الجمعة، مارس 19، 2010

كل سنه و انا و انتوا و هما طيبين+تحديييييييييث



تحدييييييييييييييييث مهم



بعد فرز اوراق التصويت و فى اطار من الشفافيه اللا متناهيه

نعلن الان نتيجه مسابقه الام المثاليه للمدونين و المدونات

و قد اسفرت نتيجه التصوييييييييييييييت عن فوز فاتيما هانم باللقب

و بصراحه يا تيما انتى تستاهليها بجد

انتى حد جميل فعلا

و تستاهلى مننا كلنا كل حب و تقدير

لانى باشوفك فعلا زى الام اللى بتلم ولادها كلهم

و بيفضل البيت مفتوح بحسها طول ما هيا عايشه

باحبك يا امى








انا النهارده طبعا حتكلم عن عيد الام

الام طبعا كلنا عارفيين فضلها علينا و مش محتاجه كلام

لان اى كلام بجد حيبقى مكرر و مش جديد

انا النهارده حاتكلم عن نفسى و عن الناس اللى قابلتهم فى حياتى

و حسيت ان كل واحده منهم امى بجد بعد امى الحقيقيه

و بصراحه كلهم اتعرفت عليهم هنا و بيننا

يعنى مدونين فى وسطنا

او بالاصح مدونات

استفددت منهم و اتعلمت

اخدت منهم نصيحه جميله

طبطبوا عليا فى وقت كنت محتاجه فيه للطبطبه

عقلونى بكلامهم الجميل اللى كنت باقراه عندهم او بكلام مباشر منهم

طبعا لو حاتكلم عن امهات التدوين بالنسبه لى

اولهم طبعا




ماما فاتيما

معلش بقى حاكبرك شويتين بس والله ده اللى انا حاساه

و اذا كان ربنا خد منك يوسف و حرمك منه

فاعتقد انه اداكى بداله ناس كتير قوى بتمووووووت فيكى و بتحبك

و ده كان فى مصلحتنا احنا قبل ما يكون فى مصلحتك

انا باحبك قوى يا تيما و متخيلش يوم فى دنيتى من غيرك


ماما ستيته

مفيش مره دخلت عندك الا و استفدت حاجه جديده

مفيش مره اتكلمت معاكى الا وسكت خالص عشان استفيد من كلامك

مفيش تعليق قريته ليكى فى اى مدونه الا و اتعلمت منه حاجات و محتاجات


ماما داليا قوس قزح


اتعلمت منك ازاى اقرا اللى بين السطور و انى اتعلم احكم على الناس صح

و انى اسمع نصيحه الناس حتى لو حتضايقنى فى الاول بس اكيد حاستفيد منها فى البعيد

انتى وحشتينى قوى يا دوللى و كل سنه و انتى طيبه




واحده مفروسه

انا بحبك بجد و مش عارفه انا اتعلمت منك ايه بالضبط

بس انا بحبك و باحترم رايك ووجهات نظرك فى كل نواحى الحياه


اصغر ام ليا بقى البت البنوته زهراء



محللتى النفساويه اللى بحبها و باموت فيها

و دى اجدد صديقاتى بس بجد اتعلمت منك كتير قوى و شكلى لسه حاتعلم منك اكتر و اكتر

بس انتى بجد حد عاقل قوى قوى فى دنيا كلها مجانين

ربنا يكرمك بجد و يديكى اللى تتمنيه



انتوا بقى مين الشخصيه اللى قابلتوها

فى حياتكم و حسيتوا فيها انها ام تانيه بعد الام الحقيقيه

عايزاكم تحكوا عنها و ازاى استفدتوا منها

و ايه اللى خلاكم تحسوا معاها بالامومه



كمان عايزاكم تختاروا الام المثاليه للمدونات كلها

كل حد يجى يقول هيا مين و سبب اختياره ليها ايه



اسيبكم انا تحكوا و ترغوا براحتكم خالص

و مستنيه اشوف كلامكم كله

كل سنه و انتوا طيبين

هناك 83 تعليقًا:

لــــ زهــــــراء ــــولا يقول...

علا
-*-*

بجد لو اقول لكى ان دموعى نزلت يمكن تقولى عليا كدابه لكن والله العظيم فعلا دموعى نزلت من كلامك الرقيق الجميل

اول تعليق برضه مع وجود الدموع اعمل دوشه واحتلال

زهراء

لــــ زهــــــراء ــــولا يقول...

بصى يا علا

تعالى نتفق ان الامومه دى مشاعر عند كل بنت بتتولد بها بس فى ناس بتكون زياده شويه عندهم تقولى هبل او عبط الله اعلم ...
يمكن ربنا سبحانه وتعالى اكرمنى بأمى الحقيقيه اجمل ام بجد اعطيت لى حنان وحب وكل حاجه حلوه ربنا يبارك فيها

انتى عارفه لما احب حد بجد باقوله انت انت ابنى او بنتى وبيكون خوفى واحساسى به هو احساس الام بابنها او بنتها فى منهم بيقدر المشاعر دى وفى بقى بيستغلها شويه ويروح لحال سبيله ...

ممكن ارشح ام بجد وتاخد افضل واحسن جايزه

فاتيما

رغم انى مش اعرفها من زمان لكن الكلام اللى بين حروفها اشعر فيه بالحنان والحب اشعر انها ام جميله وطيوبه وحبوبه عندها حنان يكفى العالم كله دى مشاعرى لها من غير نفاق ....

الام التانيه هى
ندى الياسمين رغم برضه معرفتى القليله بها اشعر انها ام لذيذه فيها شقاوه من الحب والطيبه تحسى انها ام مصريه

اخيرا الكلام اللى اتقال عليا كتير بجد على فكره انا مش عاقله بس ياحاول انى استفيد من كل حاجه واى حاجه بتحصل لى او للناس اللى حواليا يمكن العقل جه من هنا

مهما قولت على كلام مش ممكن اقدر اعبر لكى عن مشاعرى لان المشاعر هى احساس ولا تستطيع الكلمات ان تعبر عنها

تقبلى كل امنياتى لكى بالسعاده والهنا والحب والخير فى كل لحظه من لحظات حياتك .....

زهراء

فاتيما يقول...

يا لهوتينى عليكى يا علا

ينفع كدا ؟

مينفعشى

انا متنيلة بنيلة دلوقتى
و مش عارفة اتكلم خالص
و لا اكتب حاجة



انتى عارفة الأيام الجاية دى مخوفانى
و مش عارفة هتعامل معاها ازاى


بس تعرفى برضو
كل سنة تعبها بيقل عن ما قبله
و شجنها بيزيد و بيبقى اهدى و احن


السنة دى هغير المود
و هكتب بوست مختلف
و مش ناوية انكد عليكو
متخافيش



هكتب المرة دى عن ماما
غلبانة اصلها و من نفسها بقى


وابطل كمان
افكر فى نفسى شوية



لكن لحسن حظى
و نعم ربنا عليا
ان غيرى فاكرنى
و بيحبنى
زيك



يوووووه
قولت مش هعيط
و برضو عينى دمعت
الله يخربيت كدا


آه اقولك ايه بس
بحبك يا لولاَ
و انتى اختى الصغيرة
و لا يمنع تكونى زى بنتى
اللى بتطلع عينى
و بخاف عليها من الهوا
اه
ما هو دا جزء من اوبشن الامومة
ان عيال الواحدة
يكركبوا بطنها
و يوجعوا قلبها من القلق
عليهم دايما
حتى لو مفيش حاجة
و هما زى الفل
و انتى فل الفل يا لولتى



انا بحبك يا ست انتى
و لو شادن الغزالون يهبلون جابتلك عشرة عيال يقولولك يا تيتة
و انا بقيت من حفريات الزمن
هتبقى اختى الصغننة
و زى بنتى


كل الامهات
اللى شرفتينى بالتواجد وسطهم حقيقى قبل ما يكونوا امهات رائعات
هما كمان نساء رائعات

كل سنة و هن طيبات


انا هغش من ورقك
و هعمل قايمة مماثلة
بس بالطريقة الفاتيمية بقى


بحبك يا ست

و الله

و كل سنة و انتى طيبة
منتا معانا يا حاج برضو
و لا طلعتى نفسك برا كدا
و هنسكتلك مثلا !!

Mahmoud Ahmed يقول...

كل سنه وا نتي طيبه و كل ام طيبه
بس قوللنا نجيب هدايا ايه ؟
احسن امي هتقتلني لو مجبتش هديه :(

شمس النهار يقول...

كل سنة وانتي طيبة وبخير وسعادة
ومحققه كل احلامك
وفرحانة بأولادك

سلامي

غير معرف يقول...

كل سنه وكل الامهات طيبات

Zouka's يقول...

كل سنه وانت طيبه

كل ام ومربيه وهى طيبه

كل اب ومربى وهو بالف خير
(كمان الاب يحتاج الى العطف من ابناؤه)

كل عيد وانتم جميعا بخير

Kiara يقول...

ايه البوستات الحلو ة دي


طيب احجز مكان واجيلك

Kiara يقول...

مشاعر الامومة دي مش في مخلوق يقدر يوصفها

هقول الناس لي حسيت انهم ماما

مامتى شمس النهار بجد هي مامتى وماما بتعتبرها الام المكملة ليها

ثانيا فاتيما

وطبعا انا مش شفت حد في حنيتها بحمد ربنا اني عرفتها

ثالث حد هو انتى يامامى ياحثل

مش ليا دعوه بئا انتى اللي كبرتى نفسك :)

بحبكم اووووووووووووووووووووووووي

وكل سنة وانتى طيبة وكل نة وكل ام طيبة

Kiara يقول...

الاغنية تحففففففففففففففففففففه

Unknown يقول...

كل سنة وأنتى وهن
طيبات ومبسوطات
وفرحانات وكل
الامهات يارب.
وأن كان على الأم
المثالية فأنا بارشح
فاااااااااااااااااااطيما
ربنا يردلها يوسف يارب وتفرح
به وما يفارق حضنها ابداً تانى

إيمان يقول...

كل سنه والامهات كلهم بخير وطيبين
بجد بالرغم انى معرفتى بالناس الجميله اللى ذكرتيها قليله او مش متعمقه اوى
بس انا بحبهم بجد من غير مااعرفهم
وحسيت ان السنه دى اجمل مافيها انى عرفت كتير عنهم وبقرأ لهم وبتابعهم حتى لو هما مش يعرفونى
بس بابقى مبسوطه لما اسمع المدونين يحكوا ويكلموا عن بعض
بيبان معادن الشخصيات الجميله
ههههههههههههههه بالنسبه لماما مش عارفه اتصرف هههههههههه بقولها خدى 5 جنيه ومتعى نفسك ياماما وكل سنه وانتى طيبه
هههههههههههههههههههه الله هنعمل ايه ياجدعان حد ينصحنا احنا لسه بنأخد مصروف
ههههههههههههههههه
كل سنه وكلنا معانا امهاتنا وحبايبنا بخير
مع خالص حبى وحبى

شفـقــة و إحســــان يقول...

كل سنة وانتى وكل الامهات طيبين يارب يارب يبارك فيكم ويخليكم
الام دى اعظم شىء فى الوجود ومن غيرها نبقى ولا حاجة
بس تعرفى احسنتى اختيار الامهات اللى بعد مامتك فعلا فاتيما وقوس قزح من اجمل واعز الامهات لقلبى
كل سنة وانتم طيبين
شفقة

adel يقول...

كل سنة و انتي طيبة
وكل الامهات برضه يلا ان شاء الله ماحد حوش
ومتقلقيش ياحماتي اكيد هجيبلك هدية
بما اننا في مرحلة الخطوبة :)

اكيد الامهات :
د/ستيتة بس في بينا بيزنيس :)
فمبقتش ماما بقي :)
اصل ماما عمرها ما هتنصص معايا ... دي بتقلبني في كل ما املك :)*:)

مامتي بقي فاتيما :$:$
اجمل و احلي و اطيب ام في الدنيا
اجمل حاجة حصلتي في السنتين اللي فاتوا هي الست العظيمة دي
(الباقي بقي هاقولها هي) :):)

أحمد عبد الحميد يقول...

يا عينى على الأب اللى منسى مع إمه تعبااااان وطالع تكاتيك اللى خلفوه علشان خاطر العيال وأمهم
مفيش غيرك يا هنيدى اللى نصفت الأب فى أغنيتك مين حبيب بابا
كل سنة وإنت وجميع الأمهات طيبين
وبعدين إنتم لازم تتعبوا وتتبهدلوا من العيال مش الجنة تحت أقدام الأمهات؟ ومش الرسول صلى الله عليه وسلم وصى على الأم ثلاثة مرات وعلى الأب من بعدها مرة واحدة؟ يبقى خلاص ولا غنتم عايزين كل ده ببلاش؟
كل سنة وكل الأمهات بخير وألحق أنا أروح أجيب زوربيح الهدايا لأمى ومراتى وحماتى وجدة مراتى وعمتها و......
حدعايز هدية بالمرة

عاشقة القمر يقول...

كل سنه وانتي طيبه يارب دائمابخير
ربنا يحفظ أبناءك من كل شر

sony2000 يقول...

بجد بوست رائع
اما عن نفسي انا فأرشح اللي اثرت فيا اوي
ماما ستيته وماما فاطيما
بجد ونعم الامهات
حتي لو ماشفتهمشي وماعرفونيش
كفايه ان لو كلمه منهم بتغير حجات كتيييير اوي فيا
تقبلي مروري وتحياتي

ستيتة يقول...

كل سنة وانتي طيبة يا علا وربنا يجعل السنة دي حلوة علينا كلنا

الماما البديلة؟
حقيقة كانت جدتي نعمات الله يرحمها
كانت عطاء يمشي على قدمين
يمكن بعدما توفاها الله مبقتش أقدر أثق تماما إن حد بيحبني من غير اي غرض غير صافيناز ربنا يحفظها لي

الهدية السنة دي اخبارها ايه؟
سيبك من الكيت كات وشغل الفلانتين
عيد الأم كده تشمي فيه ريحة مصر والتقلية
ولما نجيب سيرة ريحة مصر يبقى الصاغة :))

كل سنة وانتي طيبة
والكلمتين اللي عليا دول مش عارفة اقول فيهم ايه
كسفوني بجد

فليحيا بلوج سبوت
ولتحيا المعرفة في الله ولله

ستيتة يقول...

نسيت النومينيه
يووووووووووووووووه
ازاي انسى النومينيه في ستار اكاديمي المدونات

اللي ها يفوز معانا الأسبوع ده

"صوت طبلة تصاعدي والمشتركات ماسكين في ايد بعض"

فاتيماااااااااااااااااااااااا


هيييييييييييييييييييييييييييييه

بوكيه ورد وتاج يزين الراس اللي تحتها احلى وش واحلى ابتسامة واحلى مامة يوسف
رده الله إليها عاجلا غير آجل

فاتيما ماشية يا قوم بت باي باي للجمهور بقى والدموع تتلألأ في عيونها ها تسيح الميكياج والأي لينر
وبترسل بوسة وحضونات لكل مواطنة بلوجارية باسمها

كانت معكم ستيتة ابو العافية من حفل تتويج مامة المدونات المصرية :)

الزهرة البرية (Joudy) يقول...

كل سنة وانتى طيبة وكل الأمهات بخير وسعادة وربنا ما يحرمنا أبدا من وجودهم أبدا أبدا

تحياتى ليكى

Joudy

الجواز و سنينه يقول...

كل سنه و انتى طيبه يا علا
و كل الامهات طيبين
و اللى مش امهات كمان
كل سنه و كل انثى طيبه و بخير

ghada mOhsen يقول...

اللــــــه ايه الكلام الحلو ده ...

بجد حلو اوى البوست الصادق النابع من القلب ده ..

اول شى كل سنه وانتى طيوبه وعسوله وبصحه وسلامه ويخليكى لإولادك يارب ...
ابقى قوليلنا هما ايش راح يجيبولك :))) ...

انا واخواتى بقالنا من الشهر اللى فات بنخطط لحفل عيد مامتى حبيبتى ... لانه مش اى عيد .. ده عيد الام ...

بجد كلمه " ام " كلمه كبييييييره هى من حرفين بس لكن تحمل معنى ثري جدا ...

اما عن عاملنا التدويني ..
انا لسه مستجده ... بس بجد فى اتنين دخلوا قلبى بسرعه .. وخاصه انى شوفتهم ...
مامتي ستيته بحكمتها وصرامتها وخفه دمها فى نفس الوقت ..
ومامتى فاتيما بحنيتها وطيبتها وعقلها ...

كل سنه وكل امهات العالم طيبين وبخير ...

بحبك اوووووى يادكتور على فكره ...
تحياتى ليكى
... ;) ,,, ;) ...

أمل حمدي يقول...

كل سنة وانت طيبة وكل الامهات طيبات

كل الامهات حلوة وانا اختارهم كلهم لاني بحبهم كلهم

بوست جميل ربنا يصلح حالك وحالهم جميعا

تقديري

صيدلانيه طالعه نازله يقول...

لولا وزهراء

و نقووول الووووووووو
امسحى دموعك يا امااااااال
ههههههههههههههههههه
انا بحبك بجد يا زهراء
انتى من الناس الجميله اللى ربنا كرمنى بمعرفتهم بجد

و معانا كمان اول ترشيح لتيما طماطم

كل سنه و انتى طيبه
و ماما بالف صحه و سعاده

صيدلانيه طالعه نازله يقول...

فاتيما

تيما طماطم
انا فعلا باحبك قوى يا حاجه
بحب حنيتك
بحب حضنك الدافى اما بتحضنينى
بحبك من حب ولادى ليكى
بحبك من حب البشر اللى واقفه تتفرج علينا دلوقتى و احنا بنعيط و ماكياجنا سايح
ههههههههههههههههه
امووووووووووووووه

صيدلانيه طالعه نازله يقول...

سبايدرمان spiderman

و انت طيب يا باشا

فين الترشيح بتاع الام المثاليه للمدونين

عايزه ترشيحك بسرعه

منورنى

صيدلانيه طالعه نازله يقول...

شمس النهار

كل سنه و انتى طيبه و بينا
و منورانى هنا دايما

تحياتى ليكى

صيدلانيه طالعه نازله يقول...

7annen

و انتى طيبه يا سكر

انا عايزه ترشيح الام المثاليه
انتوا مش قريتوا البوست و لا ايه؟

صيدلانيه طالعه نازله يقول...

Ashraf

كل عيد و انت معايا
و فرحانين مع بعض دايما

صيدلانيه طالعه نازله يقول...

كيــــــــــــارا

بنتى الجميله الثكوره
انا بحبك قوى يا توته و انتى طبعا عارفه

و كل سنه و ماما بصحه و خير

و كده معانا اول ترشيح لشموسه الجميله

منورانى يا كيارا

صيدلانيه طالعه نازله يقول...

norahaty

ربنا يخليكى يا نورا
و يفرحك دايما

و ترشيح تانى لتيما

منورانى

صيدلانيه طالعه نازله يقول...

emymony

هاتيلى انا الخمسه جنيه و اوعدك اجيبلها بيها هديه تحفه
ههههههههههههه
منوراااااانى

فين ترشيح الام المثاليه

صيدلانيه طالعه نازله يقول...

كل سنه و انتوا منورنى دايما
و ربنا يديم المحبه

تيما تاااااااااانى

صيدلانيه طالعه نازله يقول...

adel

انا مشفتش منك حاجه لغايه دلوقتى و انا بحذرك من المعامله الناشفه دى

طبعا انت مش محتاجين اصلا نسألك
لانك اكيد حتختارنى اناااااااااا
هههههههههههههههههه

تيمااااااااااااا تانى و تالت و رابع

صيدلانيه طالعه نازله يقول...

أبو حميد

ايه يا عم داخل بتزق ليه
بالراحه شويه
و بعدين دخولنا الجنه ده امر ربانى و منطقى جدا مش كفايه مستحملينكم و مستحملين نرفزتكم و عصبيتكم
هههههههههههههههههههه
بس حلوه تكاتيك اللى خلفوه دى جديده

هههههههههههههههههههه
انا كمان عايزه 6 هدايا عشان مدرسات الولاد
خليك زووووووووق و هاتهم

منورنى

صيدلانيه طالعه نازله يقول...

عاشقة القمر

و انتى طيببه يا جميله
اخبارك ايه؟

صيدلانيه طالعه نازله يقول...

sony2000

كل سنه و انتى بالصحه و السلامه

و معانا اول ترشيح لستيته

منورانى

صيدلانيه طالعه نازله يقول...

ستيتة حسب الله الحمش

سيبك انتى
االوحيده اللى جاوبتى كل الاسئله
عرفتوا يا ناس انا بحبها ليه
عقليه علميه معمليه فزه

كل سنه و انتى امنا كلنا مش انا بس
امووووووووووووووه

و ترشيح كمان لتيمااااااااااااا

صيدلانيه طالعه نازله يقول...

الزهرة البرية

و انتى طيبه يا حبيبتى
و ميرسى لذوقك

تحياتى

صيدلانيه طالعه نازله يقول...

الجواز و سنينه

و انتى طيبه

منورانى

صيدلانيه طالعه نازله يقول...

ghada mOhsen

انتى كمان حد جميل قوى يا غاده
ربنا يكرمك و يسعدك و يخليلك ماما ياااارب

و معانا ترشيح تانى لستيته هانم

صيدلانيه طالعه نازله يقول...

أمل حمدي

كل سنه و انتى طيبه يا اموله
و ربنا يفرحك فى حياتك دايما

richardCatheart يقول...

الللللللللله الواحد يقوم على الكلام الجميل دا وكم الحب الحلو دا مش ممكن ربنا يديم المعروف بين الكل يارب ويجعله
عيد ام جميل كله حب ان شاء الله
امى حبيبه قلبى اتكلمت عليها عند ستيته
النهارده عايزه ابوس ايد ست الحبايب ام جوزى (حماتى طماطم ولا ونى مابحبش اقول عليها حماتى) هى صحبتى من زمان وانا عندى 6 سنين مربيانى فهمانى علمتنى كتييييييييير واهم حاجه علمتهالى اعرف معادن الناس دمغها كبيره متفتحه ست بمائه راجل غير انها زى القمر ههههههههه
بقولها ماما طماطم ياغاليه ربنا يخاليكى ليا انت وماما سونا انتو عنيا اللى بشوف بيها

اما عن استار بلجور النومنيه على راى ست الستات

ماكدبش عليكم بعد كلامكم عن الرائعه فاتيما انا بقيت محتاره ما بنها ومابين
الرائعه ستيته
لو ينفع ارشح الاتنين ماما فاتيما وماما ستيته ولو الاصوات تساوت يبقى فرق الاهداف يحدد ومش مهم مين يكسب
المهم ان الحب متوغل والاحترام متبادل
والتعبير عن الحب بين الاصدقاء والاحباب دا اجمل شىء

تسلمى والله يالالا علىالبوست دا
كل سنه وانت طيبه يا ماما علا
ويارب فرحانه بالاولاد وتتخنقى مع الاحفاد على هديتك ههههههههههه


تقبلى مرورى

أحمد زاهر يقول...

كل سنة وهما بصحة وسلامة
ودايما مبسوطين وفرحانين

ميمى واحمد يقول...

النهاردة عيد ميلاد ايناس عاشقة الاحزان فى انتظاركم

كيكى عوووووو يقول...

الام المثاليه
هو اصلا فى ناقش فى الحوار دة





لا بجد زعلتينى




وانتى كدة بتحرجيها








مكنش العشم








طبعااااااااااااااااا
اناااااااااااااااااا فى ناقش ولا حاجة فى الحوار دة؟!!
امضاء ام ابراهيم
عوووووو

dr.lecter يقول...

ماما شمس النهار

قوس قزح يقول...

كل سنة و كل واحدة جواها مشاعر امومة بخير يارب

انا الام التانية لى هى حماتى
و اتعلمت منها ان الحنان مش شرط يكون من الام لاولادها ..ممكن يكون لكل اللى حواليها
وان الواحد يقابل السيئة بالحسنة لحد ما اللى قدامه يخجل من نفسه و يرد الحسنة بمثلها

ربنا يحفظ كل الامهات
و يرحم الاموات منهن

قوس قزح يقول...

لو هارشح ام من المدونات

فطبعا بدون منافس

فاتيما

د. نرمين فكري يقول...

جميله المدونه بتاعتك
بالتوفيق ان شاء الله
أحنا زمايل مهنه واحده

ahmed_k يقول...
أزال المؤلف هذا التعليق.
فاتيما يقول...

علااااااااااا

وحشتينى


انا عاوزة الاول
اتشكر لكل اللى رشحونى

بس انا منسحبة يا ست انتى
من هذوها الموسابقة

براحة كدا و متتعصبيش


هقولك ليه ؟؟

اصل انا محطوطة وسط عالم فطاحل
و لا أقارن بيهم اصلاً



مش قصدى أقلل من نفسى
الحمدلله الواحدة برضو ام كويسة
و زى الفل



بس الاسامى اللى معايا كلها
امهات زى الفلين
تلاتة اربعى عشرة



عندى اسباب كتيييييييير
تخلينى أفندلك كلامى

بس جايز هن
و اكيد مش جايز
ميحبوش حد
يعرف عنهن كل حاجة



لكن الامهات اللى تشيبل مسئولية العيال من صباحية ربنا
لحد النوم اكل و شرب
و مذاكرة و رعاية
و حنان و خروج
و تقوم بشغل البيت
و كمان تشتغل برا البيت
و تتحمل مسئوليات اجتماعية
و انسانية و تكون عون لصديقاتها
و اهلها و جيرانها



كل دا و احيان ميبقاش فيه زوج
يساعد و يكون مسافر
او مشغول طول الوقت
و تيجى سعادتك ف الآخر
تقارنى العالم الجميلة الرهيبة
دى بيا ؟!!!!


يبقى حرام خالص طبعا



انا بطولى يا بنتى
رغم كل شىء
لا بأكل و البس و اذاكر
و لا اودى و لا اجيب
و لا اشيل مسئولية بيت
و لا زوج
و لا حياة حافلة
و لا حاجة من دى خالص
مش تقليلاً لحالى و لا حاجة

بس اقرار واقع يا علا

واقع بحترمه

و بحترم امهاته
اللى كلهن تضحية
و شيل هموم من غير
ما يفتحوا بوقهم

مش معقول مجهودهن دا لا يعتد بيه
اما حبنا لعيالنا
فكلنا بنحبهم مووووت
بس فيه حد بيترجم الحب دا
و حد مبيلقيش فرصة

و اللى بيبذل مجهود
يستاهل الشكر اكتر
و لا إيه؟


لو عاوزة ترشيحى بقى
بعد حالة الحرج ما انشالت عنى
و بقيت من جملة المرشحين
للفائزة من الجمنهور


هدى صوتين



واحد لشمس النهار

و واحد لستيتة



لأن الجوز دول تحديداً
شايلين كتير قوووووى
و ربنا عالم بيهم عن عباده
ما شاء الله عليهم


و مش لازم أقول ليه
هاحتفظ بالأسباب لنفسى
مع كامل الحب و الاحترام
لباقى الأسامى



بس خلاويص
و بوسيلى الغزالون يهبلون
و سيف عشان وحشونى
و تحياتى لزوج العزيز

سمع هوص (Abo 3li) يقول...

ينفع تكبري الناس الحلوة دول كلهم كده يا دكتورة علا؟؟؟

مع احترامي للجميع.. انا برشح دكتورة ستيتة..

كل سنة وانتي طيبة...
وكل سنة وامي طيبة... وربنا يشفيها..

كيكى عوووووو يقول...

الا بقولك صحيح انا عايزة استغلك
بم انك صيدلانية وكدة
فلازم استغلك شوية
اية احسن كريم تفتيح للبشرة اقصد يخليكى لبشرتك الطبيعه
وفى حاجات تمنها معقول لتحت العين
واسمها ايه
؟؟
واخر الاسئلة بتسخدمى شامبو ايه؟؟
عووووووووووو

كيكى عوووووو يقول...

انا جبت ايفا بى وايت
العلبة 2.5 بحالهم والله

ahmed_k يقول...

كل سنه وكل الأمهات بخير
وكل سنه وحضرتك بخير
وكل سنه وكل أمهات التدوين بخير

صيدلانيه طالعه نازله يقول...

richardCatheart

ربنا يخليلك حماتك و مامتك يارب و دايما متجمعه معاهم فى الخير و الفرح دايما

صيدلانيه طالعه نازله يقول...

بــــ الخطاب ــن

و حضرتك بالصحه و السلامه

صيدلانيه طالعه نازله يقول...

ميمى واحمد

علم و ينفذ يا فندم

صيدلانيه طالعه نازله يقول...

كيكى عوووووو

و الله انتى مصيبه يا كيكى مفهمتش ولا كلمه من اللى كاتباها
بس و لا يهمنى

منورانى

صيدلانيه طالعه نازله يقول...

dr.lecter

واحد شمس النهار و صلحوووووه

منورنى

صيدلانيه طالعه نازله يقول...

قوس قزح

ربنا يخليكى و يخلى كل اللى بتحبيهم حواليكى يارب

انتى حد جميل و يستاهل كل خير

منورانى يا دوددو
و ترشيخ كماااان لتيما

صيدلانيه طالعه نازله يقول...

د. نرمين فكري

منورانى يا دكتوره و ياريت اشوفك هنا دايما

تحياتى

صيدلانيه طالعه نازله يقول...

فاتيما

حاعتبر نفسى مسمعتش حاجه خالص
احنا بلد ديمقراطى يا هانم و من حق الناس تختار بارادتها الحره
و اذا كان حد هددك و اجبرك على الانسحاب
احنا حنوفرلك الحمايه الكامله
ههههههههههههههههههههه

صيدلانيه طالعه نازله يقول...

سمع هوص (Abo 3li)

ربنا يخليلك والدتك و يشفيها و تشوفك عريس ان شاء الله

ترشيخ كمااااااان لتوته القمر

منورنى

صيدلانيه طالعه نازله يقول...

كيكى عوووووو

بصى يا حاجه

فيه كريم Azadermده كويس قوى و تمنه18 جنيه

فيه كريم تريتوسبوت و ده سعره 6 جنيه

بس اهم حاجه متخرجيش بيهم فى الشمس يعنى اثناء وجودك فى البيت و تغسلى وشك قبل ما تخرجى
اوعى تنسى

الشامبو بانتين

حسب نوع شعرك
و بعديه استعملى كريم بانتين بديل الزيت حسب نوعيه شعرك بقى

و اى خدعه يا فندم

صيدلانيه طالعه نازله يقول...

ahmed_k

اخيرا احمد عندنا
حمد الله على سلامتك و لعل المانع خير

كل سنه و حضرتك بالصحه و السلامه و دايما منورنا
بس فين الترشيحااااااااات

فاتيما يقول...

لأ مش مسألة خايفة

انا اغير الدستور الاول

و بعدين اترشح

و لا إشمعنى البرادعى يعنى ى ى ى ؟!!!

هعمل جبهة انا روخرا
و ابقو هاتولى حلاوة الريس
بتاعة سوووو
و تعالوووووووولى
شقروا عليا

انا يا ما بستندل
انما انتى مش هتستندلى


و لا بتقولى ف البوست دا انى مامتك أونطة و ساعة الجد هتجرى ؟!!!


انهى كريم اللى بتاع العينين عشان انا عندى نفس المأساة بتاعة الهالات السودا دى ...اما استغلك انا كمان
اشمعنى كيكى ى ى ى ؟!!!!!!

Lady E يقول...

واخيرااااااااا عرفت افتح مدونتك من غير ما تقفل اصلي كل ما كنت بفتح مدونتك مش عارفه ايه اللي بيحصل وكانت بتقفل عاااااااااا

وحشااااااااااااااااااااااااااني بجد :) يا احلى صيدلانيه

كل سنة وانتي بخير وصحة وسعادة يارب

وكل سنة وامهاتنا بخير وربنا يبارك في عمرهم

غير معرف يقول...

يوسف كلم فاتيما النهارده

فاتيما يقول...

علااااااااااااااااااا


يا لولااااااااااااا


يوسف اتصل و كلمنى


انتى عارفة
و حاسة اكيد
من غير ما اقول



و نظرا لأنى طايرة
فوق السحاب دلوقتى



فمعنديش مانع البس
كل تيجان الكون دلوقتى
حتى لو مش من حقى
بس عاوزة افرح
و اهيص
و اقولك و اقول لكل حد
قال اسمى وسط الفطاحل دول


انا مغمورة حب
و فرحة و شكر ليكم


و بقولكم
انى بحكبم جداااااااااااا



و بحبك يا ست انتى جداااااااااااااا
فوق ما تتصورى


ربنا يخليكى ليا


و يخلى كل الامهات الجميلات
اللى انكتبت معاهم فى بوست واحد
و اتشرفت جدا لدرجة الخجل من نفسى

و انتى اللى امى
مش انا لولاّ


ربنا يخلينا العيال
يا رب
و يرزق كل حد بالعيال
و يخلى كل الامهات لعيالهم

و يعوض من فقدوا امهاتهم
بكل الخير


ميرسى يا لولتى

بحبك قووووووووووووى

بوسيلى العيال قوى
قوى
قوى


الحمدلله
الف حمد و شكر

Kiara يقول...

انا عنيا دمعت

ربنا يسعدك يافاتى ياااااااااااارب

حفيدة عرابى يقول...

بعد اذن صاحبة المدونة
فاتيما
انا حاولت اعلق عندك التعليقات مش عارفة مالها
مبروك ياجميل
والحمد لله انه فرحك وفرحنا معاك

انا الغير معرف اللى كتب التعليق اللى فوق
لقيت نفسى عايزة اعمل اى حاجة مش عارفة

Unknown يقول...

بعد أذنك ياصيدلانية
يافاااااااااطيما
مبروك من قلبى ربنا
يطمنك عليه ياحبيبتى
ويرده اليكِ هو وكل غايب
سالم غانم بأذن الله.
فعلا التعليقات والمدونة عندك
ياطمطم متجننه (من الفرحة)

سمع هوص (Abo 3li) يقول...

معلش يادكتورة علا.. بس معرفتش اباركلها هناك.. قلت ابركلها هنا.. وده بيتها التاني برضو..

الف مبرووك يافاتيما.. ان ربنا طمن قلبك علي يوسف.. وربنا يجمعك بيه يارب... بجد والله فرحتلك اوي .. وفرحت ان دعاءك ودعاء كل الناس الدخلت عندك ربنا استجابله...

ربنا يكرمك ويرجعه لحضن وعيد الام الجاي يجبلك هدية ويدهالك بنفسه.. كل سنة وانتي طيبة...

الزهرة البرية (Joudy) يقول...

مش عارفة فى ايه فى مدونة فاتيما فى حاجة غلط

معلش يادوك هنحتلك بقى علشان نبارك لها ونقولها تستاهلى كل خير وأحلى خبر فى الدنيا إن يوسف كلمها يارب ديما يسعدها يارب ويفرح قلبها

وياريت تشوف المدونة فيها إيه مش عارفين نعلق خاااااااالص

دمتى بكل الخير والحب والسعادة

شريهان يقول...

كل سنة وانتى طيبة والامهات كلها طيبين ياريت تزورى مدونتى وتقوللى ايه رايك فى اول بوست لى

فاتيما يقول...

معلش يا جماعة

المدونة اصلها بتخطرف الأيام دى

لما عملت التحديث
مرضتيش تشتغل شوية

دلوقتى بقت تمام

وانا اسفة معلش


ميرسى يا فيدوووووو
ربنا ما يحرمنى منك
و ميرسى يا جودى
و نورهانتى منحرمشى من رقتك
و كمان يا سمع هوص

انا ممتنة ليكم جدا
و لدعواتكم الطيبة
اللى ربنا استجاب ليها



و بعدين هنا
و لا عندى

مدونة علا بيتى برضو
و بيت ليوسف


منحرمشى منكم يا رب

فاتيما يقول...

ميرسى يا كيارااااااااا

معلش يا حبيبتى

فرحانة بقى و احوليت

ههههه

أمل حمدي يقول...

ألف ألف مبروووك

يا فطومة يا جميلة

كبروكي معلش بس انت فعلا قلبك كبير

ربنا يصلح حالك ويقر عينك بحبيبك يارب

بوسات ووأحضان كتير

صيدلانيه طالعه نازله يقول...

اولا انا من الاوائل اللى عرفوا موضوع ان يوسف اتكلم

مبرووووووووووك يا تيما و اظن ده احلى عيد ام عدى عليكى
عشان تعرفى وشى حلو قد ايه

بحبك يا امى

فاتيما يقول...

انتى حد يستجرى يقول عليكى ان وشك مش حلو علطول اصلاً ؟؟

مش الأيام دى بس


انا مش دايما اقولهالك يا بنتى
و انتى مبتاخديش بالك
ساعات اختك فاتيما تقول كلام عبيط كدا
يبدو مجاملة
لكن و الله بيبقى من قلب قلبى
و حساه هوه عين الصح

انتى بهجة و مركز الكون لكل اللى حواليكى
بتحبيهم و تديهم و تنورى ايامهم
و بناء عليه
دا بيادخ من اعصابك و طاقتك
وف نفس الوقت يتعلقوا بيكى اللى بيحبوكى اكتر و اكتر و ميقدروش يمشوا من غيرك خطوة

اقول تانى ؟؟

و لا بعد كدا تصدقينى ف كل حاجة اقولها و متسالنيش ؟!!!

ربنا يسعد كل ايامك يا لولتى

كل سنة و انتى طيبة يا أجمل الامهات
و حماة ابنى
انهين فيهم
مش مهم ..المهم نلحق جتتنا عليكم و خلايص

كيكى عوووووو يقول...

مبرووووووووووووووووووووك
يافاتميا
وياترى الكريمات دى قبل ولا بعد الاكل!!
****وانا محدش رشحنى ياعلا**
اهى اهى اهى
لا بجد اتاثرت
عووووووووو

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .