السبت، أبريل 17، 2010

انا عايزه اعيش فى كوكب تانى+ تحديييييييييييث




تحديث تانى


البقاء لله

سكره جدتها اتوفت امبارح يا جماعه


و سبحان من له الدوام








تحديث هام قوى جدا خالص




مبرووك يا ميرا (وووومن )   مبروك كمان يا توفى افتتاح المدونه الجديده 


يارب تكون فاتحه خير عليكم كلكم ان شاء الله










مجتش على حد منكم لحظه حس فيها انه مخنوق



و مش عايز يبقى وسط الناس و عايز يبقى لوحده



اكيد عدت علينا كلنا 



انا المود بتاعى دلوقتى هو مود اغنيه كوكب تانى لمدحت صالح

نفسى فعلا اروح اعيش فى مكان بعيد عن اى حد و اى حاجه

يا اما الدنيا اللى حواليا ربنا يكرمها و تتغير للاحسن

محدش بيحب يعيش وحده

بس ساعات الظروف بتحكم

و نفسيه الانسان بتقفل

و تبقى مش متقبله اى حد

للاسف انا كده دلوقتى

بس تفتكروا الكوكب التانى حيبقى احسن؟؟؟




هناك 33 تعليقًا:

لــــ زهــــــراء ــــولا يقول...

دكتوره علا

-*-*-*-*-*

عنوان البوست شديد اخر حاجه ....
انا عايزه اعيش فى كوكب تانى وياترى يا هل ترى الكوكب التانى هتلاقى فيه تلوث زى كوكبنا :-P مش يمكن يكون اكتر من التلوث اللى عندنا
طيب ياترى الكوكب التانى هيكون فيه حاجات تسد النفس زى الحاجات اللى على كوكبنا مش يمكن الكوكب التانى يقرف اكتر

سؤال اخير قبل ما ارد على كلامك هو الكوكب التانى هيكون فيه زهراء ؟؟؟؟


قالوا فى الامثال جنه من غير ناس ما تنداس ... رغم اننا على الكوكب ده بنشوف نماذج من البشر اقرب ما يكون الى الحيوانات وكاننا اصبحنا فى غابه لكن برضه لسه الخير موجود فى هذا الكوكب لسه الحب موجود رغم انك ممكن تلاقى ايد بتجرح على هذا الكوكب لكن من المؤكد انك تلاقى كذا ايد تطبطب رغم ان الجو العام يدعو الى الاحباط والياس وكل لما الواحد يعمل حاجه ترفع من شانه تلاقى مية صوت يقول مافيش فايده لكن برضه لسه فى امل لسه الكوكب ده عليه خير .........
واحنا اصلا نتعب نفسنا ونقعد ندور على كوكب تانى ليه برضه اللى نعرفه احسن من اللى ما نعرفوش على الاقل عارفين ازاى نتعامل مع الكوكب ده بالناس اللى عليه

يا لهوى كل ده كومنت هههههههههههههه
ده بوست يا بنتى معلش على الرغى والله كان نفسى اقول حاجات كتير بس يلا بقى كفايه عليكى كده النهارده

اتمنى لكى السعاده والتوفيق على هذا الكوكب الى حين اشعار اخر

زهراء

Kiara يقول...

الكوكب التانى كدا هيبقي زحمة

وزحمة يادنيا زحمة :)

sweet angel يقول...

عايزه تعيشي في كوكب تاني؟؟؟
ومين سمعك !!
أنا نفسي في كده من اربع سنين

sweet angel يقول...

عادي يا دكتوره
دي حاجه طبيعية جدا
واحساس طبيعي
كل انسان لازم تجيله فتره عدم اتزان
مرحله اعاده ترتيب الأوراق

بس حاولي مش تطولي في الاحساس ده
أصل يقلب باكتئاب
وتبقي حضرتك
"صيدلانية قايمه نايمه"

ربنا يرزقك السعاده

ahmed_k يقول...

أنا كنت ساعات بفكر كده بس لما بشعر بالعطش مثلا بحمد ربنا أني على كوكب الأرض فهنا ماء والكوكب التاني لا يوجد
ولما بآخد نفس عميق بحمد ربنا أني على الأرض لأن الأكسجين هنا متوفر والحمد لله لكن هناك لأ
وغير كده أنا مبحبش الخنقه فهناك حتبقى بدلة الفضاء خنقاني ههههه

سلمي الأمر لله يا دكتوره فهو لن يضيعك
بس فكرتيني بأغنيه جميله (كوكب تاني ) كانوا على طول بيجيبوها في برنامج فكر ثواني وأكسب دقائق فاكراه؟؟

ربنا يسعد أيامك يا أختي ويتجاوز عنك

في أمان الله

غير معرف يقول...

اكيد بتعدي علينالحظات كده

واكيد بنحلم بكوكب تاني افضل :)

تحياتي

خواطر شابة يقول...

انت محتاجة بس وقت تقعدي فيه مع نفسك وبعدين ترجعي لكوكبنا تاني لانه ملناش غيره ولازم نتعايش معاه ومع من فيه
سيبيها على الله ومتفكريش كثير اوقات والله العظيم بأحسد اللي مبيفكروش وبألاقي قول الشاعر:
ذو العقل يشقى في النعيم بعقله
واخو الجهالة في الشقاوة ينعم
بألاقي هذا القول قد اصاب فعلا كبد الحقيقة
دمت بكل الود عزيزتي

richardCatheart يقول...

ياريت تانى تالت رابع استجم حتى ولما ازهق ارجع هههههههههه

بصى يالالا لو اطلعتم على الغيب لخترتم المواقع
ياعنى مافيش حاجه هاتتغير هى هى وهو هو اللى كاتبه المولى عز وجل بيكون
مع سعى البشر بأراده الله عز وجل طبعا

وبما ان طولت العمر ليكى يارب اكيد الكوكب التانى دا دنيا بردو حتى لو الوانهامختلفه والناس مختلفه هايبقى فيها قله راحه
وخلقنا الانسان فى كبد دى طبيعه للخلقه البشريه وحياتها ياعنى اكيد هاتلاقى فى الكوكب التانى منغصات وجاره تنرفزك وزبون فى الصيدليه بتاعت الكوكب التانى يعكنن عليكى وشركه ادويه تستغلك ولا انت فاكره الكواكب التانيه انضف واهدى
ابدا والنبى طيب البت امينه بت عم حنفى اخر مازهقت راحت كوكو تانى جنب الكوكو التانى اللى بتقولى عليه ولسه راجه وقالت قرف بقرف يبقى افضل معاكم احسن انتو اهلى وناسى واصحابى وحبيبى والدنيا من غيركم وحشه هههههه

روقى يا لالا وسبيها على خالق الخلق
لازم نتخنق علشان نعرف معنى الفرج ونمرض علشان نعرف معنى الصحه
ونفكر علشان نعرف معنى الدنيا

وربنا بكره تروق وتحلى وتقولى البت رتشارد قال
ايه اجى ازغزغك علشان تتضحكى طيب اوعى كده
زغازيغ زغازيغ زغازيغغغ زوغزيغه

ايوة كده روقى وفوكيها وعلى راى الاغنيه فكك فكك فكك


ملاحوظه مئلوظه

متشكره اوىىىىىىىىى على الاغنيه انا بموت فى مدحت صالح توحه ابو صوت رائع


معلش على الاطاله وياريت تتقبلى مرورى

ستيتة يقول...

مبروك عودة الريدر للقراءة ومنورة الريدارات
ونرجو ان تكون اخر التهنيجات
وبعدين الحالة دي طبيعية خالص خالص
ساعات تبقى عاوزة تعيشي في كوكب تاني
وساعات كوكب تاني هو اللي يبقى عاوز يعيش فيكي
وفي أغلب الأحيان تمر مثل هذه الحالات سريعا سريعا ليرجع المود يتظبط ويبقى عال العال يا عبد المتعال

مساءك سكر على رأي كاظييييييييييييم

sony2000 يقول...

بصي ياحببتي
موش هقول غير كلمه وحده
تفائلوا بالخير تجدوه
وخلي املك فربنا كبير
هو اللي بيطلعنا احيانا من الحاله اللي احنا فيها دي
خليها علي ربنا:)

عاشقه الرومانسيه يقول...

خدينى معاكى ياعلا

أحمد عبد الحميد يقول...

