الجمعة، سبتمبر 24، 2010

متنازله عن العزومه يا تيمااااااا




كل  سنه و انتوا طيبين يا شعب البلوجريه الكرام

خلصنا رمضان و بعده العيد و كل سنه و احنا طيبين و ايامنا كلها اعياد

و طبعا كلنا طووووول رمضان كنا مفتقدين الاكلات اللى بتعطش

زى الطعميه و الكشرى و الحاجات الحرشه دى

و الواحد بيبقى كل همه بعد العيد انه يعوض الحرمان و النقص فى الاكلات دى

السنه دى سافرت فى العيد لاكتوبر و قضيت العيد هناك

و فى اول يوم وصلنا الولاد كان نفسهم اوووووى فى الكشرى

و طبعا الكشرى فى كايرو فيه اكتر اتنين مشهورين

مش عارفه مين اند مين و التانى اللى بيفكرنى بسيناء الحبيبه

ههههههههههههههههههههههههههههههه

طبعا احنا اخترنا اللى بيفكرنا بسيناء و 25 ابريل لانه الاحلى و الاجمل و الاشهر


اخترنا فرع اكتوبر لانه جنبنا و رحنا هناك و كان بصراحه زحمه جدااااااااا


فييييييييييييين و فيييييييييييييين اما جه الويتر و طلبنا اللى احنا عايزينه


حظى فى القعده جه قدام المكان اللى بيغسلوا فيه المعالق و الاطباق


بضرب بعينى لقيت الشاب الوسيم اللى بينضف المعالق


ماسك قماشه و بيمسح بيها المعالق الاستيل و البلاستيك


مرضيتش اظلمه و قلت اكيد بيمسحها الاول قبل ما يغسلها


علشان الصابون يفضل فتره اكبر و ميحتاجش يضيف صابون كل شويه


من باب التوفير و الاقتصاد يعنى


شويه و لقيته لم المعالق اللى مسحها و حطها فى علبه بلاستيك


و اما جه الويتر بالطلبات خد من المعالق الممسوحه و حطها مع الطلبات


يااااااااااامصيبتى السوداااااااااااااااااااااااااااااا


يعنى المعالق مش بتتغسل و بتتحط للناس كده؟؟؟؟؟؟؟؟؟؟؟؟؟؟؟؟


طبعا انا حواجبى اتقلبت و بقت 88 و شويه بقوا 77 و اخدت وضع الاستعداد للانفجار


جه الباشا و جايب معاه الطلبات و معاه المعاق المعدن الممسوحه


بصيتله كده و مسكت معلقه منهم و شميتها و بكل قرف قلتله المعالق دى مش نضيفه


انا عايزه معالق غيرها طبعا الواد مفتحش بقه بكلمه خصوصا انه لاحظ ان مكانى كاشفه قوى


و انى خدت بالى من المصيبه اللى بيعملها


راااااااااح و رجع و جابلى معالق بلاستيك و بما انها مش مغسوله فكانت مزيته و مقرفه عالاخر


قلتله انا عايزه معالق بلاستيك و طلعهالى من كيس مقفول طبعا زى الشوز راح و جاب باكيت معالق جديد


و فتحه قدامى و اخدت منه المعالق و برضه رحت غسلتها و رجعت


مش عايزه اقولكم حاله القرف اللى كنت فيها بعد اللى حصل


اصل بالمنظر ده الاكل نفسه و خصوصا انه كشرى ممكن القديم يتحط


فى الطبق من تحت و الجديد من فوق و اللى يعمل كده فى المعالق


قادر و يعملها فى الاكل نفسه لدرجه انى مقدرتش اكل غير معلقتين تلاته بالعدد


المصيبه بقى لو حد عنده التهاب كبدى و لا اى مصيبه من مصايب الزمن ده


يبقى ازى الحااااااااااال


فعلا لافيه ضمير و لا امانه و لا اى حاااااااااااااجه كويسه


انا كنت حموت و اقول للناس اللى قاعده لولا جوزى قاللى اتلمى و اسكتى


مش عايزين مشاكل بدل ما يضربوناااااا


من هذا المنطلق انا كان ليا عزومه عن فاتيما فى نفس المكان


و بصراحه بعد اللى حصل ده انا يا تيما متنازله عنها يا حبيبتى


من كل معاميق قلبى و مسا محه و الله


بس ده ميمنعش ان العزومه لم تسقط و ممكن نمشيها من عند مش عارفه مين اند مين



و ربنا يجملها بالستر


هناك 49 تعليقًا:

Ashraf يقول...

اه حصل

والله حصل

وانا شاهد

وكان نفسى اصور

بس حسبنا الله ونعم الوكيل

ويظل الاكل خارج البيت ليه طعم احلى

وشكرا

كيــــــــــــارا يقول...

ياعييييييييييينىى انا كان زماني

ولا بلاش :((

AHMED SAMIR يقول...

هذا البوست سيتسبب في اني مااكلش في اي محل كشري بعد كدة
يا سااااااااتر
بس بجد جزاكي الله خير انك نبهتينا لحاجة زي كدة
بس اذا كان دة بيحصل في محل شهير زي دة اومال المحلات النص كم بيحصل فيها ايه؟؟
لكي الله يا معدة المصريين

Ramy يقول...

دى الحقيقة المرة

اللى لسه مقلتهاش ميلودى (:

على العموم بالهنا و الشفا

عارفة انا و صحابى غالبا مش دايما بنظلب الكشرى فى العلب و باكله فى العلبة و احنا قدين فى المحل بالمعالق البلاستك

يا دكتورة

كل سنة و انت طيبة (:

لـــولا وزهـــراء يقول...

علاااااااااااااا

اه يا بطنى ....
حرام عليكى انا لسه متغديه من ساعه بطنى وجعتنى ..

اولا بادئ ذى بدء " شوفتى اللغه العربيه " انا مش باطيق ريحة الكشرى بره وفى البيت باعمله مره فى السنه

ثانيا هاوقل على سر فظيييييع لما باكون عارفه انى هاكل بره بيكون معاي شوكه وسكينه وملعقه صغيره من البيت فى كيس صغير ولما اخلص اكل احطهم فيه من تانى ولما ارجع البيت اغسلهم وارجعهم تانى وهكذا
ثالثا انا قليلة الاكل بره غير ستندويتشات فقط

رابعا الحمد لله وفرتى يبقى كده الواحد مش يعزمك على الاكل بره قشطه عليكى ههههههههههههههههههههههه

زهراء

عمرو يسرى يقول...

دائما فى مقوله شهيره تقال لو دخلت مطبخ اى مطعم مش هتاكل فيه

momken يقول...

منكوا لله بتاع تحرير سينا ده مكانى المفضل واكل منه جى شوال مكرونه
ويجى فدان روز
ويجى عشر لقفاص طماطم
دى غير الشطه والثوم

دى خيره عليا يا جماعه

يعنى حتى الاكل الى بموت فيها منعتوها عننا

طيب على العموم انا هفكر اكل زى اخوانا فى السعوديه ما بياكلوا الكبسه
وملعون ابو البرستيج والبرتكول والاتيكيت


بوست الحقيقه وجع بطنى

تحياتى

Ashraf يقول...

نسيت اقول لكم
ان بعض الجرائد قالت
ان الملاعق البلاستيك والاطباق البلاستيك بتاعة المطعم بعضها يسبب السرطان-اعوذ بالله-

mrmr يقول...

المحل ده حاله ذى حال محلات كتير
علشان كده الواحد بيتردد كتير لما بياكل بره البيت
يا حبى ما فيش اجمل ولا احلى من ان الواحده تعمل اكلها بنفسها مهما كان ضامنه نظافته
على العموم تعيشى وتاخدى غيرها

وكل سنه وانتى طيبه
وحمدلله بسلامتك

adel يقول...

ههههههههههههههه
ادي اخرة الكشري
مالها عربيات الفول :)

richardCatheart يقول...

احيييييييييييييييييييييييييه

يا خررررررررررررررابى

انا بوست ايدى شعر ودقن انى مابكلش كشرى الحمد لله وبطلت من زممممممممممممان اشرب عصير قصب فى الشارع علشان مره شكيت ان الشفاتت بيستعملوها تانى

الله يعينك قلبى معاكى ومع بطنك اللى وجعتك

بس لازمن ولا بد تعورى فاطيمه اضربى بيتزا اهى عجين فى خضار مش هاتقلقى
بس لازم تعوريها فى عزومه هههههههههه

نهر الحب يقول...

ازيك ياقمر
وحشتينى جدا واتصلت بيك مليون مرة ومردتيش طبعا مش من رقمى :)
بصى بوست دا خلانى مش هاكل كشرى تانى
لانك بجد وجعتى بطنى
الله يسمحك يا دكتورة

انترنتاوي يقول...

بالهنا و الشفا

Alaa Salim - علاء سالم يقول...

السلام عليكم

فعلاً على فكرة المطاعم وخصوصاً الكبيرة واللي عليها زحمة مش بيهتموا بالنظافه ولا الجوده

أهم حاجه عندهم يلاحقوا الناس وخلاص حتى لو اضطرهم دا للإضرار بالناس

وطبعاً إذا إنعدم الضمير فكل شيئ جائز ومباح

وبجد اللي بيخاف أو بيقرف أنصحه مش ياكل برة البيت أبداً ولا في أي مكان مهما كانت شهرته

Noha Saleh يقول...

بعنى ايه
انا كده مش هعرف اكله بره تانى وانا بحبه
بس والله ربنا يجازيكى خير عننا
وحسبى الله ونعم الوكيل فى منعدمين الضمير
ده حتى علبة الفيرى بتغسل 6000 طبق مش هاين عليهم يغسلوا المعالق

يــوم جــديد يقول...

وانتي فاكرة عند توم آند بصل يعني الحال هيبقى 100 فل و10
ايه الخيال دا يا أمي
احنا مطاعمنا ولله الحمد لا تخضع لأي إشراف من أي جهة ، وعشان تاكلي أكل واثقة منه لازم حاجة من اتنين

يا تعمليه بنفسك وتدخلي المطعم بكل ثقة وتديه للمطعم وتقولي له يقدمهولك عشان تحسي إنك أكلتي برا

يا إما تروحي من الصبح تشرفي على اللي بيعملوه ، تقولي للي بيطبخ يلبس جوانتي وهو بيطبخ بس وما يتحركش بيه عادي ويمسك بيه الفلوس وغير الفلوس وبعدين يكمل طبخ وتقولي للي بيغسل الصحون والمعالق ما يكسلش ويمسحها وتديله كلمتين في جنابه وتحمليه مسئولية صحة الناس يمكن يحس على دمه وفي آخر اليوم اللذيذ اللطيف دا هيبقى قدامك حل من اتنين :)

يا تقولي حسبي الله ونعم الوكيل وتدعي على كل مسئول فيك يا بلد مش بيقوم بمهام مسئوليته

يا تروحي تقدمي شكوى لإدارة المطعم من مستوى النظافة فيعملولك فيلم إنهم بيراعوا النظافة جدا وتجيلهم نوبة نظافة مفاجئة تستمر "فقط" لغاية انت ما تمشي بالسلامة :)

وحشاني والله يا لولو
اوعي تاكلي برا تاني أحسن توحشيني أكتر :)

قلم رصاص يقول...

انا طول عمري مش بحبه حتى لو هاكله بمعلقه دهب

مش بحبه ياناس اكله بالعافيه يعني
ههههههههههههههههه

الحمدلله على المكان الاستراتيجي اللي كنتي قاعده فيه يادكتور.. كان فات الفاس جت في الراس

ربك ستر

فتاه من الصعيد يقول...

يع

عارفه انا طول عمري بقرف من أكل في المطاعم وخلافه بسبب القرف وعدم الضمير ده

لأن مفيش رقابه هنا للأسف

تحياتي

لـــولا وزهـــراء يقول...

عــــــــــلا

عارفه لو اصحاب المحل وصلهم البوست ده ورفعوا عليكى قضيه والله انا مش اعرفك ابقى خلى مرتضى منصور يدافع عنك اوعى تنسى
كل لما اجى المدونه بطنى توجعنى من فضلك حطى بوست جديد حررررررررراااااااااااام

زهراء

طوبه فضه وطوبه دهب يقول...

احنا عنينا كدا فى الكشرى بالف هنا وشفا والمره الجايه اعملوا حسابنا معاكم

ياسر محمد يقول...
أزال المؤلف هذا التعليق.
ياسر محمد يقول...

انا شوفت مطعم كباب كبير ومشهور بعد ما بيلم الاكل بيرجع السلطه تانى فى سرفيس السلطه الكبير

ويرجع يقدمها لزبون جديد بعد الزبون الاولانى ما اكل منها

واكتشفت انهم بياخدوا العيش المكسر ويقطعهوة بالسكينه علشان يبقى سندوتشات
مع ان ناس كلت منه

والسلطه فيها ميه والشوكه دخلت فى فم زبون والسلطه تلوست من فمه


دمك خفيف وانتى فى مشكله

انا الى حذفت التعليق الى فوقى علشان ده تانى تعليق فى حياتى

شيرين سامي يقول...

دي أول مره أدخل مدونتك و بصراحه البوست دمه خفيف جدا أنا كمان صيدلانيه و وقتي ضيق علي الآخر بس قررت مؤخرا بس اني لازم أرجع اكتب زي زمان عاشان أحس اني عايشه و أسيب بصمتي يا ريت تزوريني:)

صيدلانيه طالعه نازله يقول...

Ashraf

هو فعلا ليه طعم مخلف و طبعا احلى
بس اللى حصل يخحلينا نفكر مرتين تلاته قبل الاقدام على هذه الخطوه

صيدلانيه طالعه نازله يقول...

كيــــــــــــارا

عارفه يا اوختى عارفه
ومش حقول لحد
هسسسسس

منورانى

صيدلانيه طالعه نازله يقول...

AHMED SAMIR

و الله ساعات المحلات النص كم دى بتبقى انضف من المحلات المشهوره
لانهم ميملكوش غير سمعتهم و بس


منورنى

صيدلانيه طالعه نازله يقول...

Ramy

ماهو يا رامى المعالق البلاستيك برضه كان بيمسحها
و شوفت بعينى محدش قاللى
الناس دى محدش يقدر يغلبها


منورنى

صيدلانيه طالعه نازله يقول...

لـــولا وزهـــراء

اسفين يا هانم على بطنك اللى وجعناها
ده بدل ما تشكرينا اننا بننبهك

و متخافيش يا ستى على العزومه انا متفقه معاكى انها حتكون فى بيتكم و سمك كمان
عاجبك و لا مش عاجبك

صيدلانيه طالعه نازله يقول...

عمرو يسرى


فعلا يا عمرو
انا كنت بشتغل فى صيدليه زمان و كان المطعم اللى جنبها المطبخ بتاعه باعدى عليه و انا رايحه شغلى
و عمرى ما فكرت اشترى حاجه منه ابدا
طبعا معروف ليه

تحياتى

صيدلانيه طالعه نازله يقول...

momken

بعد كل اللى قلته و حكيته و جاى تقوللى منكوا لله
مااااشى مااااشى
ده بدل ما تبعتلنا برقيه شكر
هو كده خير تعمل شر تلقى
خلاص بقى يا ممكن مشيها سوشى و رزقك على الله
حتعمل ايه يعنى حتموت من الجوع


منورنى

صيدلانيه طالعه نازله يقول...

Ashraf

شكرا يا دوك عالمعلومات القيمه دى

صيدلانيه طالعه نازله يقول...

mrmr

و الله يا مرمر الواحد ساعات بيزهق و بيحب يكسر الملل
و بعدين انا كنت فى اجازه
كمان عايزانى اعمل اكل

كل سنه و انت طيبه

صيدلانيه طالعه نازله يقول...

adel

الدور الجاى ان شاء الله يا عادل

منورنى

صيدلانيه طالعه نازله يقول...

richardCatheart

الشفاتات فعلا الواحد بيخاف منها
و على العموم ربنا يستر علينا
و بالنسبه لفاتيما فمتقلقيش يا قمر حتتعور حتتعور

منورانى

صيدلانيه طالعه نازله يقول...

نهر الحب

معلش يا قمر مش برد على النمر الغريبه
و معلش بقى اما بطنك تتوجع من غير سبب احسن ما يكون بسبب

منورانى

صيدلانيه طالعه نازله يقول...

انترنتاوي

الله يهنيك

منورنى

صيدلانيه طالعه نازله يقول...

Alaa Salim - علاء سالم

الناس دى اهم حاجه عندهم انك تدفع الحساب و خلاص
مش مهم جوده و لا نضافه
مصلحتنا اخر ما يشغلهم

منورنى

صيدلانيه طالعه نازله يقول...

Noha Saleh

هما مستخسرين فينا حتى الفيرى يا قمر

ابقى خدى المعالق معاكى و انتى رايحه
و ربنا يستر

منورانى

صيدلانيه طالعه نازله يقول...

يــوم جــديد

لااااااااا
انا اشرف عليهم و هما بيعملوا الاكل ماشى
لكن اعمل اكل و اخليهم يقدمهولى نوووووو
انا اصلا عايزه ارتاح اقوم اعمله؟؟؟ظ


انتى كمان يا قمر واحشانى جدا

صيدلانيه طالعه نازله يقول...

قلم رصاص

عيييين العقل انك مش بتحبه
و عقبالى انا كمان اما اكرهه

تحياتى

صيدلانيه طالعه نازله يقول...

فتاه من الصعيد
للاسف فعلا مفيش رقابه و لا ضمير

تحياتى

صيدلانيه طالعه نازله يقول...

لـــولا وزهـــراء

مرتضى ده روحى روحى روحى
بس اطلعى منها انتى

منورانى

صيدلانيه طالعه نازله يقول...

طوبه فضه وطوبه دهب

بعد كل اللى حكيته ده و لسه عينك فيه
تعالى خديه كله و عليه بوسه

منورانى

صيدلانيه طالعه نازله يقول...

ياسر محمد

للاسف الكوارث كلها بتبقى فى المطاعم المشهوره ذات الاسماء البراقه
و اللى استحاله الناس تشك فى نضافتها و جوده ما تقدمه

بس غريب اوى انك فتحت المدونه و سايبها فاضيه مفيهاش ولا بوست
ايه مستنينا احنا اللى نيجى نكتب فيها و لا ايه

ههههههههههههههه

نورتنى فى اول زياره و ياريت تتكرر

صيدلانيه طالعه نازله يقول...

شيرين سامي

ربنا يخليكى يا قمر
و تعيشى و تسيبى بصمتك يا زميله
و منورانى فى اول زياره

gogo!sf يقول...

ههههههههههههههه
الحمد لله يارب العالمين انا شخصيا مش باكل الكشرى بالذات من بره ولا غيرة وحياتك
ولو حبيت اكل اى مشويات وتكون صحيحه ادام عينى ومش باكل اى حاجه معكوك فيها نوهائى نوهائى
ههههههههههههههه
برغم انى ارفت وكنت هعمل حاجه تقرف من كتر ما بطنى وجعتنى بس انتى عندك حق

وحياتك يا قمر لهعزمك على كشرى احلى واطعم من بتاع برة والله مش ببالغ ابداً
والايام بيننا وبكرة تشوفى يا جميل

سلامى ليكى وللاولاد يا قمر

البوست نزل انهارده يا لولا

صيدلانيه طالعه نازله يقول...

gogo!sf

اولا انا فرحانه جدا انك عندى النهارده
بالنسبه للكشرى بقى فده عشقى الاول و بعده تاتى الطعميه المحشيه اللى بتبقى حراقه دى
بس بما انك اعلنتى التحدى فانا اوعدك انى فى اول زياره لكايرو نتفق و نتقابل و نشوف ايه بقى موضوع الكشرى ده
ههههههههههههههههههههههههه

نورتينى حبيبتى
و بوسيلى الولاد اووووى

منورااااااانى

ألوان يقول...

يا الله
ربنا ينتقم منهم
ايه القرف الي بيعملوا ده
بس ده الطبيعي في مطاعم مصر كلها
الحمد لله عمري ما أكل الكشري بره البيت
أصحابي بيتحيلوا عليه عمري معملتها عمله حسابي للمواقف دي
عموما نصيحه
لو رايحه اي مطعم مهما كان بيلمع من النظافه
خلي دايما معلقه وشوكه وسكينه بلاستيك في شنطتك أضمن
وكل أكلت كشري وانت بخير

gogo!sf يقول...

طبعاً يا دكتور انا عندى اعز منك اتعب عشانه واعمله كشرى ومخصوص كمان

طب وحياتك انا انهارده عملتو وطلع ايه جنان بالهنا والشفا يا قمر

ايه رأيك بقى مش طعمه حلو بالذمه هههههههههههه ده انا اللى اكلتو والله

ان شاء الله انا مش برجع فى كلامى ابدا
بس عيب اوى تكون اول زيارة ليكى فى القاهرة واول عزومه على كشرى
بس مش مهم المهم انى اوفى بوعدى وبعد كده نوجب بأى حاجه تانيه

وانا كمان بعشق الطعميه ام شطه
وعلى فكرة بردو بعملها بنفسى
اصلى بصراحه بخاف اكل حاجه من برة لتكون محشيه حاجه تانيه يع بجد

بس سيبك انتى شكلك كده بتحبى الاكلات الحرشه زى حالاتى

تعرفى انا بحب اوى اكل من عند اخر ساعه سندوتشات فول وطعميه وجوزى مسمينى فقريه ههههههههه
يبقى هو والاولاد بياكلو لحوم وحاجات جامده وانا باكل فول وطعميه والله يا بنتى

نوع من انواع التوفير بردو
بس بعوض فى حاجه تانيه وبخربها اكتر

اهو باكل اللى على نفسى يا اختى
بنزل وسط البلد اجرى على اخر ساعه تقوليش بينى وبينه غرام

بس عليه شويه سندوتشات ايه جنان

ماتقلقيش انزلى انتى بس وانا هظبطك ع الاخر والله

انا اللى مبسوطه انى موجوده هنا ومبسوطه اكتر انك شرفتيى والله يا علا

ربنا يدم المحبه والود بينا يا قمر

سلام بقى

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .