سرحت بعيدا عندما اكتشفت انها مازالت تحتفظ بخطاباته القديمه
كانت قد تصورت انها نجحت فى اقتلاع ذكرياته من عقلها و قلبها
و لكن ما حدث الان هدم كل ما بنته من تصورات و تخيلات فوق رأسها
شريط ذكرياتها القديمه يمر امامها كشريط سينما
الاحداث تمر و كأنها حدثت بالامس القريب و كأنه لم يمض عليها عشر سنوات
ابتسمت و لمعت عيناها عندما تذكرت كيف التقوا
و كيف كان تعرفهم اثر مشاده حدثت بينهم فى احد مواقف السيارات
و كيف انه فى وقتها قد نجح فى امتصاص غضبها بأبتسامته الساحره
و لم ينصرفوا الا وقد تم تبادل ارقام الهواتف
**********
لمعت عيناها بالدموع عندما تذكرت يوم قرر ان يسافر ليكمل دراسته
فى احد البلدان الاوروبيه و كيف انها كانت ضد هذه الفكره منذ البدايه
**********
قلبت فى الصور التى امامها و امسكت بأحدى الصور و تذكرت كيف التقطوا
هذه الصوره عند خروجهم معا الى احدى مراكز التسوق التى كانوا
يحبون الذهاب اليها سويا
***********
اخرجت صوره جمعتهم مع صديقه مشتركه سافرت معه الى نفس
المدينه الاوربيه لاستكمال دراستها
تحولت نظرات عينيها الدامعه الى نظرات ناريه حارقه من شده الغضب
و هى تتذكر كيف اكتشفت انهما قد تزوجا اثناء وجودهما معا بالخارج
و كيف انه اخفى عليها ما حدث و ان كان قد بدأ بالتباعد عنها
دون توضيح الاسباب لذلك
***********
تذكرت كيف كانت المواجهه الاخيره بينهم غاضبه هادره
دمرت آخر ما تبقى عندها من مشاعر تجاهه
رفضت هيا فيها اى مبررات قدمها هو و اخرجته من حياتها الى الابد
حتى بعد ان عاد نادما لم تحاول هى ان تنظر للوراء و لو للحظه
ماما........ماما
كلمات صغيره قطعت انسياب نهر ذكرياتها و جعلها تستفيق
و تعود لتهبط على ارض الواقع و نظرت الى طفلتها و ضحكت
فقد كانت تناديها لتريها صورها مع اصدقاءها فى المدرسه
و تشير الى صديق معين لتخبرها انه من تلعب معه كل يوم فى المدرسه.........
هناك 57 تعليقًا:
أنا امرأه....لا أنحني لألتقط ما سقط من عيني
هذى هى بطلتك الرائعة التى كتبتها بحروف تملؤها الرقة والنعومة ومازال الغد تحمله طفلتها بكل براءته ونقاءه وحبه
soul
المراه لابد ان تكون قويه
ولكنها قوه بغير صلف او خشونه
قوه تفرضها هيا بمواقفها فى الحياه
قوه تفرضها على نفسها لتحافظ بها على كرامتها
كلماتك اكثر من رائعه
تحياتى لكى ولقلمك الجميل
دائما الذكريات حلوه ورومانسيه لانها خيال
وطبعا اول حب او نقول اول مره نذوق الحب جميل
وخصوصا انه اول ذكرى حب
ولو تفتح عمل الشيطان
فلا داعى للوهم فى ذكريات الماضى
المهم تنجح فى الواقع
وتنجح مع اولادها وبيتها الحقيقى
الواقعى
وعجبى
عجبت اشد العجب لاحتفاظها بخطاباته كل هذا الوقت رغم خيانته لها
اهو تعذيب نفس ؟؟
حتى لو كان ملء العين والقلب فيما مضى
فبعد الخيانة يزول كل اثر للحب
مميزة كعادتك يا لولو فى خواطرك الجميلة
تحياتى حبيبتى
بصراحه أنا لو منها كنت ولعت في الصور ههههه
عجبني قوي ان بنتها بتوريها صورة صديقها أعتقد معناه ان الموضوع هيفضل يتكرر طول ما البنات بتفكر بقلبها
تحياتي ليكي و اسمحيلي أتابعك
يا ألف خساره
الحكاية بتكرر بدل المرة مليون
والمشكلة كل مرة هتلاقي طفلة تلعب مع طفل
واهوا كله لعب عيال في نظرنا
أنا مش بحب قصص الخيانة
والغش
والخديعة
والكذب
والإحتيال
والتلون
يارب وفق كل المحبين بالزواج والمودة والرحمة
كثير ما تاخذنا الذكريات الى الوراء
ولا نفكر اذا كانت مؤلمه او مفرحه
فكلها ذكريات يا عزيزتى
فان كانت نجحت البطل فى اخراجها من ذاكرتها الى الابد وهذا ما يوضح من قصتك فهى غير صادقه مهما كانت قسوة ذكرياتنا لا يمكننا محوها ابدا من عقولنا
فنتذكر دائما يوم تلو الاخر كل ما مررنا به وسنمر به واحيانا نقارن اذا كنا نعيش سعداء ام لا ومع من وما الافضل لنا
قصه اكتر من رائعه
والاروع تكرار ما حدث لها بنفس الصورة مع صغيرتها
جميله يا علا القصه
احيانا بعيش مع بعض القصص ذكريات مؤلمه واحيانا مفرحه
وانتى ازيك يا قمر
قصة مؤثرة يا علا بس الصراحة ذكريات مثل هذة لا تستحق مجرد التفكير فيها
عجبتنى كتير القصه
وبالذات
ماما ماما
شعرت برقة وحنان الأم على طفلتها
سلمت ايدك
تحياتى
الله ما اجمل الحنين للذكريات بحلوه ومره
حنين من شيم اصحاب القلوب الرقيقه
تسلمى يالالا عجبتنى
اسلوب سرد مميز ومختلف
رائعة بكل جزء بها
تسلم ايدك جميلتي
في تقدم دائم باذن الله
تقبلي مروري
¥k¥
هي دي المراه التي تسامح في كل شئ الا الخيانه
وتنقلب من الحبيبه الرقيقه الي كائن صلب مهما كانت مكسورة من جوة
صغتيها بطريقه جملة تسلم ايدك
:))
بحب جدا المرأه القوية
علفكرة خلتينى دمعت وانا بقرأ لانها شبه قصه كنت كاتباها
واحشاااااانى كتير يالولتى :):)
كلما اقتربنا من بقايا الذكريات.. يستيقظ داخلنا شيء ما يعيدنا للماضي.. يجعلنا نتمنى العودة للماضي وذكرياته رغم الآلام التي تملأنا منه.. ثم نفيق على صوت الواقع ونرى كيف تخطينا الماضي بكل ما فيه فنبتسم في هدوء وننعم بهذه السكينة
قصة رائعة
تسلم ايديك :)
Zouka's
الذكريات عمرها ما كانت خيال
الذكريات دى واقع عشناه و حسيناه
بالعكس بقى المستقبل و حلمنا بيه هو اللى خيال لانه ببساطه فى علم الغيب و لسه محصلش
الانسان هو الكائن الوحيد اللى عنده تاريخ و اللى هو ببساطه ذكرياته و لو فقدها ببساطه حيتتحول لمسمى تانى و هو حيوان
نورتنى
حاجات جوايا
مهما اتوجعنا من الخيانه من انسان معين و مهما ادعينا اننا كرهناه
بتفضل له مكانه عندنا بنحاول نتناساها عشان نقدر نكمل حياتنا بس بتفضل موجوده فى عقلنا بس فى حته مستخبيه
و عمرنا ما بنقدر نكره
لانه ببساطه اللى بيحب مش بيقدر يكره
نورتينى يا سالى يا قمر
شيرين سامي
لو حبيتى بجد مش حيهون عليكى تحرقى الصور
و طبيعى جدا ان القصه تتكرر طول ما فيه ولد و بنت على وجه الارض
حتفضل الحياه متداوله متكرره
نورتينى
مصري جدا
معلش بقى
كل حاجه قسمه و نصيب
منورنى
MR.PRESIDENT
مين فينا بيحب الخيانه و لا الخداع او الكددب
بس مهما كرهناهم مش بنقدر نقضى عليهم
لان دى صفه بشريه موجوده فى ناس كتير
ربنا يتقبل دعاك لاى ثنائى بينهم عاطفه نبيله ان ربنا يجمعهم على خير
ان شاء الله
تحياتى
gogo!sf
مين قال انها نسيت
هيا تناست بس عشان
تقدر تكمل و تعيش مستقره
و عند اول مره شافت الجوابات
افتكرت كل حاجه حصلت
الانسان دايما يا جوجو مش راضى عن واقعه
و دايما بيقارن بين ما هو كائن و ما كان يود ان يكون
كلامك جميل حبيبتى
و يدل انك قريتى البوست بتمعن و استفاضه
انا كويسه يا قر االحمد لله و لا ينقصنى سوى كشرى معاليكى
هههههههههههههههههههههه
نورتينى
الحب الجميل
مفيش ذكريات تستحق و ذكريات لا تستحق
للاسف كلها ذكريات
بتتنقش على جدار قلبنا و داخل عقلنا
و مهما حصل مش حننساها غير بالمرض او الموت
الام دايما مصدر حنان و رحمه و نداء بنتها كان كفيل انه ينسيها الدنيا و ما فيها
فى مقابل بوسه و حضن من طفلتها الحبيبه
منورانى يا ايمان
richardCatheart
سيبك انتى
انا بكتب البوست عشان لالا دى
هههههههههههههه
الذكريات فعلا مهما كانت وحشه او حلوه
اسمها فى الاخر ذكريات
و مهما حصل حنفضل فاكرينها
منورانى يا مارو
و نفسى اشوفك جداااااا
karmen
ميرسى حبيبتى
كلماتك دايما ممشجعه
و مبهجه و بتدينى دفعه لقدام
منورانى حبيبتى
شمس النهار
المراه مهما كانت ضعيفه ومنكسره
وقت الخيانه و الغدر بتتفجر جواها طاقه كبيره قوى بتديها دفعه انها تتجاوز اللى حصل و تنساه او حتى تتناساه
منورانى يا شمس
و نفسى اطمن عليكى
همسات وبحــ الحياه ــر
ممممممممممم
لولتى دى مش غريبه عليا
انا حاسه انك حد معين اانا عارفاه
بس اما دخلت البروفايل لقيتك مغيره فيه كتير
ده لو انتى اللى انا شاكه فيها
ههههههههههههههه
على العموم لو انتى اللى فى بالى
طمنينى البيبى اخباره ايه
و اتصلى بيا قوليلى
اتفقنا؟؟
منورانى
مجرد حلم صغنتوت
اكتر تعليق لخص الحاله كلها
ميرسى على التفهم العميق ده للبوست
و شكرا على الثناء عليه
منورانى
يا مأمنه للرجال بقا :)
الحنين للماضي وتذكره دايما بيبقى جميل رغم ما قد يكون به من مأسي
تحياتي
قصه جميله جدا
بس الجمله ديه تشير الى صديق معين لتخبرها انه من تلعب معه كل يوم فى المدرسه.........
حسستنى انها كانت عايزه تورى البنت صور ابوها
الاحساس ده صح ولا خطا
شكرا يا صيدلانية على القصة الجميلة
ما اجمل الاستمتاع بالذكريات ولو حتى كانت مؤلمه
حنين الذكريات
عنوان له بريق ندى له بسمة احييكى عليه
ينقص الكثير منا حين يتذكر الذكريات حسن الادراك والوعى
فتلك الايام التى كانت فى الماضى تم كتابة احرفها الان فى صفحات التاريخ
حين نتذكرها لابد ان نسعد ونبستم ابتسامة جميلة صافية
لانها كانت تعبر عن مكنون مشاعر عشنا فيها وتمتعنا ببعض انسجتها ولم يوفق الله فى التمتع بباقى الانسجة الاخرى
لذا حين نقلب صفحات الالبوم من حقنا ان تتصاعد الاحداث وتتراىء امام الاعين
ولكن ليس برياح عاصفة تزيل كل مراسم الضحكات والسعادة التى عشنا فيها ايضا فى تلك المرحلة
فكثيرين منا احب وعشق وتمنى فارس وانسان بمواصفات معنية
وبطفولة القلب عشنا تلك اللحظات مع اى شخص طرق ابواب ذلك القلب
ولكن عوامل الزمن وقلة الخبرات اعطتنا الدرس وزدات من خبراتنا
لنعود من جديد نبذر فى الارض بذور جديدة فيكون لدينا حدائق غناء تسرى عنا ونرتحق من اريجيها
ما قصصتيه فى بوستك هو تجسيد لكل هذا
فمهما كان الحب وجرحه احيانا العميق
لازالت الاعين تتذكره وتتأمله ولكن علينا ان نبتسم لانها كانت مرحلة كل لها بريقها ومتعتها وعشنا فيها
ويصلح بوستك ان يكون عنوانه
غزل الذكريات
فهى تاءتى بالفعل برياح لها نسائم خاصة
اسعدنى مشاهدة حروفك وكلماتك
تقديرى القدير
القصة جميلة جدا خصوصا السرد البسيط القوى
صعب جدا الاحساس المركب من الحزن والغضب زى ما صورتيه يا دكتور فى نظرتها للصورة مع الصديقة بجد تمثيل جميل منك
تحياتى
كان صعب يلاقى مبرر الصراحة
أنا مش شايف أى مبرر أقدر أقوله
القصة جميلة كالمعتاد يا دكتورة
و نهايتها
أجمل و أجمل (:
دائما متفوقه
فتاه من الصعيد
اصل صعب اصلا ان حد ينسى ذكرياته سواء مفرحه او محزنه
نورتينى
عمرو يسرى
الراجل اللى سافر ده مش والد البنت
الراجل ده كان حبيبها زمان و سابها و اتجوز غيرها
و هيا كملت حياتها و اتجوزت حد تانى خالص
ميرسى لرأيك المشجع
نورتنى
يوميات شحات
انا اللى متشكره على زياره حضرتك
نورتنى
ويكا
ده اكيد فعلا
نورتنى
SHAPE YOUR LIFE (ABOALI)
اولا اسمحلى ان احييك على تشبيه المشاعر بالانسجه فهو تشبيه جميل جدا
كلام حضرتك دائما سواء فى مدونتك او مدونات الاخرين او عندما تشرفنى فى ركنى المتواضع
محل احترام و تقدير دائما
سعيده جدا بهذه الاطلاله
و يارب تتكرر كتير
نورتنى
Foxology
كان لازم يبقى امتزاج بين شعورين احدهم يمثل ضعف و انكسار لفقدان الحبيب
و الاخر غضب و نقمه من التى سرقت منها حلمها المتمثل فى حب عمرها
شكرا على كلامك المشجع
نورتنى
Ramy
صعب جدا يكون فيه مبرر للخيانه
كأنك بتقول لشخص انت ذبحته بأيدك
سامحنى آخر مره مش حعمل كده تانى
نورتنى
فى كلمة حلوة قريتها عند سمع هوس
اللى ميحطناش كحل فى عينه منلبسوش جزمة فى رجلينا
ما احلى الذكريات التى تعيش فينا
الله عليكى
نحيا بالذكريات
و لكن لا نحيا لها
اعجبتني القصة و طريقة طرحها و مهارات متفجرة في كتابتها رغم ان الاحداث قد تكون متكررة لكن المغزي منها هي الهدف
امامي كاتبة تعرف ادواتها و كيف تشد القارئ
تحياتي
القصه فيها سلاسه وابداع جميل
آآآآه من ذكريات الماضى البعيد
دايما مستخبيه في ركن من قلبنا
بس الي بيصبرنا حلاوة ايامنا الي بنعشها في واقعنا
تسلم ايديك
فيه لقاء تدويني جديد في بورسعيد
التفاصيل هنا
http://uwtarr.blogspot.com/2010/10/29.html
يا ترى ممكن نشوفك فيه؟؟؟ :)
يعنى عانت من الامرين
الخيانة من الحبيب
والخيانة من الصديقة
اكيد فى حاجات صعب تتنسى
من الذاكرة
لكن فى النهاية لاتأخذ حيز كبير منها
مهو ده يا علا اللى بيأكد ان عمرها ما حاولت حتى تتناسى يا عزيزتى
اللى بيحاول ينسى لمجرد انه يتعايش مع حياته الجديده فى استقرار
لا يؤثر عليه ابدا رؤيه جزء من ذكريات مؤلمه قد مر عليها ايام وسنين طويله
وانا أأكد انها بطلتك عمرها ما بطلت تفكير فى ذكرياتها مهما كانت سعيده لانها اول ذكرى جميله تمر بحياتها
على فكرة بقى البوست ده جنان ومعلق معايا جدا
بجد تسلميلى يا لولا ويسلملى عمرك يا قمر
على فكرة با علا هانم انا كده تقريبا الناس هتفكر انى عندى مطعم او حتى طباخه وانا اصلا فاشله يا بنتى صدقينى
ده انا حتى بعمل الشاى والقهوى وحشين خالص هههههههههههههههه
من عنينا يا دكتور بس انتى تعالى وانا هظبطك وهكترلك الدقه والحمص هههههههههه
والشطه كمان ههههههههه
star in the sky
صح اوى الكلام ده
تسلم ايد اللى كتبه
منورانى يا سمسمه
محمود(باحث عن حب)
هيا ذكريات تعيش فينا و نعيش فيها و نعيش بها
اسعدتنى اطلالتك
أحــوال الهـوي
اشكرك يا دكتور
حضرتك محسسنى انك بتتكلم عن احلام مستغانمى او سحر الموجى مثلا
انا كده محدش حيعرف يكلمنى
دمت بكل الاحترام
من كل بستان زهرة
ساعات واقعنا احنا بنحاول نحليه بأيدينا عشان نحاول ننسى ذكرياتنا
بسس بصراحه عمرها ما بتتنسى
نورتينى يا قمر
مجرد حلم صغنتوت
صعب يا دكتور اروح اللقاء
انا فى اسيوط و عندى الولاد فى المدرسه
ان شاء الله نتقابل فى لقاء تانى
تحياتى ليكى
Noha Saleh
مش عارفه يا نهى
مش متفقه معاكى
الذكريات موجوده و مش بتختفى مهما حصل و اما بتحصل حاجه بتخليها تظهر على السطح بس ده لا يمنع وجودها
تحياتى
gogo!sf
مبسوطه جدا ان البوست ده عجبك و حو حلو فعلا عشان ناس حلوه جت و شافته
و بعدين انتى بتقولى بتعملى شاى وقهوه وحشين
كل ده عشان مجيش عندك البيت و تعمليلى قهوه
ماااااشى يا جوجو
براحتك يا بخيله
بس مش حتنازل عن الكشرى
هههههههههههههههههه
نورتينى يا قمر
طبعا ليس هناك مبرر للخيانه
مش بس خيانة الحبيبه ولكن لاى خيانه
خصوصا اننا فى زمن ضاعت فيه الامانه
والاخلاص والمبادئ والقيم والشرف
وطول مابقيت الانثى بقيت الخيانه
ولا انت ايه رايك؟
حلوة ..حلوة قوى بجد :)
على فكرة انا زميلة مهنة , بس بشتغل مندوبة بعيد عنك :((((
هستناكى تشرفينى فى مدونتى
http://reeeshkalam.blogspot.com/
جمييله اوى
بس حابه اسالك سؤال على تعليق قراته
" المراه لابد ان تكون قويه
ولكنها قوه بغير صلف او خشونه
قوه تفرضها هيا بمواقفها فى الحياه
قوه تفرضها على نفسها لتحافظ بها على كرامتها"
طيب تعمل ايه اللى قوه ضعفها اقوى من القوه اللى هى عايزه تمتلكها فعلا..
وتعمل ايه لما بتحاول تظهر بقوه
وتجى ببنها وبين نفسها وتبقى عارفه ان القوه اللى بتظهر بيها دي مش حقيقتها وانها قوه مفتعله ..
بطلتك عايشه هى كمان فى قوه مفتعله واجهه الامر بقوه فى الظاهر بس هى من جوه ضعيفه اوى ضعيفه لدرجه انها اتجوزت ومش قادره تنسى اللى جرحها لدرجه انها لسه بتعيط عليه وتضايق من تصرفاته ..
إرسال تعليق