السبت، ديسمبر 11، 2010

احساس جديد





صرخات متتاليه انطلقت منك تزف للدنيا انك اتيت

اشعر معها انى اصبحت كيان جديد مختلف تماما عن سابقه

انسانه جديده وجدت و خلقت مع خروجك حبيبى الى نور الحياه

المس كفك الصغير اقبله و ابتسم و اتعجب

ما هذا الكائن الغريب المنتفخ العينين

انه لا يشبهنى و لا يشبه ابيه

تصدر منك اصوات غريبه ضعيفه احاول ان اعرف سببها لا اعرف

انظر الى قدمك المتناهيه الصغر و اضحك

امشى بأصبعى على بطن قدمك فتحرك قدمك مبتعدا عن يدى

فاضحك و اشعر انك انسان حقيقى

احملك بكل خوف و حذر و اضمك الى

كم جميله رائحه البراءه فى جلدك الناعم

اقبلك قبله صغيره فتلتفت بوجهك و فمك ناحيتى

بحركه غريبه لم ارها من قبل و لم افهم معناها

تخبرنى امى معناها انك جائع

اتعجب كيف عرفت فى سويعات قليله ان تعبر عن نفسك و عما ترغب فيه و تريده

و انا و بعد كل هذا العمر مازلت اعجز فى بعض الاحيان عن التعبير عما ارغب فيه و اريده

بعد ان التقينا انا وانت صغيرى فى اولى رضعاتك

اراك امامى نائما كملاك صغير

تداعبه الملائكه فيبتسم ابتسامه ما اروعها و ما اجملها

احساس رائع ان يكون هناك فى الحياه من يحتاجك و تتعلق حياته بحياتك ووجوده بوجودك

كم انا جميله

كم انا رائعه

روعتى وجمالى خلقوا اليوم

يوم ان اصبحت امك صغيرى

هناك 62 تعليقًا:

موناليزا يقول...

ما اجمله من احساس:)
يارب ماتحرمنيش منه

أنا - الريس يقول...

التعبيرات رائعة
والوصف أجمل .
والمولود الصغير أجمل وأجمل
--
أنا اختلف معاكي شوية
يمكن عشان لسه معرفش يعني ايه ابوه
بس أنا حاسس إنها مسؤلية صعبة جدا
بجد إن الواحد يكون أب أو الواحدة تكون
ام .
مش سهل عشان كدا انا هتهرب حاليا من أي نصيحة لأني مش عارف :)

كل سنة وانتي طيبة

صيدلانيه طالعه نازله يقول...

موناليزا

ياااااااارب يا مونى
يعطيكى ما تتمنى و اكثر
ان شاء الله

نورتينى حبيبتى

صيدلانيه طالعه نازله يقول...

MR.PRESIDENT

اتفق معك ان الابوه و الامومه مهمه شاقه و صعبه
و لكنه الصعب المحبب و الشاق الممتع فى نفس الوقت

كل سنه و حضرتك طيب
و ربنا يديك ان شاء الله

نورتنى

غير معرف يقول...

جميل أحساسك
احساس الامومه
ربنا يخليك اولادك يارب يا لولول

احساس جميل
ربنا مايحرم حد من احساس الامومه

مدونة رحلة حياه يقول...

السلام عليكم
ربنا يبارك لك فيه وينبت وليدك نباتا حسنا ويجعله صالحا مصلحا ولا تتعجبى من حاله فالله اخرجنا من بطون امهاتنا لا نعلم شيئا وهو علمنا ربنا يبارك لكم فيه
http://ourlife-accountant.blogspot.com/
دعوة لزيارة مدونتى ربما تعجبك موضوعاتها

vanilla scent يقول...

الله بجد يا دكتورة علا ابدعتى ابدعتى ابدعتى

ياااااااااارب ابقي ماما

اسماء عبدالعزيز يقول...

ما اروع هذا الاحساس بحق ووصفك له
ربي يحفظ لكِ طفلك ويجعله مصدر السعاده لكِ ولأبية ويجعله واسع الرزق مديد العمر
كونا بخير حبيبتي

Asmaa mahaba يقول...

يارب يرزق كل بنت زوج صالح ويزر كل زوجه ابن صالح وميحرمشى حد من الاحساس دا ابدا ويخليلك ابنائك يا رب

Mona Hekal يقول...

من اول ما ابتديت قرايه و انا ببتسم بفتكر لحظة ما شفت سلمي و علي
حلو اوي يا علا تسلم ايدك

Zouka's يقول...

يارب دائما دى مشاعرك مع الاطفال

وخصوصا اطفالك وانا معاهم

يارب كل ام تحب اطفالها حتى بعد ما

يكبروا ويخنشروا

ليه الام فى خناق وزعاق وصوتهم جايب

اخر الشارع خصوصا ايام المذاكره

اشكرك لمشاعرك الجميله الرقيقه

واسلوبك المميز

Unknown يقول...

أجمل احساس في الدنيا لما بنلاقي انسان منمنم حته مننا و كأننا أخيراً لاقينا اللي كنا بندور عليه
أشكرك يا حبيتي على كلماتك الرائعه
و ربنا يخليلنا قلوبنا الصغيره

Carmen يقول...

كم انت رائعة في اسلوبك وكتاباتك
روعة حبيبتي تسلم ايدك
تحياتي

adel يقول...

رائعة بجد
ايه الكلام الجامد قوي ده ؟؟!!!
ابقي خليه للبنوتة تقراه لما تكبر :)

إيمان قنديل يقول...

اجمل احساس في الدنيا وصفتيه ببساطه وسلاسه،وبعدين البيه يكبر ويبقى راجل ومايعجبوش كلام مامته وكده

ربنا يخليهم لينا يارب ويفرحنا بيهم ويديهم الصحه وراحه البال وطولة العمر ويسعدهم امين يارب

ويكا يقول...

ربنا يباركلك فى اولادك ، ويجعلهم قرة اعين لكى ولزوجك ان شاء الله

Foxology يقول...

احساس جميل جدا وفعلا الواحد بيبقى عنده خليط من الدهشة والاعجاب من نعمة ربنا المتمثلة فى طفله الرضيع

تحياتى

غير معرف يقول...

حلو الجديد حلو برضو

بس القديم

أحلا

او على الاقل متعادلين في الحلاوه

صيدلانيه طالعه نازله يقول...

الحب الجميل

آمين يارب العالمين
ربنا يفرحك بعلياء يارب و تشوفيها احلى عروسه
و يارب ميحرمش ام من ابنها و لا ابن من امه و لا ابوه ياااارب

صيدلانيه طالعه نازله يقول...

مدونة رحلة حياه

ربنا يخليك و ميرسى على كلماتك الجميله

نورتنى

صيدلانيه طالعه نازله يقول...

ميـكانـو

ان شاء الله يا قمر حتبقى احلى واجمل و ارق ماما فى الدنيا

ميرسى ليكى يا حبى

صيدلانيه طالعه نازله يقول...

اسماء عبدالعزيز

ربنا يخليكى على دعائك الجميل و كلماتك الرقيقه

نورتينى يا سمسم

صيدلانيه طالعه نازله يقول...

سومه...مجنونه فى بلد عاقل

سومه حبيبتى
وحشتينى يا عروسه
ربنا يهنيكى ويسعدك و يرزقك بالخير دايما

نورتينى

صيدلانيه طالعه نازله يقول...

Mona Abo - Elso3od

انا وانا بكتبها كان شريط ولاده سيف و شادن قدامى كانه شريط سينما

ربنا يفرحك بيهم يارب

نورتينى يا منمن

صيدلانيه طالعه نازله يقول...

Zouka's

اكيد حتحبهم طووول مراحل عمرهم
صحيح بتزعق وتصرخ و تضرب احيانا
بس بيفضلوا حته منها و بتخاف عليهم من الهوا الطاير
اطلع انت منها بس

نورتنى

صيدلانيه طالعه نازله يقول...

شيرين سامي

بينى وبينك يا شيرى فى الاول بيبقى احساس بالخوف و القلق و الاستغراب
و سبحان الله بيتحول لعشق من نوع خااااص جدا بعد كده
ربنا يخليهم كلهم يارب

صيدلانيه طالعه نازله يقول...

karmen

ميرسى ليكى حبيبه قلبى
انتى كمان كتاباتك رقيقه اوى و بتعجبنى

نورتينى

صيدلانيه طالعه نازله يقول...

adel

ربنا يخليك يا عادل
انا حسيبها تحسه الاول لوحدها و بعدين اخليها تشوف كلامى و نقارن بقى ساعتها

نورتنى

صيدلانيه طالعه نازله يقول...

MAKSOFA

يارب يا ايمان
يخليهم لينا كلنا
و يفرحك بأبنك و بنتك و تشوفى ولادهم وولاد ولادهم ياااااااارب

شرفتينى ونورتينى يا ايمى

صيدلانيه طالعه نازله يقول...

ويكا

آمين يارب العالمين

نورتنى

صيدلانيه طالعه نازله يقول...

Foxology

كلامك صح جدا و انا فعلا حسيته اوى

نورتنى

صيدلانيه طالعه نازله يقول...

مصري جدا

اولادنا كلهم ليهم نفس المحبه و الغلاوه
الصغير و الكبير زى بعض

نورتنى

Noha Saleh يقول...

البوست ده جميييييييييل
يارب يخلى ولادنا
ويجعلهم صالحين
ويرزق كل الناس بالذرية الصالحة
بجد بوست حلو اوى

eng_semsem يقول...

ربنا يبارك ليكي في اولادك ويخليكي ليهم ويسعد ايامكم وعورابدعتي في وصف شك
تقبلي زيارتي

MTMA89 يقول...

تصوير رائع جدااا يا دكتورة

الأمومة من أصفى المشاعر و أنقاها
ربنا يحميكم و يباركلك فيه


تحياتي

محمد
:)

Prince-Palestine يقول...

احساااااااااااس ولا أروع


دمتي بابداع


تقلبي مروري

reemaas يقول...

الله عليكى بجد احساس ووصف اكتر من رائع

ربنا يخليهولك حبيبتى وتفرحى بيه وتفضلى جميله زى مانتى بيه

همس الاحباب يقول...

الامومة مهنة البحث عن المتاعب
ولكن ما اجملها من مشقة وتعب لهذا الابناء ما بيعرفوش قيمة الوالدين الا لما يمارسوا نفس الدور
ربنا يخليكوا لبعض وما يحرمكوش من بعض ابدا
تحياتى

صيدلانيه طالعه نازله يقول...

Noha Saleh

اللهم امين
اللهم انت سميع مجيب الدعاء

نورتينى

صيدلانيه طالعه نازله يقول...

eng_semsem

ميرسى على ذوقك و كلامك الجميل

نورتينى

صيدلانيه طالعه نازله يقول...

MTMA89

مشاعر الامومه و الابوه من اروع المشاعر
ربنا ميحرمش حد منها

نورتنى

صيدلانيه طالعه نازله يقول...

Prince-Palestine

اهلا بحضرتك ضيف عزيز
و شكرا على الكلام الجميل

نورتنى

صيدلانيه طالعه نازله يقول...

reemaas

ربنا يخليهم
انا عندى طفلين حبيبتى
و البوست ده ماهو الا استرجاع للحظات جميله مرت فى حياتى

نورتينى

إنسان || Human يقول...

شعور الأمومة يولد مع كل طفله تولد...فتجدها تحتضن دميتها كأنها طفلتها وتمده بجرعات الحنان الطبيعية التي خلقت معها كما لو كانت هرموناً

صيدلانيه طالعه نازله يقول...

همس الاحباب

كلنا محسيناش بقيمه اهالينا
الا اما بقينا والدين زيهم
ربنا ميحرمش حد من ضناه ابدا

نورتنى

صيدلانيه طالعه نازله يقول...

Hu-man

سبحان الله كل البنات بتتولد عندها نفس الاحساس
و نفس الميول
و هيا فعلا هرمونات
مش هذار دى حقيقه علميه
نورتنى

غير معرف يقول...

:)

ربنا يخليهم ليكي يا رب :)

تحياتي

صيدلانيه طالعه نازله يقول...

فتاه من الصعيد

ميرسى يا قمر
كلك ذوق

admin يقول...

إحساس جميل نابع من قلب حنون، قلب الأم الذي لا يعرف الكره، فهو عنوان الصفاء والنقاء..

أسأل الله تعالى أن يحفظ ابنك من كل شر..

سعيد أني كنت هنا..

محمد التركى يقول...

السلامو عليكم

احساس جديد وجميل وروعه
أنا يمكن مش حاسس نفس احساسك لانى مش اب
لكن حسيت احساس جميل لما لمست خدود ابن اختى وكنت ببق طاير من الفرح لما بخده واضمه فى حضنى
وياسلام لما كبر شويه وبدأ يضحكلى لما العبه
الله الله احساس رائع بتمنى ربنا احس بالابوه
ياعنى من الاخر اتجوز واخلف فى زمنا الاخبره ده
هههههههه

أنا أول مره أزور مدونتك الرائعه بس بجد مدونه جميله جداااا

تسلم ايدك ويسلم قلبك الطيب

ربنا يباركلك فى اولادك

تقبلى مرورى الاول وليس الاخير

تحياتى لشخصك الكريم

محمــــد التركـــى

Casper يقول...

كلمات جميلة جدا وأسلوب متميز وخاطرة ولا أروع

خالص تقديري لابداعك

==========

بالتوفيق دائما
وفي انتظار كل جديد

بالمناسبة مدونة رائعة

تقبلي مروري
Casper

غير معرف يقول...

ربنا يخليهولك يااااااارب
جميييييل البيبى
كأنى كنت معاكى وانتى بتداعبيه
وجميل جدا احساسك بيه
ربنا يحميه ويباركلك فيه
مدونتك حلوة أوى
وكتاباتك رائعة

صيدلانيه طالعه نازله يقول...

خالد أبجيك

اجمل وصف لقلب الام
سعيده بتشريف حضرتك للمدونه

نورتنى

صيدلانيه طالعه نازله يقول...

محمد التركى

ان شاء الله ربنا يرزقك الزوجه الصالحه و الذريه الجميله الباره
و تفرح بيهم و تقر عينك
ان شاء الله

شرفتنى

صيدلانيه طالعه نازله يقول...

Casper

ميرسى لكلمات حضرتك الجميله و الراقيه
و ان شاء الله دايما نحوذ اعجابك

نورتنى

صيدلانيه طالعه نازله يقول...

Samakafelmo7eet

كان عندنا سمكه واحده و دلوقت عندنا سمكه فى المحيط
سمكتين يعنى فى عالم التدوين

ميرسى على كلامك الجميل
و دايما يارب مشرفانى و منورانى

نورتينى

من كل بستان زهرة يقول...

اروع شعور انعم الله بيه على المرأه
ولا كل الكلمات في العالم توصف
الحب والخوف والفرح والقلق
الي الأم بتحس بيه
ربنا يحفظلك اولادك
ويرزق جميع البنات ازواج واولاد صالحين

سندباد يقول...

الانثي ام بالفطرة واجمل احساس تشعر به هو احساس الامومة وهو الاحساس الوحيد في البشر الذي لا يتغير بمرور السنين
ربنا يخليهم ليكي ويخليكي ليهم
تقديري واحترامي

خواطر شابة يقول...

احساس جميل موصوف بدقة وروعة يجعلنا نتماهى معه ويحرك فينا مشاعر جميلة
دمت بكل الود والمحبة عزيزتي

صيدلانيه طالعه نازله يقول...

من كل بستان زهرة

ربنا يحفظ كل الاولاد لوالديهم
و يدى لكل بنت اللى تتمناه

نورتينى يا سكر

صيدلانيه طالعه نازله يقول...

سندباد

فعلا البنت بتتولد و جواها ام بالفطره
بدليل احتضانها لعروستها كانها طفلتها

ميرسى على الكلام الجميل
نورتنى

صيدلانيه طالعه نازله يقول...

خواطر شابة

اولا احب ارحب بيكى بعد غياب
و ثانيا اشكرك على الكلام الجميل والمشاعر الرقيقه

نورتينى يا نوجا

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .