الخميس، مايو 21، 2009

الحكم الرادع

فى خبر عاجل بثته وسائل الاعلام تمت احاله اوراق هشام مصطفى و السكرى الى فضيله

المفتى


الحكم كان صااااااادم و مفاجىء للجميع بما فيهم اسر المتهمين و الصحفيين

لكن فى نفس الوقت رادع لكل واحد يفكر ان منصبه حيشفعله انه يرتكب جرايم و ان

القانون حيحميه

اعتقد ان كل المشككين فى ان القانون سوف يأخذ مجراه و ان العداله فوق الجميع آن لهم

ان يسكتوا و يأخذوا قسط من الراحه

تحيه لقضاه مصر الشرفاء

هناك 33 تعليقًا:

Ashraf يقول...

لا حول ولا قوة الا بالله العلى العظيم
الراجل الكباره راح فى داهيه بسبب المرحومه
ياريت الناس تتقى الله وخصوصا كل ما بيعلوا وبلاش الفشخره والبريستيج وعمل مايغضب الله
هى المرحومه كانت زايده ايه عن اى ست
وعجبى

يوميات شاب منوفى يقول...

هذا هو قضاء مصر العادل الذى يحكم بالعدل دون النظر الى اسماء
اتمنى ان يتعظ من تغرهم اموالهم ويفسدوا فى ارض الله

نعكشة يقول...

سؤال معوق

مين هشام مصطفي و السكري؟؟؟

المعلم محمد صاحب المطعم - طعمية سخنة يقول...

اللهم لا شماتة
بس خدوا الحكمة و بس
محدش تغره فلوسه

micheal يقول...

تحية إلي القضاء المصري وبكن أنا حاسس انهم سابوا القضاء يشوف اموره بنزاهة نتيجة خلاف المذكور مع حد تقيل
والله أعلم
:)
تحياتي

ويكا يقول...

مش عارف ليه مش مصدق او حاسس انى بحلم.

عموما انا هقتنع لما حكم الاعدام يتنفز

همس الاحباب يقول...

سبحان الله
قادر على كل شىء
ولكن الموضوع فيه ان
وبعدين تحويل الاوراق لاخذ راى المفتى
تثير الشك
وهناك نقض واستنئاف
القضية لم تنتهى بعد
تحياتى

MǿиY El-Shreef يقول...

اشمعنى ده خد اعدام مع انه حرض ع قتل واحده كنت اول مره اسمع عنها اصلا

والتاني الي قتل كام الف مصري ف العباره خد براءه

اه يابلدي

د. ياسر عمر عبد الفتاح يقول...

غريب جداً الحكم ده
إزاي اتخلو عنه؟
طيب وهل هيتنفذ؟

القضية دي متشابكة أوي
وكمان فيها حتت كثيرة غامضة

الجواز و سنينه يقول...

و الله يابنتى عايزه اقولك مين عارف بكره فيه ايه
بس ادى اخره العك
يستاهل اللى حصله علشان واحده مش تستاهل
متجوزه رجاله على بعض و آخر عك الصراحه
ايه الحياه الغريبه دى؟؟؟
الله اعلم هو عمل كده و لا لاء
اللى بسمعه يخلينى اتخيل انه ممكن يكون مش عملها
و بعدين هيه اصلا مين اللى كان يعرفها إلا لما ماتت
بتوع الدويقه محدش اتحاسب فى موتهم و لا حتى ادبيا
بتوع الحرائق و القطارات و قصر الثقافه مين يتحاسب على كل دول اللى برقبتها؟

حاجات جوايا يقول...

فعلا الحكم كان مفاجئ جدا
بقدر ما هو مؤلم
كحكم بالاعدام .. أيا كان من المحكوم عليه

إلا انه وبحق كان مبشرا بالخير بأن القضاء لا يزال نزيها وبعيدا عن أيدى الكبار ولهو ذوى السلطة

ربنا يغفرلهم ويغفرلنا
ويرزقنا حسن الخاتمة
الله آمييييييييييين يارب

موناليزا يقول...

انا عن نفسى مستغربة جدا

Foxology يقول...

والله انا مبسوط ان فى حكم بيتنفذ ونافذ فعلا بالرغم من موقف ومكانة المتهمين

لكن انا عندى احساس ان الموضوع كان ممكن اساسا يعدى مرور الكرام لو الكبار فعلا كانو عاوزينه يعدى ولا ايه ؟؟؟؟

تحياتى :)

صيدلانيه طالعه نازله يقول...

sاشرف:اللى معاه مال محيره يجيب حمام و يطيره
===================================
تفتكر ممكن الباقى يتعظ؟
=================================
نعكشه: ههههههههههههههههه
عشان خاطرى افتحى التعليق عندك و انا ارد عليكى هناك لان مينفعش ارد على السؤال الوجيه ده هنا
هههههههههههههههههههههههههههههههه
===================================
طعميه سخنه:الغرور صفه انسانيه المهم نقدر نتحكم فيها
=================================
مايكل:تقييييييييييييييل
كام طن يعنى و سمكه كام بوصه
و الحدق يفهم
=================================
ويكا:كلنا بعد ما سمعنا الحكم قلنا ياريت يتنفذ فى الاخر و ميحصلش
مفاجآت
===================================
همس الاحباب:موضوع رأى المفتى قالوا انه مش بيغير حاجه ده استشارى فقط
الفيصل هو النقض و الامور التانيه دى
===================================
مونى:الاتنين اسوأ من بعض بس الاول الظروف وقفت ضده و التانى وقفت معااااااااااااااه
واخده بااااالك الظروووووووووووف
===================================
د.ياسر:فعلا فى حاجات كتير غامضه و ده اللى خلاهم يمنعوا نشر تفاصيل المحاكمات
لان ناس مهمه كتير اسمها وارد فى القضيه
==================================
الجواز و سنينه:الدنيا كلها بقت عك فى عك جت على دول يعنى
ربنا يسترها و يكملها على خير
================================
حاجات جوايا:فعلا كان مفاجأه لكل الناس المتفائلين قبل المتشائمين
=================================
موناليزا:مستغربه من الحكم و لا من الاحداث كلها
===================================
Foxology:اييييييييييه
هههههههههههههه
===================================

واحد من العمال يقول...

السلام عليكم

نعم قضاء مصر عادل
لكن لابد من حدوث الطلاق بين السلطه ورجال المال والأعمال لأنه زواج باطل وليس له مثيل فى أى دوله تحترم نفسها وشعبها
ونترك المناصب السياسيه للسياسيين
وتحيه للقضاء المصرى

وتقبلى تحيتى ومرورى

يوميات شاب منوفى يقول...

ليكى عندى تاج جاوبى علية

سبهللة يقول...

على رأى نوارة لما قالت لولا ان الجريمة دى تمت فى دبى وكان فيه ضغط كبير من دبى على مصر عشان تحكم عدل
اعتقد ماكنش اخد اعدام ومش عارفة ليه حاسة انالنقد والاستئناف هايخففو الحكم
ربنا يستر

بسنت يقول...

وانتى مصدقه القصه دى اصلا
انا مش مقتنعه بيها على الاطلاق غير شئ واحد هو وجود علاقه كانت تربط القتيله او المنتحره او اى شئ مش مهم
ورجل الاعمال او اى شئ مش مهم بردوا
يعنى القضيه من الاخر ما تمنى فى اى شئ
هى فى نظرى شغل للناس وللرأى العام
علشان ننسى حالنا ونفسنا ومصايب الحكومه فينا
وحاجات كتيره
ومن ناحيه القضاء العادل انا مش بشكك فيه اوى بس بردوا
مش مصدقه عدالته اوى
والا كان فين من الناس اللى ماتت فى العباره
وقطر الصعيد ومحدش عرف ياخدلهم حقهم
ربنا يرحم الجميع
منقدرش نقول غير كدا

Hossam يقول...

صديقتى
بجد مدونتك وحشتنى جدا
فعلا الخبر كان مفجاة بس ربنا يقف جنبهم لو مظلوميين ويطبق الحق لو كانوا مذنبيين
تحياتى
سلام

ايوشة يقول...

مش عارفة انا مش مقتنعة بالحكم ده لسبب انه اخد ضجة اعلامية على الفاضى اكتر من حكاية العبارة اللى راح فيها الالاف وقطار الصعيد وغيره وغيره
اكيد الحكم عادل لانه قتل نفس بصرف النظر عن النفس دى مين لكن القانون لسه مش عادل فى حقوق الناس الغلابة

Esraa Hamed يقول...

الخبر لحد دلوقتي صادمني بجد
مش عارفة ليه عندي احساس انه ممكن يكون مظلوم
الله اعلم
ربنا يغفرله و يغفر لنا اجمعين
و عبال المحروس التاني بتاع العبّارة ان شاء الله

تحياتي
:))

غير معرف يقول...

انا عن نفسى لا اعرف

أم أحمد المصرية يقول...

اولا السلام عليكم عشان دي اول مرة ازورك
ثانيا انا موافقك علي مليون تحية لقضاء مصر الشريف هو ده الامل الباقي
ان شاء الله بداية تواصل دائم

غير معرف يقول...

انا بحس برده بس ده لا يمكن وهذا لا يعنى
ان يحمه عليه بالاعدام

نعكشة يقول...

لأ منا عرفتتتتتتتت

روحت سالت أهلي
و قالولي

يلا ان شاء الله العدل ياخد مجراة

:D

تسلمي
اعذريني أصلي مليش علاقة بالعالم الخارجي

سلام عليكِ

hasona يقول...

السلام عليكم

ربنا يسهل وكل شخص تجني علي أحد أو أفسد ياخد عقابه العادل

وان شاء الله قريب نشوف البقية محوم عليهم بما فعلوه في مصر والمصريين
،،،،،
حتي لو الحكم كان صادم
لكنه متوقع
وان شاء الله مش تحصل مفاجأت في القضية
وتمشي في مسارها الطبيعي


تحياتي

اقصوصه يقول...

يستاهل

ساعد نسرين الايمن يقول...

ذكري وايمن السويدي
سوزان تميم وهشام طلعت
هل يكتمل المسلسل بهيفاء وهبي او هشيمة

بالمناسبة مش عايزك تكوني متفائلة كده ارهنك مش هيتعدم
هيهرب او يتخفف الحكم عليه
او ينال عفو رئاسي
وبكرة تشوفي البرامج الحوراية وهي بتسجل معه من لندن

Desert cat يقول...

هو انا متفقة معاكى يا دكتورة ان الحكم صادم للجميع بما فيهم انا كمان ورادع جدا لاى واحد يفتكر ان فلوسه ونفوذه ممكن تحميه
لكن عندى شك انه هيتنفذ
تحياتى ليكى

سبهللة يقول...

تفتكرى بعد النقض والاستئناف هايفضل الحكم كما هو؟؟
أشك

dr.lecter يقول...

هتسمعي بقي كلام من نوعيه ادي اخره الجري ورا النسوان

والست دي شيطان وابليس بتودي الرجاله في داهيه

ياريت نسيكت ونحترم مشاعر اهل الاسرتين

مع اني عندي امل ان الحكم هيتخفف

صيدلانيه طالعه نازله يقول...

لكل من علق و لم ارد عليه انا اسفه جدا لانى فعلا مكنتش فاضيه اليومين اللى فاتوا
انا رأيى بعد البرامج الكتير اللى كانت اليومين اللى فاتوا ان الحكم ده قرصه ودن بس جامده شويه بسبب الخلافات الاقتصاديه و الغرض منه تفكيك المجموعه الاقتصاديه الناجحه او على الاقل تشتيتها فى الوقت الحالى و احتمال كبيييير قوى ان الحكم يتخفف او يصدر عفو رئاسى و الله اعلم

kochia يقول...

حكم غريب
كنت اتوقع نتيجة غير كدة
بس هنشوف النقض بقي

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .