الأحد، أكتوبر 31، 2010

الرضا بالمقسوم






لماذا نجزع عند الابتلاء

لماذا دائما نأمن مكر الله؟؟؟

ليه اما بيحصل الابتلاء الانهيار دايما بيكون مصاحب ليه؟؟؟

و ربما الجزع و القنوت و الاعتراض!!!!!

مع اننا  فى اوقات السراء و الفرح مش بناخد بالنا من الخير اللى عندنا

و بننسى اننا نشكر ربنا مجرد شكر على عطاياه و منحه و كأنها حق مكتسب

و كان ده اللى المفروض يحصل.........

المرض زيه زى الصحه.........تجربه............حاله بنمر بيها...........وقت و مكتوب علينا نعيشه

و لازم نتعلم منها حاجه حتى و لوتظهر  تافهه و بسيطه و جايز ما تظهرش خالص

عارفه و الله ان المرض قاسى و موجع

ساعات بيبقى جامد قوى لا قدر الله و مش بنعدى منه او بنعدى منه بس بخسائر كبيره

و ساعات ربنا بيمنحنا عفوه و كرمه و بنجتاز الازمه  و بنخرج منها دون خسائر تذكر

نلاقى الناس تقول اه اصل الانسان ده قوى تحدى المرض و قهره و قضى عليه

و ينسوا خااااااااااااااالص انه لولا ستر الله و قدرته ما شفى المريض و لااختفى المرض



نفسى نحس بالنعمه اللى عندنا و هيا لسه عندنا و بين ايدينا

مش بعد ما تزول و نتحرم منها

صدقونى و الله العظيم حتفرق كتير

ربنا قال 




ساعتها و الله هنحس بطعم النعمه

و هنحس قد ايه ربنا جميل و عطوف و رحيم و بيحبنا





اللهم دمها نعمه و احفظها من الزوال

الحمد لله اللهم بارك لنا فى ما رزقتنا و ارزقنا خير منه





كل اللى يقرا البوست يدعى للمرضى بالشفاء و البراء من المرض

آمين يارب العالمين

هناك 18 تعليقًا:

لــــ زهــــــراء ــــولا يقول...

علا

اول تعليق
ومش هاعمل احتلال ولكن هاعمل كام كومنت من نفسى بقى الدنيا فاضيه وانا اعمل دوشه لوحدى وانتى عارفه انى عندى المدقره اعمل دوشه وهيصه ههههههههههه

زهراء

صيدلانيه طالعه نازله يقول...

عيشى يا زهرا براحتك
المدونه مدونتك يا قمر
انا شخصيا رايحه انام
بس اوعى تكسرى حاجه و لا تاخدى حاجه
انا كل حاجه عارفه عددها كويس
هههههههههههههههههههههههه

تصبحى على خير يا قمر
متنسيش الدعاء لكل المرضى

لــــ زهــــــراء ــــولا يقول...

علا

تانى تعليق بس بكل تاكيد مختلف عن التعليق السابق هنا هنتكلم بعقل شويه

الرضا بالمقسوم عباده كما يقال لكن احان فى احيان كتير اوى مش بنرضى على اللى احنا فيه بس لو فكرنا شويه بجد هنلاقى اننا فى نعمه ومش قادرين نحسها مش موضوع المرض بس يا لوله لكن فى حاجات كتير فى حياتنا مش بنحس بقيمتها غير لما تختفى من حياتنا او نحس انها فى طريقها للزوال
حتى فى ناس كمان مش بنشعر بقيتهم ومش بنشعر بمدى رضا ربنا عننا فى وجود الناس دى فى حياتنا يمكن انا بعدت شويه عن الموضوع لكن افتكرت جمله كانت بتقول
من الافضل ان تهدى الى صديقك ورده فى حياته من ان تضع له باقه من الزهور على قبره بعد وفاته ..
عارفه يا علا المرض بيخلينا اضعف من اى شئ وبنكون وقتها شبه القشه تتكسر بسرعه يمكن بتكون لحظات يأس او ان بنشعر بالضعف النفسى ...
من شويه قادنى القدر انى اقرا موضوع عن تجربه شخصيه بيحكيها احد اصدقائى عن محنة مرضه ودلوقتى جيت اقرا البوست ويمكن لانى خارجه من وعكه صحيه كانت شديده عليا ورغم انى خبيت الموضوع حتى على اقرب الناس ليا لكن فى لحظات المرض نفتكر ربنا اوى وازاى احنا اهملنا فى صحتنا واهملنا اننا نستغل كل لحظه فيها لعمل الخير

ادعو الله ان يمن بالشفاء على كل مريض
وادعو لكل احبابى ان ينعم الله عليهم بالصحه والسعاده والخير

كلامك لمس قلبى اوى يا علا ربنا يكرم قلبك ويفرحك

زهراء

بنجاواتى يقول...

اللهم اشفى كل مريض وعافى كل مبتلى

هو النسيان طبيعة فى الانسان ربنا خلقها فيه لكن وجعل الفلاح والنجاح فى التغلب عليها وده فى وقت السراء

اما فى وقت الضراء فربنا برضه خلق الانسان ظلوما جهولا وجعل الفلاح والنجاح فى التغلب على هذه الصفات وده وقت البلاء

عندى ملحوظة صغيرة بس ان القنوط اللى حضرتك يمكن كنتى تقصديه غير القنوت اللى ظهر فى البوست سهوا دون عمد

تحياتى

sony2000 يقول...

بوست جه فوقتوا
شكرا ليكي:)

غير معرف يقول...

لأ استني شويه أما اهضم الموضوع والعنوان وأعمل لهم مكس وأرد

SHAPE YOUR LIFE (ABOALI) يقول...

الرضا بالمقسوم
لم يتعود عليه البشر منذ ان خلق الله ادم
فأدم لم يرضى وبحث عن شجرة الخلد
واتى من بعده الذرية
قابيل وهابيل لم يرضوا
اخوة يوسف لم يرضوا
مريم عليها السلام قالت يا ليتنى مت
يونس عليه السلام لم يرض وذهب وترك قومه
وهكذا يا سيدتى

انها التركيبة التى خلقها الله فينا
نتمنى ان نحيا ونخلد
وقالوا لن يملاء عين ابن ادم الى حفنة التراب

لذا تقويم النفس هو العلاج المستمر
حتى نصبر عند حدوث المصائب ولا يجرفنا تيار الضيق الى الكفر والابتعاد

ربنا يهب لنا حسن التعامل مع انفسنا
ويهبها الله لنا
ونسئله ان يشفى بقوته وقدرته مرضانا
ويرحمهم فهم يكسوهم ثوب الضعف
وان يستردوا انفسهم بعد الشفاء

كتبت بوست بعنوان شهد الابتلاء قديما
ادعوكى لقراءته
ربما كان فيه شيىء ما
وهذا هو الرابط
http://aboali26m.blogspot.com/2009/12/blog-post.html

كل التقدير على ما سطرتى وذكرتى به

غير معرف يقول...

اللهم لك الحمد كما ينبغي لجلال وجهك و عظيم سلطانك
مشكورة و مأجورة على كلامك الجميل
اللهم أشف كل مريض

ويكا يقول...

اللهم امين

غير معرف يقول...

اللهم دمها نعمه و احفظها من الزوال


الحمد لله اللهم بارك لنا فى ما رزقتنا و ارزقنا خير منه


اللهم امين
يارب العالمين

اللهم اشفى وعافى كل مريض
يارب العالمين

والحمد لله على كل شىء
كل عطايه ربنا جميلة وكلها خير لينا
بوست جميل
جزاكى الله كل الخير يا لولا
دمتى بخير

Ramy يقول...

الحمد لله على كل شيىء

عارفة يا دكتورة

أنا وصلت بعد تفكير مع نفسى فترة كبيرة

أن ممكن الوحش اللى جالى دة

كان اهون و حاجة اوحش ممكن كانت تيجى

عارفة الواحد يحمد ربنا على الحاجات الكتير اللى هو ميعرفش ربنا بعدها عنه و هو ما يعرفهاش

دى هتكون اكتر من اللى الواحد عارفها

الحمد لله

ربنا يشفى كل مريض

Zouka's يقول...

الحمد لله

الحمد لله فى السراء والضراء

الحمد لله الذى لا يحمد على مكروه سواه

اهم حاجه صلة الانسان بربه

باشكرك يادكتور

واول مره احس فى البوست بتاعك بكل

هذا الايمان واعتقد انه ليس مفتعل

اللهم قوى ايمانك

ومن يتقى الله فهو حسبه

بالمصادفه اليوم ثانى زميل صديق فى

نفس سنى و اولاده زملاء اولادى فى

المدرسه يموت فجاءه بلا مرض او سابق

انذار ثانى صديق خلال شهر واحد

وليتعظ الناس جميعا

ليرحمنا المولى سبحانه وتعالى

وليغفر لنا غفلاتنا

اعمل لاخرتك كانك تعمل لغدك

سمكه واحده يقول...

فعلا كلامك جميل
ربنا يشفي مرضانا وامراض المسلمين
ويشفي كل مريض علي وجه الارض
ويصبره ويجعله في ميزان حسناته اللهم امين

Tamer Nabil Moussa يقول...

ونعمة بالله

مع خالص تحياتى

Carmen يقول...

اللهم امين
بسم الله الرحمن الرحيم
واذ اصبناه نعماء بعد ضراء مسته ليقولن ذهب السيئات عني انه لفرح فخور
صدق الله العظيم
جزاك الله خيرا

Foxology يقول...

سبحان الله فى خلقه للأنسان فاسمه الأنسان مشتق من النسيان فهو ينسى انه كان فى بلاء وبالتبعية ينسى ان يشكر الله على الرخاء الحالى

اللهم اشف كل مريض وعاف كل مبتلى

تحياتى

richardCatheart يقول...

اللهم امين يارب العالمين

الله يالالا بس اللى يفهم يا بنتى

ياريت اكبر عدد يقرا كلامك دا ويعقله

تحياتى والله على البوست

well يقول...

اللهم امين

.. بوست جميل ..أصيل ..
الرضا نعمة جميلة لله الحمد عليها
(والحمد لله على نعمة الصحة
الحمد لله على نعمة الايمان
الحمد لله على نعمة السلام
الحمد لله على نعمة الاسلام)

تحياتى

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .