الاثنين، مارس 10، 2008

النبى عربى




الموضوع النهارده قبل ما يمس غيرى بيمسنى انا شخصيا و حاسه بيه جدا وهو تعليم و لادنا فى مدارس اللغات

انا عارفه اهميه اللغه العربيه و ضروره دراستها باهتمام و تركيز و هو الشيء غير المتوفر فى مدارس اللغات


بس فى نفس الوقت المدارس الحكوميه مفيش فيها تركيز لا على العربى ولا غيره مجرد ايام بتتقضى و بالسلامه


و الفصول فاضيه فيها من دلوقت لان المدرسيين غايبيين و كل اهتمامهم بالدروس الخصوصيه


وده طبعا بسبب ضعف الرواتب حتى بعد الكادر اللى صاحبه ارتفاع فظيع فى الاسعار و تلاقى الفصل فيه 60 طالب و محدش عارف حاجه فى اى حاجه


انا ليه جاره بنتها فى مدرسه حكومى بيكتبوا الانجليزى بالعربى علشان يحفظوهشفتوا الخيبه


بالنسبه لمدارس اللغات بقى

فيه اهتمام اكتر و متابعه و متلاقيش مدرس بيضرب طالب ليس خوفا من انه حيرد الضربه ليه و لكن احترام متبادل حتى ولو كان ظاهريا


تلاقى فى يوم لمقابله المدرسه للوقوف على مستوى اولادنا و ممكن المدرسه تشرحلنا ازاى نوصل المعلومه بنفس طريقتها تجنبا للخبطه للطفلطبعا ياجماعه الغالى تمنه فيه


لكن وأأأأأأأأأأه من كلمه لكن ابنى مش بيعرف الارقام بالعربى خالص و ميعرفش يعنى ايه زائد و ناقص


كل ده يعرفه بالانجليزى فقط و اما بيشوف كراسات اخته اللى لسه فى الحضانه بيقعد يسأل دى ايه يقصد الارقام


و لما يروح يشترى حاجه مش بيبقى عارف الباقى كام


كمان فى امهات بتفضل تتكلم طول اليوم مع اولادها بالانجليزى و ناسيين العربى تماما اللى المفروض ان احنا نهتم بى اكتر علشان نعادل تركيز المدرسه على اللغات الاخرى

و احب اقول لهم كلمونا عربى يا جماعه












هناك 6 تعليقات:

غير معرف يقول...

اشكرك لطرحك موضوعات مهمه لحياتنا اليوميه بدل الشعارات الموضه
البيت مايزال الاهم ونرجو ان يخرج التعليم من كبواته واعتقد ان المدرسين ماديا الان كويسين جدا حيث ان والدى من قدامى المدريتن واعتقد انى استطيع الحكم فى هذه الجزئيه
...أشرف

شمس يقول...
أزال المؤلف هذا التعليق.
شمس يقول...

السلام عليكم اختي
موضوع حساس تعاني منه كل الدول العربية وهي اعطاء الاهمية للغات الاجنبية على حساب اللغة الام العربية
ان كانت الدول العربية و المجتمع العربي و الاسلامي لا يعطيان قيمة لهذه اللغة فكيف تنتشر و تتبوأ المكانة التي تستحقها عالميا
اللغة العربية تعاني اهمالا شديدا ويجب اعادة بلورة المفاهيم عند العامة و لن يتاتى ذلك الا اذا الدولة قامت ياعطاء اللغة العربية قيمتها الاصلية

الجواز و سنينه يقول...

حبيبتى علا
دايما مواضيعك شيقه و جميله
و عايزه اقولك ان عقده الخواجه جوانا جدا و نسينا اننا بنتكلم بلغه القرأن اللى بيتعلمها كل من تحول إلى مسلم على الاقل علشان يصلى بس احنا حسين لغتنا دى بيئه و يع كمان و الاستايل انى اتكلم باللغات التانيه ربنا يهدينا جميعا يارب

المفقوعة مرارتها يقول...

علا
الموضوع ده مهم جداً
انا ليا واحدة صحبتي لسة مااتجوزتش وكل ماتكلمني تقووول انتي ليه مدخلة ولادكمدارس لغات ماله العربي ... هي لسة علي البر مش عارفة انه مدارس العربي اللي هي الحكومة مابقتش تعلم ذي زمان ...
بصي ياست الستات ... ان كان ابنك مابيعرفش غير انجليزي فده لان المجتمع عاوزه كدة انا جوزي قعد فترة واقفة ترقيته لانه مش خريج مدارس لغات
يبقي تقولي نعلمهم في مدراس عربي عشان يشرفوا في البيت ومايلاقوش شغلة ترضي بيهم

حسن توفيق يقول...

اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
الى ---- ( حملة حما يه ) ------
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .