الخميس، ديسمبر 02، 2010

من جد وجد












اللى يحترم عقول الناس الناس تحترمه

و اللى يتعب و يكافح عشان يبقى فى الصف الاول من حقه يوصل

و اللى يوظف العلم عشان يرتقى بدولته و يرفعها لمصاف ارقى الدول

حقه علينا اننا نرفعله القبعه و نحييه

على الرغم من المشاكل اللى بيننا كدولتين

و على الرغم من كره قناه الجزيره لينا

و فرحتها دايما فى مصايبنا

الا انى و من قلبى فرحاااااااااااااانه و فخوره بالانجاز الجميل لدوله قطر

و نجاحها فى الحصول على حق تنظيم كاس العالم 2022

ملف الدوله كان اكثر من رائع

ولى العهد اللى اتكلم قدم بلده بطريقه جميله و شيك

السيده الاولى الشيخه موزه حسستنى انها من ابناء اوربا

شياكه و لباقه و ذوووووووووووق و رقه

استحقوا احترام العالم و اشادتهم

و ربنا يسامح اللى كان السبب بقى




مبرووووووووووووووووووووووووووووك لقطر من قلبى و الله



بوست زهايمر مستمر بس كان لازم ابارك

هناك 21 تعليقًا:

لــــ زهــــــراء ــــولا يقول...

لوله

احتلاااااااااال
من زمان مش باعمل اى احتلالات لاى بوستات وكأنى اتحسدت وجت لى الفرصه اخيرا


زهراء

صيدلانيه طالعه نازله يقول...

احتلى يا ستى انتى صغيره
النهارده لعب
كووووووره بقى

لــــ زهــــــراء ــــولا يقول...

لوله

اهلى او زمالك
كرة قدم او طايره وانتى عارفه اعشق الكره الطايره اللى مش تثبت فى اى مكان ههههههههههههههههههههههههه

زهراء

لــــ زهــــــراء ــــولا يقول...

لوله
عارفه عجبانى الشيخه مووزه دى هههههههههههه اقرى اسمها صح فاهمانى ...

قلبك فيه الخير يا بنتى
احنا بقينا صينى زى ما هشام عباس قال كلنا سورى معلش ملانا عنيا المضروب
احنا نجد فى الهمبكه وشغل التلات ورقات وحلق حوش وبلاش كلام كتير الله يكرمك لانى مطلوبه زى ما انتى عارفه من كذا جهه امنيه

يلا مبروك لقطر بس بصراحه مش من قلبى انتى قلبك ابيض وطيب

زهراء

Mona Hekal يقول...

عااااااااااااااااااا
كنت عايزه اكون الاول
تيت تيت اهلي
تيت تيت شوبير و تي شيرتاته
تيت تيت تحيا مصر

reemaas يقول...

الف مبروك ليهم وعقبالنا فى حياتنا كده يارب

-_- يقول...

مصر الحضارة

يا خيبتنا القوية

بلال عادل رجب. يقول...

والله انا فرحت جدا
وكنت متوقعها
لاها دوله تستحق
لانها رائعه

FOrty يقول...

طبعا الملف مصروف عليه ومعمول باحترافيه عاليه
بس يا ترى لو الفلوس التى حتتصرف على الملاعب المكيفه و الفنادق الخ لو اتصرفت على مصانع و مدارس و مستشفيات كان افضل
وجهه نظر

Unknown يقول...

فعلا من جد وجد :)
حقيقي لكل مجتهد نصيب ..
و قطر تستاهل .. بالمظهر الرائع اللي قدمت بيه نفسها .

غير معرف يقول...

كنت هكتب في نفس الموضوع لكنك سبقتيني

ومش هأطع عليكي(طمعا في كرتونة الترامادول)

معاكي كل الحق

وأزيد

ان الجدع الحاكم السمباتيك بتاعهم خبط موار من قطر لمصر وفعد ساعتين لكي يعزي في وفاة مدرسه المصري!!!

احترمته جدا الحقيقه

Zouka's يقول...

اه تابعت بشغف

وللامانه كان شعورى متداخل

وطبعا قارنتها والصفر المصرى الشهير

اه اه ثم اه

لا لا اجد ما اقول

حاجات جوايا يقول...

شوفى يا علا
لما هتشوفى الفيديو ده
هتحسى ان الصفر الكبير اللى مصر خدته
أغلى مليون مرة من نجاح قطر المنقطع النظير

http://www.youtube.com/watch?v=_v3tn7C5zYk&feature=player_embedded

وهتعرفى اسباب نجاحها بوضوح وشفااااافية

تحياتى يا لولو

Carmen يقول...

انا ماشفتش الماتش ^_^

فشكووول يقول...

ولا فيه اى حاجه

الدوله المصريه بجلالة قدرها وبتاريخها العريق الضارب فى اعماق التاريخ وبأأجهزتها الداخليه والخارجيه .. حصلت على صفر فى الموندبال
الدوله القطريه .... بارك الله فيهم... حصلت على حق تنظيم بطولة كاس العالم 2022.... ولا تعليق الف مبروك لقطر

Rami .. يقول...

ناس عايزه تطور بلدها وعتدها ضمير لكن للاسف هنا في مصر ولا احنا عايزين نطور ولا احنا عندنا ضمير (:

Do juliette يقول...

مبروك لدولة قطر الشقيقة على الرغم من ان الاخوه لم تعد كسابقها ...عقبال مصر وعقبال رجوع الاخوه والمحبه اقوي واعمق كما كانت واكثر بكثير.

هبة فاروق يقول...

عقبال مصر يا رب
تقبلى مرورى

شمس النهار يقول...

المهم انه راح لدولة عربيه

:))

مبروك ليهم

غير معرف يقول...

انا ماليش فى الكورة
بس جايه اقولك
وحشانى
سلام

MTMA89 يقول...

مبرووووك لقطر
و هما فعلا استحقوها
و لازم نشاركهم الفرحة و النجاح و نتعلم منهم
مش زي البعض فالح بس يتهم كل الناس بالفساد


تحياتي

محمد
:)

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .