اول امبارح كنت فى القاهره فى مهمه مكوكيه من مهماتى السريه
من صباحيه ربنا و انا بالف فى الشوارع و الجو بصراحه كان تحفه جدا
ربنا ما يكتب على حد بيه ابدا
المهم خلصت مهمتى و رحت محطه القطر فى رمسيس و هناك
قابلت حبيبتى و صاحبتى الجميله فاتيما هانم ام يوسف
و كيارا هانم اللى كنت اول مره اشوفها و ان كنا بقينا اصحاب جدا من قبلها
البنت دى رقيقه قوى يا جماعه غالبا الرقاق فى بيتهم كتير قوى
ربنا يهنيكى يا كيارا و يحققلك كل اللى تتمنيه
يااااااااااااااارب
المهم بقى قعدنا فى ترابيزه على الجنب كده
و طلبنا اللى طلبناه ملكومش دعوه بقى هو ايه
و بدأنا نمسك الشوك و اتفضلى يا تيما ميرسى يا لولا
كلى يا كيارا لا انا عامله ريجيم
فجأه واحنا بناكل ظهرت ست منقبه من ورانا و حطت ايديها
على ظهرى انا و فاتيماو طبطبت علينا بكل حنان و رقه
انا و الله افتكرتها واحده من المدونات المنقبات و تعرف فاتيما
و لقيتها بتقولنا من حرام نبقى متدينين و مسلمين و بناكل بايدنا الشمال
طبعا انا اتخضيت لان انا قاعده جنب فاتيما و هيا جنبى
و محدش مننا خد باله ان التانى بياكل بالشمال
تقوم اللى قاعده فى اخر الكافتريا تاخد بالها
طبعا احنا استغربنا و سكتنا خاااااااالص
و كنت خلاص حاقولها يعنى الباشا الطويل العريض
اللى قاعده معاه ده مش مالى عينك و مركزه معانا احنا
يا جماعه و الله انا مليش دعوه بموضوع النقاب هنا خالص
انا باستغرب ان الناس بتنتهك خصوصيه بعض من غير مناسبه و لا سبب
و بعدين موضوع التحكم فى الشمال و اليمين ده بيبقى فى تكوين المخ
يعنى مالناش يد فيه و ممكن الواحد يتعلم ياكل باليمين و ممكن يفشل
كان ممكن نرد عليها و نحرجها زى ما احرجتنا
و ساعتها محدش كان حيلومنا
صح و لا انا غلطانه
لو غلطانه قولوا
المشاركات
هناك 59 تعليقًا:
ممممممممممممممم
وناخد اول تعليق
للأول مره فقط وحصريآ أنى أنال شرف اول تعليق عندك ياقمرررررررررررر
خليك شاهد يا زمن
انا اول وتانى وتالت
حد عنده مانع
وحششششششششتينى حبيبتى اوووووووووووى
واسفه انى مش بزورك بس كنت فى حالة ركود ونحمد الله على كل حال
واهون رجعت ليكم من تانى
ومتشكره ليكى على كلامك الجميل بمدونتى ويارب يدوم الود والاخوه بينا لاخر العمر ان شاء الله
اولآ
انا مبسوطه انك قبلتنى الناس الجميله دى وانك اتكلمتى عنهم ربنا يسعدك يارب ويدوم الود بينكم والاخوه يارب
اما بالنسبه للموقف اللى حصل دا
انا بصراحه مش عارفه الناس دى قاعده تتجسس على الناس ولا ايه بالظبط
بجد حاجه تحير
والله معاكى حق بالعنون ليه نتحشر فى اللى مالناش فيه
ربنا يهدى
وكلامك عجبنى وعلى راسى واضم صوتى لصوتك حبيبتى
ربنا يكرمك يارب
بجد بتعجبنى دماغك
ربنا يوفقك
اموووووواه
إحمدى ربنا إنها طبطبت على ضهركم وكلمتكم بالراحة, ده فى ناس بتبقى حشرية وقليلة الزوق وبتديكى النصيحة كأنها بتديكى بالقلم
تحياتى
دكتوره علا
-*-*-*-*-*
يا بختك بجد شوفتى ارق فاتيما فى الدنيا
الناس بتتحشر فى حياة كل الناس من كام يوم كده كانت ندى الياسمين عملت موضوع شبه كده
انتى عارفه ان حصل موقف معايا فى المسجد كنت اصلى الجمعه وقاعده مكتفه ايديا لاقيت واحده بيتقولى انتى بتسبحى للشيطان قولت لها نعم اسبح اازاى قالت ايديكى بتسبح للشيطان بصراحه بطلت اروح المسجد شوفتى الخيبه اللى انا فيها
يا بنتى الناس بقيت تتحشر فى حياتنا اوى اوى
بوست حلو اوى تسلم الايادى يا علا
زهراء
للسفر 7 فؤائد
ياترى انت ايه الفوائد اللى كسبتيها من سفرك؟؟؟؟؟؟؟؟
اللى يعيش يشوف كتير واللى يلف يشوف اكتر
انت شوفتى ايه؟؟؟؟؟؟؟؟؟؟؟
وعجبى
مع احترامي طبعا ليكي يا افندم
بصي هو اولا موضوع انها تتدخل ده حاجه مش صح ابدا
يعني انا ضد انها تتدخل بس
انما مش ضد الى قالتهولك ابدا
هو كلامك اكيد صح ان المخ هو الى بيتحكم في اي اليدين هي الاقوي و ايهما الاسهل في الاستخدام
انا موافق على كده تماما
....
بس احنا عندنا الرسول امرنا بثلاث اوامــــر
في حديث اللرسول الى قال فيه يا غلام سمي الله و كل بيمينك و كل مما يليك
.....
لازم ناكل باليمين ، مهما كان الشخص ده شم بيعرف يستخدم اليمين بس لازم يا كل بالييمين ، بعديدا بقي عن الإتيكيت و الكلام ده
ممكن نقطع الاكل كله زي ما نحب باي شكل ، بس بعد كده نمسك مثلا الشكوه باليمين و ناكل بيها عادي جدا
.....
بس ياريت حضرتك متقوليليش مش هعرف او مش بقدر
انا كان عندي فديو لبرنامج رولا خرسا لما كانت في التلفيزيون المصري زمااااان
لو لقيته هبعتهولك ان شاء الله
واحد شاب ، ايديه الإثنين مقطوعين
و جايبه صورته و هو عمال ياكل ، حاطط المعلقه بين صوابيع رجليه و بياكل بيها
......
كل ما اقصده ان الموضوع مش صعب عشان نستخدم المعلقه باليمين بس
^_^
إنتى يا بت يللى تنفضحى ى ى ى ى ى ى
كدا تسيحلنا ف البلوجر كله
و كمان مقولتيش طلبنا ايه ؟؟
ليفتكرونا طلبنا حاجة عيب
و لا حاجة
يا خراااااااااشى
والبوست حلو لأن فعلا الحشرية دى
طبع غريب
انا سخصياً مش قادرة اتخيله
دنا لو عندى زميلة فى شغلى بخاف جدا انى أعلق على أى حاجة
مش عجبانى فيها لحسن احرجها
او اضايقها
لأن المسافة بينى و بينها موجودة
و الزعل ممكن يحصل من اتفه كلمة
فمابالك بالغريب اللى معرفوش
ازاى افرض عليه رأيى
و انا اصلا معرفش ظروفه
و لا حاجة
زمااااااااان كنت بتغصب
امسك المعلقة بيمينى
و مكنتش بعرف خالص
و بسبب ذلك قعدت سنين مسلوعة
و عندى أنيميا
لأنى كنت بكره الاكل جدا
و أسخف وقت ف اليوم كله وقت الاكل
و كنت باكل بابو وردة جنب الطبق
و محدش يضحك يا غجرررررررر
و ف النهاية زهقوا منى
و سابونى اكل براحتى
عند ؟؟
لأ مش عند
دى طبيعة انسانية بحتة
و حاجة مخلوقة بيها
و بعدين يا جماعة
ربنا عالم و شاهد و مطلع
انى و انا باكل بقول يا رب
مش يا شيطان تعالى اتفضل بسم الله
لو بس نسيب الحاجات دى
و نركز فى الاهم
مكنش د بقى حالنا
شكليات و بس
الملخص
انا انفضحتو على يدك
و لن أنسى لكى هذا الموقف يا لولاّ
يا حبيبتى ى ى ى ى ى
كل زيارة للكااااااااهرة
و انتى طيبة
و احنا واكلين جاتوه
بالشمااااااااال و حياتك
-----------
يا ذات الوجه المشرق
------------------
منحرمشى منك يا زهراء
و النبى يا بنتى
انتى واخدة قلم فيااااااااا
ربنا يستر
لما تشوفنى بقى
عالله متغيريش رأيك وقتها
بوسات و حضونااااااات يا حبيبتى
فاتيما بتاكل بالشمال؟!
تصدقى عمرى ما اخدت بالى رغم اننا اكلنا مع بعض عيش وملح وسنكوتشات ومكرونه فرن و رز باللبن بايس كريم
ههههههههههههههه
لالالالالالالا بعد كده ابقى اركز مع الناس اكتر
اصل دى موهبه وانا فاشله فيها
ههههههههههههههههههه
اقولك سر يالولو؟
انا باكرهه الاكل بالشوكه والسكينه لانى باضطر اكل بالشمال وانا مش متعوده
تفتكرى لو انا زيك انتى وبطه باكل بالشمال عادى كنت هاحب الاكل بيهم؟؟
لا اظن
لا اعتقد
كبرى مخك من الناس يالولو
لانك مش هتخلصى
روحى شوفى بوست ندى الياسمين عن الناس الحشريين وانتى تعرفى انك فى نعمه
ههههههههههههه
لومكنكم كنت هقول لها من تدخل فيما لايعنيه سمع مالايرضيه
هترد تقول الدين النصيحه
هقول لها طيب نصيحتي لكي ان لاتطيلي النظر علي الناس وتقحمي نفسك عليهم
ربنا يهدي الناس
وكل واحد ياخد باله من العصايه اللي في عينه بدل مايدور علي القشه اللي في عين غيره
سلامي
طلع كمية لا بأس بها من الاخطاء في البوست ده :
1-نزلتي مصر و قبلتي امي من غير ما اعرف
2-نزلتي مصر من غير خطيبتي
3-سمحت لحد يتحشر و مردتيش
سؤال تاني تفتكري انا لو معاكوا كنت هارد عليها ااقولها ايه ؟؟ :)
هو الرد الطبيعي
وانتي مال ....* :):):)
نص ساعة اقلب فى المدونة علشان الاقى ارسال تعليق :(
معرفش العيب فين
بس الحمدلله وصلت
فى جزء فى ديننا مهم الناس كلها اغفلته هو النصح والامر بالمعروف والنهى عن المنكر
ده واجب كل مسلم على اخوه المسلم انه ينصحه
بس طبعا طريقة تقديم النصيحة هى الازمة والمشكلة الناس بقيت مبتعرفش تختار لا الوقت ولا الطريقة المناسبة
هى يمكن كانت طريقتها مش كويسة بس نيتها سليمة
كنت هتقبل نصيحتها وهعديها بس ممكن كنت لو اتنرفزت من طريقتها هقولها بصراحة علشان نصيحتك ليا انا كمان هقدملك نصيحة
انك ياريت يكون اسلوبك احسن من كده وتختار الاسلوب والوقت المناسب
ازيك يا علا
انا شايف ودي وجهه نظري وغير مازمه ليكي طبعا
انها ممكن تكون عملت كده
من باب الدعوه مش اكتر
واسلوبها لو كان بيميل لتغيير شيء هي شايفه بمنظورها انه ممكن يكون
لو نصحت لالاحسن
بس ده يتوقف علي الاسلوب
يعني متكنش دخلت عليكي وايه الارف ده
انتو صغيريين كلوا باليمين
كتكوا الارف مليتوا البلد
طبعا ساعتها الشوكه كانت ديركت في زورها
انما لو دخلت
بابتسامه
يا جماعه كده الشيطان بيشاركم الاكل
وانتو اكيد ناسيين بس انا جايه انبهمك بحب
وانا اسفه لالازعاج
ساعتها الموقف هيختلف
ممكن كمان يتحول لموقف الجيزه
بما إني صيدلي ,,
فأنا ليا بعض الحقوق هنا مش لناس تانية
يعني مثلاً ليا الحق في إني أخالف وأقول كلام ضد التيار :)
حضرتك قلتي إنها جات طبطبت عليكي بمنتهى الحنان أو الرقة ,, حاجة زي كده
فده معناه إنها متكلمتش بإسلوب وحش ولا حاجة
هل الأكل بالإيد الشمال ينفع ,,؟؟
طبعاً لا ,, ده كمان كما تافق العلماء حرام
والرسول دعى على الرجل اللي قاله لا أستطيع (يقصد الأكل باليمين) وقاله فلا استطعت وفي الرواية أنه لم يرفع يده إلى فيه ,, يعني مرفعش إيده لبقه يعني اتشلت بس طبعاً هو الرجل ده ما منعه إلا الكبر ,, مش وي حضرتك وزي ناس كثير بيكونوا متعودين بس
هيه الأخت المنتقبة ببساطة شديدة ,, حبت تأمر بمعروف وتنصح في الله
يمكن ده كان فيه تدخل في خصوصيات حضرتك .. لكن معلش
إحنا كلنا أخوة ,, ولما حد يشوف حد بيعمل حاجة مش مظبوطة لازم ينصحه في الله علشان المجتمع كله يتصلح
ده رأيي ,,
واسف لو كان هيبقى رد سخيف بعد غياب طوييييييييييييل
انتي زعلانة يا دكتوره
علشان قالتلك كلي بإيدك اليمين؟
شوفي حضرتك أنا من حوالي شهر
كان موبايلي بايظ وجايبه موبايل مؤقت فشوفت فيه أي صوره اخليها خلفية المهم كانت صوره طفله
ركب جنبي واحده منتقبه
معرفش لقطت الموبايل ازاي وهو فإيدي
وقالتلي انتي بتعملي اية؟
قولتلها ولا حاجه بظبط أوضاع الجهاز لأنه لسه جديد
راحت اعطتني كتاب أذكار
شوية وقالتلي بس صورة الروح الي انتي حاطاها دي حرام خليها منظر طبيعي أحسن أو شيليها خالص
ده غير ان انا من صغري بلبس دهب بسيط كده يعني مش بمشي زي المعلمين
شافت ايدي قالتلي دول يا اما مش تلبسيهم يااما تخبيهم تحت الهدوم
لأن دول من الزينة واظهارها حرام
قولتلها أوك
قالت والبلوزه الجميله دي محتاجه فوقها خمار
قولتلها لأ حضرتك أنا هنتقب على طول مع العلم اني لبسي بيكون عادي خالص مش ملفت ابدا
شوفتي يا دكتوره ...
أنا فكرت اني اعمل بوست زيك كده
بس اي حد هيرد ويشوف الموضوع من بعيد هيقول الحق عليها انها عاوزه مصلحتك؟؟
ده أمر بالمعروف
صعب جدا انك توضحي مفهوم الخصوصية ده وانك اتضايقتي لما قالت كده
طيب انتي يعني صعيديه اونطه .... فين الفرفر وكنتي طختيها :D
الذوق ده ما بنشتريهوش يا جميل ... ده بيبقى في التربيه
وعلى فكره هيقصدها تأمر بالمعروف ... ولكن عندها التباس لأن من حسن أسلام المرء تركه ما لا يعنيه
وطالما ما بتضريش حد خلاص
اصل ما عملناش كل الصح ومسكه الشوكه بالشمال هتوقفنا عن ركب التقدم وتحرير القدس
يلا كفايه نرفزه لحد كده :)
تحياتي
ههههههههههههههههههههههههههههه
صباح الفل بصى ياعلا انا سمحونى لابحب المقبات ولا بحب اتعامل معاهم لكن احترم فكر كل واحد هما احرار طبعا
بس دى اسمها حشره فى اللى مالهاش فيه ومتابعه للناس
ودى مشكلتى معاهم هما متغطين قاعدين متابعين ومرقبين الناس لاء وكمان بيعدلو عليهم بصراحه اخر رخامه الكلام دا لو نعرف بعض او اصحاب انما اجى من الشارع
اعدل على تصروفاتك والله سبحان من صبركم عليها واضح ان اخلاقكم عاليه بجد انا لو مكتنك كنت هاحرجها بدون تردد مش علشان منقبه لاء علشان تصروفها رخم وقليل الذوق ومالهاش فيه
الحاجه الوحيده اللى اخدها عليكى فى البوست بتقولى ان الاكل بالشمال او اليمين دا بيتحكم فيه المخ لالالا اى حاجه مع التدريب بتيجى عن نفسى دربت نفسى وبقيت اكل بالشوكه بالمين والسكينه بالشمال( ولوانى مابحبهمش ومافيش احلى من اكل الايد واللغوصه هههههههههه) وبقت عادى ولو حد
من الموجدين علق هو رد واحد ليه عندى
الاتيكيت دا امثلنا اللى عملو زى اى قانون بشرى والاعراف اللى بنمشى عليها
اما كلام الله واومره و سنه نبينا المصطفى صلى الله عليه وسلم وتعاليم دينا الحنيف غير قابله للنقاش او التغير
ماضيقيش نفسك ياما بنتعرض لمواقف وانت وفاتيما وكيارا كنتو فى منتهى الادب حقيقى معها
ولعلمك دول وهما ماشين فى الشارع بيقولو السلام عليكم لبعض بس والباقى كفره ههههههههه ناس غريبه
تسلمى على البوست
تقبلى مرورى
مش لاقى تعليق
بس ابقى ادعى للناس اللى زى دول بالعقل
حقيقة ...أكتر رد عجبنى هو رد
احاسيس آيوشه
و
هي وظروفها
بصوا يا جماعة
دا مش تدخل فى الخصوصيات ولا حاجة
دا إسمه أمر بالمعروف و نهى عن المنكر
هى أكيد يعنى متعرفش موضوع اليد اليسرى عندكم
و بعدين حضرتك بتقولى حسب كلامك إن الست طبطبت عليكم بهدوء
يبقى هى كدا عملت حاجة صح جدااااا
و هى النصيحة
و إنتوا كمان مخسرتوش حاجة ....ممكن زى ما هى إتكلمت بهدوء تشكروها بهدوء و إبتسامة على نصيحتها و توضحولها ــ لو عايزين ــ موقفكم
كدا هى تبقى خدت حسنات و إنتوا تبقوا مدايقتوش منها ولا من القعدة
لو كانت بقى نصحت بشكل عصبى ولا مستفذ دا وضع تانى و ساعتها الرد يبقى عليها و على طريقتها فى النصح مش مبدأ النصح نفسه
الصراحة أنا شايف إن فى بعض الردود فيها شيء من التحفز ضد النقاب
و دا نوع من القولبة و التنميط قياسا على حوادث أو مواقف فردية
و لازم كل واحد يشوف حاجة غلط بتحصل قدامه ينصح صاحب الغلط بالحسنى
إما يسمع كلامه أو إنه يفهم حقيقة الوضع زى الموقف دا
المهم الصحبة الحلوة والوقت الجميل
هو يمكن من رايها بتنصح ومن ناحيتنا تتدخل
ربنا يوفقك ويكرمك
مع خالص تحياتى
الله الله
ودة كان امتى الحوار دة ان شاء الله
يالهووووووووووووووووى
على الخيانه واللقاات السرية دى
انا معاك يابو جودة ان البوست دة مليان اخطاء
ماشى ماااااااااشى
واحسن بقى ان الست اتحشرت
هااااااا
اهو فتحت :-)) هىىىىىىىى
اولا لولولولولوولولوولوولوولولوى
كفارة يا صديدلالولة
و استنى اجيبلك فرقة حسب الله و لا اقولك اوفر احسن :-) و انا كفاية :-)))
يعنى بتاكلوا جاتو انت و فططوم منغير ما تعزموا علينا :-)) طيب :-)) طيب يالولو :-)) طيب يا فطوم
لن انسى لكم هذا الجاتو
و بعدين عادى عادى طنش يا جميل
حتى الاكل او استعمل اليد فى الكتابة او المهارة اليدوية
متعلقة بمراكز المخ و فيه ناس مخها بيخالف الناس
اعرف واحدة بتكتب عربى بايدها اليمين و الانجليزى بايدها الشمال :-)))
انا نفسى مخى غريب لما امسك حاجةاو كوباية علشان اشرب او اكل فى المعتاد انى يمينية اليد بس لما باخذ بالى :-) لما ماخذش ابلى ايدى الشمال الى بتسبق :-) تقريبا مخى بيلخبط ساعتها اصلى مش مقتنعة ان الشيطان جعان او عطشان :-) معايا
اعتقد المقصود بالحرص على الاكل باليمين اننا نركز فى الاكل و ناكل على مهلنا و براحة لانه حيفيد صحتنا اكثر
بس الى ميعرفش العلم و مراكز المخ بيرجم الفيلسوفة هابيداتا و بيقول عليها ساحرة :-))
تعرفى عجبنى ايه انك اخذت بالك هى قاعدة مع مين :-))) و مخذتش بالك من فطوم :-)))
ابقى قولها مبعرفش :-) اقعدى انت اكلنى و خذى فيا ثواب :-))) و تعالى معايا البيت افتحيلى الباب و اطبخيلى و اغسليلى و اكويلى و ....:-))
او اقولك الاحسن اعملى زى ما عملتى اسكتى و خلاص
يعنى الست ذنبها انها بتنصحكم؟:))))
عالم ملهاش فى الخير صحيح:)
نتكلم بجد بقى
للأسف رغم ان الدين النصيحه لكن احنا لا نتقن فن النصيحه ف بنقولها بطريقه بتنفر اللى قدامنا وتخليه يرفض النصيحه من قبل حتى ما تتقال
ازيك يادكتوره ..
بتمنى تكونى فى احسن حال :)
بجد صدقتى فى وصفك لفاتيما وكيارا
انا الاتنين شوفتهم وبجد عساسيل وطيوبين اووووى وفعلا الواحد يتشرف اوى بمعرفتهم وبجد بتمنى اشوفهم تانى واشوفك انتى كمان والله ...
اما بقى بالنسبه للموقف اللى حصل فى المطعم ...
انا بشوف ان النصيحه مش عيب .. بس كل ده طبعا يتوقف على طريقه كلامها ونيتها هى نفسها ...
هى يمكن كانت نيتها خير ...
هى مشكله اكتر اللى بياكلوا بالشوكه والسكينه بياكلوا باليسار ..
انا لما باكل بالشوكه والسكينه .. بقوم اعمل ايه عشان ماكلش بالشمال ... بقطع بالسكينه بإيدى اليمن عادى وبكون ماسكه الشوكه باليسار .. بس وقت ماباكل بحط السكينه وبمسك الشوكه باليمن واكل ( ايه اللفه الطويله العريضه دى :)))
بس اهو عشان مايكلش شوشو معانا :)))
ربنا بجد يسعدك دايما ...
... ;) ,,, ;) ...
الصح انك كنتى تحرجيها و برضه بالدين و كنتى تقوليلها من نظر فى عيب نفسه انشغل عن عيب غيره
إبتسامة ملاك
انتى عامله ايه دلوقتى يارب تكونى بخير
و امورك بقت احسن
ربنا يبعد عنك الحزن و الغم يارب
بصى هو مش تجسس و هو تدخل و بعدين هيا ليه متوقعتش اننا ممكن نكسفها و نرد عليها
ربنا يهدينا و يهديها
أبو حميد
يعنى كانت حتدينا بشاكوش و لا ايه
بس انت فعلا عندك حق
و قضا اخف من قضا
لولا وزهراء
جديده حكايه بتسبحى للشيطان دى
و بعدين انتى انسحبتى و سيبتى الجامع كله
لا طبعا كده غلط
كل انسان ليه حريته الشخصيه و اللى يضايقه يستحمل رده بقى
معجبنيش تصرفك يا زهراء
منورانى
Ashraf
اتريق يا خويا اتريق
شوفت الشمس و هى زى النااااااااااار و درجه الحراره 36 فى الظل
كمان شوفت فاتيما و كيارا كفاااااااايه عليا دول
سبايدرمان spiderman
كلامك اكيد صح بس هو حسب قدره كل انسان
و الدين يسر و لس عسر
فاتيما
عيب ايه اللى حناكله فى كافتريا المحطه
سوشى مثلا و العياز بالله
هههههههههههههههههههه
ده كان جاتووووووووووه ابيضضضضضض و عليه فراوله حمراااااااااا و اناناسه صفراااااااااااااا
تمام كده
و للامانه انا كلت اتنين لان كيارا مكلتش غير الفاكهه اللى فوق
تعيشى ليا يا تيما يا قمر
و ميرسى على الكيك و الباتيه
الشيبسى شادن اللى كلته
اما اللعب فحدثى و لا حرج
مفيش مذاكره و لا نيله و قاعدين نتخانق على اللعب
ههههههههههههههههههه
ربنا يديم المحبه يا قمره
عاشقه الرومانسيه
و الله انتى عسل يا دودو
يا شيخه بلا شوكه بلا سكينه خلى البساط احمدى
يعنى اللى كلوا بيهم عملوا ايه
تحياتى
شمس النهار
كلامك جميل دايما يا شموسه
المره الجايه اما اروح حادور عليها يمكن الاقيها و اقولها الكلمتين دول
منورانى
adel
اولا اللوقاااااااااااء كان حريمى صرف
ثانيا خطيبتك كانت فى المدرسه
يعنى عايزه تسقط يعنى
ثالثا احنا ردينا بس مطفيناش نارنا
منورنى
احاسيس آيوشه
للامانه يا يويو هيا كانت ذوق جدا بس الفكره انك ليه بتركزى مع الناس
وممكن حد يكسفك و يرد عليكى رد مش كويس
هيا دى الفكره
منورانى
هي وظروفها
لا احنا جنبنا احمد حلمى حضرتك
الموقف مش الممثل
انا فعلا معترفه انها كانت زوق
بس انتى ركزى فى اللى قاعده معاهم و اكيد احنا فى مرحله عرفنا فيها كل اللى هيا قالته ده
منورنى يا فندم
د. ياسر عمر عبد الفتاح
و لا سخيف و لاحاجه
احنا زملاء و اعضاء نفس النقابه
ههههههههههههههههههه
انت كلامك اكيد صح و مفيش اعتراض
بس انا كنت باناقش الفكره و باعترض على ان الناس تبقى قاعده مركزه فى اللى حواليها
منورنا
sweet angel
ايووووووووون
انتى جبتى التايهه و الله و قلتى اللى انا عايزه اقوله
انا حر مالم اضر
و حريتى الشخصيه حاجه خاصه بيا
فتاه من الصعيد
خلاص احنا نلم الرجاله و نروح انا و انتى نخلص عليها و نرجع
و التار و لا العار
ههههههههههههههههه
richardCatheart
انا بقى معنديش مشاكل مع المنقبات و ليا اصحاب كتير منهم
بس انا بنتقد الاعتداء على حريه الاخرين
و الحشره فى اللى ملناش فيه
منورانى
حلم بيعافر
يارب اهدينا و اهديهم
هراء لا داعى له .....
احنا فعلا سمعنا كلامه و ردينا بادب و من غير غلط
و الكلام ده لو كان حصل من واحده مش منققبه كنت حاقول نفس الكلام
تحياتى
Tamer Nabil
فعلا احلى حاجه انى شفت ناس باحبهم و نقينا رز لما اتهرينا
هههههههههههههههههههه
منورنى
كيكى عوووووو
ههههههههههههههه
كده يا كيكى شمتانه فينا
متزعليش المره الجايه حاكتب بوست اقول انا رايحه القااااهره يا اخونا و تستقبلونى بالاعلام فى المطار قصدى المحطه
امااااااال هو البرادعى احسن منى فى حاجه
منورانى
Wanda
ههههههههههههههههه
يا سوسه انا بصيت عليها بعد ما مشيت و لقيتها معاها جوزها
بتهدى النفوس انتى شكلك
مااااااشى يا وندا
انتى انزلى مصر ان شاء الله و ناكلك جاتوه من لابوار مش المحطه
ربنا يرجعك لينا بالسلامه
blue-wave
اه احنا ناس ملناش فى الطيب نصيب
عندك مانع؟؟؟؟؟؟؟
لو عندك مانع قول
انت كلامك صح النصيحه دايما بتضايق و بتخنق بس لابد منها
لكن الحشره فى اللى ملناش فيه بتبقى اكتر خنقه
ثم ايه التعليق الكبيييييييييير قوى ده
فين الكلمتين و بس بتوع حضرتك
منورنى:))))
ghada mOhsen
انا كمان نفسى اشوفك لانى باحس انك عقليه متفتحه و راقيه
كلامك فى اغلبه صح
منوراانى
Che
المره الجايه حاخدك معايا ترد بدالى
منورنى
صباح الفل يا جميل رد انن على ردك عليا
انا معنديش مشكله مع المنقبات انا بحترم وجه نظرهم بكلم على الاغلبيه فيهم معملتهم مش مريحه ماعرفش ليه هل بيكونو متحفظين لغيرهم اللى مش منقب الله اعلم طبعا انا كمان عندى ناس منقبه اعرفهم من اصحاب او جيران حتى مرات اخويا اتنقبت عادى
ودى هى الوحيده اللى ارتحت معها فى المعامله
والوحيده اللى اتنقبت ومامسكتش ودانى وقعدت عليها لازم تتنقبى هو دا الصح هو دا الحلال هى الوحيده اللى معاملتش كده
ولعلمك اى حد من اصحابى المنقبات نازل فى الشارع وهما اتنين مش كتير مابنزلش معاهم مابمشيش معاهم كمان ههههههههه
غباء سميه اى حاجه سميه والكلام دا مش بقوله من وراهم هما عارفين راى بمنتهى الصراحه للاسف اغلبهم متطرف مش ارهابى طبعا هههههههههههه لاء متطرف فى فعله ورد فعله وبيهتمو بحاجات غريبه اتعتقد ان الاسلام محتاج حاجات تانيه خالص غيرها
طبعا دا راى شخصى بحت قابل للصواب وقابل للغلط ارجو عدم فهمى غلط
وكل الاحترام لكل الافكار وليكى
تقبلى مرورى
انا لو جوزها كنت لازم هبص لبره
اصل الستات الصاروخ اللى زيها بتخلى جوزها يتعود على مستوى جمال معين .. ودا بيخليه يبص بره
عشان كده الست المصريه بتتول بعد الجواز لكائن غريب كده ومتعرفش تبص له ازاى
عشان كده الرجاله بيكرهوا صنف الحريم كله ومش بيبصوا لبره :D
هو إيه الكلام إللى مش مفهوم دا يا بطوط !!!!!
مين برا و مين جوا !!!!!!
رقااااااااااااق مرة واحده
ليه بس انا موش رقسقه خالث
اسكوووووووووووووووووتى دي غريبه انا اتخضيت اصلا وكنت فاكرها هتقول صوتكو ولا حاجه
وفضلت عوينتها معانا لحد اما قمنا
كان يوم رووووووووووووعه ياقمري
ويارب لايام تعدى بئا
السلام عليكم ..مش عارفه انا حاسه ان الموضوع مش مستاهل كل ده ..ايه المشكله اما تشوفى حاجه يتحصل قدامك وتروحى تقولى للناس الصح..أعتقد ده مش تدخل فى شئون الناس وانتى براحتك اقتنعتى او مقتنعتيش كله يرجع ليكى طالما الأمر خارج عن إرادتك يبقى مش عليكى لوم ..لكن عاوزه اقللك معلومه انا كن باكل بالشمال لحد سنه رابعهابتدائى وفاكره نقطة تحولى اللى لحد الوقتى سعيده بيها كنت مصممه انى لازم اكل باليمين زى الناس وزى ما أمرنا الرسول والحمد لله انا بدأت من الابتدائى اكل باليمين ومبسوطه جدا بذلك لكن الكتابه بصراحه سبتها بالشمال هى ونصيبها بقى ..لكن صدقينى التيمن فى كل شى بيجلب البركه على الشئ ...حاولى ولا تيأسى
بطريقتها دى
أكيد ماكانتش تقصد التطفل
هى بس توسمت فيكم خير وحبت تنبهكم لحاجة يمكن تكونوا مش واخدين بالكم منها
اقولك على حاجة
مرة كنت فى ندوة وبعدها كان فيه غدا فالعادى بقى مسكت الشوكة بالشمال وقعدت اكل عادى جدا
وكان فيه زميل قاعد جنبى ومالناش كلام مع بعض ومع ذلك لقيته بيقولى حرام تاكلى بالشمال
تعرفى بقى انى من يومها بجد حتى لو بحكم التعود هاكل بالشمال افتكر كلمته واغير مكان الشوكة:)
حصل خير
أنا شايف إنها ما غلطتش ما دام كانت نصيحتها ذوق و بإسلوب مهذب
و إنتوا تفهموها بالراحة برضه ردكم عليها
بس حاجة غريبة فعلاً إنها تآخد بالها من ناس على ترابيزة تانية بتأكل بأنهي إيد
دا ممكن اللي قاعد معاكم على نفس الترابيزة ما يأخدش باله
واضح إنها فضولية شوية و مش مركزة في اللي في إيدها أكتر من تركيزها على اللي حواليها
مهندس مصري
اولا انا بشكر فاتيما اللى خلت حضرتك تنورنا
احنا فعلا اللى خلانا استغربنا انها فى ترابيزه تانيه و احنا مخدناش بالنا من بعض
حاجه عجيبه فعلا
نورتنى
إرسال تعليق