لا يا ماما لا
بلاش النظرة الخنيئة للحياة دى
حاولى تطلعى من المود ده بسرعة
تفتكرى البعد ده حيغير حاجة؟

فكى كده وخليكى فرش وإحمدى ربنا إنت أحسن من غيرك.. دى الناس يا عينى ماشية تكلم نفسها علشان الحشيش شاحح

تحياتى

well يقول...

اذا كان احنا مش قادرين على ايجار هنا ...وانتى عاوزانا نروح نعيش فى كوكب تانى ... وبعدين بينى وبينك بطرس غالى احتمال يطلع عليه ضريبة ..

هو ليه الكل دلوقتى ..مخنوق وعايز يبعد
الكوكب التانى موجود وفيه هدوء لكن ..مفهوش طعم الحياة

تحياتى

صوت من مصر يقول...

كوكب البهظى يرحب بالزائرين

هي وظروفها يقول...

علا


البلوج بتاعك علي طول بينهج الجهاز عندي انا يا دوبك لحقت افتح صفحه تعليقاتك فقلت اقولك ياريت تغيري شكله او تشوفي ماله هقرا وارجع بس يارب يفتح تاني معايا

هي وظروفها يقول...

وحياه كتاب الله لو رحنا عيشنا في موزمبيق ولا جرينا في شمال اوربا ورا طائر البطريق هنلاقي الناس هما هما اللي هيفرق اللغه وهنتعلمها وهيخنقونا ويرخموا تقوليش استقصاد

اتامه تناحه

تعرفي يا علا انا بقالي كتير بفكر في حاجه غريبه بفكر اقاطع كل الناس واريح نافوخي بس لاني كائن اجتماعي

حاسس اني مش هقدر اكمل لوحدي وفي نفس الوقت مش لاقي الاحتماليه لمعامله البني ادمين اللي علي الكوكب الرخم اللي انا عايش فيه

ولذلك وخدي بالك من ولذلك دي قررت ابقي رخم وتنح واتم ومديش الفرصه لأي كائن ولا لأي بني ادم انه يغير مودي واللي يزعل مني يزعل واللي يولع يولع ومش هزعل تاني لزعل حد مجامله ولا هفرح لفرح حد مجامله اذا مكنش من قلبي مش هجامل لا فرح ولا حزن المهم القيني لاحسن لو تهت مني انا عارفني رخم وممكن ملقينيش تاني واتشرد واضيع

رحلتنا في الحياة يقول...

انا بالفعل عايشة فى عالم تانى من زماااااان :(

ميرا ( وومن ) يقول...

عاااااااااااا

ليه كدة يا علا فكرتيني يكوكبي الحبيب انا فاكرة كان فيه قصة لدكتور فاروق نجيب

الراجل دة قصاص أدب أطفال هايل اتعملت مسرحية
عن فضائي جة من كوكبة اللي عايش فيه لوحدة علشان يدور علي حاجة تسعد الوردة بتاعته اللي معاه علي الكوكب ومات وهو بيدور علي سعادة الشئ الوحيد اللي رافقة في وحدتة

احنا مش مؤهلين نفسياً نعيش لوحدنا او نتوحد
بنحتاج للناس زي مابنحتاج ناكل ونشرب ونتدفي

لكن مفيش مانع اننا نبقي مع نفسنا شوية ناخد راحة من البشر ومن الدوشة ومن الزحام والمسئولية و.... و..... و.......

الحياة بقت صعبة قوي ومعقدة قوي قوي
ربنا يعينا

الشاعر الفنان أحمد فتحى فؤاد يقول...

أختنا العزيزة

أنا لسه راجع النهاردة من الكوكب ده بعد حالة إنهيار نفسى ... مالقتش حل غير كوكب مدحت صالح ...رغم إنى شاعر و إيه ؟و محترف و إيه ؟و معتمد كمان فى الإذاعة ... لكن كل ده ما نفعنيش .. و شديت رحالى و رحت لكوكب مدحت صالح ...و أدينى رجعت و بقيت أحسن كتيييير

ده حل كويس
(والمعنى فى بطن الشاعر)

سلمت يداك

همس الاحباب يقول...

ربنا يسعدك
ويزيح همك
كل منا يمر بتلك الظروف
ولكن كله بامر الله وحده
تحياتى

♥نبع الغرام♥♪≈ يقول...

وحشتينى جامد والله
اسسسسسسسسسسسسسفه على عدم دخولى بجد اللى كان غصب عنى حبيبتى
للاسف مدونتك فيها شىء مش طبيعى مش عارفه ادخلها نهائى
اول ما اضغط تروح تهنج الجهاز ويفصل اتوماتيك من فتره وهى على الحال
وطبعآ بجد يهمنى زعلك

تعرفى عشان اعرفك انا سبت ليكى رد بمدونتى عشان تشوفيه
وعشان اوصلك دلوقتى خليت صاحبتى دخلت وجابت لينك صفحة التعليقات عشان اقرء من هنا
والله حبيبتى غصب عنى عدم دخولى

ياريت بقا كل ما تعملى بوست تحنى عليا وتبعتيلى لينك صفحة التعليقات لحد ما نشوف المشكله دى فين
وياريت مش تزعلى لانك اختى وانا بحبك اوووى والله يعلم ربنا

♥نبع الغرام♥♪≈ يقول...

انا عايزه اعيش فى كوكب تانى"


مين فينا مش نفسه يبعد ويعيش بكوكب تانى
تعالى معايا كوكبى حبيبتى ما انا ملاك يعيش فى كوكب اخر

بعيد عن ظلم البشر بعد عن الخيانه
بعيد عن المنافقين بجد

اقولك ايه بس انا اكبر وحده شافت وقاست ومالهاش حظ مع حد ويعلم الله بحسن نيتى وظلمى الشديد
لكن بحمد ربنا على كل حال
ربنا يسعدك يارب ويحفظك ويريح بالك حبيبتى
وبجد بجد
بحبك فى الله يا احلى علا بالدنيا كلهااااااا

ربنا يديم الاخوه بينا
وياريت زى ما عرفتك لينك التعليقات اول بأول

زى الهوا يقول...

ممكن اجى معاكى الكوكب دا ؟؟

انا بس

بليززززززززززززز

محتاجه فعلا اغير البشر والناس كلها

سمع هوص (Abo 3li) يقول...

الاسهل انك تحاولي تغيري شوية حاجات صغيرة هتخليكي تتقبلي الكوكب ده بشكل احسن...
بدل مرمطة السفر بين الكواكب...

r يقول...

احساس الكوكب التانى ملازمنى من وقت طويل
بس لم اعثر عليه بعد

هقولك حكايه تختصر الموضوع
كان عندى فى الشغل مدير قارفنا انا واصحابى اخر حاجه فى المواعيد والشغل
ومافيش تفاهم خالص فضلنا نعيد محاسن اللى كان قبله وهنانا معاه لغايه لما جاله قرار نقل وجالنا اللى عذبنا بجد
وروتين بحت بدون اى مرونه واللى كانت مش عجبانا فى (المدير الاول) فعرفنا قيمه الكوكب الاولانى
لما عاشرنا الكوكب التانى

فهمتى المهم

Foxology يقول...

الله دى طلعت حالة عامة وانا اللى كنت فاكر انى انا لوحدى كدة :)

عموما ما ضاقت الا ما فرجت

تحياتى

dr.lecter يقول...

اه طبعا وهيبقي احسن بكتيير

اي حته غير هنا

rovy يقول...

يا ريت تحجزى لى معاكى لو لقيتى حجز لأى كوكب تانى ..:)
الحقيقه الأغنيه دى بقالها فتره بتزن عليا علشان أدور على كوكب تانى :)

ربنا معانا ..

تحياتى لكى

ميرا ( وومن ) يقول...

يا صباح التحديثات

ميرسي يا علا علي التحديث الجميل دة ويارب المدونة تبقي مكان للفضفضة والناس ترتاح لها

وانا مستبشرة خير بوجود توفي معايا وإن شاء الله المدونة تنور بيها

:)))

sony2000 يقول...

البقاء لله فوفاه جده سكره
ومبروك لوومن علي المدونه الجديده
تحياتي

romansy يقول...

ايه حكايه مدحت صالح معانا بس

يس والله ماعارف بقى هل لو روحنا كوكب تانى هنلاقى الناس اللى بنحبهم

البنفسج الحزين يقول...

احجزيلي مكان جنبك ع الكوكب التاني ...

شريهان يقول...

والله انا على طول نفسى اطفش واروح كوكب تانى بلد تانية انشالله عشة تانية
بس استحملى باذن الله غمة وتروح لحالها يا جميل

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .