السبت، مارس 08، 2008

نار نار

من يومين رجع جوزى من الشغل و اثناء الغدا حكالى حكايتين اصعب من بعض

الحكايه الاولى اثناء مشيه فى احد الشوارع فوجىء بواحده ست بتجرى بسرعه جدا و واحد تانى بيجرى وراها و

بيصرخ يا حراميه و فجأه راحت راميه عبوه زيت 3 لتر لورا و بسرعه لفت شمال و اختفت

اتاريها دخلت سوبر ماركت تشترى حاجه و خبيتها بين هدومها لولا احد الزباين نبه الراجل ان الست سرقت الزيت

ما كنش خد باله

الحكايه التانيه اتحكتله فى الشارع ان واحد كان بيجرى ورا حرامى سرق منه حاجه و جرى عارفين ايه هيه

الحاجه؟10 ارغفه عيش تخيلوا الضابط اما مسك الراجل اللى سرق العيش الراجل قاله انا بقالى 3 ايام مش عارف اجيب عيش لولادى

راح الضابط مطلع 2 جنيه تمن العيش و اعطاهم للمجنى عليه و ساب الاتنين يمشوا

الحكايه الاولى السبب الرئيسى فيها الاسعار اللى نطت نطه كبيره قوى و محدش قادر يقف قصادها و بقت عامله

زى القطر فى سرع تحركها و الناس للاسف بقت واقفه عاجزه مش عارفه تعمل ايه

و الحكايه التانيه طبقا بسبب طابور العيش اللى بقترح يعملوا نقابه للى واقفين فيه علشان تديهم معاش فى حاله

العجز او الاصابه



هناك 6 تعليقات:

Wael يقول...

لا حول ولا قوة الا بالله
عاجز عن التعليق كالعاده
سوى بالاشاده لظابط الامن على تفهمه

وربنا يسامح اللى كان السبب

NOur يقول...

بصراحى احنا حالنا باة يصعب ع الكافر و فعلا الحكايتين أصعب من بعض
..
و مع ذلك ادينى إيميلك يا علا عشان مش موجود ع البوفايل بتاعك

semsem يقول...

بجد عندك حق
انا مش عارفه ايه ده
الاسعار نطت نطه غريبه
فى كل حاجه
بجد ماما وبابا صعبانين عليا
وجوز المستقبل كمان
ههههههههههههههههههههههههههه
بس بوست كويس ومهم
شكرا يا جميل

غير معرف يقول...

الحكايات كثيره بس اشكر حكمة وحسن التصرف
أشرف

بنت الاسلام يقول...

لا حول ولا قوة الا بالله العلي العظيم

ياربي


هما بيحاربونا في ايه

في لقمة عيشنا

وبعدين يرجعوا يقولوا

فساد المجتمع

حسبنا الله ونعمة الوكيل


بعد حكاية الظابط والمواطن ورغيف العيش

مفيش كلام يتقال

تحياتي

mostafarayan يقول...

حسبناالله ونعم الوكيل في ماسكين البلد دي ربنايستر علينا خلاص ماعدش حاجةفاضلةغيراننانبيع نفسنا

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .