممها اللى كترت اوى

انا كمان معاكى بموت فى الشريعى فى راى عبقرى وديما بسال ليه مغناش بالرغم من الشجن اللى فى صوته كل مزيكته حكايه
حتى مسلسل ريا وسكينه محبتهوش غير من الكام اغنيه اللى حطهم فيه
بما انى من عشاق السيما فابردو بضم صوتى لصوتك فى الراى عن العبقرى الراحل عاطف الطيب

شكرا على الاغنيه الجميله فى كمان اغنيه جميله بموت فيها بسمعها على طول اسمها الحدود للاصدقاء سمعتها على كبر لما طلع اليو تيوب لانى مالحقتهمش زمان كنت صغيره ومابسمعش لسه اغانى وكده
اغنيه ولا اروع من كده تلاقى حاله فظيعه من الشجن والحب

تسلمى على ذوقك الحلو وديما طيبه
تقبلى مرورى

صيدلانيه طالعه نازله يقول...

richardCatheart

تصدقى انى و انا بكتب البوست كنت حاقول ان اغانيه فى ريا و سكينه و المقدمه و النهايه هما اللى حببونى فى المسلسل
بس قلت خلينا فى مصر كفايه
عمار الشريعى فعلا صوت كله شجن و حنان
تحسى بحاله غريبه و انتى بتسمعيه

ميرسى على ذوقك و اهتمامك يا قمر
و سلامى لاسكندريه و اهلها

سمع هوص (Abo 3li) يقول...

اميييييييييييييييين

ان شاء الله هتبقي احسن واحلي ...


وبالنسبة لبعد بكرة... فانا سعيد اكتر اني قدرت اخده اجاااااااااااااااازة بعد خناقات وحروب مضنية....

Unknown يقول...

جميله فعلا الاغنيه دي
يارب يدوم الحب والموده بينا
انا هشير الاغنيه عندي

صيدلانيه طالعه نازله يقول...

سمع هوص (Abo 3li)

انت كل اللى همك اليوم الاجازه

مش هامك مصر و لا سينا
و لا انهم حيقرفونا بفيلم الطريق الى ايلات و حكايات الغريب

كل ده مش هامك

صيدلانيه طالعه نازله يقول...

لماضة

لماضه عندنا فى اول ظهور
يا مرحبا يا مرحبا
انا بشكر عمار الشريعى و الاغنيه بصراحه

و بعدين يا فندم الاغنيه و البوست و البلوج كله تحت امرك

منوره يا قمر

عاشقه الرومانسيه يقول...

فوق فين ياعلا؟
فى الجنه ونعيمها يعنى؟
ولا قصدك ايه بالضبط؟
انتى بتدعى علينا دعوه جماعيه يالولو
اخص علييكى ياوحشه
P:

همس الاحباب يقول...

اللهم امييين
وكل سنة وانتى طيبة
وكل المصريين بخير وسعادة
وكويس كده يبقى احنا اجازة
ههههههههههه

تحياتى

صيدلانيه طالعه نازله يقول...

عاشقه الرومانسيه

هههههههههههههه
لا يا حبيبتى قصدى اللى ساكن فى الارضى يبقى فى الخامس و اللى فى العاشر يطلع الخمستاشر
و كده يعنى

انتى اللى ظنك سيىء اعملك ايه بقى
هههههههههههههههههههه

نورتينى يا دودو

كيكى عوووووو يقول...

اامين
بس هتبقى فوق فين؟؟
انا بحب اوى رباعيات مسلسل ريا وسكينة بيغنيها بنفسة زى مابتحبى

صيدلانيه طالعه نازله يقول...

همس الاحباب

و انت طيب يا خالد يا ابو همس و شابى

و حاول تستغل الاجازه كويس و تشوف حكايات الغريب خمس مرات قبل الاكل و بعده
بيفيد قوى الفيلم ده فى الهضم

تحياتى ليك

صيدلانيه طالعه نازله يقول...

كيكى عوووووو

و الله يا كيكى كل واحد و فوق بتاعه
انتى عايزاه فين بالضبط

انا برضه باعشق رباعيات مسلسل ريا و سكينه كلمات و صوت

منوره يا قمر

غير معرف يقول...

اغنيه رائعه وفيلم اروع :)

شكرا للاختيار

تحياتي

خواطر شابة يقول...

الان اجبتني على سؤال ظل يتردد في ذهني منذ امس شاهدت على قناة الحياة فيلم اعدام ميت وقيل انه بمناسبة ذكرى الانتصار فانا كنت اعرف احتفالات اكتوبر ويما اننا في شهر ابريل تسائلت ماذا كانوا بقصدون والان عرفت الجواب فشكرا على المعلومة
كل سنة وانت ومصر وكل المصريين بخير
تحياتي وودي

إيمان يقول...

اميييييييييييييييييييين يارب
ان شاء الله لسنه الجايه تكون احلى واحلى

لــــ زهــــــراء ــــولا يقول...

علاااااااا
-*-*-*-*

معلش انى جايه متاخره بس انتى اكيد مقدره الظرووووف

قبل اى كلام فيلم كتيبة الاعدام ده تحفه انتى عارفه انه له ذكرى معايا ان اخر فيلم شوفته سنيما مع والدى الله يرحمه والفيلم بامووووووت فيه بجد
الاغنيه مالهاش حل
عاطف الطيب الله يرحمه باقول عليه انه عبقرى
عمار الشريعى بقى حدوووووووووته بجد
انتى فاكره فرقة الاصدقاء يمكن كنت لغاية وقت قريب احتفظ لهم بمجموعة البومات من ايام ما كان اسمها شرايط كاسيت فاكره الحاجات دى علا

ده بقى لينك اسمعى منه احلى اغانى للفرقه بجد حاجه هايله
http://www.mawaly.com/music/Elasdeqa2+Band

عمار الشريعى افتكر له اغنية اكتر من روحى بحبك اللى غنتها لطيفه وبعد كده عملها تتر مسلسل الرايا البيضاالموسيقى الخاصه بها وبعدين دخل منها جزء فى اغنية الغنوه اللى غنتها لطيفه برضه
يااااااااااه يا علا فكرتينى بحاجات بعيده اوى
ذكريات من زمن فااااااات

وياستى يسمع منك ربنا وابقى فوق السنه الجايه وليه السنه الجايه يارب فى اقرب فرصه ابقى فوووووق
المعنى فى بطن الشااااااعر ;)



زهــــــــراء

Kiara يقول...

الله يامامي

مش فيه حب بيساوي حبها

بس عاوزانا فوق فيييييييييين

мαησηα يقول...

امييييييييييييييين

كل سنة وانتى طيبة يا طيبة

مش سمعت الاغنية دى قبل كده بس اكيد

هتبقى حلوة مدام اختيارك يا قمر

غير معرف يقول...

امييييين

يارب دايما فووووووووووق

واحلى حاجة فعلا الاجازة من الجاااااااااامعة

ستيتة يقول...

سينا رجعت كاملة لينا
"شادية بتعمل حركة مارلين مونرو" .. ومصر اليوم تيرارارارا مصر اليوم في عيد
هييييييييييه

ربنا يأمن مصر ويسلمها ويفاديها من كل شر
حاجتين كابسين على مراوحي في الذكرى السعيدة دي
1- ان فيه مصريين كتير عمرهم ما شافوا سينا مع ان ابوهم او عمهم او خالهم او جوز امهم استشهد فيها
وده طبعا علشان المواطن المصري دخله عالي جدا وبيقضي أجازته في موزمبيق

2- وجود صهاينة على أرض سينا بمايوهاتهم ب "وان بيس" بتاعتهم وساعات من غير أي بيس
بتمنى من لله اعيش واشوف الجيش المصري زي ما له قاعدة عسكرية في كل ناحية في الجمهورية برضه ليه قاعدة وتمركز في سينا

وساعتها كلنا نعمل زي شادية ونميل القصة :)

هوبتي يقول...

اوووووه
بصي انا اول مره اسمعها بس عجبتني جدا جدا
بجد ميررررررررررسي
ويارب ما تحرميناش منها

صوت من مصر يقول...

كلامك مش محتاج تعليق

صيدلانيه طالعه نازله يقول...

فتاه من الصعيد

ربنا يخليكى يا قمر
و بصراحه الفيلم و الاغنيه دى محدش يقدر يختلف عليهم

منورانى

صيدلانيه طالعه نازله يقول...

خواطر شابة

و انتى طيبه يا نجوى
و ربنا يديم المحبه بينا
و متنسيش تشوفى باقى الافلام
اللى حتيجى اليومين دول

تحياتى

صيدلانيه طالعه نازله يقول...

emymony

يارب يا ايمى
كل ايامنا تبقى احلى و احلى

منورانى

صيدلانيه طالعه نازله يقول...

لولا وزهراء

ربنا يرحم والدك و امواتنا اجمعين
امين يارب العالمين

الاغنيه و الفيلم دول بيعيشونى فى حاله
عجيبه كده مش بعرف اوصفها
بس بالاقى دموعى نازله وحدها

ميرسى على اللينك يا زهرا
و يارب كلنا نبقى فووووووووووق بس فوق بمعنى الاحسن

و بعد الشر عليكى من كل شر

تحياتى

صيدلانيه طالعه نازله يقول...

كيــــــــــــارا

عوزاكى فوق للاحسن
للاعلى
للارقى
لكل حاجه بتحبيها

خدى بالك من نفسك

صيدلانيه طالعه نازله يقول...

мαησηα

و انتى طيبه يا منونه

و ميرسى لذوقك يا حبيبتى

بس ياريت بجد تسمعيها

حتعجبك قوى لان عارفه ان ذوقك شبه ذوقى

منورانى

صيدلانيه طالعه نازله يقول...

star in the sky

استمتعى بالاجازه على قد ما تقدرى

و يارب تبقى دايما من احسن الى احسن

صيدلانيه طالعه نازله يقول...

ستيتة حسب الله الحمش

دايما اقول زيك
ولادنا و اهالينا ضيعوا عمرهم و ماتوا فى الارض دى
عشان الناس السيس دى سواء مصريين او يهود يجوا يتمرمغوا فيها و يتمسخروا قدام عينينا و احنا ساكتين

تفتكرى يا اختى عقبال ما اللى فى نفسك يحصل
حيكون لسه فاضل قصه نطوحها زى شاديه
اشك

انتى برضه بتشكى؟؟؟؟

صيدلانيه طالعه نازله يقول...

هبة الحياة

الحمد لله ان ذوقى عجبك

منورانى

صيدلانيه طالعه نازله يقول...

محمد بدر

ميرسى لذوقك
و يارب تنورنا هنا دايما

صيدلانيه طالعه نازله يقول...

صوت من مصر

ربنا يخليك

منورنى

د. إيمان مكاوي يقول...

كل سنة ومصر كلها بخير دايما

Foxology يقول...

اتمنى من كل قلبى اننا السنة الجاية نكون اتغيرنا فعلا من اولنا لاخرنا

تحياتى

sony2000 يقول...

امييييين يااااااارب
ويارب حلمي ان مصر تكون احسن دوله دي نشوفها يتحقق فيوم
قولو اميييييييييييييييين
اللهم امين

FOrty يقول...

باه اغنيه جمبله فعلا فكرتيني بعمار و فرقه الاصدقاء كانت اغانيهم خفيفه و حلوه و ليها معنى حقيقى افتقدتهم كتير الحان و اكلمات كانت بتاكد على الهويه المصريه من غير تشنج و لا زعيق و لا اسفاف و فى نفس الوقت ممتعه جدا اختيار مميز
تحياتى

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .