الاثنين، ديسمبر 28، 2009

حقك علي انا



طبعا كلكم سمعتم الاغنيه دى قبل كده او سمعتوها هنا و عرفتم قصه الاخت دى اللى هيا انغام

الست بقالها سنين مخاصمه اللى بتحبه و مش بتكلمه و مع ذلك بتموت فى دباديب سعادته

نفسها ترجع تعيش معاه تانى و فى نفس الوقت كرامتها واجعاها على الغلط اللى ارتكبه فى حقها

و مش قادره تسامحه عليه رغم الوقت الطويل اللى عدى عليهم



نرجع ليا و ليكى و ليها لو انتى بتحبى حد و مرتبطه بيه ايا كان الارتباط

و اتشك فى قلبه و جرحك جرح صعب انك تنسيه بسهوله او تغفريه له

ياترى حتتقمصى منه و تقاطعيه و تكرهيه و تلعنى اليوم اللى شفتيه فيه

ولا حتسامحيه و تقولى عفا الله عما سلف

و لا حتعملى زى الاخت دى و تفضلى تتقطعى بحبه و تتعذبى من فراقه

و تضيعى عمرك فى الخصام ونفسك تكلميه بس كرامتك مش سامحه خاااااااااالص

انا عن نفسى يا اما اخاصم نهائى و امسح الصفحه من حياتى

يا اما اسامح و ارجع ليه تانى

لكن نظام عينى فيه و اقول اخيييييييييه ده تضييع وقت و اهدار لعمرنا و سنينه اللى ربنا انعم علينا بيه عشان نعيش

سعداء مش نتعذب و نعذب غيرنا



فيا كل واحده مقموصه من واحد عندك اختيارين يا ترجعيله و تفكى القمصه

يا تنفضيله و انا اجوزك سيد سيده

هناك 59 تعليقًا:

Mahmoud البطراوى يقول...

ربنا يقدرك على فعل الخير دايما :P :P :P

عاشقه الرومانسيه يقول...

انا هانفض له
ابعتى بقى سيد سيده

Zouka's يقول...

الخصام لا يفسد للود قضيه
طيب ليه مافيش شعرة معاويه
طيب امال السياسه بدعوها ليه
طيب مثلا صلة الرحم معموله ليه
وصلة الجار والزماله
و..............

صيدلانيه طالعه نازله يقول...

بطوط:طبعا احنا دايما بنهدى النفوس
و بنعمل اللى علينا و الباقى على ربنا

ستيتة يقول...

حسب برضه يا اوختشي

يعني جرحني ازاااااااااااااي؟

سبعات ولا تمنيات ولا بالعرض تحتار فيه الأطبا؟:)

بصي يا سيدتي الفاضلة

يا الجرح جرح في الكرامة وده مع السلامة ووراه قلة

يا الجرح ان ظروفه ملخبطة مثلا وضغوطه اكتر مما يستطيع انه يحملها ففترقنا لذلك وبكده لازم البه تفضل قلبها بيوجعها برضه
مع انها لو خادته مكنش شيء ها يتغير في الكون ولا حاجة بس دايما الحب الممنوع او اللي الظروف واقفة في طريقه ده بيبقى مولع نار

يا مجرحش ولا حاجة وهي عارفة انها بتدلع وتستاهل منتوفلي على نفوخها فطبيعي ان لما تكبر شوية وتدرك قيمته تفضل "تتشحتف" عليه يا عين امها

بس كده

صيدلانيه طالعه نازله يقول...

عاشقه الرومانسيه:ههههههههههههههه
ده انتى بتتلككى بقى
عموما سيد سيده شاحح فى السوق و بعتنا نجيبه من الصين

صيدلانيه طالعه نازله يقول...

Ashraf:يا خوفى منك يا بدران
باخاف انا من الطيبه و البراءه دى
سلملى على الجيره و الزماله قوى
ههههههههههههههه

صيدلانيه طالعه نازله يقول...

ستوته:انتى و الله اقتربتى من كبد الحقيقه
انها لو كانت لضمت مع غيره ما كنش حد حيزعل لكن هو صنف البنات ده يعزوا النكد زى عنيهم و اديها سح و نحنحه

اللى خلاها تعمله اغنيه تولول فيها و تقول بحبه و عزه نفسى مانعانى يبقى تستاهل فعلا المنتوفلى المتييييين
نورتينى

كلام عيب يقول...

بصى يا اختى انا لو عليه
لو الجرح تاعبنى اوى لا ينكن ابدا و لا ينكن انى ارجعله

لانى ساعتها مش هاكون بحبه خلاص
كله إلا كرامتى و انك تهز صورتك ادامى
ده طريق مافيهوش رجعه

اما بقى صحيت الصبح كشرت فى وشى و كلام فاضى
اه هاتغل بس تانى يوم الصبح
هاكشر فى وشك طبعا
امال ايه
انا ما اسيبش حقى ابدا

صيدلانيه طالعه نازله يقول...

كلام عيب:يا عاقله يا عاقله
هو انتى فيه فى رزانتك و لا عقلك
فعلا لو الموضوع بسيط خلصى تارك منه فى ساعتها و لا تؤجلى نكد اليوم الى الغد

blue-wave يقول...

يا سلام على طيبة قلبك
خرابه بيوت:))

رحلتنا في الحياة يقول...

ازيك يادكتورة يارب تكونى بخير يارب كل سنة وحضرتك طيبة
بخصوص بقى الاخت دى واللى زيها انا مع راى حضرتك جداااا لما تسامح لما تنسى وتتمسك بكرامتها
وانا مع الراى التانى الكرامة اهم من الحب :)

عاشقه الرومانسيه يقول...

صين؟؟!!!!
لالالالالالالا
اى بضاعه صينى بتبوظ بسرعه

هاتيه مصرى
وانا مستنياكى
مش مستعجله

Che يقول...

ده كده الطلب على سيد سيده هيبقى كتير و هو شاحح فى السوق زى ما انتى قلتى

akeedba7ebha يقول...

هو الجواز بقى بالسهوله دى وكمان سيد سيده ليه هما منطورين كتير اوى كده ومحدش لاقى؟

بس حلو الموضوع ده ممكن يجي بنتيجه فعلا

Empress appy يقول...

دا اعلان صريح انك هتشتغلى خاطبه ولا ايه :PP

فاتيما يقول...

و الله يا لولاّ
بيحصل !!

بس زى ما إنكتب ف تعليق هنا
لو كانت لقت حب جديد يملى قلبها
كانت نسيته و خلصنا

بس هيا وحيدة
و الوحدة أصلها بتطبع ع البنى آدم
حاجة من إتنين
يا تعلمه كرامة الإستغناء
يا تعلمه الهوان على نفسه

بغض النظر عن أى حاجة بقى
انا بحب انغام جدااااا
حتى لو قالت
ريان يا فجل

صباحك خير و نور

صيدلانيه طالعه نازله يقول...

blue-wave:ميرسى ده بس من ذوقك
هو يا نقول اللى على مزاجكم يا نبقى خرابين بيوت
حاجه عجييييييييييييبه
نورتينى يا حاج

صيدلانيه طالعه نازله يقول...

ايوشه:و الله يا يويو على حسب
يعنى الغلط يستاهل و لا نص نص
غلاوه الشخص نفسه عندك
بس فى الاخر لازم موقفك يبقى واااااااضح و محدد يا ابيض يا اسود
كل سنه و انت طيبه يا يويو

صيدلانيه طالعه نازله يقول...

عاشقه الرومانسيه:خلاص بقى استنى شويه بس ياريت تدفعى حاجه تحت الحساب كده
زى تأكيد الحجز عشان التسليم عندنا باسبقيه الحجز
ههههههههههههههههههه

صيدلانيه طالعه نازله يقول...

che;طبعا سيد سيده ده سلاله نادره و شارف على الانقراض عشان كده عندنا كام واحد و بنعملهم تفريخ قصدى استنساخ حاليا و حيبقى متوفر قريب فى الاسواق

صيدلانيه طالعه نازله يقول...

ِAppy:ده اعلان صريح عن حاجات كتير و الحدق يفهم و المبعتر يتلم و الاااااااااااا

صيدلانيه طالعه نازله يقول...

Fatima:يعنى انتى و ستيته اتفقتوا على انها لو كانت لقت بديل كانت نفضت من زمان و ما كانتش غنت
هههههههههههههههههههههههههه
انغام دى المطرب الوحيد المعتمد فى المطبخ عندى
ههههههههههههههه

Remas يقول...

صباح الفل

انا معاكى جدا يا تسامح يا تقوله مع السلامة

ودا طبعا حسب الجرح لو جرح كرامة او خيانة يبئا مع السلامة ومش هازعل لانه كدا مش هايكون يستاهل حتى ازعل عليه

لكن لو جرح ممكن اسامح هحاول اسامح دا طبعا بعد ما اتعبه واعرفه انه غلطان

على فكره انا بحب المدونة بتاعتك اوى ومتابعاها دايما

كل سنة وانتى طيبة وسنة سعيدة عليكى يارب

شيرين يقول...

والله المأساة اني فعلا زي انغام هبعد عنه وافضل اتقطع من حبي ليه واعتنق مذهب حماده هلال في لن ( الحوب كده !!)

Tamer Moghazy يقول...

بس الموضوع مش بيبقى زي ما انت فاكرة لانه محدش بيختار عذابة بايديه..
اكيد احساسه بالاخر مش بيكون بارادته ومن هنا بيكون العذاب..

آآى...بالمناسبة...لو عوزتي سيد سيده لأي حد ...انا موجوود (وش خبيييث موووت)

Cute Kitty **sookra يقول...

ام شادن الخاطبه الجديده
هاتيلى واحد طيب وحنون و و و و و و و
اصل انا مفتريه شويه

كلام عيب يقول...
أزال المؤلف هذا التعليق.
بسمة انور يقول...

طيب اللى يكدب عليكى فى موضوع مينفعش يتكدب فيه اصلا
ومش قدره على بعده ومش قادرة برضو تستمرى فى الكدب ده
وهو وقت المواجهة بيتهرب ويحور الموضوع لصالحه

صعب مش كده؟؟؟

Unknown يقول...

مقدريش اقول
غير ان لكل حد ظروفة الخاصة

تسلم ايديكى

غير معرف يقول...

السلام عليكم
ازيك يا دكتوره

انا عن نفسي اشجع المصارحه
فاصارح اللى باحبه بالخطا
وفعلا يكون بعدها تفكير ياما الانفصال مع الاحترام المتبادل
او الاستمرار فى الزواج ونسيان الماضى
وان كل واحد منا بيغلط
ده طبعا باتكلم هنا على اتنين متجوزين وبرضه لو واحد صاحبي هايكون برضه نفس رد الفعل تقريبا

وده طبعا على حسب الخطا وعلى حسب هو عمله ليه
ما هو احيانا اللى قدامنا بيغلط فينا بسببنا احنا واحنا مش عارفين
باذن الله

انما التارجح ده محبوش اوى
ربنا يكرمك ويسعدك

شفـقــة و إحســــان يقول...

ايه ده هتجوزيها سيد سيده انتى بقيتى تشتغلى خاطبة ولا ايه؟؟
ههههههههههههههه
بس بينى وبينك لو جرحنا مش هعرفه ومش عايزة اشوف وشه تانى قال نسامح قال
مهو احنا لو سامحنا هياخدوا على كده وهنبقى ملطشة ولا ايه؟؟
كل سنة وانتى طيبة

هناء محمود يقول...

بصراحة أنا مسمعتش الأغنية بس حبيت أسلم عليكى

Lady E يقول...

ههههههه والله انتي زي العسل

"لكن نظام عينى فيه و اقول اخيييييييييه " :)

الاغنية حلوة اوي وفكرة البوست كمان حلوة

(Joudy) يقول...

بجد مشكلة يعنى هى الواحدة علشان بتحب حد وزعلانة من إنه جرح كرامتها وفى نفس الوقت مش تقدر تعيش من غيره أنا فى رأى لو هو إعتذر وأكد لها إنه هيحافظ على كرامتها يبقى ليه لا مش تسامحه طالما فى بينهم حب بس الخوف من إنه يطلع بطبعه بيغدر تبقى هنا المشكلة هتبقى صعب لو اتجرحت تانى سا عتها مش بعيد تفقد ثقتها فى حاجات كتييير

دمتى بكل الخير والسعادة

همس الاحباب يقول...

هههههههه
ايه يا دكتورة احنا هنقفل الصيدلية ونشتغل خاطبة بعد الظهر
ههههههه
شكل البنات هتنفض كلها
وابعتى سيد سيده
ماشية معاك حلاوة
كل سنة وانتى طيبة

يــوم جــديد يقول...

كل جرح وله دواء
ولكل قاعدة استثناءات
يعني ايه ؟؟
يعني كل مشكلة بتعدي ولها حل إلا استثناءات معينة ما ينفعش تعدي ولا تتلم

شخصيا أنا طبيعتي لا تستطيع إلى الحلول الوسط سبيلا يا عايزاه يا مع السلامة وربنا معاه
لكن لا أحبك ولا أقدر على بعدك دي لاااااااا مش أنا يا أمي
بس بوست لطشيف :)

micheal يقول...

المواقف دي محتاجة حسم من الأول
يا إنا أختار الكرامة يا إما أضحي بيها للأبد وأتقبل أي وضع
تحياتي

قلب ينبض بالحب يقول...

عارفة يالولا الحب زي اللبن لو وقع فيه شي بيعكره ومينفعش يتشرب ..و لو في جرح من الحبيب وبعد عني مينفعش ارجع ليه تاني برضى بقسمتي وانتظر القادم لكن ابكي على الاطلال ده اسمه عدم رضا بالمكتوب وقلة حيلة يالا فوتك بعافية ياشابة انا نازلة تحت البطانية زي القطط

rovy يقول...

كل سنه و انتى طيبه
اختى الفاضله دكتوره علا ..
عاوزه أطمن أن أنتى اللى راسلتينى و أرسلت لكى أضافه على الياهو .. من فضلك طمنينى لأنى بصراحة قلقانه انى أتكلم على الياهو و متكونيش انتى سامحينى بس يمكن قلقت لأنك عمركما زورتى مدونتى ..

مدونتك جميله اوى و البوست جميل ان شاء الله يكون لى راجعه و أعلق عليه

تحياتى لكى

بسمه عبدالباسط يقول...

ما هو لو حاجة بسيطة وينفع فيها تسامح خلاص تسامح وترجع
ولكن لو جرح كبير وما ينفعش فيه تسامح يبقى خلاص مع الف سلامة والمركب اللى تودى هستفيد ايه وانا مع واحد عمال يجرح فيا ده انا يبقى ماعنديش دم
وكل واحد له طاقة ممكن يستحمل مرة اتنين ويعدى ولكن ساعات بقى خلاص بيجى وقت ما ينفعش نعدى فيه حاجةوساعتها يبقى مع السلامة والقلب داعى له

صيدلانيه طالعه نازله يقول...

reem:طب كويس و الله يعنى كل اللى دخل قبلك و الظاهر اللى جاى بعدك من مدرسه الطيبه و التسامح و العفو عند المقدره
نورتينى يا سكره و كل سنه و انت طيبه

صيدلانيه طالعه نازله يقول...

shrshr:اخيرا لقيت حد اختار منهج انغام فى فن التنكيد على النفس
ههههههههههههههههه
كل سنه و انت بخير

صيدلانيه طالعه نازله يقول...

timo:فعلا محدش غاوى ينكد على نفسه
و بالنسبه لانضمامك لقائمه سيد سيده محتاجين صوره و شهاده ممضيه من اتنين موظفين مرتبهم ميقلش عن 500 جنيه ان اسمك سيد
مش تيمو و بعدين نقدر نفكر
ههههههههههههههه
كل سنه و انت طيب

صيدلانيه طالعه نازله يقول...

sookra:املى الاستماره و ادفعى الرسوم و ان شاء الله يوصلك سيد سيده لغايه البيت ان شاء الله بس اللى يجيلك تاخديه و انتى ساكته و ممنوع الاسترجاع او التبديل
هو حد لاقى
نورتينى و سنه سعيده عليكى

صيدلانيه طالعه نازله يقول...

بسمه انور:كل البلاوى دى فى شخص واحد و لسه عايش مقتلتيهوش
ده انتى متسااااااااامحه قوىىىىىىىىىىى

صيدلانيه طالعه نازله يقول...

نهر الحب:ميرسى لزيارتك يا سكره و سلامى لبورسعيد و كل سنه و انتى طيبه

صيدلانيه طالعه نازله يقول...

م/محمود فوزى:فعلا المصارحه و المكاشفه ضروريه جدا و لا بد من الحسم فى المواقف اللى زى دى لان النردد بيضيع حاجات كتير

صيدلانيه طالعه نازله يقول...

شفقه و احسان:ايوه كده خليكى جامده ووريله العين الحمرا و لا تاخذك به شفقه و لا رحمه يا ست شفقه
ههههههههههههههههه
سنه سعيده ان شاء الله

صيدلانيه طالعه نازله يقول...

ام ..بوبه:ازاى متسمعيهاش يعنى
هههههههههههههههه
الله يسلمك يا جميله و كل سنه و انتى طيبه

صيدلانيه طالعه نازله يقول...

ِLady E:ميرسى لزيارتك
و ياريت اشوفك هنا دايما

صيدلانيه طالعه نازله يقول...

(joudy):ياريت بس يقدر التسامح و الطيبه دى و ميكررش الاهانه تانى
بس لو انتى ضمناه خلاص طبعا

صيدلانيه طالعه نازله يقول...

همس الاحباب:لا مش حاقفل الصيدليه بس اهو نشاط جانبى يساعد يا خويا على المعايش و اهى نوايه تسند الزير
كلام فى سرك لا فى سيد و لا سيده اهى نصبايه و نهرب بعديها بعد ما نلم فلوس الحجوزات
يعنى جت علينا احنا
ههههههههههههههههههههه
كل سنه و انت طيب

صيدلانيه طالعه نازله يقول...

يــوم جــديد:جدعه يا بت
احب انا البنات الشديده اللى تاخد قرارها و رزقها على الله
نورتينى

صيدلانيه طالعه نازله يقول...

micheal:انت صح الكرامه من قبل و من بعد

نورتنى و كل سنه و انت طيب على السنه و العيد ان شاء الله

صيدلانيه طالعه نازله يقول...

قلب ينبض بالحب :يا عينى على الناس الرايقه لبن و يتعكر و حاجات جميله
هههههههههههههههههههههههه
رأيك برضه صح
هو انتى تقولى حاجه غلط ابدا
روحى نامى يا اختى

صيدلانيه طالعه نازله يقول...

rovy :ازيك يا روفى نورتينى
انا اللى ضفتك و كلمتك بس ساعتها كان عندى ناس فى الصيدليه و انشغلت
بس انا متقلقيش
نورتينى و سنه سعيده ان شاء الله

صيدلانيه طالعه نازله يقول...

bos bos بسمه عبدالباسط :بوسبوس عندنا
يا مرحب يا مرحب
انتى صح الواحد بيبقى عامل زى البالونه يحوش يحوش لغايه اما تتملى على الاخر و لو فضل الحال كده طبعا بتنفجر و تضيع كل حاجه
الحب نفس الحاله ممكن تسامحى كتييييييييير و بعدها تيجى حاجه ممكن تكون بسيطه بس بتبقى انتى خلاص تشبعتى و مش قادره تانى
نورتينى يا بوسبوس
و كل سنه و انتى طيبه

اللى موش عارف يتغير يقول...

Happy New Year
يارب سنة 1431هـ تكون سنة سعيدة
شنطة سفر
.

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .