الخميس، نوفمبر 25، 2010

عفوا سيدى










عفوا سيدى

كما سمحت لى يوما ان اقتحم حياتك و بمنتهى القوه

اسمح لى اليوم ان انسحب منها و بمنتهى الهدوء



عفوا سيدى

لم اكن يوما لك و لا حياتى تناسب حياتك

كل منا يمضى فى فلك منفصل ومستقل عن الاخر

لم ولن يلتقيا او يتحدا يوما

فحتى مركز فلكينا ليس واحد



عفوا سيدى

اعذرنى ان كنت كدرت هدوءك و صفوك يوما

و الان و بعد رحيلى اهنأ بهدوءك المصطنع كما تشاء



عفوا سيدى

اعذرنى ان لم اكن يوما عند حسن ظنك

و كنت دائما مخيبه لآمالك و طموحاتك



عفوا سيدى

 لم اكن يوما دميتك و لن اكون فحياتى ليست لعبه فى يدك او يدى غيرك

لن اكون قطعه صلصال تشكلها بين اصابعك كما تشاء وكيفما اتفق

فات سيدى وقت التشكيل او التغيير



سامحنى سيدى لم اقدر ان اكون ورده فى حديقتك

او فى باقتك الاثيره تمنحها الحياه وقتما تشاء

او تقطفها و تدعها تموت وقتما تذهدها و تمل منها



سامحنى سيدى ان كنت بانسحابى هذا سأتسبب فى اهدار وقتك

فستضطر من جديد ان تبحث عن لعبه جديده تلعب بها

قبل ان تكسرها و تحاول تدميرها


و اسمحلى ان  اقول لك  انى لم اكن يوما هى و لن اكون

هناك 54 تعليقًا:

vanilla scent يقول...

اووووووووول تعليق :)

vanilla scent يقول...

بموت في قوة الشخصية

بس عارفه الشخصية القوية دي جوااها بيكون مكسور اوي بس بيحاول يحافظ علي اللي باقي منه

من كل بستان زهرة يقول...

الله عليكي يا دكتوره
هو ده الكلام
عمر المراة متكون لعبه في ايد الراجل
اللعبه ليها عمر افتراضي لكن المرأه هي كل العمر
بكره يرجع يعتذر ويبكي دم

عموما99.99 % من الرجاله بقوا كده
معلش بقى ده قدرنا

تسلم ايديك

صيدلانيه طالعه نازله يقول...

ميـكانـو

اهلا باجدد المدونات
انا بحب الست حتى لو مكسوره و من جواها عارفه كده كويس
انها تقاوح و تبين للناس انها قويه و محدش يقدر يكسرها
عشان تحافظ عاللى باقى من كرامتها

نورتينى يا قمر

صيدلانيه طالعه نازله يقول...

من كل بستان زهرة

يبكى بقى و لا ما يبكيش
مش حتفرق
هيا خلاص اعلنت انساحبها النهائى و بلا رجعه
عايزاها تشوف منه كل اللى كتبته ده و ترجع تانى
طب ازاى؟؟؟
ترضيها انتى


سعيده جدا بزيارتك يا جميله

adel يقول...

مش ناوي اعلق بس ناوي اشوف التعليقات
اصل كل بوست بقي فيه ستات ورجالة بحسه حرب والفرجة علي الحاجات دي مفيدة للصحة :):)

التعليق علي الحالة يؤجل
التعليق نصا وكلاما حلو قوي قوي وخصوصا دي
اعذرنى ان كنت كدرت هدوءك و صفوك يوما
و الان و بعد رحيلى اهنأ بهدوءك المصطنع كما تشاء

Mona Hekal يقول...

قوية هي تلك المرأة التي تستطيع ان تأخذ قرار الانسحاب في الوقت المناسب و لا تفضل الحياة كالظل مع رجل لايشعر بها و يعاملها كالدمية ، فكثير من النساء يتعايشن و يستسلمن لمثل هذا الرجل متعللين بالحب . و لكنه ليس حب انه ضعف
تحياتي الشديدة
دمتي مبدعة

غير معرف يقول...

اللي غلط يتحمل نتيجة غلطه

بس عاجبني الادب بتاعك

عفوا سيدي


مع ان كان ممكن تقولي

روح لامك

غير معرف يقول...

إعطيله فرصة تانيه

باحث عن حب يقول...

جميله
يا صيدلنيه
القوة مطلوبه فى الحب

Zouka's يقول...

ياحماعه الرحمه

ياعشره بالمعروف يا فراق

ارحموا عواطفكوا

Unknown يقول...

كل سنه و انت طيبه طولتي الغيبه:)
كلماتك روعه و أجمل ما فيها العزه

اعذرنى ان لم اكن يوما عند حسن ظنك
و كنت دائما مخيبه لآمالك و طموحاتك


كلهم هذا الرجل:(
تحياتي لك و دمتي مبدعه

Carmen يقول...

رائعة نبرة الكبرياء بها
وصفا واسلوبا ومعني
كل شئ بها رائع
سلمت اناملك
تحياتي

Noha Saleh يقول...

لم اكن يوما دميتك و لن اكون فحياتى ليست لعبه فى يدك او يدى غيرك

بجد بجد جميلة اوى

لــــ زهــــــراء ــــولا يقول...

دكتوره علا

------

عفوا سيدى ....

باعشق الاحترام حتى لما نختلف جريت العاده اننا لما نختلف مع بعض لازم نقطع فى بعض ونجرح فى بعض اوى سواء تجريح مادى او معنوى لكن افتاحية الكلام بهذه الجمله الاكثر الاحترام زادت من اعجابى بمحتوى الكلام ..........

اشعر بمدى قوة الكلمات التى تخرج منك رغم انها من امراه ومعروف عن المراه كونها شخصيه ضعيفه خاصة فى العلاقات العاطيفه التى يكون القلب والمشاعر هو محور التحكم فيها ولكن ان تتحدث امراه بهذه القوه فلابد من تقديم تحيه لها ...

فى بعض الاوقات من حياتنا نحتاج الى نوع من التغير تغيير لبعض مناطق الضعف فى شخصايتنا تغيير لهؤلاء البشر الذين ظنوا خطأ اننا لا نستطيع تكملة حياتنا بدونهم نحتاج الى ان نعمل ديليت لاشياء سلبيه كثيره وقد يظن البعض ويتملكه الوهم اننا اضعف من ذلك ولكن ما ان نبدأ حتى نكتشف اننا بالفعل اقوياء واقوى من اى تخيل ...

تحيه لهذا الاسلوب ...

تحيه لتلك الكلمات
اما التحيه التى لا ولن انكرها فهى لشخصك الرقيق


زهراء

شمس النهار يقول...

المشكله انها هي اللي استنت لما سمح لها هو تدخل حياته

يعني استنت الاذن
!!!!

وكمان وهي بتنسحب بتطلب السماح بالانسحاب

اعتقد انها غلطت اوي لما عرضت انوثتها للمهاتارات

الصح صح والغلط غلط
من تحفظ انوثتها تحفظهاا

عجبني المقطع ده
(سامحنى سيدى ان كنت بانسحابى هذا سأتسبب فى اهدار وقتك
فستضطر من جديد ان تبحث عن لعبه جديده تلعب بها
قبل ان تكسرها و تحاول تدميرها)

Zouka's يقول...

ملاحظ ان اغلب التعليقات جميله

لانها من الجنس الناعم

وهى متحمسه

غير معرف يقول...

جميله يا علا
بجد جميله
تسلم ايدك

غير معرف يقول...

اسمحيلى يا لولو

شحات
ــــ
السؤال هنا
هل هو شخص يستحق هذه الفرصه مرة اخرى ؟؟؟؟
سؤال صعب

MTMA89 يقول...

المواجهة احيانا بتكون صعبة
لكن قوة الشخص بتبان فعلا كل ما كانت المواجهة اصعب

كل حاجة مؤلمة صعبة في اولها
لكن الاكيد انها اهون من الالم ده يكون مستمر

تحياتي لكِ يا دكتورة

محمد
:)

لــــ زهــــــراء ــــولا يقول...

الله يسامحك ياقمراية قلبتي عليا المواجع
الكلام تحفة فيه كبرياء وتحدي والاغنية تحفتين اختيار جميييييييييييييييييييييييييييل
من قلب جميل
خلي بالك على نفسك
لولا

صمت المشاعر يقول...

فعلا صعب اووي نكتشف اننا كنا ممجرد لعبه او دميه في حياة حد


اسلوبك عبر الكثير والكثير

دمتي بكل خير

صيدلانيه طالعه نازله يقول...

adel

حتى الان الستات مستوليه على التعليقات يا عادل
حتى الرجاله اللى دخلوا علقوا راسمين الطيبه و غلااااااااااابه

مستنيه رايك فى الموضوع تفصيليااااااا

صيدلانيه طالعه نازله يقول...

Mona Abo - Elso3od

اسوا حاجه فى الحب الضعف
كمان لو جه على كرامتنا يبقى لا خالص
الحب من غير كرامه ميبقاش حب يبقى ذل

نورتينى يا منمن

صيدلانيه طالعه نازله يقول...

مصري جدا

ممممممم

ممكن اوى اغلط

بس الغلط حيقللنى انا قدام نفسى قبل ما يبقى قدامه

و ده مش طبعى الحقيقه

نورتنى

صيدلانيه طالعه نازله يقول...

يوميات شحات

فات وقت الفرص

ده وقت الانسحاب


نورتنى

صيدلانيه طالعه نازله يقول...

محمود(باحث عن حب)

ميرسى يا استاذ محمود ربنا يخليك

نورتنى

صيدلانيه طالعه نازله يقول...

Zouka's

كلامك كله حكم يا فندم
علم و ينفذ

نورتنى

صيدلانيه طالعه نازله يقول...

شيرين سامي

ماهو الواحده بتيجى على نفسها كتير
و المفروض اما تنسحب تنسحب بشياكه و عزه عشان تحافظ على الباقى و اللى فاضل
من كرامتها

نورتينى يا شيرى

صيدلانيه طالعه نازله يقول...

karmen

ميرسى يا كارمن على كلامك الجميل
احنا بنتعلم منك الكلام الجميل

نورتينى

صيدلانيه طالعه نازله يقول...

Noha Saleh

اصله مش كان حب يا نهى
ده تلاعب بالمشاعر و العواطف
يبقى ده الوصف الطبيعى لشكلها فى عينيه
مجرد دميه او قطعه صلصال

نورتينى

هبة فاروق يقول...

كلماتك منتقاة بعناية وليها
كناية ومفهوم واضح مبدعة
ومشكورة تقبلى مرورى

محطات ثقافية يقول...

السلام عليكم ورحمة الله
ما أجمله من هدور ينذر بعاصفة
كلمات سلسة لكنها بحد السيف
انسحاب بطعم الانتصار
أبدعت فعلا

sony2000 يقول...

ايييييييييييواااا كدا
بموت انا فجو ضرب النار دا:)

ghada mOhsen يقول...

بحب أوي الكبرياء ده ...

ونهايتها تحفه مرضيه لأبعد الحدود

تعبيراتك فيها قوية وأذهلتني

بجد رائعه في كل ركن فيها

تسلمي يالولتي
^_^

Foxology يقول...

السطر الأخير هو قمة الدراما فى التدوينة :)

جميلة جدا

تحياتى

Unknown يقول...

(( لم اكن يوما دميتك و لن اكون فحياتى ليست لعبه فى يدك او يدى غيرك

لن اكون قطعه صلصال تشكلها بين اصابعك كما تشاء وكيفما اتفق ))

كبرياء الأنثى يتجلى واضحا في كل حرف ..
:)
أنثى كثيرة الاعتداد بنفسها .. و بكرامتها .. فهنيئاً لها .. :)
سعدت بكِ .

Zouka's يقول...

ياريت كفايه

خلينا فى الواقعيه شويه

لان الواقع احسن من الخيال

ولا

انت ايه رايك؟؟؟؟؟؟؟؟

صيدلانيه طالعه نازله يقول...

زهرا

الاحترام اصبح واجبا بينهم فبعد ضياع الحب المفروض
ان يبقى بينهم الاحترام فى اسوأ الحالات
الست يا زهرا فى اضعف اوقاتها بتحاول تظهر قويه
وبتخفى ضعفها خلف جدار من الكلمات الحاده القويه
والشخصيه القويه بقى بتتعايش مع هذه القوه المصطنعه حتى تصبح حقيقه واقعه
مخطىء الشحص اما يفتكر ان الحياه ممكن تقف من غيره
لا الحياه حتستمر والالم بيعدى والدنيا حترجع حلوه تانى
لان الحزن والالم دائما بيتولد كبير وبيصغر مع الوقت

اتى بقى اللى كلامك فوق الرائع
ربنا يخليكى ليا

صيدلانيه طالعه نازله يقول...

شمس

هيا فعلا جت على نفسها كتير واهانت انوثتها
بس اللى بيحب اوووى مش بيحسبها كده خالص
بيبقى كل اللى فى مخيلته ان الطرف التانى متفهم
انه بيجى على نفسه عشان خاطره
بس اللى بيحصل ان الشخص المريض ذو النفسيه العليله
بيعتبرها تنازل وتهاون وليس تضحيه محب

بس اوعدك مش حيحصل تانى
مبسوطه جدا بتشريفك يا احلى شمس

صيدلانيه طالعه نازله يقول...

شكرا يا استاذ زوكا
طول عمر الجنس الناعم بيقول احلى كلام

صيدلانيه طالعه نازله يقول...

الحب الجميل

مش حيبقى احلى من كلماتك الرقيقه
والجميله دائما
اتفق معاكى فى ردك على شحات
والمدونه مدونتك
مش تستئذنى عشان تردى على حد

نورتينى حبيبتى

صيدلانيه طالعه نازله يقول...

MTM89

المواجهه الصعبه تحتاج قوه داخليه فعلا
ربنا يهون الصعب علينا دايما

نورتنى فى اول زياره يا دكتور محمد

صيدلانيه طالعه نازله يقول...

لولا

اسفه حبيبتى انى قلبت عليكى الام ومواجع
حقك عليا مكانش قصدى
مبسوطه انك على الاقل الاغنيه عجبتك
مش حيبقى من كله
وحشتينى جدا يا لولا
نورتينى حبيبتى

صيدلانيه طالعه نازله يقول...

صمت المشاعر

الصعب فعلا اننا نكون دميه فى ايد غيرنا
بس الاصعب بقى ان غيرنا يستغل حبنا واخلاصنا
ويتلاعب بينا وبمشاعرنا
وقتها لابد من وقفه مع النفس
لانقاذ ما تبقى من الكرامه

نورتنى

صيدلانيه طالعه نازله يقول...

هبه فاروق

مبسوطه ان الكلام عجبك
والاهم انك صدقتيه
نورتينى فى اول زياره
ويارب مش تكون الاخيره

صيدلانيه طالعه نازله يقول...

حلم

العاصفه لابد ان تنطلق عشان اى وضع غلط
لابد من ثوره لاصلاحه
اى انسحاب حضرتك لازم يكون انسحاب تكتيكى
منظم

مبسوطه ان الكلام عجب حضرتك

صيدلانيه طالعه نازله يقول...

Sony 2000

شاكلك جايه تهدى النفوس
مش كده؟؟؟

نورتينى يا قمرايا

صيدلانيه طالعه نازله يقول...

غاده محسن

مبسوطه جدا ان الكلام عجبك
نورتينى وتسلميلى يا احلى دودو

صيدلانيه طالعه نازله يقول...

Foxology

ربنا يخليك يا فندم
رأيك فرحنى جدا

نورتنى

صيدلانيه طالعه نازله يقول...

حد من الناس

علم وينفذ

نورتنى

صيدلانيه طالعه نازله يقول...

قهوه بالفانيليا-شيماء على

الكبرياء مطلوب حتى فى اكثر لحظات الضعف
ربنا يقوينا على ضعف نفسنا دايما

انا اللى سعدت وتشرفت بزيارتك الجميله

نورتينى حبيبتى

صيدلانيه طالعه نازله يقول...

ماشى يا زوكا
من عونيا يا فندم

صيدلانيه طالعه نازله يقول...

Karmen

ميرسى حبيبتى على الهديه الجميله

تسلميلى يارب

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .