الخميس، يناير 21، 2010

بلاها ناديه ......خد اليسا






طبعا كلنا سمعنا شريط اليسا الجديد انا عن نفسى حاسه انه حيكون البوم 2010


الا اذا انغام حبت تنكد عليها و تنزل البوم جديد ساعتها لو انغام غنت ريان يا فجل


حتبقى الاحلى تعصب بقى لبنت بلدى و اللى مش عاجبه يقول


احلى حاجه فى اليسا السنه دى هى الحالات الجديده اللى بتقدمها فى الاغانى بتاعتها


لا و ايييييييه الصراحه المتناهيه


يعنى من اول الشريط و بتحلف للباشا بتاعها انه وحشها فى يومين بس وحشه سنيييييييين


و يظهر انه معبرهاش راحت مغنياله عبالى حبيبى و فضلت تحكيله انها حتدلعه و تهننه


و تلبسله الابيض و الشفتشى و توريه من اصناف الدلع كل شى بس يكتب عليها


و الناس تعرف و ساعتها حتلبسله الابيض و تبقى ليله


و يظهر انه اتغاظ من الزن بتاعها راح هابدها كف على ام وشها


تسكت اليساااااااااالا طلعت علينا تعيط و تنوح انه عمال يصالح و يتاسف و يبوس الايادى


عشان تصالحه و تسامحه بعد ما ضربها و هيا على كلمه واحده


ماخدووووووووش يا بابا وشكلها حتمووووووووت عليه


و شويه و لقيتها كشفت راسها و بتدعى عليه و بتقول امرى لربى و هو عطول


بياخدلى حقى و مهما يطول


طبعا الشريط فى كام اغنيه تانى فى النص و بعدين افتكرت بصرااااااااااحه و الحق يتقال


اغنيه تحفه بجد قمه الرومانسيه و الاداء بتاع اليسا فيها رائع


ندخل بقى على الاغنيتين اللى عاجبنى اكتر حاجه


بيستحى طبعا اغنيه فى نظرى جميييييييله قوى


بس المشكله ان الواد هو اللى بيستحى و الست اليسا عماله تجر الكلام


من بقه مش طالع طفت النور عشان يحكى فى العتمه و الواد يا عين امه


لساااااانه متلجم مش قادر ينطق


قمه البجاحه الصراحه


بناااااااات اخر زمن


ههههههههههههههههههههههههههههههههههههه


بعد كل اللى حصل فى الالبوم كله الواد طلع ندل و صايع و سيحلها فى المنتقه


و الشارع كله و قالهم يا ناس دى بت


بارده و رزله و مالهاش لازمه


و طلعت ياروح امها تعيط و تقوله مصدومه............بجد


و بعدين يعنى مش يستر على البنيه و بلاش التسيييييح ده


بس هيا برضه اغنيه جديده فى قصتها و اسلوبها و من احلى اغانى الالبوم







من كل اللى قلته نطلع بايه على رأى خيخه


ان اليسا كبرت و عقلت و فهمت


و عاااااااااااااااااايزه تتجوز او بالبلدى كده بتدور على عريس


و اللى شايف نفسه كفاءه يعنى و يقدر يستر البت و يستتها و يهننها


يتفضل و له الاجر و الثواب عند الله

هناك 56 تعليقًا:

ابو على يقول...

ولازما الرغى دا كله

ماتقولى البوم حلو وخلاص

هههههههههههههههههه

صيدلانيه طالعه نازله يقول...

انا مش عارفه و الله اما انا رغايه و ممله كده المفروض تكون جربت من البوستات القديمه
جيت تانى ليه
و صبرت لما قريته و رديت ليه
انا اعرف اما ازهق من بوست بقول افففف
ايه الملل ده و امشى على طول
و مع ذلك
كتر خيرك يا سيدى انك جبرت بخاطرنا

ابو على يقول...

ههههههههههه
لا واللهى يا فندم

بهزر على فكره
معلش بقى استحملى

بس احسدك بجد ع الروقان اللى انتى فيه
فصصتى الاغانى حته حته وطلعتى الصدور والاوراك
فاضل بقى ابو العيال ياكل
هههههههههههههه

Tamer Nabil يقول...

تعرفى ان اغلبية مش هقول كل اغنيات المطريات يكتبها رجال يعنى دة لية معنى ان الرجل فاهم البنت وبعيش الاحساس بتاعها عشان يقدر يكتب ليها

نفسى نفتكر واحنا بنكتب عن الاغانى الشاعر اللى كتب الكلمات والملحن اللى وضع اللحن لان لامطرب بدون اساس

مع خالص تحياتى

عاشقة القمر يقول...

اغنياته حلوه
عشان اليسا حلوه
اجمل احساس فى الكون انك تعشق بجنون

لولا وزهراء يقول...

دكتوره علا
-*-*-*-*-*-

الابولم تحفه بجد على فكره بقى اغنية ع بالى ان شاء الله ناويه اشغلها يوم فرحى ان شاء الله واعمل عليها فيديو كليب كمان
اما اغنية مصدومه بقى حاجه مش لها اى حل تحفه بجد وهى غنتها بمشاعر عاليه اوى اوى على فكره اللى كاتب الاغينه يبقى الدكتور عمرو فاروق صابح مدونة شوية احاسيس
نيجى بقى لاحلى اغنيه فى الالبوم واعتقد انها هتكون اغنية 2010 وهى اغنية مبعرفش ليه حاجه كده رومانسيه هدوء حب مشاعر حاجه كده خارج الوصف
تسلم ايدك علشان خلتينى اتكلم عن الالبوم وم الاخر اليسا مطربه حكايه وطبعا باين اوى انها نضجت جدا جدا

زهراء

reem يقول...

ازيك ياقمر

عامله ايه

الالبوم فعلا حلو اوى اوى

وعاجبنى جدا

وانتى حللتى الالبوم بطريقة زى العسل

مصدومة حلوة اوى وبيستحى كمان عسولة

وسلملى عليه كمان بحسها من اغانى زمان الحلوة

حلـم،، يقول...

غريبة منك

يا دكتورة


كوني اكبر من كدة


الله اى دا احنا فين


في فليم الردح ع الصفيح ...؟؟

moha يقول...

ما شاء الله عليك يا علا دايما متألقة و متابعة اللي حواليك في جميع المجالات و انا بقى بحب أليسا مهما قالت لأن صوتها بس بيدخل جواي و بيطلع كل المشاعر و الأحاسيس الحلوة و الوحشة استمري للأمام دائما يا علا مع حبي

ستيته حسب الله الحمش يقول...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
انا بضحك لأن امبارح دودو عاشقة الرومانسية بتقول لي اسمعي مصدومة ومش عارفة اغنية ايه تاني
المهم انا اصلا مليش في اليسا خالص
دي حبيبة اخواتي الصبيان علشان امكانياتها المتفجرة والله اعلم :)

ورغم ان كلمات الأغنيتين حلوين بس معجبتنيش برضك مودان اليسا
معرفش يا اوختشي متحسيش كده انها زي حجازي متقال
ياسلام على حجازي متقال وهو عامل ريمكس لأغنيات ابوه :)

انا كمان احب انغام بشكل خاص جدا والنهاردة كانوا جايبين لها ساعة كاملة على نجوم اف ام وانا في الشغل وعملت لي دماغ

يالا يا ولاد اللي شايف نفسه ابو هشيمة تو يتقدم ومايخافش خالص
هي اليسا عاوزة ايه غير الستر وكام مليار صغننين فوق بعض :)

تسلم ايدك ضحكت لما فطست على الكتابة

صيدلانيه طالعه نازله يقول...

Tamer Nabil :بس يا تامر معظم اغانى الالبوم من كلمات وليد عبد الله و الحان وليد سعد
و عرفت ان مصدومه اللى كتب كلماتها دكتور عمروفاروق صاحب مدونه شويه احاسيس و الله اعلم و باقى الاغنيات يعنى 2 او 3 شعراء لبنانيين

صيدلانيه طالعه نازله يقول...

عاشقة القمر :فعلا اليسا تدخل عندى مع انغام و شيرين اللى هما باجيب الالبوم بتاعهم من غير ما اسمعهم الاول و على فكره بحب اجيب الالبوم و مش احمله من النت
ده اقل تقدير لتعبهم الصراحه

صيدلانيه طالعه نازله يقول...

لولا وزهراء :اولا مبروك مقدما على الفرح يا زهرا و ربنا يسعدك دايما لان كلك ذوق بجد
اتفق معاكى فى اغنيه عبالى انها تحفه و قمه الرومانسيه
مصدومه رائعه و تسلم ايدك يا دكتور عمرو عليها و يشرفنى بجد اننا بلديات
اما متعرفش ليه فهى كما قلتى اغنيه جميله بجد
بصى يا زهرا حرام نقول واحده احلى من التانيه الشريط كله رائع
نورتينى يا جميله

صيدلانيه طالعه نازله يقول...

reem :تخيلى فعلا يا ريم انا اول ما اسمع سلملى عليه افتكر الاغانى القديمه
انا هنا حللت الاغانى اللى ليها شق كوميدى شويه او ممكن نستنتج منها حكايه
لكن الشريط كله رائع بجد وواضح انه اتبذل فيه مجهود

صيدلانيه طالعه نازله يقول...

حلـم،، :احنا مش بنغلط فيها بالعكس الشريط فعلا جميل و قمه فى الرقه و العذوبه
و مفيش حد دخل و زعل غير حضرتك و بس لكن احنا مش بنردح و لا بنخبط فى صفيح

صيدلانيه طالعه نازله يقول...

moha :واحشانى جدا يا مها
اخبار امريكا و الخنازير ايه؟؟؟؟؟؟
اخبار نودى اكيد مبسوطه
اليسا صوت ناعم و رومانسى قوى و اكيد انتوا هناك بتبقوا مستنيين كل ماهو عربى
و السنه دى افتتاحها كان اليسى الهويه
ربنا معاكم ان شاء الله

صيدلانيه طالعه نازله يقول...

ستيته حسب الله الحمش:هههههههه
حلوه امكاناتها المتفجره دى:))
قصدك رومانسيتها الطاغيه مش كده و لا لاسمح الله قصدك حاجه تانيه لاحسن فى حد زعلان و بيقول انا حاسس انى فى فيلم الردح على الصفيح
فبلاش نخبط فى الحلل احسن
هههههههههههههههههههههههههههه
لغايه دلوقتى يا اختشى لابوهشيمه ظهر و لا طلعت مصطفى ليه حس
طب نعمل ايه للبونيه الغلبانه دى نسيبها كده يعنى
طب ما تكلمى الواد حوزومبل ابنك و انا اكلم ابنى و نعمل ملك و كتابه و اللى يفوز حلال عليه
هههههههههههههههههههههههههه
نورتينى يا دوك

Ashraf يقول...

'طبعا ده احلى البوم السنه دى بعد انغام او ينافسه

كان لى صديق مثقف جدا-وكذلك ثقافته وذوقه الاجتماعى عالى قوى- حفظت عنه احسن من يقرأ البنت بنت زيها

وكان لى صديقه وزميله عزيزه كانت اول واحسن من قرأ لى شريكة عمرى

وهذه النصيحه لكل من يريد ان يعرف البنت او الست اللى قدامه


وطبعا بما انك زوجتى العزيزه بستعين بكى فى معرفة الاتى حولى

-ده انتى فصصتى اليسا من اغنيه-كيدهن عظيم

وعجبى

كيــــــــــــارا يقول...

دا انتي عثلللللللل
بصراحة الالبوم عاجبنى جداااااااااااا

صيدلانيه طالعه نازله يقول...

Ashraf :يعنى ايه ان كيدهن عظيم

قصدك انى غيرانه منها و لا حاجه

انتوا كده يا رجاله زى القرع تمدوا

لاليسا

خلى الهانم تنفعك بقى و تغسل الغسيل

و تطبخ الطبيخ

انا بقى اجازه من اللحظه دى

I'm The CraZy One يقول...

bgd mas5ara awii
2l postgamed giidan fakartiin bekessa f ketab <<25bar rasak >>3ala 2liisa bardoo kano 3amliin men 2l a3'ani fiilm 3arabii shabah 2lii 2ntii 3amlahh :D ::D bas walahi da7aktiini awii

I'm The CraZy One يقول...

انتوا كده يا رجاله زى القرع تمدوا

لاليسا

aw lehayfa momken bardoo

loool

صيدلانيه طالعه نازله يقول...

كيــــــــــــارا :و الله ده انتى اللى عنيكى حلوه فبتشوفى اللى حواليكى احلى مما هم
الالبوم رائع و لا يختلف عليه اثنين
نورتينى يا جميله

Sharm يقول...

انا فجأة جاتلي حالة كره الاغاني
الحمد لله مش بشغل دلوقتي غير سورة البقرة

صيدلانيه طالعه نازله يقول...

'm The CraZy One :صحيح انا عقبال ما قريت الكلام كانت عينيا احولت صحيح
بس انا مبسوطه انه عجبكو بصراحه المواقف اللى فى الاغانى جديده و تنفع فيلم لو اتركبت على بعضها
نورتنى

صيدلانيه طالعه نازله يقول...

Sharm :اكيد مفيش احلى من كلام ربنا

نورتنى يا دكتور

واحدة مفروسة يقول...

ههههههههههههههههههههههه
مش ممكن انتى حكاية
الصراحة الالبوم عاجبنى
بس لسة مش سمعت بتاع انغام حدور عليه و اسمعه
بس بجد انتى جبتى من الآخر
اليسا شكلها فعلا عاوزة تتجوز
هههههههههههههههه

حلـم،، يقول...

حلم مر من هنا


وسجل للدكتورة الرائعة مايلي:


ردك وزيارتك في مدونتي افحمتني


فككت ضفائر الاستفهامات


لذا بكل احترام انا اسف دكتورة


انتي احسن مني


ادعوكي لزيارتي في مدونتي الشيطان والمطر وهذة دعوة خاصة..اتمني قبول الدعوة

سلام يا طب

انا حلم

لولا وزهراء يقول...

دكتوره علا

مشكوووووووره على كلامك الرقيق الجميل
بس على فكره انا لسه شويه على فرحى لانى لسه مش مخطوبه دعواتك بقى وربنا يسهل ياااااااااااارب

زهراء

حسام غانم يقول...

يلا مادام بتدور على عريس هاتيها كويسة مش بطالة برضه :)

sookra يقول...

ههههههههه
حلو اوى الكلام دا
وبعدين موش انتى واحنا اتفقنا انك هتشتغلى خطبه السنادى
خلاص مهمه ايجاد بعلول لاليسا هتكون من مسئولياتك الجسيمه
ربنا معاكى
ههههههههههههه

dr.lecter يقول...

بتاع اواخحر الشتا طان احلي

اللي عجبني في الالبوم ده

معادش ينفع

وسلم عليه

وتصدق بمين

اهي ماشيبه والسلام


الاباقي عادي وفاكس

بس بصراحه شريط انغام كان جامد مووت احسن من اليسا بكتيير علشان انغام رجعت زي زمان

أم .. بوبه يقول...

أنا مليش فى الأغانى الحمد الله ربنا تاب عليا

بس حبيت أمسى على الجميييييييل

Single Mummy يقول...

عزيزتى الصيدلانية الفصيحة:

اجمد حاجة فى الالبوم "عيشة والسلام" لية بأة ....... لانها فعلا عيشة والسلام بس انا مش معاكى فى حكاية انغام وبنت بلدى والمجتمع والناس احنا لازم نكون فير شوية يعنى الحاجة الحلوة مش ضرورى تكون صناعة مصرية ممكن نقبل الاخر اللى هة غالبا احسن منا وبصى حواليكى واحكمى

تحياتى
سارة(الشهيرة ب سنجل)

Single Mummy يقول...

عزيزتى الصيدلانية الفصيحة

أجمد ما فى الالبوم "عيشة والسلام" لية بأة لأنها فعلا عيشة والسلام.. بس حكاية انغام وبنت بلدى والمجتمع والناس دى استوقفتنى شوية لية بأة لان دا فن لا علاقة لة بالجنسية هو يا حلو ومؤثر يا لا وحش وملوش لازمة عموما اليسا برضة منا وعلينا ومش هتاخد على خاطرها منك
تحياتى
سارة

عاشقه الرومانسيه يقول...

انابقى عاجبنى اغنيتين اتنين بس
وباسمعهم كتير جدا

مصدومه
و
ماتعرفش ليه

جامدين اخر حاجه

اما بقى البوست فماشاء الله عليكى ياعلا
بجد جميل وربطك بين الاغانى اكتر من رائع

هي وظروفها يقول...

ههههههههههههههه

حلوه قوي حتي مستنيه يكتب عليها عشان تدلعه موتتني من الضحك

لا يا دكتور الشريط اليسا عملته في لحظه كده مش هتتكرر يخرب بيت كده
ده من جماله الدنيا كلها مشغلاه تاكس ميكروباص
بس انتي متحامله قوي عليها هي مش محتاجه تعرض نفسها عشان تتجوز لانها اجمد من كده
ولو شاورت هتلاقي اتخن حد في مصر يتمني هو فيه اكتر من رجال اعملنا واخرهم ابو هشيمه
علي فكره شرطها الوحيد في جوزها انه ميكنش راجل يعني بسيطه قوي ربنا يوفقها
بس تعليقاتك عليها بجد لذيذه

Abo 3li يقول...

الالبوم حلو..
بس تعليقك عليه يادكتورة عجبني اكتر...

مبتفكريش تكتبي فيلم كوميدي؟؟؟

حلم بيعافر يقول...

وهى هتلاقى احسن منى فييييييييين؟

صيدلانيه طالعه نازله يقول...

واحدة مفروسة :و ادى صديقه المدونه روسه هانم موافقانى فى رأيى و بكده بقت معايا مسانده
شريط انغام ده كان السنه اللى فاتت بس بجد تحفه فنيه
نورتينى و كويس ان المسلسل عجبك
هههههههههههههههههه

صيدلانيه طالعه نازله يقول...

حلم:مفيش حد احسن بس انا كنت بوضح وجهه نظر
نورتنى

صيدلانيه طالعه نازله يقول...

لولا وزهراء:يا جميله دى مش مجامله
و بعدين المخطوب بكره يتجوز ان شاء الله
على فكره بوست النهارده عندكم تحفه
خلتينى اعيط

صيدلانيه طالعه نازله يقول...

حسام غانم:و معانا واحد فدائى اهه
وافق انه يتجوز البنيه
الف مبروك
شيل يا عم
و الله ما هى راجعه

صيدلانيه طالعه نازله يقول...

sookra :ما خلاص حسام غانم شال
ربنا يكرم
دى كانت محجره قوى
ههههههههههههههههه

صيدلانيه طالعه نازله يقول...

dr.lecter :طبعا انغام عمهم و حابس دمهم
بس شريط اليسا فيه مجهود
و عيشه و السلام جميله

صيدلانيه طالعه نازله يقول...

أم .. بوبه :و انا من هذوها المكان بدحرج التماسى على الورد القاعد على الكراسى
نورتينى

صيدلانيه طالعه نازله يقول...

Single Mummy :عيشه و السلام بتفكرنى بحال كل المتجوزين حضرتك
و بعدين انا قلت على انغام بنت بلدى بس من غير دى برضه هيا الاجمل و الارقى و الاحلى صوتا
حقها و لا مش حقها

صيدلانيه طالعه نازله يقول...

عاشقه الرومانسيه :باحب قوى متعرفش ليه بحس انها رومانسيه و مع كده برضه شقيه
اما مصدومه فبجد تحفه و ملهاش حل
نورتينى يا دودو

صيدلانيه طالعه نازله يقول...

هي وظروفها :و انت عرفت شروطها فى العريس ازاااااااااى
قول ........انطق
و الله شكلك اتقدمت و اتزحلقت
معلش خيرها فى ميليسا ان شاء الله

صيدلانيه طالعه نازله يقول...

Abo 3li :لو حيكتبوا اسمى عليه انا موافقه لكن لو حياخدوا المسلسل و يدوه لحد تانى
نوووووووووووووو

نورتنى

صيدلانيه طالعه نازله يقول...

حلم بيعافر :طول عمرى اقول مصر مليانه رجااااله
و ادى متطوع تانى
ابعتلى السى فى بتاعك

ghada mOhsen يقول...

اليسااااااا
اليساااااا
اليسااااااا

انا بقيت بنام واصحى واكل واشرب واذاكر واروح الجامعه ووحتى اتخانق على حس اليسا ههههههههههههههه

بجد هو البوم 2010 ... تحفه
يلا عقبالها تتجوز ما نانسى وهيفا عملوها قبلها اشمعنى هى يعنى ...

البوست بتاعك تحفه يادكتور ...

... ;) ,,, ;) ...

صيدلانيه طالعه نازله يقول...

ghada mOhsen:و الله انا كمان بانام و اصحى و اطبخ و اكل و انزل الصيدليه و اطلع بحسها يا حبيبتى
هو احنا لينا بركه غيرها
ههههههههههههههههه
نورتينى

طوبه فضه وطوبه دهب يقول...

بجد انا معاكى ان الالبوم دا من اروع ما عملت اليسا فى حياتها او يمكن حياتنا احنا وانا ذيك منحازه لانغام ومن بعدها اليسا واكيد برضو جنات حبيبه قلبى هم دول الطرب والاحساس العالى بجد تسلم ايدك واضح انك كلك احاسيس عشان كدا حسيتى الشريط اوى والف مبروك لابى يارب يتمم لها على الف خير

صيدلانيه طالعه نازله يقول...

طوبه فضه وطوبه دهب:تخيلى فعلا ده احلى شريط عملته اليسا فى حياتنا احنا و تحسى انه كله مواقف حقيقيه بتحصل لكل انسان فى حياته الشخصيه

و فعلا انغلم هى الاصل و الباقى ياتى بعدها
نورتينى

تعلم فوركس يقول...

جمييييييييييل

بس اليوم حلو جدا

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .