الأحد، نوفمبر 09، 2008

فوائد قوم عند قوم فوائد



عملها اوباما و فاز يارجاااااااااااااااااله و يا ستاااااااااااااااااات

كمان عشان محدش يزعل بصراحه الواحد فرح له خالص كأنه حد

من العيله الكريمه تمااااااااااااااام و الحمد لله ان حرقه دمنا عليه

ما راحش هدر و فرح و فرحنا معاه بس المهم يتمر فيه و يفضل

مفرحنا على طووووول و مينكدش علينا زى الموكوس اللى قبله اللى ما يتسماش

سود الله وجهه

و يارب يحس بشعور الاقليات و الاكثريات المضطهده دائما فى العالم و يحاول انه يكون

سبب شعورهم بالامان و لو حتى كام شهر بس

على العموم هو وشه سمح و شكله طيب و ابن حلال و ربنا يبارك فيه و يبقى اسم على

مسمى

طبعا بعد الباشا ما فازكل الدنيا هللت و عمت الافراح الديار و الساقع اتفتح و الشربات اتبل

طبعا و احنا فى ديك الساعه لما باراك ابن الحاج حسين اوباما يبقى رئيس امريكانا سخصيا

فى وسط هذه الافراح العارمه اختفت حاجات كتيره كانت قارفانى يوميا

اهمها بالنسبه لى مغامرات الاخت المرحومه سوزان هانم تميم و اللى بصراحه كانت

وصلت لمرحله مذريه و مخجله

مالنا احنا و مال تقرير الطب الشرعى حيفرق معانا ايه لما نعرفه يعنى ؟؟؟؟؟!!!!!!

ايه اللى استفدناه لما عرفنا انها عامله عمليات تجميل و لا انها حاطه خصلات صناعيه

و لا السليكون اللى حطاه كام كيلو ؟؟؟؟؟؟!!!!!!!

هل اللى عرفناه زودنا فى المرتب و لا رخص اسعار السكر و الزيت؟؟؟؟؟؟؟؟

طبعا ولا حاجه من دى حصلت بس الحمد لله اتلهينا شويه كتييييييييييير فى الهيافه

و شاركنا فى انتهاك حرمه انسانه هى الان فى زمه الله و ربنا بس هو اللى المفروض

يحاسبها مش احنا

فى وسط كل ده كان فى انسان تانى فى الجهه الاخرى من العالم بيكافح عشان يقول انه

موجود و عشان يفتح الطريق قدام ناااااااااس كتيييييييييير قوى زيه و بغض النظر

عن اننا معاه او ضده هو مثل يستحق الاحترام و التقدير

و ياريت يطلع عند حسن ظن العالم كله و يحسن الصوره اللى بقت للاسف وحشه قوى

مبرووووووووووووووووووووووك اوباما

هناك 13 تعليقًا:

غير معرف يقول...

مبروك سيدى الرئيس وكل انتخابات وأنتم بخير
ولا عزاء للشفافيه

mayada يقول...

بصي بقي بالنسبه لموضوع سوزان تميم
فصراحه دي قله ادب
احنا ملنا احنا سيلكون ولا مش سيلكون
كل يوم صفحتين طويلتين عريضين عنها
اما بالنسبه للاخ اوباما
شالوا ام حسن جابوا ام حسين كتهم نيله هما الاتنين
صراحه مش متفائله خير ومش نظره تشاؤم ولاتنجيم
فلست بعلام الغيوب وانما اري بلحاظ الراي ماهو صائب
يلا سلام

ahmed_k يقول...

نتمنى أن يكون متجه للتغيير بصدق
كما كان شعار حملته الإنتخابيه

وياخبر إنهاردا بفلوس
بكره يبقى ببلاش
طبعا البدايه مكانتش مبشره
فتعيين إسرائيلي ككبير لموظفي البيت الأبيض يثير الكثير من الريبه
في موقف هذا الرجل تجاه أمتنا
نتمنى أن يكون الباعث لهذا التعيين فقط خبراته وليس أصوله الإسرائيليه

تقبلي خالص تحياتي

شفقة هانم واحسان بك يقول...

ياريت فعلا يطلع عند حسن الظن
بس تفتكرى؟؟

خمسة فضفضة يقول...

السلام عليكم ورحمة الله وبركاته

ادينا مستنيين ان غذا لناظره قريب

Salah يقول...

نشارك الزميلة بتهنئة الأقليات المظلومة في العالم على فوز أوباما!

مبروك

~*§¦§ Appy §¦§*~ يقول...

ولا عزاء للاذكياء
مش عارفه بقى اقولك ايه اصلى اتكلمت فى المواضيع دى كتير يا حبيبى وتعبت اقولك راجع الكوكب بتاعى ههههه

صيدلانيه طالعه نازله يقول...

غير معرف:اصلا البقاء لله فى الشفافيه
=================================
مياده:الله يرحم جميع الاموات و يغفر للمذنبين منهم
بالنسبه لاوباما لا يسعنا الان الا ان نستبشر خيرا و ننتظر مع المنتظرين
نورتينى
==================================
احمد:و الله الموضوع بتاع الاسرائيلى ده قلقنا كلنا بس ممكن يبقى اثبات حسن نوايا لاخواننا البعدا ليس الا
ربنا يستر
=================================
شفقه هانم و احسان بيه:افتكر ما افتكرش ليه هوا انا صغيره
ربنا يجيب العواقب سليمه
=============================
خمسه هانم فضفضه:انا معاك تماما فى الرأى ده بس حتستنى فين عشان اجيلك
==================================
صلاح:و الله لو فيه الخير يبقى مبروك للجمييييييييع اقليه و اغلبيه
نورتنى اول مره و نشوفك كتير
==================================
ابى:و الله قريت اللى كتبتيه كله بس مش حنخسر حاجه اننا نتفائل شويه صغيرين و نرجع نتشائم تانى حاااااااااااضر
حتشائم اهه

رئيس جمهوريه نفسى يقول...

موضوع نجاح بارك اوباما واهتمامة بالاقليات وتغير سياسة سابقية ده صعب لانى بمنتهى البساطه السياسة الامريكية قائمة على موسئسات حكم مش قصر حكم زى الدول العربية فعلشان تتغير لازم تتغير الاهداف والموسئسات مش بس الرئيس
موضوع سوزان تميم وتقرير الطب الشرعي دة بسبب واحد بس لانى ممكن فعليا يكون تقرير الطب الشرعي هو ثغرة البراءة او الادانة للمتهمين فبيتقدم للراى العام لانه فى قضايا القتل احد اهم جوانب القضية واوراقها

ghorBty يقول...

السلام عليكم والرحمه

حبيت اقولك مدونتك عجبتني جدا

وربنا يصلح لك الحال ويسر لك الامور

تقبلي مروري

المستنصر بالله يقول...

هو المفروض مبروك لاسرائيل بس لانه لم ياتى بجديد بالعكس المستشار الخاص به اسرائيلى
مدونتك جميله

تحياتى لحضرتك

صيدلانيه طالعه نازله يقول...

السيد رئيس الجمهوريه:موضوع اوباما حاسيبه للزمن
اما موضوع سوزان انا رأيى ان التقرير لا يخص الا اهلها و هيئه القضاء المختصه بالمحاكمه اما غير ذلك فليس الا تسريبات من معدومى الضمير من اجل فرقعه اعلاميه و ملء صفحات جرايد بكلام لا يودى ولا يجيب
تحياتى
=================================
ghorbty:شكرا و ياريت نشوفك كتير
نولرتنى
================================
المستنصر بالله:مبروك لكل شخص حيستفيد من وراه سواء احنا ام هم ام هن
نورتنى

رئـــــيسـة حزب الأحلام يقول...

يارب يكون تفاؤلنا فى محلة يارب
بس بصى الواحد مايتوقعش انه هيقف نع العرب بحاجة
بس ياريت ى مايقويش الصهاينة علينا بجد ربنا يهدية اصل احنا اتبهدلنا اوى على يد بوش ابن التييييييييييييييت
بجد ربنا علم باحوالنا احنا بجد تعبنا بس مش عايزين نفرط من التفاؤل لحد مالايام تثبت لنا
تحياتى لكى ياقمر

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .