الأربعاء، أبريل 14، 2010

كيف تجد محفظتك الضائعه؟+تحديييييييث




تحديث


طبعا ملحقتوش ترتاحوا منى

انا الحمد لله رجعت تانى و ربنا يمنع الموانع و منبعدش

بس اليوم الا كام ساعه اللى فاتوا عرفونى قيمه ناس كتير مكنتش اعرفهم قوى قبل كده

و اولهم و على راسهم منونه درويش القمر

اللى سهرت تلم البوستات بتاعتى من النت و عملتى مدونه تانيه كامله هيا و ساره القمر

ربنا يخليكى ليا يا منى و يا ساره و ميحرمنيش منكم ابدا

بشكر كمان واندا و فاتيما و ريم القمر ام الرقه و الذوق كلهم

كمان بشكر زهراء الاسكندرانيه الجدعه اللى بحبها و باموت فيها

كمان البت كيارا بنوتى القموره اللى باحس فعلا انها بنتى

مع انها هيا الاكبر منى و بكتييييييير

احم احم


اسيبكم بقى مع البوست






يا مدام...........يا استاذ......................يا انسه

لو حد منكم لا قدر الله يعنى الشر بره و بعيد محفظته اتنشلت منه

حيعمل ايه؟؟؟؟؟؟؟؟؟؟؟؟


حد لمض يطلع و يقوللى و دى عاوزه نباهه يعنى

طبعا حيروح القسم يبلغ عنها و يعيطلهم شويه

و يعمل محضر رسمى بالمحتويات

و مووووووووووووووت يا حمار اذا لقيوها

و ادى دقنى لو شافها تانى


انا بقى بقولك يا سى لمض



نوووووووووووووووو........غلط

و لو عايز تتأكد اسمع منى الحكايه دى

واحد صاحب جوزى محفظته او الشنطه الصغيره اللى بيمسكها فى ايده اتسرقت

و هو فى محطه البنزين

طبعا راح القسم يقولهم انه معاه الرقم المتسلسل بتاع الموبايل

و ممكن يعملوا تتبع يشوفوه فين


الظابط اتعدل و بصله بقرف و قاله

فاكر نفسك هشام طلعت مصطفى حضرتك

عشان نعملك تتبع لموبايلك

اجرى يا شاطر العب بعيد



و عمااااااااااار يا شرطه بلدنا


ناس نصحوا الراجل انه يستعين بالقيادات الكبيره اللى بتسرح النشالين

هههههههههههههههههههههههههههههه

اصل الشنطه كان فيها فلوس وورق مهم و كارنيهات و موبايل

وصل للناس دول و دوروا معاه و لم يتوصلوا لحد فى منطقتهم اخدها


لغايه ما ربنا ساق فى طريقه واحد صاحبه

قاله روح اسأل فى مكتب البريد

الراجل بص ليه بصه هبله كدهنظام ماله العبيط ده


الراجل قاله متستغربش الحراميه بعد ما بياخدوا

اللى عايزينه من المحافظ المسروقه بيرموها فى صندوق البريد

الراجل مكدبش خبر و راح فعلا مكتب البريد

لقى الاف المحافظ موجوده و مش لاقيين اصحابها

فضل يدور معاهم لغايه مالقى محفظته

طبعا من غير فلوس و لا موبايل

و دفعوه رسوم على الكارنيهات اللى فيها

طبعا بالمقارنه بتعب انه يطلع كارنيهات بدالها

اى فلوس لا تذكر

اظن بقى اى حد منكم محفظته اتسرقت قبل كده عرف حيعمل ايه و يروح فين



اظن عدانى العيب و قزح

و محرمتكمش من حاجه خاااااااااالص

اتصبحوا بالخير

هناك 28 تعليقًا:

reem يقول...

الف الف مبرووووك رجوعك ورجوع المدونة يا قمر

وبعدين بتشكرينا على ايه بس
انتى وجودك اصلا هو اللى بيسعدنا يعنى احنا اللى المفروض نشكرك على وجودك وسطنا ياتوتة

انا كنت هاتجنن والمدونة مقفوله

اما بئا موضوع المحافظ دا انتى فعلا كدا اديتنا معلومة مهمة جدا
اول مره اعرفها بجد

يارب تفضلى منورة مدونتك ومنورانا كدا دايما

وربنا يديم علينا الصداقة والمحبة في الله
ادينى بئا حضن كبير وبوسة بمناسبة رجوع المدونة

мαησηα يقول...

يا خبر ابيض يا لولى ده انتى

والله كسفتينى جدااااااااااا

ووالله يا بنتى انا بحبك جدااا

وكان نفسى اخدمك والله

واحنا مش اخوات

ولا اييييييييييييه ؟؟

ربنا يارب مايجيب اى حاجة وحشة تانى

ودايما تفضلى منورانا كده باحلى كلام


يارب اللهم اميييييييييين

على فكرة انا مش هاتجوز هههه

خلاص مالها الحريةههههههه

ربنا يسعدك يا حبيبتى ويهدى سرك

وارقوا نفسكوا لان ده

اكييييييييد حسد

انا ليا عندك 3 شوكولاته وعصير مانجا

على فكرة يعنى ههههههه انا بعملش

حاجة لله ههههههههههه

كيــــــــــــارا يقول...

هييييييييييييييييييه مامتى جت مامتى جت

وانا كمان بحبك موووووووووووووت


وهيييييييييييييييييييه انا اكبر منك باعتراف منك اهوووووووووووو

قوليلي مامى بئا :)

احاسيس آيوشه يقول...

مبروك يادكتورة رجوع المدونة من تانى
انا كنت مستغربة جدا امبارح من كل ما ادخل يقولى المدونة مش موجودة بس الحمدلله انها رجعت من تانى
واول مرة اسمع موضوع المحافظ اللى فى البوسطة دى دى حرامية امينة ماشاء الله ومش بتحب تتعب الناس بعد كده اى حد محافظته تتسرق نقوله روح البوستة

لولا وزهراء يقول...

دكتوره علا
-*-*-*-*-*

يا كسوووووووووفى
مش عارفه ارد على كلامك الاكتر من رائع
طبعا الكومنت بتاعى راح مافيش مشاكل
المهم انك رجعتى ونورتى من تانى وربنا مش يحرمنا من وجودك وسطنا
انتى حد جميل وطيوووووووب اوى اوى
بالنسبه بقى للناس اللى شكرتيهم طبعا كلهم على راسى من فوق في منهم اعرفهم وناس ليا الشرف انى اتعرف عليهم .........
فى ناس اغلى من الماس
وفى ناس ما عندهاش اى احساس
ربنا يجعل حظك من الناس اللى اغلى من الماس .....
زهراء

richardCatheart يقول...

انا فعلا كنت كل ماحاول ادخل المدونه هنا بالقيها وقعه وفهمت ان فى مشكله
بس الحمد لله انها اتظبطت ورجعتلنا سالمه غانمه حبيبك وناسك وربنا مايحرمناش ابدا منك ومن بوستاتك

اما موضوع المحافظ دا فعلا دى بقت العاده
بعد السرقه تتبعت المحافظه على البريد او على العنوان اللى موجود فى البطاقه
واخر حاجه حصلت صحبتى مدرسه فى مدرسه المفروض انها مستوى جامد اوى هنا عندنا فى اسكندريه
رجعت اتفاجات بسرقه المحفظهوطبعا اتفرق دمها بين الفرشين والنانات كلهم
المهم كل تفكرها كان فى الاوراق راحت تعمل محضر حصلت مهازل وشافت مهازل
مشت واستعوضت ربنا وقالت هابقى اخد اجازة شهر اطلع فيها الاوراق
فانا نبهتها وقولتلها ساعات بيرجعو الورق عن طريق البوسطى انا سمعت كده من كذا حد
بس الحق يقال الحرامى طلع ابن حلال مصفى
واخلاقه عاليا وتربيه مدارس افرنجى صحيح
بعد اسبوع لقت جالها ظرف اصفر عن طريق البوسطى وفى كل الاوراق ولغايه البيت تخيلى اصيل زى الجزمه التفصيل حقيقى
فضلت تدعى للحرامى خوفا من لفها على الورق ههههههههههههههه

والنبى تشكرى على المعلومه والبوست
ومبروك رجوعك لينا يالالا
تقبلى مرورى

ميرا ( وومن ) يقول...

الف مبرووووك علي رجوع المدونة

واوعي تعمليها تاني اال انا الصبح كدة علي غيار الريق اقول لما اصبح علي علا ملاقيش المدونة من أصلة ياخبر

انا قولت الريدر هيس وقعدت ادوس كذا مرة علي البوست وانا مش مصدقة

لحد ماتصلت بيكي واكدتيلي الخبر الوحش دة
ربنا ما يحرمنا منك ولا من بوستاتك

يااااارب

Wanda يقول...

حمد الله على السلامة يا لولة
المهم مسببات الشكر ايه :-) ؟ اصلى معملتش حاجة خالص :-)

المهم موضوع المحفظة :-)))
انا عارفها من زمان
ان لو لقيت محفظة او بطاقة او اى ورق شخصى مهم ارميه فى صندوق بريد احسن
لان صاحبه حيدور هنا
معرفش هما فى اسيوط مبيتبعوش الموضوع ده ؟؟
بس كويسه الدعاية ديه
تخلى الناس تروح تدور على اورقها الضايعة
و يريح البنى ادم من استخرجها من اول و جديد
بس اعتقد الاحسن ان الواحد ميحطش البيض كله فى محفظة واحده :-)

خذتى كام من مصلحة البريد على الدعاية ديه
و بعدين المحفظة المحطوطة مش محفظتى :-)) مجبتش اى بود لسه
بس هنيلك يا ستى بالمحافظ المليانة ديه :-))

Ashraf يقول...

انا مره يوم جمعه وانا باشترى خضار من السوق
محفظتى اتسرقت

وبعد كام يوم وجدتها فى الصيدليه اللى فى السوق بس من غير فلوس

اللى سرقها اخذ الفلوس ورماها بكامل اوراقها
-كتر خيره-

وعجبى

Lady E يقول...

وانا بشكرك انك رجعتي يا قمرايا

قلقت عليكي أوي بجد وكيارا طمنتني عليكي وبعدين اطمنت اكتر بتعليقك

ربنا يصلحلك الأحوال ويسعد قلبك

هاجي تاني

العيسوى الصغير يقول...

طب ودا ليه حرصا من النشالين على مصالح الناس يعنى

!!! عارفة ... مش عارف ليه يقول...

الوصفة سهلة

الوصفة هايلة

وحمد لله على سلامة مدونتك

وإن شاء الله تفضل موجودة

بين المدونات محتفظة بعبقها الخاص

باحث عن حب يقول...

هما دول الحرميه الشرفاء
فى مصر
فى مصر وبس
بذمتك فى بلد الحرامى قلبه على
اللى بيسرقه كده
ابدا
الفلوس وبس اما الورق التافه والكرنيهات دى
لآ
لازم ترجع
والله زمن
عمااااااااااااااااااااااااار
يامصر
موضوع حلو
ومدونه احلى الى الامام دوما

صيدلانيه طالعه نازله يقول...

reem

ايه حنيتك دى يا امى

انا نفسى اسجل صوتك اللى بتقولى عليه متغير من الكحه و اللى برضه حلو و زى الفل

ربنا يخليكى ليا و نفضل على طول اصحاب و حبايب

صيدلانيه طالعه نازله يقول...

мαησηα

طب اقول ايه؟؟

يظهر كل اللى من طنطا طيب و زوق كده

عمرى ما كنت اتخيل ان حد يحب حد كده

انك تسهرى تلمى البوستات بتاعتى من النت

و اصحى الاقيكى عاملالى مدونه جديده

فده جديد عليا

بحبك يا قمر و سلامى لساره

و العصير و الشيكولاته حيوصلوا مع رد الكومنت

نصابه انا مش كده

ahmed_k يقول...

ألف حمدالله على سلامتك يا دكتوره
أنا إستغربت أن المدونه مش بتفتح فأعتقدت أنك بتقومي بتعديل القالب أو شيئ من هذا القبيل
ولكني سعدت جدا بقرارك العدول عن فكرة حذف مدونتك وإن شاء الله تظل دوما متألقه وناجحه

في أمان الله

صيدلانيه طالعه نازله يقول...

كيــــــــــــارا

طبعا اكبر منى و بشهاده الشهود

انتى اكبر منى تدوينياااااا

دى بقلى حاجه قليله و لا ايه

شوفى الريدر و احكمى

هههههههههههههههههههه

صيدلانيه طالعه نازله يقول...

احاسيس آيوشه

ربنا يخليكى يا يويو و يباركلى فيكى

شفتى بقى حراميه بلدنا شرفاء ازاى و مش بيتعبونا

منورانى

صيدلانيه طالعه نازله يقول...

لولا وزهراء

ربنا يخليكى يا زهرا

انتى من الناس الجدعه اللى اتعرفت بيهم فى المجتمع البلوجرى العجيب ده
ربنا يديم المحبه دايما

صيدلانيه طالعه نازله يقول...

richardCatheart يقول

و الله انتى عسل

فضلت تدعى للحرامى
نظام ربنا يعمر بيته
و ينور بيته بحريقه
ميرسى ليكى يا قلب القطه يا قمر انتى
و منورانى

صيدلانيه طالعه نازله يقول...

ميرا ( وومن )

انتى يا ميرا من الناس اللى سألت بس سقطت سهوا
ربنا يديم المحبه يا قمر
و اشوفك دايما فرحانه

صيدلانيه طالعه نازله يقول...

Wanda

ازاى بعتيلنا ايميلات مزنوقين فيها
و تعاطفتى مع القضيه
هو ده مش كفايه و لا ايه

و بعدين خدت اللى خدته انتى حتنقى من اولها
بلاش شغل الصيادله ده

منورانى يا قمر

صيدلانيه طالعه نازله يقول...

Ashraf

ده اكيد فى العصور السحيقه بقى

منورنى

صيدلانيه طالعه نازله يقول...

Lady E

تعليقى؟؟؟؟

هو فين ده
انا مشفتوش

يظهر ضاااااااااع زى اللى بيضيع اليومين دول
حعتبره محفظه و اتسرقت هو كمان
شفتى بقى احنا ديمقراطيين ازاى و بننشر التعليقات

تحياتى :)

صيدلانيه طالعه نازله يقول...

العيسوى الصغير

طبعااااااااا

منورنى

صيدلانيه طالعه نازله يقول...

!!! عارفة ... مش عارف ليه

ربنا يخليك يا وليد و ربنا يطمنا عليك و على اللى زيك دايما

منورنى

صيدلانيه طالعه نازله يقول...

باحث عن حب

اما الحرامى يسرق الفلوس و يبعت الكارنيهات بالبريد المستعجل
يبقى انت اكيد اكيد فى مصر

منورنى

صيدلانيه طالعه نازله يقول...

ahmed_k

ربنا يكرمك يا احمد كلك ذوق

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .