الاغنيه اللى فوق دى باهديها لكل الشباب و الشابات المرصوصين
على الكبارى فى مصر المحروسه من اسوان لاسكندريه
و اللى فى الوقت ده من كل سنه بيخلوا مصر حمرااااااااااااااااااااااا
من كتر الورد الاحمر و الدباديب و القلوب اللى بيشتروها
و اقولهم كل سنه و انتوا طيبين بمناسبه عيد الحب
ممكن كمان اهديها للمخطوبين و العرسان الجداد لغايه ما يشرف اول بيبى
بعد كده حيدخلوا فى مرحله غير دى خااااااااااالص
هههههههههههههههههههههههههه
اما المتجوزين القدام اللى زى حالاتى و حالات كتير من المدونين الشرفاء
فاهديلهم مشهد من فيلم احلى الاوقات بيجمع بين هند صبرى و خالد صالح
و اللى فيه بيتناقشوا حول جدوى بوكيه الورد و الفرق بينه و بين كيلو الكباب
اظن بقى المشهد ده هو التطور الطبيعى للرومانسيه المصريه الحقه
و بصراحه الراجل فى اخر الفيلم بيشترى الورد و الكباب مع بعض
و ده برضه انتصار للمرأه و لقضيتها المعاصره
خلاص خلصنا اهداءات
امبارح بقى و انا قاعده مع جوزى كده و راسمه ابتساااااامه عريضه على وشى
بقوله بكل رقه و هدوء و رومانسيه حتجيبلى ايه بمناسبه الفلانتين يا جمييييييييل
قاللى اولا الفلانتين ده بدعه
طبعا تعبير وشى اتقلب فى ثانيه و رجعت لحالتى الطبيعيه
طبعا هو استشعر الخطر المحدق به.......حلوه المحدق به دى
و قاللى حجيبلك شيكولاته كادبورى من الكبيييييييييره قوى و الفها بورق احمر شيك و فيونكه
و سكت شويه كده و قاللى لا خليها كيت كات من الكبيره و كده كده هيا ورقتها حمرا و نوفر اللفه والفيونكه
و نقسمها كل واحد مننا ياخد بار منها و بالهنا و الشفا يا عمرى
طبعا انا اللى خلانى سكت انه قال يا عمرى و دى مش بتتقال كتير الصراحه
ايه ؟؟؟؟؟؟؟؟؟سامعه حد بيضحك ياريت تمنعوا الضحك
لان الموقف ميضحكش خااااااااالص الصراحه
مره تانيه بقولكم
كل سنه و احنا كلنا بنحب بعض
المشاركات
هناك 82 تعليقًا:
كل سنه وانت طيبه يا عمرى
زوجك
وش مكسوووووووووف و احمر
ميرسى على الرقه دى ويارب دايما
مع بعض
افتكرت بوستى اللى كتبته السنه اللى فاتت
الانتوسيد احلى هديه فى الفالنتين
:P :P :P :P
الله
اللى احلى من البوست
اول تعليقين
الله اكبر عليكم و ربنا يخليكم لبعض
يا رب
ايوه كدا افتحوا نفسى
و كمان الغنوة دى تحفة يا علا
و بقالى زمن مسمعتهاش
و كنت بحبها جدااااا
شكرا لأنك فكرتينى بيها
و ربنا يا حبيبتى يسعد كل الناس
بوسة و حضونااااااات
و هابى فالنتين داى عليكم يا لولاّ
بطوط حبوب
ايوه انا فاكره انى ساعتها قلتلك و الستربتوكين نهديه فى عيد الفلاح
كل سنه و انت طيب و السنه الجايه نقولك جيبت ايه للعروسه
نورتنى
كل عيد حب وانتوا مع بعض يا قمر
وياستى مالها يعنى الشيكولاته حلوه
ههههههههههههه
ربنا يخليكوا لبعض يا رب
فاتيما
ربنا يخليكى يا تيما
احرجتونى و كسفتونى يا جماعه
كل سنه و كلنا يارب مع نصنا اللى بيكملنا و يحبنا بجد
بمناسبه الاغنيه دى انا باموت فيها و من زمان نفسى احطها يوم عيد الحب
اصل نجاه دى حكايه وحدها
و بعدين مغيرتيش المسائل اللى قلتلك عليها ليه
بتقل عليكى انا معلش بقى
نورتينى يا طمطم
Pink Dreams
هو انا اقدر اعترض برضه
انا اصلا باموت فى الشيكولاته
كل سنه و انتى حبوبه و محبوبه يا بينكى
هابى فالنتين داى ليكم ياقمر
ويارب عقبال كدا مانقوك هابى فالنتين داى وانتى عندك تشيليون سنه وبتقولى بت ياشكره
ههههههههههههههههه
ربنا يخليهولك وبعدين انتى هتنهبى ولاايه يعنى الراجل كتر خيره هايجيبلك كيت كات وابقى ابعتيلى بار اختك مزنوقه فى هديه
هههههههههههههههههه
انا بقى الراجل جوزى هيجننى
هههههههههههههههه
هابى فالنتين داى
مش بحب الفلانتين ده خالص يا قوم
بس مفيش مانع من الكيت كات والحمد لله دي بحصل عليها كتير
معروف عني اني اتسجد واسكت وانسى اي موضوع مهم بشيكولاتاية كيت كات او توبليرون
العيب مش انه بيجيب الشيكولاتة
نو .. ابسلوتلي
العيب اني عرفته نقاط ضعفي الإستراتيجية
يارب دايما طيبين وعسولين وربنا يخلي سيف وشادن
وربنا يهني كل واحد ويديه اللي بيتمناه واكتر كمان
كل عيد حب وانتو مع بعض يارب
ربنا ما يحرمكوا من بعض ابدا
وبعدين الراجل مقصرش اهو كويس انه هيجيب حاجه برده
هههههههههههههههه
ههههههههههههه
شيكولاتايه؟؟!!
هى دى اخرتها؟
تؤتؤتؤتؤ
مالوش حق
بصراحه طمنتينى على مستقبلى
:-S
واهو لقى ان كلمه ياعمرى عجبتك
كتبهالك على المدونه علشان تقريها كتير
ههههههههههههههههه
ربنا يسعدكم يالولو
جوز عصافير يااخواتى؟؟؟
عيد حب سعيد عليكى وعلى حبيبك يارب
دكتوره علا
-*-*-*-*-
يااااااااااارب كل ايامك مليئه بالحب والسعاده والخير والهنا
ربنا يسعد قلبك مع زوجك ويفرح ايامك
وتشوفى كل الحب فى حياتك ياااااااااااااارب
واكبر باقة ورد حمرا فى العالم ومعها دبدوب كبيييييييير احمر
كمان باكو شيكولاته من الكبيييييييييييير
الهدايا دى برضه مش كفايه
كل لحظه وانتى بخير
زهراء
كل سنة وانتو دايما متجمعين ويخليكو لبعض
وبتحبوا بعض سواء في الفلانتين او اي يوم تاني
انا بقي اللي عاوز الشيكولاته عالدعوتين اللي فوق دول
وبحييكي علي الاغنية
واتمني تزوريني في مدونتي الجديدة وتقولي رأيك في اول بوست
http://samtelghrob.blogspot.com
تحياتي
السلام عليكم
طمنتينا على حالنا بعد الجواز ^_^
بس انا بنتهزها فرصه و احي جوزك
فعلا العيد ده حرام و بدعه ^_^
تحيه كبيره جدا مني ليه
و بلغيه سلامي ^_^
كل سنه وانتى طيبه يارب
وعقبال مليوون سنه وانتم دايما مع بعض
مع خالص حبى وحبى
انا بعلق عاده الاول
و بعدين بقي التعليقات
تحيه كبيره ليك يا استاذ اشرف و الله ^_^
و حلو التعليق الاول جدا جدا
ربنا يخليكوا لبعض ^_^ يارب
كل سنة وانتي طيبة يادكتورة علا...
وربنا يخليكم لبعض ...
واقولك علي سر... مش هيجبلك كيت كات . ولا حاجة..
وهيجبلك هدية بجد..... وهتيجي تقولي ابوعلي قال...
ههههههههههه
كل عيد حب وانتو بخير
أنا بقى على طول بجيب لمراتى كيت كات من الكبيرة (وخصوصا بعد ما رخصت وبقت ب3جنيه) وكمان بجيب ورد من غير زلانطين
أما رأيى فى موضوع الزلانطين أنا كاتبه فى بوست إمبارح
طيب انا عايزة اضحك الله
:-))) ياعمره و عقبال تطلعوا العمرة سوا و تعمروا العمر كله سوا
يارب
و اتفضلى طبق من الدستة الى فضلت مليانة ام اند ام :-))) قزقزوها سوا مع العيال
كل سنة وانت طيبة وزوجتك واولادك بكل خير
عارف يا دكتورة اه في ناس بتقول انها ضد عيد الحب بس بصراحة انا بشوفه انه مناسبة عشان نفتكر بعض علي الاقل ونقول لبعض كل سنة وانت طيبة
نفتكر بعض في وسط زحمة الدنيا ومشاغلها
كل سنة وانت بألف حب
مالها الشيكولاتة وحشة ولا حاجة؟ كفاية انها من قلب معركة الزواج التى لاتسفر غالبا عن مثل هذةالاشياء الرقيقةكل عيد حب وانتو احسن ومع بعض دايما
تحياتى
يا ريت ترسى على كيت كات
حترسى على باكو لبان من عند سعاد البقّالة
او طبق فول من عند عم محمد حسُّوبة جنب بيت ابوكي وفالآخر تبقى حقيقة واحد وهي انه فعلا بدعة.
ولا يبقى الا التواد والتراحم.
اولا بسبب هذه المناسبه
او ان اتقدم لشخصكم والدكتور اشرف باسمي ايات وباقات وشيكولاتات عيد الحب
جعل الله ايامكم حب ولحاظتكم سعاده
ايه ده ان نسيت دي مدونه اختنا مش مدونه سوزان تبارك
بجد بقي كل سنه وانتم اقرب لبعض من اللي قبلها
بس خليه يوسعها شويه مش لازم شيكولاتيه
خليه يجيب شيكولتين جالكسي جميله وشيك ومش غاليه
هابي فالنتين وبلاش نفسنه علي شباب الكورنيش ماشي
انا اول مره اتشرف بالتعليق علي مدونه حضرتك وبجد سعيده ومبسوطه بكدا
يارب يخليكو لبعض ديما ونسمه عنك اخبار حلوه
هابي فلانتين داي
تقبلي مروري وتحياتي
Happy Valentine's day my lovely Ola...How are you sweetie and How are the little kids ? I miss all of you keteeeeer.
I like chocolate and it is the best at valentine's time.
Wish you and your husband all the very best ...May Allah bless both of you with an everlasting love that enlighten your way all life long....Kiss the kids for me ...I really hope we can get together soon InshaAllah
Your Baskouta
I love you
sookra
انا لو منك اجننه قبل ما يجننى يا حبيبتى
هو العقل ده ببلاش و لا لاقيينه
و يا ستى انا ابعتلك علبه بحالها
و لا يهمك
كل سنه و انتوا مع بعض
ستيته حسب الله الحمش
هههههههههههههههه
حلوه نقاط ضعفى الاستراتيجيه دى
و بعدين يا حبيبتى اصلا الفلانتين ده مش للشريحه الكادحه اللى انا و انتى منها خاااااالص
انا قلت انها لواقفى الكوبرى
الكلام واضح و صريح
7annen
ايه ده يا ست هانم انتى معايا و لا معاه
شكلك معاه و لا يهمنى و لا كأنى سمعت حاجه
هههههههههههه
نورتينى يا نونه
عاشقه الرومانسيه
ايوه دى اخرتها شفتى يا دودو
بس ياللا شيكولاته فى الايد احسن من عربيه على الشجر
نورتينى
لولا وزهراء
كل هدايا عشانى
شايف يا كابتن
ربنا يخلينى ليكى يا زهرا و تبزعقى فلوسك عليا دايما
نورتينى
Mano
يا فندم علبه شيكولاته بحالها
و مبروك المدونه الجديده
كل سنه و انت طيب
سبايدرمان spiderman
هو عشان قال انه حرام و بدعه بقيتوا اصحاب
عالم غريبه و الله الناس متتجمعش غير عشان تغيظ بعضيها
طب مش حاسلم عليه
هههههههه
نورتنا
emymony
ميرسى يا ايمى ربنا يخليكى
كل سنه و انت محبوبه
سبايدرمان spiderman
ايه بتصلح ما افسدته فى التعليق الاول
ماشى و انا كمان مسامحه
كل عيد و انت طيب
سمع هوص (Abo 3li)
و الله لو ده حصل انا اللى حجيبلك هديه
ههههههههههههههه
نورتنى يا متفائل
أبو حميد
انت بقى جاى تهدى النفوس شكلك
بس و لا يهمنى
يجيب شيكولاته ميجيبش
يجيب ورد و لا كباب
برضه انا راضيه
نورتنى
Wanda
ايه ده كسرتى الدستتين يا مفتريه
و لا يهمك فداكى
و ربنا يخليكى ليا و تهادينى دايما ام اند امز اصل انا بحبه جدا
نورتينى يا قمره
أميرة الرومانسية
فعلا لو على الحب المفروض يكون طول السنه
بس فعلا عيد الحب بيبقى فرصه لتجديد المشاعر و التذكير بيها مش اكتر
اهلا بيكى يا مرمر
Single Mummy
تصدقى انتى من اكتر الناس اللى بحس انها فاهمه كلامى و مقدراه و باستنى تعليقك
لانى حاسه ان اللى مريتى بيه خلاكى اعقل اكتر و فاهم اكتر بغض النظر عن عمرك
انا بحبك قوى
د. شلافييط
قول يا دكتور يامن
كل كلامك حكم
سلامنا لعاليا و مريم و امهم
هي وظروفها
شباب الكورنييييييييش انا شكلى جيت على الجرح
ياعم اى حاجه يجيبها حتبقى فله و الله
تحياتنا للنص الجميل
نورتنى
sony2000
ده شرف ليا انا
و هابى فالانتين
Baskouta
بسكوته يا جميله معلش بقى حارد عربى
انتى كمان وحشتينى كتير من السبت اللى فات
انتى حد جميل و لذيذ و كنت مبسوطه قوى و انا معاكى
عيد حب سعيد علينا و عليكى
و ان شاء الله نتقابل قريب
مين عارف؟؟؟؟
كل الحب ليكى يا بسكوتى
كل سنة وانتي جميلة وطيبه
وبخير وصحة وسعادة
::))
سلامي
كل و انت طيبة يا جميلة و دايما مبسوطين مع بعض إن شاء الله
أنا بس عايزة أقول أن الحب مش بدعة والإسلام هو أكتر الديانات اللي اتكلمت عن الحب و الرومانسية عامة و اعتبرت أن الرومانسية بين الأزواج عمل صالح يثاب عليه المسلم طالما مع أهل بيته و مراته و ياريت كل الأزواج و هم بيحتفلوا بعيد الحب أو أي اتنين بيحبوا بعض أصحاب إخوات أي حاجة يجددوا النية و يعملوها بنية إطاعة ربنا و رسوله عشان يأخدوا الأجر إن شاء الله و كل سنة و انتوا حبيبة
حماتي و حمايا لاعزاء
هل ممكن نخرج انا و خطيبتي في الظالنتين :$:$:$:$
و اوعدكم مش هاجيب دباديب ولا ارانيب :)
هو بوكية ورد و شوكولاتات و مثاثات :):)
كل سنة وانتى طيبة
وهابي فالنتين داى
ربنا يخليكو لبعض يارب وتبئا ايامكو كلها فالنتين دايز وكيت كات
انا بئا جوزى ملتزم الصمت تماما
لما نشوف هايجيب ايه
انا صحيح مش بعترف اوى بالفالنتين داى بس لازم بردو يجيب
لاتعليق بجد لانى فرحت اوى لمة كان هجيب كابرى كبيررررررررررررررررة وياريت لو سادة
شكلها هترسى على لبن ام مرسى!!
ههههههههههههه
بقي فرحانه انه قالك يا عمري وهيجيبلك شيكولاته
بقي هي دي اقصي طموحاتك انتي وهو
والله الله يطمنك
بس معلش في السؤال
انتو وصلتو للحاله دي بعد كام سنة جواز
عشان بس الواحد يبقي عامل حسابه ويتابع انواع الشيكولاته ويعرف يختار
عموما ربنا يهنيكو ويسعدكو
وكل سنة وانتو حبايب
تحياتي
اول شى وحشاااااااانى
يادكتور كتير ...
وانا عرفت انك روحتى معرض الكتاب
ياريتنى كنت معاكم عشان اشوفك والله ..
........
كل سنه وانتى طيبه يارب
وربنا يخليكى لجوزك ويخليه ليكى
يااااااااااااارب
بجد الحب عمروا ماكان بالكلام الحب شعور واحساس وافعال
والكيت كات لذيذ برضو بالهنا والشفا
ربنا يهنيكوا يااااارب
... ;) ,,, ;) ...
أنا أنا أنا .... من اللى قلتى عليهم ... بتوع هند صبرى و خالد صالح
هاهاهاهاها
طبعا مش قوى كده ... ده حتى أنا شاعر و معتمد كمان ... لكن يعنى ... هاعمل على الأقل زى ماعمل جوزك ربنا يخليهولك ومع الشيكولاته الكادبورى ... بس أنا هاخلليها جالاكسى عشان أبقى مختلف
و كل عام و إنتى و زوجك الجميل بألف خير و سعادة
خلاص بلاش ضحك
انا بسمع انكم بتحبوا الشكولاته يعنى
يارب احتفل به المرة الجايه
كل دا عشان تقولى
هابى فلانتين داى ؟؟
كل سنة وانتى طيبة
يا قمر ودايما منورة ودايما محبة يارب
شمس النهار
و انتى طيبه يا شموسه يا قمر
عيد حب جميل على الجميع
moha
مها يا جميله دايما فاكرانى و مش ناسيانى
مفتقداكى جدا و نفسى الاجازه تيجى عشان ترجعوا من امريكا اللعينه دى اللى اخدتكم منا بس اللى مصبرنى انكم مبسوطين
ربنا يخليكى سباقه دايما بالخير و سلامى لنودى
adel
بص يا عادل يا ابنى انا مش عايزه اكلفك
كفايه الشيكولاتات و المثاثات و اهو تشيل عن حماك شويه و من قدم شيىء لحماه التقاااااااااه :)))
reem
يا خوفى لا يفضل صامت كتير يا حبيبتى
انا جوزى من بعد ما كتبت البوست
رجع التزم الصمت تانى
و شكلى اتضحك عليا
عااااااااااااا
كيكى عوووووو
انتى على طول كاسره نفسى كده
ياريت يا اختى ترسى على لبن ام مرسى
حابوس ايدى برضه وش و ضهر
wasf_elahsas
اه افرح ما افرحش ليه كل اللى يجيبه ربنا كويس
الحاله دى حضرتك بعد 11 سنه و داخلين فى ال12 يعنى ايا كان لسه بدرى عليكى قوى
تكون شيكولاتات اتولدت و شيكولاتات ماتت
ههههههههههههههههه
كل حب و انتى طيبه
ghada mOhsen
انتى كمان واحشانى يا دودو قوى
و ياريت فعلا كنتى جيتى عشان اشوفك
فعلا يا غاده الحب مش بالهدايا و لا الكلام
الحب افعال و مشاعر تتحس
بس بينى و بينك ساعات حاجه بسيطه بتفرق قوى معانا
نورتينى يا دودو
لشاعر الفنان أحمد فتحى فؤاد
ايه ده هو انت طلعت منهم
يا خساااره و انا اقول الشعراء حساسين و فيهم رقه و رومانسيه
بس الحمد لله ربنا بعتنا ليك عشان نفيدك و نكسب فيك ثواب
ههههههههههههههههه
كل سنه و انت طيب
العيسوى الصغير
مين هما اللى بيحبوا؟؟؟؟الستات يعنى؟؟؟؟
اه بنحبها ناكلها بس لكن نشتريها لا
ربنا يستجيب لدعاك و تحتفل بيه السنه الجايه
نهر الحب
و انتى الصادقه يا انوس
كل ده عشان اللى معايا يحس و يجيبلى هديه
ههههههههههههههه
نورتينى يا قمره
ايه دااااااا
ماشاء الله
ايه النوظام ؟؟
انا اتركنت ع الرف خلاص و خدتوا الواد عادل فى حجركوا من دلوقتى
المواعيد بتتاخد و انا فى الطراوة كدا و معرفش حاجة ؟؟؟
هوه صحيح الغزالون يهبلون تلحس العقل
انما يعنى احنا برضو لسه ملبسناش دبل و عملتلى فيه حماة و خدت وضعى و برستيجى شوية
كدا يا لولاّ دنا قولت هنتشضامن اكمننا ستات زى بعضشينا ؟!!!
ماااااااشى
اما اشوف عادل بس
هتصرف معاه
الا لو شافنى بشكولاتية و لا حاجة
ساعتها ممكن أتفهم موقفه
و اعدى الليلة
هابى فالنتين ع الكل
و انا يا فندم مستنية اوشارة البدء و انا ابتدى تكسير علطول
طيب والمتجوزين طازة زى حالاتى كدة يعملو ايه ؟؟ :))))))
تحياتى وربنا يديم السعادة على بيتكم وبيوتنا كلنا :)
:D
مالها الكيت كات بس
زي الفل :)
ربنا يسعدك ويهنيكي يا رب دايماً
وكل عيد حب وكل اللي بتحبيهم معاكي :)
حلو اووى البوست وفعلا احلى حاجة
اول تعليقين
ربنا يخليكم لبعض
يا سلااااام شيكولاته واحمر
كفاية بس يرن وانا ابقى اتصل بيه من رصيدى هههههههههههههه بس الاقيه الاول
هاببى فالانتين يا جميل
اهداء جميل
وكل سنة والجميع بخير
ههههههههههههههههه يا صباح الورد والحب والنادى الاهلى بما اننا بقول الحياه بقى لونها احمررررررررررررررر من كده مافيش
كل سنه وانت بالف خير وصحه وتحتفلى بالظلانطين وانت وسط اولادك وازوجهم وزوجتهم ان شاء الله والكيت كات هايكون موجود بردو هههههههههه
على فكره المشهد دا اكتر من رائع لدرجه ساعات بقعد اقوله انا وجوزى ونضحك
اه طبعا هو دا اللى بيحصل بس صراحه مش طول السنه ههههههههههههه
ممكن فى الفسحه ورده او شويه ورد على بعضه حسب التساهيل
بس للاسف يوم الظلاطين عندنا طول عمره مش فسحه من ايام الحب العزرى وهو ماسكلى بدعه بدعه هههههههههههههههه
فاحمدى ربنا انك لقيتى الكيت كات
احسن من مافيش
واحلى من الشرف مافيش ياه ياه
واخيرا وليس باخر ماعرفش هما بيكتبوها ليه الجمله دى
كل سنه وانت بالف حب وسعاده وربنا يخليكو لبعض ويهريكى كيت كات وكل زوارك بالف حب
كل ما اشوف الفيلم ده كمان استناها لما تنده على ابراهيم وهو ميت من الجوع وهي بتقوله
يا ابراهيم هات لنا معاك جبنة تلاجة :)))))))))))
وهابي فلانتين
لكل المدونين الشرفاااااااااء
يا سلام :) بجد فكرة مبتكرة شوكولاته كيت كات ام غلاف احمر :)
والاغنية بحبها جداا بجد يسلم ذوقك
ربنا يجعل كل ايامنا حب ومودة
فاتيما
لا يا تيما مالكيش حق خالص
الواد يعنى رايد البنت و انتى حتعملى حماه من دلوقتى
مكنتش اتخيلك كده ابدا يا تيما
Foxology
العريس عندنا يا مرحبا يا مرحبا
انت بقى متهيألى براءه من الفلانتين السنه دى دى لسه نار الفرح و الشقه مبردتش
ههههههههههههههه
نورتنى و سلامى للعروسه
مجرد حلم صغنتوت
هو انا اتكلمت دى الكيت كات دى فله
بس تيجى المهم
نورتنى:))
star in the sky
يا قمرده انتى اللى احلى
ان شاء الله تلاقيه و يرن عليكى و يكلمك كمان
عيد حب سعيد
اللى موش عارف يتغير
و حضرتك بالصحه و السعاده
richardCatheart
هههههههههههههههه
من ايام الحب العذرى و هو بيقول بدعه بدعه
الصنف الصريح من الاول ده متخافيش منه
الخوف من اللى يعملك البحر طحينه و بعدين يغرقك فيه
كل حب و انتى طيبه
!!! عارفة ... مش عارف ليه
اولا احب اعرفك اننا افتقدناك و جبنا سيرتك بالخير يوم توقيع كتاب سحر غريب
ثانيا مشاهد ابراهيم و يسريه فى الفيلم كانت احلى مشاهد الصراحه
كل سنه و انت من الشرفاااااااااااااء
نورتنى :))))
Lady E
ايه رايك فى الافكار بقى:))
اى خدعه يا فندم بس متقوليلوش عليها دى تنفعك انتى لو حتجيبى هديه
انما هو نوووووووووو
هابى فلانتين يا قمر
كل سنه و انتم طيبين
البوست ده فكرنى بحكايه كده كان فى واحد بيجيب لمراته ورد احمر فى الفلنتين اول سنه فرحت قوى السنه التانيه برضه فرحت بس مش قوى تالت سنه قالته و بعدين بقى انت كل سنه تضحك على بشويه ورد انا عايزه هديه كويسه
فيها شبه بحكايه الكباب و الورد بس الستات مش عاوزه كيلو كباب عاوز كيلو دهب
تحياتى
كل مابتكلم مع حد يقوللى الفالنتين ده كلام فارغ وساعة لما يلضم ف موضوع يبقى اهم مناسبة ف العالم
إرسال تعليق