السبت، ديسمبر 04، 2010

كتاكيتو بنى




*ماما انا عايزه اشترى كتكوت

*نعم يا اختى؟؟؟

* ده بخمسين قرش بس و كل العيال اصحابى اشتروا

*لا مش حنشترى عشان ده ممكن ينقل لنا امراض و كمان دى روح حرام نلعب بيه و فى الاخر يموت


ده كان حوارى مع الهانم الصغيره حول الكتكوت واللى باعه و اللى اشتراه و اللى عايز يشتريه


الموضوع بقى اللى عايزه اتكلم فيه النهارده موضوع عجيب وغريب

مدرسه لغات محترمه جدا من انضف و اشيك بل هى انضف مدرسه فى المحافظه

قصادها مديريه التربيه و التعليم و الاداره التعليميه

يعنى المفروض قصاد الرقابه كلها 

ازاى يقف قدامها واحد بيبيع كتاكيت للاطفال الصغيره و يستغل انبهارهم بالكائنات الصغيره

الكتكوت بخمسين قرش و طبعا الاطفال فى المدرسه كلهم مستوياتهم كويسه الخمسين قرش 

بالنسبالهم كلام فاضى  و الكتاكيت دى مش بيشوفوها غير فى الافلام بس

دى حتى انفلونزا الطيور بقت مرض متوطن فى البلد يعنى اى حد بيتعامل مع الطيور

 ممكن تحصله عدوى

بلاش موضوع العدوى خلينا نقول انهم روح و حرام نسيب الاطفال يلعبوا بيهم لغايه ما يموتوا

كذا حاجه لو فكرنا فيها حنلاقى الموضوع كله  عباره عن اهمال و تسيب و استعباط

مش عارفه ازاى بجد ده حصل و بصراحه متغاظه اووووى 

عشان كده قلت تشاركونى فى الغيظ بتاعى اشمعنى يعنى انا اللى اتغاظ لوحدى







هناك 55 تعليقًا:

Mona Hekal يقول...

الاول هيييييه
و الله موضوع الكتاكيت ده من زمان اوي انا فاكراه من و انا صغيرة و كمان بيلونوا الكتاكيت علشان يغروا الاطفال اكتر .
انتي مستغربة ليه الحال هو الحال عمره ما هيتغير هما بس فالحين يدرسوا للولاد دروس عن الباعة الجائلين و الرفق بالحيوان و حشر كتب و خلاص . لكن ازاي الاطفال تفهم الصح و الغلط حاوليهم في كل مكان .
دا كويس ان بنتك كانت عايزه كتكوت بس انا ابني كان عاوز ارنب .

لــــ زهــــــراء ــــولا يقول...

لوله

انتى مستغربه ليه
يبقى انت اكيد .. اكيد ... اكيد فى مصر

ولا تعليق

زهراء

المصوراتي يقول...

ابدي اعجابي بالمدونه و شكلها الرائع

اما موضوع الكتاكيت

فلا تعليق :)
تحياتي : المصوراتي

عمرو يسرى يقول...

بصراحه انا مستغرب ان حضرتك مستغربه
مستغربه ان المدرسه قصاد الاداره التعليميه احب اطمئنك ان المدرسه لو داخل الاداره التعليميه كان ممكن اللى بيبيع كتكوت يبيع قطط وكلاب
عشان احنا فى مصر

SHAPE YOUR LIFE (ABOALI) يقول...

هههههههههههههههههه
جميل فعلا وياترى اقدر اشترى فرخة بالتقسيط ولا لاء
وان كان ولابد وخوفا" من الامراض ممكن تكون بانية مع شوربة خضار مساهمة منى فى الغذاء الصحى
هييييييييييييه
فى الواقع هو موضوع متكرر ومتواجد منذ نعومة الاظافر
واحتمال كبير يكونوا المدرسين بيشغلوا فلوسهم حاليا فى تجارة الكتا كتيت
نوع من التغير بعد تجارة الارانب
وربنا يجعله عااااااااااااامر
كت كت كت كت كت
اوعى تفهمى غلط دى ترجمة لغة الاولاد كانوا محتاجين يعرفوها
cut cut cut cut cut

هبة فاروق يقول...

فعلا الاطفال بيعتبرو الكتكوت الملون مجرد لعبة ولا يدركو انة روح
اما الاهمال وترك رجل يجلس امام المدرسة
ليس غريب هى دى مصر يا عبلة
وشكرا

غير معرف يقول...

واحد كتكوت معاكى وحياتك
هههههههههههههههههه

متستغربيش

اسماء عبدالعزيز يقول...

مافيش حاجه بتتغير للأسف الا الحاجات الجميله هي اللى ممكن تختفي
اما السلبيات بتزيد
انا فاكره دايما ولادى يطلبوا الطلب دا ودايما برفض ودا بيضايقني

بصراحه لازم منع الحاجت دي

وتباع باماكنها المخصصه

دمت بكلالخير حبيبتي

من كل بستان زهرة يقول...

بجد انا هموت من الغيظ
ايه التخلف ده
هو لسه الحاجات دي بتحصل
لسه في ناس دمغهم كده يبيعوا لأطفال
مش فاهمين حاجه
انا كنت زمان بشوف الحاجات دي تلاقي الطفل ماسك الكتكوت خانقه وقاعد يلعب بيه ويرميه يمين وشمال
طيب بنتك لقيت حد يقولها ويفهمها
بس الأطفال التانين مفيش حد يفهمهم
حسبي الله ونعمه الوكيل

sony2000 يقول...

طب ولما تبقي دي حاجه عاااديه
وقدام مدرسه اختي
اللي جنب الوازاره بردو
ماتعرفيش بيصدنصدوا المدراس اللي
جنب الوزاره ليه؟

Zouka's يقول...

مش كده وبس ده

الجيران وهم من القرى ووعندهم ارض

زراعيه ابناهم اشتروا

طيب هو ده مش تبديد للثروه المصريه

طيب فين المرافق والمحليات والصحه

الخ ....من الرقابيات

اسف ايام مباركه

ربنا يعديها على خير


علينا وعليهم

sweet angel يقول...

وانا في ابتدائي
كانو العيال بيشترو كده بردو
بس لاني بخاف اتعامل مع اي حاجه متحركه غير البني ادمين

مش فكرت في الموضوع ده نهائي

وسلااااااااااام خاص للرقابه

Zouka's يقول...

بلاش سؤ النيه ياجماعه

ليه بتقولوا ان موظف فى الاداره او

المديريه مسرح بتوع الكتاكيت

والله اعلم

باحث عن حب يقول...

هههههههههههههههههه
فكرتينى بماما
لما كانت تجيب الكاتكيت
ايااااااااااااااااااام
زمان

-_- يقول...

اذا كان الناس بتقطع بعض في خناقات الشوارع و بيقعدوا يتفرجوا .. هيعملوا قيمة لكتكوت !

مذكرات موززه عانس يقول...

بصراحه هو موضوع الكتاكيت ده فعلا غلط ولو ان انا وانا كبيره كده مش قد بنتك اكيد بس بعشق الكتاكيت وبموت فيهم ولولا انهم فى البيت بيخافوا من انفلونزا الطيور كنت عملت مزرعه عموما انتى مستغربه ليه انتى اكبد اكبد فى مصر:)

صبح يقول...

و هو ده سبب ان المراهقين مش بيسمعو النصح لاننا ما بنطبقش الكل بيقل رفق بالحياون الحيان كائن خلقه الله علينا ان نرحمه ارحمو من في الارض يرحمك من في السماء و من الكلام ده بس في الاخير تلاقي العيل داخل لامو بكتكوت منتوف ريشو تبصلو و تقلي ياااه ليه كده يا بني حرام عليك يقلها ده بتاعي يا ماما اشتريتو تضحك هيهيهيهي و خلاص بعد شوية ماماماما الكتكوت مات تقوم عاملالو فضيحه عشان ريش الكتكوت مالي الاوضة مش عشان الغلبان اللي توفى و كان حيبقى دجاجه لذيذة لاحد العائلات الفقيرة لو كانت بتفهم تقلو في الاول لا يا بني ايه رايك نخليه اما يكبر و نشتريه و ناخدو لناس فقرا ياكله كده نكن اخذنا اجر بدل الاثم و اهي تجربة و تشويق يدخل فيهم الطفل بدل تجربة قتل الكتكوت و العيل اللي مايحسش بقتل كتكوت يكبر يقتل قطة و بعدها يضرب كلب و يجري ورا دجاجة و وووو لحد ما يقطع مراتو حتت حتت

و تحيا الامة العربية

زورينا في مدنة اختنا مخبوطة

حكايات الف خيبة و خيبة

http://1000khybawkhyba.blogspot.com/

adel يقول...

اشمعني هي انا عاوز كتكوت برضه

reemaas يقول...

ههههههههههههه هى حصلت كتاكيت
انا سايبه المدرسه وكان اودامها بتوع الكبدة والاكل الملوث والله ده تطور مذهل

بس تصدقى يا دكتورتنا ان برده مدرستى كانت ادام ادارة تعلميه!!!!!!!!!!
يكنش دى المشكلة؟ههههههههههههههه

غير معرف يقول...

كل دا علشان خمسين قرش؟

طب كنتي اشتريتي كل اللي مع الراجل وأطلقتي سراحهم

اي نعم ممكن تدفعي تلاته جنيه حت واحه بس معلش بئا

الهدف نبيل


مين نبيل دا؟

Carmen يقول...

فكرتيني واحنا صغيرين كانو بيلونوهم كمان ماعرفش ازاي كتكوت احمر اخضر ازرق اه والله كان بيبقي شكله عسل كان بربع جنيه ساعاتها جبت 8 ماما ربتهم ^_^

MTMA89 يقول...

بصراحة أنا عمري ما حبيت الكتاتيت

عالعموم..أنا شايف ان دي مسؤولية المدرسة من الأساس
و المدرسين بالذات.. اللي مفروض انهم بيمثلوكم انتو داخل أسوار المدرسة قبل ما يبدؤوا دورهم التعليمي

لكن في نقطة حلوة
أن الأخلاق..سواء وحشة او حلوة..هي في السن ده
انا بعتبرها معدية بطبعها
يعني الدكتورة الصغيرة لما تقول لزمايلها نفس الكلام بتاع الدكتورة الكبيرة
اكيد في اصحابها هيسمعوا الكلام برضه

ربنا يحميها و يباركلك فيها


تحياتي

محمد
:)

Foxology يقول...

ومن امتى كان فى رقابة ؟؟؟

الرقابة كانت زمان على أفلام السينما :)

تحياتى

Zouka's يقول...

ليه ما نسألش نفسنا عن زوال النعمه

اعوذ بالله من زوالها

Unknown يقول...

فكرتيني بالمدرسه كانت أيام
مدرسه لُغات و نفس الحيثيات اللي انتي وصفتيها و مع ذلك بياع الكتاكيت موجود كل يوم بس بجد كان شكلهم تُحفه بالنسبه الأطفال
للأسف هي دي مصر يا عبله

Noha Saleh يقول...

موضوع الكتاكيت ده ينرفز والله صحيح
بس المشكلة فى الناس اللى بتسمح بكده
وقبلها معدومين القلب والضمير اللى بيعذبوا الكتاكيت ويبيعوهم
والاهل اللى بيعودوا ولادهم على الاستهانة بكتكوت واعتباره لعبة
للاسف اهمال من جهات كتير

صيدلانيه طالعه نازله يقول...

Mona Abo - Elso3od
المشكله ان المدرسين بيبقوا ماشيين جنب الولاد و هما مروحين و محدش منهم فكر يقولهم اللى بتعملوه ده غلط و لا اى حاجه نهائى
اما بالنسبه للارنب فعااااااادى جدا مش ابنك يا منى
اكيد حيبقى مميز وموهوب و فلته زمااااااانه

مساكى نيسكافيه بالشيكولا برضه

صيدلانيه طالعه نازله يقول...

لـــولا وزهـــراء

ايه ده هو احنا فى مصر
مش تقولى يا زهزهه
انا كده اتطمنت و استريحت
عادى بقى

نورتينى

صيدلانيه طالعه نازله يقول...

المصوراتي ( عيوني كاميرا )

ميرسى يا فندم للزياره
بس كنت عايزه رايك فى الكتاكيت
اللى فى الصوره اللى فوق
ايه رايك فيهم؟

صيدلانيه طالعه نازله يقول...

عمرو يسرى

تفتكر ممكن يبيع قطط و كلاب
بس حتبقى غاليه عالاطفال مش حيعرفوا يشتروها
او حييجوا يمسكوا فى رقبتنا عشان نديهم تمنها
يبقى الكتاكيت احسن و ارخص

نورتنى

صيدلانيه طالعه نازله يقول...

SHAPE YOUR LIFE (ABOALI)

و ياترى تجارتهم فى الارانب المقصود بيها
مكسبهم من الدروس الخصوصيه و لا حاجه تانيه
ياريت حضرتك توضح النقطه دى

نورتنى

صيدلانيه طالعه نازله يقول...

هبة فاروق

بتصعب عليا اووى و الله
و الاطفال تبقى بتشدها من جناحها
و من رقبتها
بحسها طفل صغير بيتألم

نورتينى

Maha Shahen يقول...

والله عندك حق الاطفال بتنبهر جدا بالحيوانات الصغيره تبقى عايزه تستكشف وتحط ايديها فى عنيها وبوقها وتشوف بتاكل ازاى وممكن تضغط عليها بدون قصد تموت فى ايديها
بس كام حد بيفكر يقول لأولاده كدا لما يتعلقو فى حاجه وهما مش مدركين
بس كويس انك قدرتى تقنعيها يعنى لو قدرتى

ويكا يقول...

ههههههههه

طيب وانتى مين قالك انهم هيلعبو بيه ويموتوه ، مش يمكن يربوه تربيه عز ويعيشوه احلى من عيشة الوز

انتى بتقولى الاولاد دول معظم اهاليهم مبسوطين ، يعنى يا بخت الكتاكيت دى ، هيدلعوا احلى دلع وعدنهم عصافير كناريه او استرالى يا ستى العيال فرحانين بيهم.

صيدلانيه طالعه نازله يقول...

الحب الجميل

و انتى يا قمر مقامك كتكوت واحد برضه
انتى مقامك عشه بحالها يا فندم
واحشنى مووووووووت يا ايمى

نورتينى

صيدلانيه طالعه نازله يقول...

اسماء عبدالعزيز

للاسف فعلا الكويس بيقل والسيىء بيكتر
دى حقيقه واقعه فى الزمن اللى احنا فيه

نورتينى

صيدلانيه طالعه نازله يقول...

من كل بستان زهرة

فعلا انا بشوف الاطفال بتعمل كده
و يفضلوا يلعبوا بيهم لغايه ما يموتوهم ببقى عايزه ازعق فيهم بس مينفعش طبعا ازعق لولاد مش ولادى حضرب انا
هههههههههههههههه

صيدلانيه طالعه نازله يقول...

sony2000

غالبا الوزاره داخله شريك بالنص
هههههههههههههههههه
تفتكرى ممكن يكون ده صح فعلا
؟؟؟
ليه لا

نورتينى يا سكر

صيدلانيه طالعه نازله يقول...

Zouka's

رقابيات؟؟
ضحكتنى يا فتى
قول يا باسط تلاقيها هاصت

صيدلانيه طالعه نازله يقول...

sweet ange

و الله احنا نشكر الخوف اللى عندك ده جدا
انقذ كتاكيت كتير من الموت على ايديكى

نورتينى يا سكر

صيدلانيه طالعه نازله يقول...

Zouka's

كله جايز و الله اعلم فعلا

صيدلانيه طالعه نازله يقول...

محمود(باحث عن حب)

كل المهمهات كانوا كده زمااااااااان
ربنا يرحم اللى اتوفىى و يمسى بالخير و يبارك فى اللى عايش

نورتنى

صيدلانيه طالعه نازله يقول...

Sharm

على رأيك

نورتنى

صيدلانيه طالعه نازله يقول...

bombona

هيا دى مصر يا بنبونه

نورتينى

صيدلانيه طالعه نازله يقول...

صبح

عاااااااااااااااااا
متفكرينيش باللى بيحصل للكتاكيت
دول بيمثلوا بيهم شر تمثيل
و بيبقوا صعبانين عليا جدااااااااااا

ربنا يرحمنا و يرحمهم من الجهل و التخلف

نورتينى

صيدلانيه طالعه نازله يقول...

adel

روح جيب ليك و ليها
دبستك اهه

منورنى

صيدلانيه طالعه نازله يقول...

reemaas

يظهر السر فعلا فى الاداره التعليميه

نورتينى

صيدلانيه طالعه نازله يقول...

مصري جدا

ايوه صح مين نبيل ده؟؟
ياريتها ترسى على التلاته جنيه
دى كوارث متلتله

ربنا يستر

صيدلانيه طالعه نازله يقول...

karmen

شطوره انتى يا كارمن من يومك و الله
تمانيه مره واحده

نورتينى يا سكر

صيدلانيه طالعه نازله يقول...

MTMA89

ربنا يبارك فى الجميع ان شاء الله
ميرسى ليك

نورتنى

صيدلانيه طالعه نازله يقول...

Foxology

ايووووون هيا على الافلام و الكتب و بس
و الشعب ليه رب اسمه الكريم

نورتنى

صيدلانيه طالعه نازله يقول...

شيرين سامي

بينى و بينك هما شكلهم يجنن
مغرى ان اى حد يشتريهم بصراحه
لو عندى مكان كنت انا نفسى اشتريت
بس اوعى تقولى لبنتى
هههههههههههههههه

نورتينى يا شيرى

صيدلانيه طالعه نازله يقول...

Noha Saleh

فعلا الموضوع سلوكى بحت و اساسه البيت و الاهل

نورتينى

صيدلانيه طالعه نازله يقول...

nour shahen

الحمد لله قدرت اقنعها
و هيا شطوره ساعات يعنى بتسمع الكلام
مش دايما يعنى

نورتينى

صيدلانيه طالعه نازله يقول...

ويكا

جايز
احتمال
كل شيىء وارد

نورتنى

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .