السبت، مارس 06، 2010

الف سلامه يا ريس





من شويه التلفزيون اذاع ان الريس حسنى مبارك سافر المانيا عشان يعمل عمليه المراره

و انا بصراحه بعد ما سمعت الخبر حسيت بالذنب قوى

اصل احنا يظهر تقلنا عليك قوى و تعبناك خالص

و انت فضلت كاتم فى نفسك كاتم فى نفسك لغايه ما المراره تعبت و استجارت

و انا بالنيابه عن جموع المدونين المصريين بقولك

حقك علينا

ما تزعلش مننا

لاننا زى ما قال الشيخ الشعراوى

انت قدرنا و نحن قدرك

و ربنا يعيننا على بعض

بقى



الف سلامه يا ريس

هناك 49 تعليقًا:

فتاه من الصعيد يقول...

بتهزري ... صح ؟

تحياتي

فتاه من الصعيد يقول...

لا بجد قولي بتهزري ولا ايه :D

تحياتي تاني

صيدلانيه طالعه نازله يقول...

و دى حاجه يتهزر فيها
انتى عايزه تضيعينا و لا اييييييييه

صباح الفل

Pink Dreams يقول...

من موقعى هذا

احب اقول الف الف سلامه عليك يا ريس

يا مهنينا يا مدلعنا

واحنا فى الاخر نجيبلك المراره

لالالالا دا احنا طلعنا وحشين خالص;);)

هعهعهعهعهعهعهع

صيدلانيه طالعه نازله يقول...

Pink Dreams

طبعا وحشه و ستين وحشه كمااااااااان

عاشقة القمر يقول...

ههههههههههه هي مصر مفيش في مستشفيات ههههههههههههه طبعا بهزر كل رئس بسافر لي اقل مرض ام موطنين مش نلقي أكل عيشهم
الف سلامه ياريس

سبايدرمان spiderman يقول...

الف سلامه يا ريس
الف سلامه يا ريس
الف سلامه يا ريس
الف سلامه يا ريس

ربنا يرجعك ارض الوطن سالما معافي
ربنا يرجعك ارض الوطن سالما معافي
ربنا يرجعك ارض الوطن سالما معافي

richardCatheart يقول...

لالالالالالالالالالا ماتخافيش بعد البوست دا انت متأمنه تماااااااااام ههههههههههه



ربنا يشفى كل مريض ويعفى عن المسلمين يارب

عاشقه الرومانسيه يقول...

الف سلامه عليه
وبهذه المناسبه احب اهدى له اغنيه عادل امام فى مسرحيه الزعيم

هشتكنا وبشتكنا ياريس
انت رئيس والنعمه كويس
يامدلعنا يامهنينا
هشتكنا وبشتكنا ياريس

7annen يقول...

لالالالالالا زعلتينى
الف سلامه ياريس
وعقبال الباقى :))

لولا وزهراء يقول...

دكتوره علا

-*-*-**-*
الخبر سمعته منك
لانى عملت مقاطعه مع التى فى المصرى

اشمعنى المانيا ؟؟؟؟؟؟
يعنى اعرف اللى بيعمل حاجه زى كده يروح فرنسا او امريكا
ربنا يشفى كل مريض
الف سلامه على الناس الحلوه اللى تعبانه

فاتيما يقول...

إهيه
تمانين سنة
و مكنتش مرارته انفقعت لسه؟؟!!!


دنا اللى مرارتى انفقعت دلوقتى



ازيك يا ست انتى
ووحشتينى

مواطن مصري يقول...

يارررب معلش يا ريس بنحبك بس لازم تستريح بقى يا ريس
انت عارف المرض وحش

سلامتك يا ريس

سمع هوص (Abo 3li) يقول...

اللهم لا شماتة

مررته اتفقعت وراح يعالجها في المانيا.. طب وبالنسبة للتمنين مليون مرارة المفقوعة ... ومش عارفين يتعالجو حتي في القصر العيني...

يارب يتعظ ويعرف انها دنيا فانية... ومش هياخد حاجة معاه... وممكن حتة مرارة تخلص عليه..
وياريت يعرف كمان ان يومه قرب... وهيتسأل علي التمنين مليون ال هوا ولي امرهم..

اللهم لا شماتة كمان مرة
تحياتي يادكتورة

adel يقول...

الله يسلمك و ان شاء الله هيبنلكوا مستشفي و جامع

بس هي مالها مستشفي ام المصريين يعني
ماهناك بيشلوا المرارة و بيخرجوك كمان من غير كلي و كبد

Foxology يقول...

والله سواء هو كويس ولا لأ الا انه بشر يستحق اننا نقوله الف سلامة عليك واجر وعافية

تحياتى

م/محمود فوزى يقول...

السلام عليكم
هو بالنسبه للمرض
دى حاجه الواحد مش من الاخلاق انه يشمت فيها
لانها قضاء وقدر مش بايدينا

حتى مع اى حد مختلف معاه لا اتمنى له المرض

لكن بالمناسبه دي كنت عايز اطالب الناس اللى عايزه تلغى العلاج على نفقه الدوله
ارحموا من فى الارض يرحمكم من فى السماء
يعنى مش كفايه الناس مش لاقيه تاكل

ربنا يشفى المرضى ويفك كرب المكروبين عموما
ربنا يكرمك ويسعدك

Tarkieb يقول...

ربنا يشفيه انا كنت مستغرب سايب مصر ورايح المانيا ليه؟ بس النهاردة في الجرايد الالمانية قالو ان مشتشفى هايدلبرج اشهر مستشفى في العالم لاستئصال المرارة وقالو النهاردة كمان انها ملتهبة اوووووي ولازم تتشال وان حالته زي المستشار السابق هيلموت كول بالظبط.....يعني محتاج تلات اسابيع في المستشفى...وبعدها مفيش مرارة تتفقع تاني ...ونفتح صفحة جديدة يعني البرادعى كدة ربنا معاه مهما يعمل الريس جاهز له وعامل حسابه .....

micheal يقول...

ربنا يأخدنا احنا عشان سيادته يرتاح
تحياتي

sony2000 يقول...

اللهم اشفي جميع المرضي يارب

همس الاحباب يقول...

لا الف سلامة يا ريس
بس هو انت لسه عندك مرارة
اذا كان الشعب مرارته اتفقعت من زماااااان
بس مش عيب تسافر المانيا يا ريس
ومال جزارين بلدنا قصدى دكاترة بلدنا راحو فين
عامة تيجى بالسلامة يا ريس
لسه فيه مليون ما تفقعتش مرارتهم

انس يقول...

الخبر شبه مؤكد .. الريس لن يعود من المانيا

هراء لا داعى له ..... يقول...

أنا مش مستريح للخبر دا

عملية مرارة هايفة ...يروحلها ألمانيا ليه يعنى ؟؟؟؟!!!!

دا عملية المرارة دى بقى أى دكتور صغير ممكن يعملها فى بير السلم بتاعهم من غير مشاكل


بس أحب فعلا أقتبس نفس الإندهاش بتاع ( فاتيما )

أكتر من 80 سنة و لسا فاكرة المرارة إنها توجعه !!!!!!!

مش ممكن بجد

الراجل دا أعضاءه عمرها 80 سنة
المفروض ميبقاش بالنضارة و الصحة دى


يارب ....

ألمانيا تحلى فى عنيه و يقرر تبقى إقامته فيها للأبددددددد

star in the sky يقول...

اللهم لا تحاسبنا بما فعل السفهاء منا

احنا الغلطانين بقى ربنا يحاسبنا على اللى عملناه وبنعلمه
ههههههههههههههه

ربنا يشفيه على كل حال الشماته مش حلوة برده

ستيته حسب الله الحمش يقول...

اختر ان تكون إجابتك واحدة من الإجابات التالية

1- يااااااااااااااارب أكرمه زي ما كرمت اللي سبقه
2- يااااااااااااااارب انت عارف وعالم إكرمه دنيا وقبر وأخرة
3- يااااااااااااااارب خد من قلبي وصر وألحق به ذريته
4- يااااااااااااااارب أحمدك واشكر فضلك نعمك علينا ومعجزاتك لا يقنط منها مؤمن

Wanda يقول...

صيدلالولة
البوست ده علشان نروح كلنا سوا جمعا :-))
اهو برضه نونس بعض فى الس...

انا من موقعى التعليقى بقول كل من مرارته تعبانة سلامته الف سلامه
و ربنا يكرمكم كلكم بالشفاء
و عليه


نرجع لموضوع البوست السابق :-)) اضمن:-)))))))))))))))

ايه انا مالللللللللللللللللى ديه
الله :-( وش مبرق
و بعد ما تقولى فى البوست متزعليش ياوندا ، تقولى عايزة خمس سنين ثانين تضيعيهم فى النط بالحبل و المراجيح
لا ياستى انا بنط بالسنين بتوععى انا مش حسلفك من عندى علشان تنطى ، استنفذى رصيدك الاول و بعدين ابعتلى سلفنى شكرا و انا حطنشك :-)))))
قال مالللى قال
لا ده مالك انت و شيكاتك ايه الممضية على بياض تثبت اهو :-)))

اى خدمة يا حبيب الكل
ادينى بطلعلك حقك منها اهو
انا كده فى السليم مش كده
و سلامتك الف سلامة

و ايوه كده اثبت للى فاكرين نفسهم دكاترة فى مصر انهم مبيفهموش فى المرارة :-) و الى بيشيلوها من العيانين هنا حاجة ثانية :-))
و لا الدكاترة هما الى رفضوا ؟؟ خوفا ؟؟

غير معرف يقول...

انس


يسمع منك ربنا ياابنى

أبو حميد يقول...

بصى يا دكتورة من غير تريقة: أنا عجبنى تعليق بنت عراقية على موقع مصراوى عن الخبر ده بتقول فيه
( ربنا يخليلكوا ريسكم وبلاش بطر.. إحنا كنا زيكم كده بندعى على ريسنا بس بعد اللى شوفناه بنقول ياريت أيامه ترجع)

انا مش مع ولا ضد التعليق ده بس لازم نفكر فى الأمر بعقلانية. يعنى أنا بدعى ربنا إن إنتقال الرئاسة يتم بشكل منظم لجمال أو البرادعى أو اللى الناس تختاره وبدعى ربنا مايكتبش علينا نعيش فى فوضى وصراعات على الحكم

أسف على التطويل

محمد فؤاد (صاحب عمود النور) يقول...

ربنا يشفيه ويشفى كل تعبان

وربنا يسامحه ويكون بيخفف من عليه للاخره

emymony يقول...

ههههههههههههههه سلامتك ياريس
بس الريس فعلا هل كده بيشجع الانتاج الوطنى وعنده ثقه فى ان فى تقدم فى مصر ؟
لما ريس الدوله اللى هو نموذج ومثال لاهلها علشان حته مرارة بيسافر بره
امال الباقى العمليات الخطيرة يروحوا فين
ههههههههههه سلامتك ياريس
احنا ظلماينك ومتجنيين عليك
دا انت سكر
تروح وترجع من غير مرارة ياريس

غير معرف يقول...

حسنى مبارك يقدم غاز مصر هدية لأسرائيل!!!

مصر تخسر 13.5 مليون دولار يوميا جراء بيع الغاز لإسرائيل

قال السفير المصرى السابق المحامي إبراهيم يسرى أن القاهرة تخسر من جراء هذه الصفقة مع تل أبيب حوالي 13.5 مليون دولار في اليوم الواحد ولهذا لا يمكن تبرير هذه الخسارة لا بوجود معاهدة سلام مع إسرائيل ولا بحقوق السيادة ولا بأي شيء آخر

و أضاف يسرى " لا علاقة بين اتفاقية السلام وصفقة تصدير الغاز المصري لإسرائيل ، ولهذا نحن طالبنا بإلغاء الصفقة لكونها مجحفة بحق مصر وتمثل اهداراً للثروة المصرية خاصة وإننا دولة نامية تحتاج الكثير من الأموال للإصلاح الإقتصادي ولذا لا يجوز أن ندعم إسرائيل بهذا الشكل خاصة ونحن لسنا دولة غنية لكي نبذر أموالنا يميناً وشمالاً".

ونفى ما تدعيه الحكومة المصرية من أن إسرائيل حصلت على هذا العقد من خلال مناقصة دولية مثلها مثل الدول الأخرى ، مؤكدا أن هذا غير صحيح وإن صح ذلك لكان سعر الغاز المصري المصدر لإسرائيل 16 دولاراً الآن.

وتابع " نريد كما فعل رئيس الوزراء الروسي بوتين أن يكون تسعير الغاز حسب سعر السوق العالمية في حين أن اتفاقية الغاز "المصرية- الإسرائيلية" التي يمتد مفعولها لعشرين عاماً يمنع فيها تغيير السعر طيلة هذه المدة وهذا السعر يبدو الآن مضحكاً لأنه مثبت بدولار وربع الدولار في حين أن السعر العالمي الآن يتراوح بين 12 -16 دولاراً لوحدة القياس".

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
أرجو من كل من يقراء هذا أن يزور مقالات ثقافة الهزيمة بالرابط التالى www.ouregypt.us

أحمد .. لو مخانتنيش الذاكره يقول...

ألف ألف مليون سلامه يا ريس

كل الشعب المصري المقيم بره مصر بيهنو حضرتك على الرجوع من العمليه بالسلامه .. يبتلى المرء على قدر دينه يا فندم .. معلش .. ده قدر العظماء

كلنا بندعيلك .. و أولنا أختي الصيدلانيه .. بس لو حضرتك تعرف حد في المحافظه عشان يركبولها أصانصير في العماره بدل ما هي طالعه للبيت نازله للصيدليه كل شويه .. دي خست جدا يا فندم من السلم



لو ركبولك أصانصير ابقي زوريني هنا

http://ahmedabdulmohsin.blogspot.com/

مبتدئ تدوين :(

Haytham Alsayes يقول...

والله مستحملنا برده ولو تعبان قوى يريح نفسه ويسيبها للصحته كويسة

BAZ يقول...

http://arabic.cnn.com/2010/entertainment/3/7/blogs.07march/index.html

مبروك ، ظهور هذا الموضوع على السي ان ان العربية :)

Wanda يقول...

صيدلالولة
اقولك ايه :-)) انت حبيبتى و الف مبروك

بس
انا اروح مع فطوم بورسعيد احسن
متزعليش منى :-))))) بس على الاقل هنا احسن :-))
ايه رأيك تجى معانا ؟؟

وجه جديد د.أحمد عثمان يقول...

دكتورتنا

بعيدا عن البوست
أتيت لألقي باطلالة على اخر اصداراتك

اتمنى ان تكوني بخير

أحمد .. لو مخانتنيش الذاكره يقول...

معلش يا دكتوره .. مركبوش الأصنصير عندكو في العماره أنا عارف

تقريبا ميعرفش حد في المحافظه

الشاعر الفنان أحمد فتحى فؤاد يقول...

اولا : احب أقول أنا مش مع حد يا ريس .. أنا جاى أبارك و أهنى

ثانيا : حاجتين بجد ماحدش أبدا يشمت فيهم ... المرض ... و الموووووت

ثالثا : صباح الخييييييير

رابعا ما شفوتيش لسه البوست الجديد؟

تحياتى

أحمد شريف يقول...

السلام عليكم
ربنا يرجع الرئيس بالسلامة إن شاء الله

بالنسبة للأستاذ الفاضل اللي تحدث عن إلغاء العلاج على نفقة الدولة

نعم أنا مع إلغاؤه لأن هناك قانون جديد للتأمين الصحي سيكون نقلة في حياة المواطن المصري الصحية والاجتماعية وسيكون بديلاً عن العلاج على نفقة الدولة وغيره من الأبواب التي يدخل الفساد فيها
القانون الجديد سيوسع شرائحه ليضم 60 مليون مواطن

فلماذا نقبل إذن بالعلاج على نفقة الدولة وما يعتريه من فساد والكل يشارك به من أصغر مواطن لأكبر موظف
؟!

أحمد شريف يقول...

على كل حال العلاج على نفقة الدولة سيظل موجود حتى يتم إقرار قانون التأمين الصحي الجديد في خلال شهور إن شاء الله

فاتيما يقول...

عاملة ايه يا لولأّ النهاردة
وحشتينى خالث

Wanda يقول...

الله
انت شغلت عفريت عندك تعاكس فيا
و ترمينى بتعليقاتى من باب المدونة؟؟؟
فى التعليق الاخيرة بتاعى ؟؟
ادينى نطت من الشباك :-))) وش مطلع لسانة


صيدلالولة انت روحت فين؟؟
طمنينا عليكى
و حياتك مش حنجهز الحلاوة لا حنجهز شنطة الهدوم و نيجى نونس :-))

عودى يا هاميس
يالله يابت البسى
رايحين نبيت عند خالتك صيدلالولة :-)))

dr.lecter يقول...

الهي مايرجعش

amirelhob يقول...

طبعا كلنا موافقين على الكلام دا ومحدش عندو اى ذره اعتراض ولو صغيره

ولو حد عندو اعتراض انا عن نفسى مش ليا دعوه بيه خالص ومعرفوش هذا الخائن العميل

(**)

بوست حلو وكلمتين جامدين ومن قلبى بتمنلك تقضى كام فى بيتكم ومتخرجيش منو عشان الجو معتقتدتش انو هيبقى ظريف خالص

شمس النهار يقول...

اولا بعتذر ان الرد علي تعليقك في البوست عندي
سقط سهوا
انتي عارفة النت وعمايله

ثانيا وحشتيني
اما البوست ده لطيف
اصل يادكتوره داين تدان

::))
ماانا شايله المرارة من سبع سنين

سلامي

Wanda يقول...

انت منعى التعليقات فىالبوست الاخير ؟؟ ليه طيب؟؟

اعلق هنا ؟؟

سمع هوص (Abo 3li) يقول...

انا حاليا مش عارف هيا التعليقات ممنوعة عندك في البوستين الاخرانين ... ولا انا ال بروسر عندي البيهيس....

غير معرف يقول...

انا من الصعيدومن اسيوط ديروط ومن قرية بسيطة اسمها خارفةواسمى مصطفى عبدالبديع احب ان اوصل رسالة الى الشعب المصرى والى العرب كاكل احنامن غير مبارك ولا حاجة لاان الشعب مش عارف حاجة بيهتف مع الابهنجم بكلام وهو فى الاصل مايدرى عن حاجة بيقولو نجيب البردعى ونجيب فلان وفلان لية دى كلو هومبارك عمل اية وحش فى الشعب ما الشعوب كلها كدة ولا الاميعرفش يقول عدس كان فين البردعى لما مبارك كان طياروكانت لة اول ضربة جوية كان فين البردعى وغيرو لما حرر مبارك سيناءكانو فين فلان فلان لما مبارك حرر بلادنا من الاستعمار هل مصر دلوقتى ولازمان فية مطارات فى كل مكان فيةقطرات فيةمترو انفاق فية اتوبسات وبصات بتوصل كل واحد لكل مكان فية ترعة اسمها ترعت السلام فيةفيةحنا مترو اسمو مترو الانفاق فيةمعشات لكل انسان فية رواتب لكل فرد اخر شهر فية وفية بس احنا شعب مايبصش لقدام الخير جى لكل انسان بس نكون قلبنا على قلب بعض ذى زمان فيها اية لما الريس يرتاح شوية ومنها يشوف اولادة بيحبوة ولا لا والله العظيم بنحبك وغيرك مهنلاقى ومن بعدك بعد عمر طول هنكون ملطشا للشعوب بس ادعو الله العلى القدير ان يحفظ لنا الرئيس /محمدحسنى مبارك من كل مكروة ويجعلنا فداة لا انهو قى يوم من الايا م كان من الممكن يكون شهيد من شهداء مصر وهو بيدفع عن عرضك وعرضى فى 73 ولا نسيتو يا ريت يا شعب تفوقو وتدعو لهو ربنا يحافظ ويبا رك لنا فية يارب

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .