الخميس، مارس 25، 2010

لحظه صدق





استيقظت من نومها على مداعبه اشعه الشمس لعينيها


كانت قد نامت فى الامس دامعه العينين باكيه


اثر نقاش حاد ادى الى مشاجره بينها و بينه


لم يكن الشجار بالشيىء الجديد عليها


و لكنها عندما استيقظت وجدت


اثار دموعها مازالت تبلل وسادتها


كانت تشعر انها مريضه لا تقوى على الحركه


فهى عندما تكون حزينه تشعر كأن هناك


من يكسر فى عظامها و يمسك برقبتها


فيخنقها و يفقدها القدره على التنفس




عندما فتحت عينيها وجدته قد استيقظ قبلها كعادته دائما

و ان كان حريص كل الحرص على غير عادته على ايقاظها

ربما بسبب شعوره بالذنب على ما حدث بالامس

و ربما لادراكه انها لم تنم حتى الصباح من شده التوتر و الغضب



حاولت ان ترسم ابتسامه كاذبه على وجههاو هى تلقى عليه تحيه الصباح

لكنها لم تستطع فهى دوما لم تكن تستطيع ان تظهر عكس ما تشعر


اما هو فقد كان يحاول ان يتكلم معها كأن شيئا لم يكن

محاوله منه ان ينسيها ما حدث بالامس

و كأنه يعتذر بطريقه غير مباشره



سارت فى طريقها للخروج من الغرفه و اثناء مرورها اصطدم

وجهها بالمرآه

نظرت لها بدهشه بالغه و كأنها تتساءل من تلك التى تنظر لى

كأنها تنكر معرفتها لهذا الوجه الحزين المتجهم

تساءلت لماذا؟؟؟؟؟؟؟؟؟؟؟؟

لم اكن يوما حزينه !!!!!!!

فى احلك ظروفى و اقساها كنت دائما متفائله و اضحك

و استهين باحزانى و اعلو عليها و ساعات كثيره اسخر منها




سرحت فى مرآتها و تساءلت

هل الفراق هو الحل؟؟؟؟؟؟

هل التضحيه بايامنا الجميله المشتركه شيىء سهل

كانت تتذكر لحظاتهما الجميله سويا

اول لقاء بينهما

اول لمسه حانيه منه

لحظه احتضانهما لاول طفل لهما

فرحهما سويا بكلمه ماما و بابا منه

لحظااااااااااااااااااات كثيييييييييييييييييييره

من الصعب نسيانها

لحظاااااااااااااااااااااااات كفيله ان تجعلها تتمسك بحياتها

و لا تهدمها فى لحظه غضب


مضى من الوقت دقااااااااااااااااااااائق سرحت فيها مع ذكرياتها

افاقت من غفوتها على صوت طفلتها تناديها

ماما

لحظتها فقط ابتسمت ابتسامتها الساحره و اشرق وجهها بالسعاده

و احست ان هذه حياتها و لا يمكن ان تعيش غيرها

ففى نفس الوقت كان زوجها قد اقترب منها و احتضنها

قائلا

سامحينى

هناك 57 تعليقًا:

الزهرة البرية يقول...

حلوة اووووى يا دكتورة إحساسها حلو ومشاعره بجد صادقة تسلم اديكى ويسلم إحساسك.

فحقا من الصعب أن ننهى أياما قضيناها فى سعادة ولحظات لايمكن أن تنسى فى لحظة هكذا فذاك هو القلب النقى الصافى قلب أعد خصيصا للحب هو حقا تربة خصبة لنبتته

دمتى بكل الخير والسعادة

صيدلانيه طالعه نازله يقول...

الزهرة البرية

لو كل انسان خد قرار فى لحظه غضب يبقى كل البيوت حتتخرب
لابد دائما من التروى و التمهل
العشره بجد مش بالساهل

نورتينى و صباح الفل

الجواز و سنينه يقول...

جميله اوى يا علا
احسن حاجه فيها انه قالها انا اسف
بس المهم انه فعلا يكون اسف

star in the sky يقول...

احلى حاجة فى ده كله اخر المشهد

بس الموقف وصفتيه باسلوب جميل اوووى

عن تجارب مش تجربة واحدة اسوا حاجة ممكن يعملها الواحد انه ياخد قرار فى وقت يكون فيه متضايق او مش فى المود الطبيعى بتاعه لان القرار بتاثر بتفكيره السلبى فى الوقت ده

ومن الرغى ده كله
نطلع باييييييييييييييه
انه الحمد لله كل حاجة ماشية تمام هو اعتذر وهى قررت تكمل

لولا وزهراء يقول...

دكتوره علا

احلى صيدلانيه فى الدنيا
مش عايزه اقولك انا اتأثرت اد ايه من القصه ومن الموقف رغم انه ممكن يتكرر عادى لكنى احسيت فيه باحاسيس عميقه اوى
فيها غضب وقلق وحزن كلها مشاعر انسانيه لكنها انتهيت فى النهايه بلحظه من الحنان
بتجسد اد ايه انه قلبه طيب جدا وبيحبها وهى لازم تتمسك به لان كل انسان فيه لحظات بتمر عليه من غضب وثوره وضيق
ان ما كانتش هى تستحمله فى اللحظات دى مين هيستحمله ؟؟؟
اكيد هى حد طيب زى قلبه بالضبط علشان كده هى سامحته بسرعه ونسيت كل اساءه اتوجهت لها فى ثانيه
لانها حسيت بحبه ووصل لها احساسه فى ثانيه ومسح كل الساعات اللى فاتت من حياتها باستكيه

لـــولا

لولا وزهراء يقول...

علا

مش عارفه اعلق بجد
يمكن لان اول مره اقرا لكى قصه او نقدر مشهد من فيلم
اسلوبك اكتر من رائع بجد
تسلم الايادى
انتى عارفه فى جمله بتقول تحدث وانت فى قمة غضبك وسوف تندم بقية عمرك على هذا الحديث ....

اصعب حاجه ان الانسان يتكلم او ياخد قرار فى لحظة عصبيه او تهرو لانه ممكن يندم ندم عمره
المثل الشعبى بيقول حبيبك يبلع لك الزلط
يعنى اللى بيحب بيسامح ويغفر بس لازم يكون كلا الطرفين لديهم استعداد للحب والتفاهم والغفران والتحاور

لاول مره اشعر انى باقول كلام ملخبط
تسلم الايادى


زهراء

أم .. بوبه يقول...

اما هو فقد كان يحاول ان يتكلم معها كأن شيئا لم يكن

محاوله منه ان ينسيها ما حدث بالامس

و كأنه يعتذر بطريقه غير مباشره

________

اهى دى أكتر حااااااجة بتغيظنى من الرجالة

بيتهيألهم إن ده أحسن أسلوب للتغطية على المشاكل


بس أكيد الناس دول بقالهم خمس سنين متجوزين

ههههههههههههههه

صح

هو انا ناقصة تقلبى عليا المواجع .. مانتى لسه شايفة البوست بتاعى

وكمان جوزى لسه مجاش من بره

يعنى شكل المسلسل إللى حكتيه ده ممكن أبقى البطلة بتاعته بكرة الصبح

قولتلك بينى وبينك حاجات كتير مشتركة مصدقتنيش

أوعى يكون جوزك دكتور

ميرا ( وومن ) يقول...

يااااه يا علا

تفتكري ممكن كلمة اسف تمسح حزن ذاد وكتفنا وبان علينا

فعلا مش سعل نهد بيت ولا عشرة ولا أولاد

طب الأولاد فعلا بيهونوا بيحلوا المر بيخلونا نكمل ؟؟؟

مش عارفة ساعات كتير بقول لنفسي ان ظلم اني أكمل علشان الأولاد

بس يمكن اللي ربنا انعم عليه بالنعمة دي عارف قيمتها

ربنا يسعد الناس كلها يارب

sony2000 يقول...

الله عللاحساس العالي
ياريت كل اتنين يعملوا كدا
مكنشي بيوت كتيره اتهدت
ياريت
تقبلي مروري وتحياتي

Lady E يقول...

بعشق النهايات الرومانسية

بجد بجد تسلم ايدك

حَـبآيـۃْ.بـטּـدۉڷ يقول...

بجد جميييييله خاااااالص يادكتووره

وأحلى حاجه انه إعتذرلها .. انا اعرف ان الرجاله بصفه عامه صعب انهم يدوسو على نفسهم ويعتذرو .. بس دي حاجه حلووه .. كفايه انه نطقها بس ..

وربنـآ مايجيب خنـاق تـاني ..

تسلمي .. ^_^

richardCatheart يقول...

الللللللله جميل ورقيق ومعبر يا لالا

والراجل عدا العيب وقزح بمترين صراحه

والمسامح كريم ياستى بحب الهابى ايند اوى
ههههههههه


تسلمى على الرقه والبساطه والجمال

فاتيما يقول...

صباح الخير يا لولاّ

مش هينفع استنى لحد ما اروح الشغل و اعلق من هناك ...


البوست قمة ف الروعة

و الرقة

و الحب


ايوه
لو دا مش حب
يبقى إيه ؟!!!

لو الإنسانة دى مكنتش متسامحة و طيبة و بتنجرح و تتحمل و لسه قادرة من كلمة ترجع لورا و تتراجع عن القسوة و ان قلبها ينشف

تبقى ايه غير كتلة حنان تمشى على الأرض

يؤسفنى اقولك يا عزيزتى
ان هذا النوع من النساء
لا يتوقف عن الألم

دى مخلوقات شبه نورانية كدا
كل ما تتعذب
كل ما تشف
و تبقى أرق
و أحن
و اللى حواليهم يتعجبوا منهم
ازاى انتوا عاملين كدا ؟
ازاى بتاخدوا على دماغكم
و تضحكوا ضحكة صافية
مفيهاش خدوش
ازاى تاخدوا اطفالكم فى حضنكم
و الحنان يدلدق عليهم
من غير قسوة و لا تأنيب
ازاى ؟؟

دى نعمة ربنا
و نقمة الدنيا

نعمة ان القلب لسه نابض و حنون رغم انه انداس عليه الف مرة و لسه بينداس و محدش حاسس بيه و لا حتى حاسس و مش عارف يعمله حاجة

و نقمة ان مفيش حاجة ف الدنيا تساعه
و لا تقدر تحتويه

نعملك ايه فى بطلة القصة و امثالها
حنانهم نعمتهم و نقمتهم

ربنا يطيب جراحها
و يهدى كل من حوالها
عشان يعوضوها و لو عن ربع الالم اللى شافته فى حياتها

بحبك يا لولتىّ
قوى
قوى
قوى

صيدلانيه طالعه نازله يقول...

الجواز و سنينه

فعلا يكون اسف دى تندرج تحت بند افلام الخيال العلمى

المهم عندها كلمه الاعتذار حتى لو مش مقتنع بيها ساعات بتريح كتير

صيدلانيه طالعه نازله يقول...

star in the sky

اى موقف بيتاخد فى عصبيه و نرفزه دايما بيكون غلط و بيفتقر للتفكير السليم

و كويس انها عجببتك

منورانى

صيدلانيه طالعه نازله يقول...

لولا وزهراء

هما بينهم عشره و حب و حاجات حلوه برضه

زى ما قالت اليسا

و طالما هو حن و رجع يصالح يبقى هيا كمان لازم تبتسم و تسامح

منورانى يا لولا

صيدلانيه طالعه نازله يقول...

لولا وزهراء

انا مبسوطه انها عجبتك يا سياده الناقده

بس كنت متوقعه نقد لكل كلمه فى البوست

اشمعنى انا يعنى

لولا وزهراء يقول...

علااااااااا

انتى عاوزه نقد لكل كلمه فى البوست دى حاجه سهله خالص مالص
بس ياترى تستحملى النقد او مش هتردى وتقولى الكلام كده كتير عليا ومش عارفه ارد :-P

زهراء

سومه...مجنونه فى بلد عاقل يقول...

جميله بس ياما بيجرى يا دكتوره فى البيوت مش عشان خلاف ممكن تبعد وتهدم حياتها وكفايه انه حس بالذنب فى رجاله سورى تلمه مهما تعمل مبتحسش بالذنب:( ربنا يعفينا منهم

emymony يقول...

جميل اوى واحساسها عالى
وفرصه جديده للمتزوجين يراجعوا نفسهم
ان الغضب بيهدم وان الحياة جميله
بس لو اتصافينا مع نفسنا
وعقلنا بقا اكبر من كده
انها فكرت فى طفلتها
وراحتها وسعادتها ومش مشكله صغيرة تهدم
حياتها
مع خالص حبى وحبى

ستيتة حسب الله الحمش يقول...

ياترى كانوا مختلفين على ايه

اصل كده كده الستات بتعيط وكأن شلال وانفجر
ومش شرط يكون علشان شيء كبير ومهم

لو كان الخلاف على شيء في وجهات نظر وتطبيقات حياتية مهمة
يبقى اسف متنفعش لوحدها
ها تبقى مجرد مسكن وها ينفجر الشلال في يوم ما قريب او بعيد
ممكن تنفع بشكل مؤقت لحد ما يهدأوا ويحبوا يقعدوا يتفاهموا بالراحة

ولو الخلاف نتيجة لضغوط الحياة والعصبية او انفلات طاقة تحمل احدهما للأخر تبقى أسف كفاية
وكفاية قوي
وكتر خير اللي فيهم منطقي وقالها وحضن وطبطب
ولا حتى الواحدة فينا "لو كانت ست منطقية" ها ترجع تفكر في الليلة النكد من أولها دي تاني

ونلقاكم في الشلال التالي اللي ها يبقى لسبب تاني خالص مالص :)

مساءك عسل يا لولا

Ashraf يقول...

اجمل ما فى الوجود هو المشاعر الانسانيه







واجمل ما فى المشاعر الانسانيه هو حبيبتى

موناليزا يقول...

"سامحينى"
يا لها من كلمة سحرية تزيل البغضاء من النفوس
فما اجمل وقعها على أذن مستمعيها
ليت الكثير يعلمون ذلك

أبو حميد يقول...

حلوة قوى يا دكتورة

إيه المشاعير والأحاسيس الرقيقة دى كلها
يا سلاااااااام .. لأ والستات كلهم ماصدقوا دخلوا يتكلموا على الراجل الشرير المفترى..
ويا سلااااام على تعليق فاتيما اللى بتوصف فيه الستات بمخلوقات شبه نورانية كده.. يا سلااااااااام على الرقة
بس الدكتورة ستيتة هى أكتر واحدة واقعية فى تعليقها

بس بجد يا دكتورة علا تسلم إيديكى بجد

P A S H A يقول...

" سامحيني "

لإني قريت الكلام الجميل ده مرتين

:))

تحياتي

كيكى عوووووو يقول...

فاكرتنيى بقصة حب
ميرفت وعيلاااااااااء
ايه ياعم لحظة الصدق الجامدة دى بس؟؟
بس تفتكرى لو ماما فى نفس المشكلة وانا داخلة عليها وانا شعرى منكوش وبشن وبنطلون الترنك مرفوع وقالتلها اماااااااااااااااااا
تفتكرى لمة بابا يقولها سامحينى
هتسمحوه؟؟!!!
عوووووووووو

صيدلانيه طالعه نازله يقول...

أم .. بوبه

اه تخيلى كلهم نفس النظام فعلا
و بعدين انتى بتتكلمى فى خمس سنين امال اللى 12 سنه يعمل ايه؟؟؟؟؟؟؟؟

جوزى دكتور اه بس صيدلى و بحمد ربنا انه مش جراحه و لا تخدير و لا نسا
الحاجات اللى فيها طوارىء كتير دى

منورانى

صيدلانيه طالعه نازله يقول...

ميرا ( وومن )

هيا ممكن تمسح الحزن لو اتقالت بصدق و حسيناها و حسينا انها طالعه من القلب

بكره ربنا يكرمك و يبقى عندك اطفال و تعرفى ان الامومه اهم عند الست من حاجات تانيه كتير و عشانها ممكن تضحى و ترضى بالتعاسه عشان تلم ولادها و متتسببش فى جرحهم

صيدلانيه طالعه نازله يقول...

sony2000

ياريت فعلا نفكر كتيييييييير قوى قبل ما نهدم بيت

صيدلانيه طالعه نازله يقول...

Lady E

و انا برضه بحبها
و بحبك انتى كمان

مبروك النجاح يا قمر

صيدلانيه طالعه نازله يقول...

حَـبآيـۃْ.بـטּـدۉڷ

ربنا ما يجيب خناق و زعل لاى حد

منورانى و يارب اشوفك هنا كتير

صيدلانيه طالعه نازله يقول...

richardCatheart

مبسوطه انه عجبك
بس ده اقصر تعليق ليكى من اول مره شرفتينى
شكلك مش فاضيه خااااالص

صيدلانيه طالعه نازله يقول...

فاتيما

مش قادره اقول حاجه
بعد الكلام الجميل قوى ده

اللى انا كتبته زاد حلاوه بعد اللى انتى كتبتيه

بحبك

صيدلانيه طالعه نازله يقول...

لولا وزهراء

صوابعك مش زى بعضيها يا حاجه
احنا ناس بتقدر الجمال يوووووه قصدى النقد

و حارد عليكى بكل موضوعيه
مستنيه انا

صيدلانيه طالعه نازله يقول...

سومه...مجنونه فى بلد عاقل

مبتبقاش خلافات عاديه يا سومه
و مش معقول بيت يتهد عشان تفاهات بتبقى حاجات كبيره بس الواحد بيعديها عشان المركب تمشى

و ميرسى على مواساتك الرقيقه يا قمر و منجلكيش فى حاجه وحشه:)

Wanda يقول...

انا صحيح عايزة انام بشكل
و عليه حخرف بشكل :-)))

بس عارفة انكم قعدين تقولوا الهم يخزيك يا شوشو :-)
و بما انى واندا مش شوشو :-)))))
فاربنا مش حيخزينى و برضه حانحاول نغلس :-) و حننجح باذن الله
و مادام الله معنا ميهمناش اى صيدلى لا طالع و لا نازل :-)))))


يعنى اول ما بدات اقرأ قولت هىىىىىىىىىىىىىىىى :-)))))))))))))))))
بوست نكد و حنط و نلعب و نعفرت فى البيت و الصيدلية كمان :-)))

قفلتها فى وشى بنهاية مبتسمة
كده يا شيخ و يا شيخة تنكدوا عليا و على شوشو :-))))))))

بس ولو حيفتح الشباك و يزق الستاير انا مابنصرفش
:-)
حيصالح و يقول كلمة حلوة
برضه مبنصرفش :-)))

الى عايز يصرفنى
ياخذ بعضه هو و المدام و يفسحها و يسبلى البيت فاضى :-)) لما اخلص قلبان حنصرف براحتى :-))))))

الاصحيح فين الاسبوسيد سى الفوار :-) قلبت كل الادراج مخبية فين ؟؟؟؟؟:-((((
ماشى ماشى بتخبى الادوية عنى :-(((

و بعدين
ايه ده
ايه ده
كده بليتى المخدة و بعدين انام انا ازى :-(((
و انا سبت المخدة بتاعتى عند فطوم

اوعى تعمليها تانى و الا افضحك عيب :-)) احنا حانعيط :--)))) على المخدات برضه توتوتو

لا يا ماما العياط على الكنب و قصاد الافلام العاطشيفية و بس
اقولك اديها افلام شاروخان الهندية و ده حا يخلصلك على منافذ الدمع لمدة شهر :-)))))

اى خدمة:-))))
و النبى اقفلوا النور و خذوا الباب فى اديكم
و انتم خارجين علشان انام براحتى
تصبحوا على خير :-)))))

قال عالم بتتشاكل و تتصالح
و مشية بنظرية احلى ما فى الخناق ايه :-))))) اكمل ....

صيدلانيه طالعه نازله يقول...

emymony

ميرسى على الكلام الجميل ده
ده اكتر من حقى بكتير

منورانى

صيدلانيه طالعه نازله يقول...

ستيتة حسب الله الحمش

ان شاء الله ميبقاش فيه شلال تانى
و فعلا الموقف فيه الاحتمالاين و الصلح و قيممته يعتمد على نوع الموقف و سبب الخلاف
تسلميلى يا ست العاقلين انتى

صيدلانيه طالعه نازله يقول...

Ashraf

ممممممممممم
مين حبيبتك دى يا عم
اوعى تحرجنى و تكسفنى و تقول انا

واندا بتقولك بلاش الكلاااااام ده عشان الحسد
هههههههههههه

صيدلانيه طالعه نازله يقول...

موناليزا

ياريت يا مونى
بجد الكلام الحلو بيفرق قوى و بيحسس الواحده بقيمتها و انها محبوبه و مرغوبه

تحياتى

صيدلانيه طالعه نازله يقول...

أبو حميد

ايه ده
هو انا كتبت كلام حلو قوى كده
و بعدين ماله كلام تيما يعنى
فيها ايه اما تقول الستات كائنات نورانيه

ميرسى قوى على الكلام الجميل ده

صيدلانيه طالعه نازله يقول...

P A S H A

مسامحاك ياعم
بس المره التالته حتبقى بفلوووووس

منورنى

صيدلانيه طالعه نازله يقول...

كيكى عوووووو

لا ساعتها حتلعن اليوم اللى شافتكم فيه و حتاخد رجليها فى سنانها و يا فكيك

ربنا يسامحك يا كيكى طيرتيلى حجرين الرومانسيه اللى كانوا فى دماغى

منورانى يا اختى

صيدلانيه طالعه نازله يقول...

Wanda

انتى كمان جايه تدورى على الاسبوسيد فى الادراج
كان فيه الف جنيه فى الدرج مش لاقياهم

طلعيهم بدل ما تطلعيهم قدام الضابط فى القسم

و بعدين مين ده اللى يصالح مراته بفسحه ده
هو اخره ابتسامه صفرا من اللى بتبقى على علب السيريلاك دى
و دمتم

سيبك انتى الافلام الهندى احلى بكتيرررررر لزوم النهنهه و النحنحه

روحى نامى و اتقى شرى يا ست انتى

اموووووووووووه

سمع هوص (Abo 3li) يقول...

العشرة متهونش غير علي ولاد الحرام... وهيا شكلها كده بنت حلال...

علشان كده ديما الواحد يحاول ميخودش اي قرار وهوا في لحظة الغضب...

تحياتي يادكتور

احاسيس آيوشه يقول...

حلوة اوى يادكتورة

الست بتضحى كتير علشان اولادها وتفضل تعيش معاهم على انها تعرضهم لتجربة الفراق
بس فى القصة دى مش مسالة اولاد وبس هى هنا بتحب فعلا وباقية على الايام الجميلة والذكريات
كل البيوت بيبقى فيها مشاكل بس بالعشرة والحب بيقدروا يتغلبوا على كل ده

بلياتشو يقول...

التوبيك جميل جدا جدا وفى احساس عالى اوى

واللحظات السعيدة مش من السهل انتهائها فى لحظة لان ديما هدم الشى اصعب من بناؤة

عشان كدا يقول الحكماء لاتاخذ قرارك وانت منفعل


شكرا دكتور على الموضوع الجميل

Ashraf يقول...

على الرغم من انه ليست بالضروره ان الحبيبه هى الزوجه


ان الله عليم بذات الصدور

richardCatheart يقول...

ههههههههههههههههههههههههههه

اه والله فعلا اقصر تعليق من ساعه ماجيت عندك

بس غصب عنى والله كان عندى امتحانات الشهر وانت عارفه العيال مابتريحش
ربنا يهديهملى ويهدهملك يارب يالالا

شكرا لهتمامك ياجميل كتر خيرك
تقبلى مرورى

عاشقه الرومانسيه يقول...

ماالراجل اعتذر وضميره انبه وبقى فله شمعه منوره اهو
ههههههههههههههه
وبصراحه كلام فاتيما كفى ووفى
مش لاقيه بعد كلامها كلام يتقال بصراحه

ربنا يسعد بطلتك لان قلبها النواعم ده ياما هيقاسى لان الدنيا بطبيعتها قاسيه
اتمنى لها السعاده ومش يكون فى دموع بعد النهارده ابدا
وكفايا كلمه ماما بالدنيا
ربنا يبارك لها فى زوجها واولادها يارب

بحبك يا صاحبه ارق قلم فى بلوجر


بحب انا الحاجات اللى تتكتب باحساس عالى دى
تكنن

صيدلانيه طالعه نازله يقول...

سمع هوص (Abo 3li)

كلامك صح و ده اللى عايزه اوصله فى البوست

منورنى

صيدلانيه طالعه نازله يقول...

احاسيس آيوشه

الام دايما بيبقى ليها حسابات مختلفه عن اى حد لانها بتفكر فى ولادها و اللى حيحصل لهم قبل ما بتفكر فى نفسها

منورانى

صيدلانيه طالعه نازله يقول...

بلياتشو

فعلا هدم الشيىء صعب خصوصا لو الشيىء ده حياه و ذكريات و عشره

منورنى

صيدلانيه طالعه نازله يقول...

Ashraf

ماشى ياعم

صيدلانيه طالعه نازله يقول...

richardCatheart
ههههههههههههههههه

ربنا معاكى و معاهم

انا قلت الموضوع معجبكيش

بس كده اتطمنت خلاص

صيدلانيه طالعه نازله يقول...

عاشقه الرومانسيه

اما كلامى يعجب عاااااشقه الرومانسيه يبقى انا عديت ووصلت خلاص


ربنا يخليكى يا دودو احنا منجيش حاجه جنبك

SHAPE YOUR LIFE (ABOALI) يقول...

جميلة النهايات التى تعتمد على الادراك
وحسن فهم الحياه
فمهما حدث من وجود بهارات الحياه من تحديات ومشاكل ومشاحنات
سيبقى ان فى اى مشكلة بذور حلها
ولو اقتربنا منها فى لحظة صفاء و هدوء سنجد ان المشكلة تتبسم لنا وتقول اهلا بالعقل والفهم الواثق الذى احبه


اعجبنى سريان الحياه زعل وشعور بالوحدة الى مراة نتحسر فيها
الى نظرة فى لحظة الى ثمرة كانت من ثمار ذلك الحب

فكان التسامح

شكرا على التجوال فى بحر كان هو الان بحرك

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .