صحيت من نومها من بدرى و فضلت قاعده فى السرير
الجو برد اوووى للدرجه اللى تخلى الواحد
يفكر الف مره قبل ما يزيح من عليه الغطا
فضلت تتقلب يمين و شمال كذا مره و برضه لسه نايمه تحت الغطا
فكرت كتير انها تغيب النهارده و تنزل بس للميعاد المهم اللى عندها
بس اما افتكرت الشغل المتكوم عندها لقت ان مجرد تفكيرها فى الغياب
تفكير سخيف جدااااااااااا
"قومى ياللا بلاش وخم و كسل الوقت بيجرى"
كلماتها الى نفسها خلتها تقوم جرى من السرير
و فضلت تتنطط فى مكانها و تعمل شويه تمرينات تنشط بيها نفسها
خرجت من اوضتها للطرقه و هيا لسه بتتنطط
مامتها بصت عليها و ضحكت و لسان حالها فى سرها بقول الهادى يهدى
قربت من مامتها و خبطتها فى كتفها متعمده و باستها بوسه سريعه
و دخلت خدت الحمام بتاعها و طلعت منه على اوضتها
نشفت وشها بالفوطه و بصت للمرايا وهيا بتبتسم
"اييه يا قمر مالك النهارده مش على بعضك ليه؟؟؟كل ده عشان حتشوفيه؟؟؟"
"طب ما انتى شوفتيه كتير قبل كده ايه اللى اتغير يعنى؟؟؟"
"لاااااااااااااااا اتغير كتيييييييييير "
"قبل كده كان مجرد عميل فى شركه و انا مهندسه فى نفس الشركه"
"لكن النهارده الوضع اتغير كتير ده واحد اعترفلى بحبه و انا كمان حسسته انى متجاوبه معاه
يعنى المره دى المقابله غير اى مره فااااااتت"
ضحكت اكتر اما افتكرت كلامه ليها من زمان و تلميحاته و ازاى كانت بتعمل نفسها مش واخده بالها
و تتقل اووووووى عشان تخليه يعترف بحبه
_ازيك يا باشمهندسه هالوووووله
_افندم؟؟؟ايه يا استاذ حسام مالك؟؟
_مش انتى اسمك هاله انا بقى بدلعك عندك مانع؟؟؟
_لا سيدى معنديش
_اتفضلى يا هالووووووووله
_اييييه دى؟؟
ده البرفان اللى انتى بتستعمليه انا سالت صاحبتك و عرفت اسمه و جبتلك واحده ياريت متكسفينيش
افتكرت كل الحاجات دى و فضلت تضحك بشقاوه و هيا مبسوطه جدااااااااا
اخيرا لقيت الانسان اللى كانت بتتخيله من زمان
حد رقيق و ذوق و حساس و فوق كل ده بيحبها بجد
فتحت الدولاب بتاعها و بدات تقلب فى الهدوم المعلقه بكل هدوء و تانى
البس ده؟؟؟
لا ده شافنى بيه كذا مره قبل كده
طب البس ده ؟؟؟
ده بيبقى شكلى فيه يجنن
لاااااااااااااااا انا حلبس ده لونه رقيق و هادى و بيبقى ماشى مع لون عينيا
عدى وقت طوييييييل اوووووى عقبال ما استقرت على اللى حتلبسه
اختارت تايير رمادى و بلوزه ورديه اللون
و اختارت الشوز اللى تليق عليه و كمان الشنطه
عملت ماكياج هادى يتناسب مع الشغل
و صففت شعرها باهتمام و عنايه
بصت لنفسها فى المرايه و كانت مبسووووووطه جدا
"ايه يا بت الحلاوه دى قمر و الله العظيم ليه حق الواد يموت فيكى "
رشت رشه خفيفه من البرفيوم اللى بيحبه
و انتقت شريط شيفون ماشى مع اللبس بتاعها و ربطته فى ايد الشنطه
خرجت من اوضتها و هيا بتصفر و تدندن باغنيه بتحبها
من على باب الشقه افتكرت
باى يا قمر.........انا حتأخر شويه بعد الشغل............متعمليش حسابى على الغدا
و قفلت باب الشقه و نزلت على السلم و هيا طاااااااااااايره
المشاركات
هناك 58 تعليقًا:
(:(:
"ايه يا بت الحلاوه دى قمر و الله العظيم ليه حق الواد يموت فيكى
هههههههههههههههههههههههههههه
أحب انا جو التفائل ده
بوست يخلى الدنيا بمبى بمبى
(:(:
بوست يجنن يا دكتورة
بجد الأبتسامة لم تفارقنى (:
يا متفائلة
اول تعليق
لانسان مهم
مشوار طويل جدا لمقابلة الحبيب
كاءنه حياه جديدة نشأت وتبلورت معانيها
وواضح فيها الكيان وما يفعله فى صاحبه حين يحب او يكون فى حالة رضا
يعطيه الطمائنينة والراحة النفسية والثقة فى النفس وحسن التفكير واستحسان المظهر والتمتع بالنفس والروح
وظهر كل هذا فى طاقات النور الخارجة من الحبيبة وحوارها مع نفسها
استشفيت من البوست تناسق الروح وتناغم الكيان وعزف لحن سيفونى المعنى مطرب الاداء
وليتنا نجدد دمائنا دائما مع من نحب
ونعتبرهم بنى انس مهمين فى حياتنا
ويكون للقاء جذوة واستنفار للنفس
كما حدث فى كلماتك
عندما حدثت حالة
حراك قلبى وعاطفى اثر على البدن
جميل التجول بين البسمات ورونق الحب ودفاعاتها
فكانت حب سكر نبات
تقديرى لما سطرتى هاهنا
معلش بقى رامى خطف التعليق الاول
تتعوض المرة اللى جاية
الله لا فعلا الحب جميل
بوست جميل جا
معلش بقى
أستاذ أبو على
دا انا كنت بكون على باب المدونة بس اعمل ايه الظروف بقى و الشغل
(:
بس بجد تعليق حضرتك فوق الرائع
قولى لها لو ليها صاحبه او اخت هو
قريبه او جاره
بنفس الجمال ده والروح والرومانسيه
دى
هو انا محروم منها
ولا دوامة الحياه والشغل نسوا
الواحد يفكر فى نفسه
ولا ايه
اخيرا خليكى فى الرومانسيه
قريت البوست يجي سفعميت مرة
ححححححح
ايه يادوكتر بس
بتقلبى المواجع D:
يا سلام يا سلام
وانا قاعدة استنى هيحصل ايه فى المقابلة
تقطعى كده فجأة
ماشى ماشى
هههههههههه
عندك حق فعلا لما القلب بيبقى سعيد الحياة بتبقى حلوة
ومقابلة انسان مهم مش زى مقابلة اى حد تانى طبعا :)
رجاء محبه
الجزء الثانى بسرعه
فضلت مستني نهاية البوست عشان اكتشف انه خبطته عربية ولا داسه قطر كالعادة ، بس خيبتي أملي و طلعت دعوة للتفاؤل و الفرح :)
معلش خيرها ف غيرها...
روووووووووووووووووووعه يالولتى بجد
قصه جميله اوى يا علا
الجميل انك وصفتى بالظبط احساس البنت وهى عندها ميعاد مع حبيبها
بالظبط كده بتكون طايرة
تسلم ايدك يا قمر
يعني العقده في هذه القصه أنها مش هتتغدى؟
دعوه للتقشف والتخسيس؟
بعد السلام والتحايا
ربنا يوفقهم ويتجوزا مش بتريق
هو الأسلوب عجبني خصوصا التحدث مع النفس
لكن
انا مش بحب قصص الحب
واعذروني
دا طبع
ياعيني ياعيني
هو لسه في رجاله من النوع ده يا دكتوره
ههههههههههه
اعتقد انهم خلصوا في الحرب خلاص
يدلع ويجيب برفيوم كمان لو في منه ده تاني ابعتلنا واحد
اسلوبك رقيق جدا وبسيط
تسلم ايدك
انا برضه فضلت مستنية اما يتقابلو
جميل الحب وغريب بيخلي الانسان قلبه طاير وباصص للدنيا بتفاؤل وخصوصا اما يكون لسه الاحساس بيداعبك في اوله
بوست هايل يادكتورة
تحياتي
دي فعلا أجمل مشاعر و انت وصفتيها بالظبط و بعثت في روح من السعاده و التفاءل أشكرك انك معاملتيش النهايه انه حلم أو خيال
تحياتي
يا سلاااااااام على الحب وجمال احساسة
ورقة مشاعرة لما يكون صادق ونابع من القلب
قصة جميلة جدااااا
بس كنت عايزة اشوف لما تقبلة هيحصل ايييييييييييييييييية
دا المهم يا لولا
هههههههههههههه
هاتى ما عندك
المزيددددددد
هستنى
بس اوعى تكون النهاية وحشه
خليها كدا جميلة
اررررجوكى
ههههههههههههه
وحشتينى يا قمرى
ياااااااااااه يا دكتورة
بصراحة تدوينة شقية تفاؤلية إبتهاجية أخر حاجة
:)
الله بقى لو كانت نزلت ويكون اليوم ده يوم السبت وميعادهم كان الحد
ويجى الراجل بتاع الكازوزا يغنيلها اغنية اسمها ايه دى ...... ايه ..... استنى هفتكر والله .... اسمهاااااا ..... ايه
يخرب بيت دماغى
المهم اكيد كلكم عارفينها....
كلام جد بقى
قصه جميله على فكره ..... وبعدين انا قلقان ...... انا حاسس ان فيه حاجه غريبه التوقيتات اللى بتنزلى فيها البوست والقصه اللى بتكتبيها .... بتعملى هستريا لما الاقينى كاتب حاجات شبه بعضها بنفس فرق التوقيت .....
يكونشى احنا بنتكلم على نفس الشخصين الخياليين .....
ولا ده شغل عفاريت .....
عموما انتى بتكتبى اجدع طبعاً ... وبالاخص فى الحته بتاعت مشاعرهم
الله ينور ياباشا
تدوينة مرحة وحلوة بجد
قد ايه الواحد بيكون مبسوط وفرحان لما يقابل حد قريب ليه جداااا
تحياتى على التدوينة الجميلة
عـــلا
اعتدت من صغرى لما اقرا حاجه وارجع اقراها بعد شويه بتكون حاجاه عاديه لكن المره دى البوست مبهر بجد حلو اوى يمكن حاسه بمشاعر بريئه بتنط تفط منه ويمكن لانى كنت فاكره ان عهد البراءه راح زى معظم الحاجات الحلوه اللى بتروح
الصوره تحفه بجد وفيها كميه من التفاؤل تكفى الى كل المدونين ...
وصفك للما تفعله صاحبة القصه يجعلنى اشعر اننى اشاهد فيلم جميل رغم قصر مدته لكنه يحمل الكثير من المعانى
اتمنى لها من كل قلبى ان الانسان المهم يكون هو نصيبها وتجد معاه الخير ان شاء الله
فى انتظار باقى القصه
زهراء
Ramy
مبسوطه جدا انى قدرت بمسحه من التفاؤل
ان ارسم البسمه على وجهك
محتاجين اووووى وسط منغصات الحياه
ان نبحث عن البسمه حتى نجدها
كلامك مشجع جدا
نورتنى
Abo Ali
كنت قاصده اطول الجزء اللى بتحاور فيه نفسها
لاظهار شخصيه البطل والتعريف بها
لأظهار استحقاقه لحبها و الحمد لله ان الفكره وصلت
واضحه
دائما كلام حضرتك يعطى بعدا آخر لما اكتب
ميرسى للزياره ومعلش بقى عشان التعليق الاول
خيرها فى غيرها
نورتنى
عمرو يسرى
ميرسى لحضرتك
كلك ذوق
نورتنى
Zouka's
الرومانسيه بداخل كل منا
قد تختفى فى داخل نفسنا
ولكنها فى وقت ما حتما ستظهر
يعنى افهم من كلامك انى استمر؟؟
عيل اللى يرجع فى كلامه
ماشى؟؟
تسلملى يا كبير
Voltta
معلش بقى يا فندم
وبعدين فين بس المواجع
ده بوست شرح بكسر الشين والراء
وقمه فى التفاؤل
نورتنى
حاجات جوايا
معلش بقى ياسالى
بس بذمتك مش القطع فى البوست على كده احلى؟؟
مش متحمسه انا لأنى اكملها خالص
بس لو مسكت اول خيط جديد اكيد حكمل
وبعدين هو احنا كل يوم يعنى حنقابل حد مهم
طبعا لا
يبقى اكيد حتبقى مش زى اى مقابله
منورانى دايما حبيبتى
Zouka's
ربنا يبعت
دعواتك
ELMOSTAFZ
ههههههههههه
ياساتر
يعنى الواد طيب و كويس وبيديب برفانات
عايزنا نقصف عمره ليه بس؟؟؟
ربنا ما يجيب حزن ولا فراق ابدااااااا
نورتنى
كيارا
مبسووووووطه اووووووى برأيك حبيبتى
و كنت عارفه انك اكتر حد حيحس البوست
ربنا يهنيكى حبيبتى ويفرح قلبك
نورتينى جدااااا
gogo!sf
مبسوطه انى قدرت اوصل احساس البنت كويس
وميرسى على رأيك الجميل
نورتينى
مصرى جدا
لااااااااا الحمد لله اوووى
انى قدرت اقدم دعوه لترشيد الاستهلاك
هههههههههه
نورتنى
MR.PRESIDENT
من تعليقات حضرتك واضح انك مش بتميل لقصص الحب
بس مبسوطه برضه ان الاسلوب على الاقل عجبك
نورتنى
من كل بستان زهره
لا يا حبيبتى لسه فيه كام واحد كانوا هربانين من التجنيد
ههههههههههههههههههه
اتفقنا لولقيت تانى منه حبعتلك وليا الحلاوه
اتفقنا؟؟؟؟
نورتينى يا سكر
karmen
بلاش تأنيب الضمير بقى
ححاول اكملها
فعلا الحب فى اوله بيبقى عامل نغبشه حلوه فى القلب
خصوصا ان الطرف التانى بيبقى لسه مش واضح بالنسبه للبنت وبتبقى عايزه تعرفه اكتر وتكتشفه
نورتينى يا قمر
شيرين سامى
مش معقول كل حاجه حلوه فى حياتنا تطلع حلم او خيال
من حقنا تبقى فى حياتنا فرحه حقيقيه
مبسوطه جدا ان النهايه دى عجبتك
ومبسوكه اكتر انه قدر يبث فيكى بعض من سعادته وروحه السعيده
سعيده بزيارتك
قرتها تاني وابتسمت نفس الابتسامة:)
الحب الجميل
يعنى الحب الجميل حتقول ايه غير ان الحب جمييييل
مين يشهد للعروسه
فعلا هو احلى حاجه فى الدنيا وبيكسبها طعم حلو
انتى كمان واحشانى جدا
نورتينى حبيبتى
ابو حميد
ميرسى يا فندم
كلك ذوق
كلام حضرتك مشجع جدا
نورتنى
ويكا
الاغنيه اسمها فى الركن البعيد الهادى
بتاعت انغام
وبعدين اكيد مش يوم السبت
لأنه اجازه الموظفين يبقى ازاى نزلت الشغل؟؟
غالبا هما نفس الشخصين الوهميين تقريبا
بس انت عندك اسمه حسام برضه؟؟
نورتنى
Foxology
مبسوطه جدا انها عجبت حضرتك
ودايما كلام حضرت اكتر من مشجع
نورتنى
Foxology
مبسوطه جدا انها عجبت حضرتك
ودايما كلام حضرت اكتر من مشجع
نورتنى
زهراء
كعادتك دائما مجامله آخر حاجه
البراءه تقريبا اختفت من زمان زى ما قولتى
عشان كده بنشعر بالحنين ليها و بنحييها فى كتاباتنا
يارب الجيل اللى جاى يقدر يتمسك بيها وان كانت
كل الشواهد تؤكد انه مستحيل
نورتينى يا احلى زهرا
كيارا
مبسوطه انها قدرت تخليكى تبتسمى تانى
دايما يارب فرحانه
منورانى
ياعييني علي جمجمه العلومانجيه لما بتشعشععععع
هههههههههههههههه
لا بجد
تنفع تكتبي قصص:)
يا سلام عليكى يا علا واللة ايجابيتك دى دعم مهم جدا لينا بس تفتكرى لسة فية حاجات حلوة كدة بتحصل ف الحياة؟؟
يارب تكون لسة موجودة فعلا
تحياتى على البوست المتفائل
وصف المشاعر جميل ولكن ما دفعني للتعليق ما كتبه المستفز انه حقا مستفز ولكن بخفة دم مصريه
تحياتي
حلوه اوي يا لولا عايزه اكمل القصه طيب كمليها بقى بسرعه
:)
بس عارفه انا لو بنتى قالتلى هاتاخر بعد الشغل وما تعمليش حسابي فى الغدا ممكن اقتلها اصل انا مفتريه شويه عادي
الحب احساس رائع
بيخلى الدنيا فى عيون الانسان جميلة
قصة حلوة
مع خالص تحياتى
روووووووووووووووووووعه
sony2000
ههههههههههه
و هما العلومجيه مالهومش نفس و لا ايه
نورتينى يا قمر
Single Mummy
فيه يا ساره و الله
بس ناس ليها حظ و ناس ليها
تر تر
هههههههههههههههههههه
منورانى يا حبيبتى جدااااا
mostafa
رغم ان مش انا اللى دفعت حضرتك للتعليق
الا ان حضرتك نورتنى
ندى الياسمين
دعواتك بقى اعرف اكملها
ههههههههههههههههههه
حاكم الوحل قصدى الوحى بينزل مره واحده مش كتير
و بعدين واحده واحده عالبت حتقتليها من اول مقابله
استنى شوييه يمكن يطلع واد كويس
ههههههههههههههههههههه
منورانى يا احلى صبصب
Tamer Nabil
ميرسى يا تامر
كلك ذوق
و الكلام مشجع جداا
نورتنى
مدونة الأمل
ميرسى يا فندم
كلك ذووووووووووووووووق
نورتنى
إرسال تعليق