الأحد، فبراير 14، 2010

حبيبتى كبرت


حبيبتى كبرت و بقى عندها سنتين


السنتين دول معناهم انها بقت بنت شقيه و شعرها ديل حصان صغير و جميل

و انها خلاص بطلت تحبى و تتسند على الحيطه

و بقت بتجرى زى الحصان الرهوان


و انها بقى عندها سنان تقدر تعض بيها اللى يضايقها و ينرفزها

و كمان بقت بتتكلم زى اللبلب و تقدر ترد على حد يتطاول عليها

و كمان تقدر تقول كلمه حق لو اتطلبت منها


بنتى اللى بتكلم عليها دى هى مدونتى حبيبتى

انا فاكره اليوم اللى جوزى قعد يقنع فيا انى اعمل المدونه دى

و يقوللى انتى اسلوبك حلو و فرصه تقدرى تتعرفى على ناس جديده


و تتعرفى على افكار ناس تانيه

و يظهر كان فعلا عنده حق

لانى خلال السنتين دول اتعرفت على احلى ناس و اجمل ناس

و مش عارفه لو كانت الدنيا مشيت من غير ما اعمل المدونه كان حيبقى شكلها ازاى

و احب بالمناسبه دى اهنى كل الناس اللى بيحتفلوا معايا فى نفس التوقيت بعيد ميلاد مدوناتهم

و اوجه كام كلمه لكام حد بحبهم



الجواز و سنينه
انا بحبك قوى يا دودو و عمرى ما حانسى انك اول حد عبرنى و رد عليا فى مدونتى




داليا قوس قزح
مشفتكيش غير مرتين بس فرقوا معايا كتير بس اتكلمنا اكتر و حنفضل نتكلم لغايه ما يحين الاجل ان شاء الله

و حشتينى يا داليا و ياريت ترجعى لينا



مفروسه هانم
انا بحبك قوى و عمرى ما اقدر انسى اللى بتعمليه معايا اما بنشوف بعض



ستيته
انتى حد جميل قوى و نفسى اشوفك جدا



آبى
حتوحشينا و ربنا يفرحك دايما و يارب تعقلى بقى و تتهدى



فاتيما
تعبتك قوى النهارده و يارب يتردلك تعبك ده يوم رجوع يوسف باشا بالسلامه


يا جماعه تيما هى اللى عملتلى الحفله دى كلها لانى من الاخر معرفش اعمل حاجه خالص
(قصدها العك دا انا اللى عكيتووووو ...انا تيما )



كل
المدونات و المدونين


انا من غيركم و من غير اراءكم ما اسواش حاجه خالص


كلكم محل حبى و احترامى و تقديرى

و ياريت كلنا نحب بعض و نخاف على بعض

و يارب يبعد عننا كلنا الغير معرف الرزل اللى منعرفش هو مين

بحبكم كلكم و كل سنه و انتوا

و احنا و كلنا طيبين




هناك 79 تعليقًا:

فاتيما يقول...

فردة بقى و غصب و افترا

بما انى قاعدة اثناء التشطيبات
و عمالة أعك ..
من حقى أقولك كلمتين يعنى


قبل ما أنضرب


كل سنة و انتى ف وسطنا
يا علااااااا
يا لولاّ يا حبيبتى



نورك و حبك و حنيتك و دلعلك ليا
و لكل اللى بيعرفوكى
و يسعدهم الزمان بصداقتك
و صحبتك و اكيد كلهم متفقين معايا

ارفعوا ايدكم متودناش فى داهية


دى جوازئية
و انا مقدرش على كدا



انا بحبك قوى يا علا


و ربنا يخليكى لينا انتى و العيال
و لدكتور أشرف نعم الزوج

يا رب

كل سنة تعدى علينا نكون حبايب اكتر
و نافعين بعض اكتر بخوفنا و حبنا لبعض
عشان كل حاجة وحشة بتروح
و يفضل الود



و الجواز و النسب برضو
عشان انا ما زلت مصمصمة على طلبى
و الغزالون يهبلون متطلعش برا
زى ما اتفقنا



بحبك قوى يا حبيبتى
و كل سنة و انتى حبيبتى
بوسيلى سيف و الغزااااااال

تيما اللى بتحبك
و مدلعة دايما على حسك

فاتيما يقول...

الللللله

ايه النيولوك الأبهة دا ؟؟؟
برافو برافو برافو

تسلم الأيادى

امضاء
تيما السوسة

فاتيما يقول...

انا اللى منقية الكب كيك الملونة دى

عشان العيااااااال

و عشان الغجر اللى هيدخلوا و يعملولنا فضايح بلوجية لو ملقوش حاجة تتاكل

بالهنا و الشفا

ع العيااااال بس

و عادل و بسكوتة و النبى
ما هم عيالى برضو

الباقى يتفرج بس
هه

أحمد عبد الحميد يقول...

كل سنة وانت ومدونتك طيبيين
حلو قوى الشكل الجديد

عاشقه الرومانسيه يقول...

اللللللللله
حلو قوى النيولوك ده
كل سنه وانتى ومدونتك بخير يالولو



فاتيما
انا من ضمن اللى هيتفرجوا؟؟؟؟؟؟؟؟

عاشقه الرومانسيه يقول...

اول مره اشوف فاتيما محتله مدونه
ههههههههههههه

فاتيما يقول...

لا يا دودو
و دى تيجى ؟؟؟

علا هتشوفك بحتة محتتة
آخر الحفلة
بس على جنب عشان الألف عين
اللى بصالنا دلوقتى و مركزة معانا

و متقلقيش
عييييب
دنتى حبيبتشى

فاتيما يقول...

اصل علا جبرت بخاطرى
و توسمت فيا خير العبلها
ف المدونة شوية

انا خلاص سلمت نمر
و داخلة أنااااااااام

بكرة م الشغل
هبقى ادخل اطمن يا لولاّ
و بالمرةاشوف اخبار البوفيه إيه؟؟؟

و يا عيال قولنا
الكيكة للفرجة
و بعدتييييييييش معاكو ؟؟؟

adel يقول...

كل سنة و المدونة طيبة ياحماتي :)
وذوقك خطير :) (لحماتي بقي ...معلش ياماما) :):)
ام العهروسة ولازم نثبتها :):)

غير معرف يقول...

ربنا يخليهالك
ويفرحك دايما مع كل الناس اللى بتحبيهم

الشعب لابد له من حكومه تشكمه يقول...

كل سنه وانتى طيبه ياجميله وكل سنه واحنا مع بعض واخوات فى الله وبنحب بعضينا,

انتى من الناس اللى بجد انا بحبها جدااااااااااااااااا وبتابعها من زمان,
ومن الناس برضه اللى بتمنى انى اشوفها:)

عقبال البلوج ميباه عشرين سنه واحفادك يكتبوا فيه واحنا كمان احفادنا يدخلوا يردواويتريقوا علينا باه:)

ستيتة يقول...

كل سنة وانتي طيبة يا لولو

النيولوك تحفة بلا أي مجاملة والله
تسلم ايد اللي نقى اللوك واللي ستبه واللي نزله :)

اجمل شيء فعلا حصلي
ان ربنا دخلني عالم المدونات
عرفت منه ناس ها تفضل علامات بارزة جدا في حياتي
انا مش بجامل خالص
دي حقيقة
ولو لم ننال غير ان ندعي لبعض بظهر الغيب اظن ده كفاية جدااااااااا

كل سنة وانتي واسرتك الجميلة كلها طيبين

هي وظروفها يقول...

كل سنه وعلا واشرف
ومدونتك بخير وفي حب وسعاده

كل سنه وانتم اقرب لبعض وربنا يزيد ودكم لبعض يوم عن يوم

الف مبروك للتجديدات الشامله
للمدونه

كل سنه وكل واحد محترم اتعرف عليكم من خلال المدونه بخير وفي حب

كل سته وستيته اختنا الكبيره ومنره البلوج سبوت
وفعلا لو شفتيها يا علا والله العظيم هي اجمل مما يبدو في مدونتها وروحها جميله بشكل يحسسك انها حد منك
ربنا يبارك فيها
وكل سنه وكل الناس اللي بتحبيهم وهتحبيهم بخير وفي حب وسعاده

Single Mummy يقول...

كل سنة وانتى ومدونتك طيبين وعقبال العيد ميلاد العشرين وأحنا معاكى برضة ...بس سيبك النيولوك جامد جامد ماشى مع الفالنتين ماشى ياست ضربتى عصفورين بحجر واحد عيد ميلاد وفالنتين
تحياتى وقبلاتى

شفـقــة و إحســــان يقول...

كل سنة وانتى طيبة مرتين
مرة لعيد ميلاد المدونة والمرة التانية لعيد الحب
وياب عقبال ما تتم 100 سنة

Zouka's يقول...

كل سنه والمدونه و صاحبتها بخير

وعقبال ما تعملى كتاب ولا تظهرى فى الميديا

Unknown يقول...

يارب دايما منورة عالم التدوين ومنورانا كدة بوجودك معنا

Mahmoud Ahmed يقول...

كل سنه و انتي طيبه
و كل سنه و المدونه طيبه ^_^
و عقبال السنه الجايه كماااان ^_^
و مبرووك على الاستايل الجديد ^_^
بجد جميل جدا و فيري سيمبل ^_^

Baskouta يقول...

كل سنة والمدونة جميلة
كل سنة وانتي معانا
كل سنة وانتي حبيبتنا
والله انا شوفتك مرة واحدة لكن اد ايه كانت مرة جميلة حبيتك جدا لانك شخصية حبوبة وابتسامتك منورة الدنيا
ربنا يحفظك انتي والاولاد وباباهم وكل سنة وانتوا كلكم بخير
تحياتي البسكوتية

Mafrousa يقول...

waaaaaaaaaaaaaaaaooooooooooo
ايه النيو لوك الجبار ده؟؟؟؟
لا و الله تسلم ايدين النقاش اللى دهن
حلو اوي النيو لوك ده
و كل سنة و انتى طيبة يا قمرة
و انتى فى وسطينا منورة و طالعة نازلة عادى
وبعدين يا أخت تيما يا تمتم انا زعلانه منك جداااااا
بقا الكب كيك التحفة ده اللى فيه سمارت اللى بحبه تحنسيني بيه
و تقولى لبسكوتة و عادل؟؟؟؟؟
يعنى همه ولادك تاخدى بالك من تغذيتهم و الضيوف لأ
طيب ياستى انا حروح اشد شعر البت بسكوتة
و اكعبل عادل و آخد منهم الكب كيك
ههههههههههههههه
تحياتي ليكم جميعا
و انا بحبكم كوووولكم كووولكم
حتى بسكوتة و عادل اللى بصالهم فى الكب كيك اللى فى ايديهم
هههههههههههه

علا يا قمرة حتيجي امتى تاني بقا
و بوسيلي النسانيس الصغننة

موناليزا يقول...

عقبال العيد المئوى:)
بس فين البالونات:)

سمع هوص (Abo 3li) يقول...

كل سنة وانتي وبنتك كويسين وبخير يادكتورة علا..
وربنا يبعد عنك الغير معرفين..

ههههههههه
يلا بقي دوريلهاعلي عريس..


تحياتي .. وصباح الخير

غير معرف يقول...

كل سنه وانتي طيبه ومدونتك بالف خير

اعتقد ان سنتين ده عمر النضج التدويني :)

تحياتي

سواحة يقول...

كل سنة و المدونة و امها طيبين
:-))

احلى من الكابكيك الى برضه حكلهه
:-)))
(اصلك مش واخدة بالك عادل متبنينى و حهريه بكاء و نواح لحد مايدينى حتة :-) ان مكنش الكاب كله :-)

متخافيش ان حكون بنت عسل و طيوبة خالص مع بنتك و حا خدمها بعنيا بس هى تخلصنى من ابويا ده :-)))))

اه احلى من الكاب كيك
ان المدونة اتعملت بنصيحة جوزك (ابو المدونة :-))
يعنى بيشجع مش بيمنع و لا بيقولك ايه الهبل و التخاريف ديه
(اصلها اتقالتى ايون و خلصت و فضيت للتخاريفى :-)
كده حيعرف الى فى دماغك حتى لو مقولتهوش ، حيبقى معاكى على الخط
مش كل واحد فى وادى

و خدالى بالى انا (وش بيغمز)
النصيحة بعمل المدونة جت فى يوم ايه
يعنى و الا :-)) خلينى ساكتة بعدين فطوم حتجرى ورايا بالمقشة :-))))
كل سنة و الاسبوع كله بخير
اخبار الكيت كات ايه ؟؟

و العمرة اوعى تدعى عليا :-)
انا بدعيلك اهو يارب تطلعوها السنة دى يارب و سوا يارب

الجميل من المدونة العسولة ديه
اننا بنعرف بعض حتى واحنا فى اخر اطراف الدنيا
يعنى معتقدش انى عمرى كنت اتكعبلت فى صيدلة عسولين كده و انا قعدة فى بيتى و مطرحى
ايوه كده خلى لى عزوة من الصيدلة

الا قوليلى حاولتى تقرى الى فات ؟؟
تشوفى انت لسه زى مانت و لا اتغيرتى من السنتين الى فاتوا ؟؟

كل سنة و انت طيبة كمان مرة
و بعد اذن فطوم
نديكى شوية
:-******************************
و شوية
:-XXXXXXXXXXXXXXXXXXXXXXXXXXXXXX

Unknown يقول...

كل سنة وانتى و المدونة طيبين

اما الغير معروف ممكن تسدى الشباك فى وشه

فاتيما يقول...

لولاّ

انتى فين يا حبيبتى ؟؟

لــــ زهــــــراء ــــولا يقول...

هابى بيرث داى
يارب عقبال المية سنه وتكون المدونه كلها سعاده وهنا
دكتوره علا من الناس اللى شرفنى انى اتعرفت عليهم يمكن مش من فتره طويله لكن عن جد حسيت اناه انسانه فاضله
ربنا يحفظك ويحفظ لكى كل احبابك
يارب كل ايامك احتفالات سعيده وكلها سعاده وهنا ياااااااارب
مبروك على الاستايل الجديد للمدونه

زهراء

Pink Dreams يقول...

كل سنه وانتى طيبه يا قمر

وكل عيد حب وانتى طيبه

دمتى بكل حب

محمد فؤاد (صاحب عمود النور) يقول...

كل سنه وانتى طيبه
كل سنه ومدونتك طيبه
كل سنه وافكارك مترتبه
كل سنه وانتى موجوده هنا
كل سنه وفى عالم التدوين
موجوده واكبر مدونه

كل سنه وانتى طيبه

r يقول...

كل سنه وانتى ومدونتك بخير
انا ايضا سعدت بمعرفه مدونتك وشخصك الجميل
يعنى كفايه انك صيدلانيه وصعيديه كمان

التدوين فعلا بيضيف لافكارنا لانك بتتعرفى على طباع تمام زى الحياه
بنستفيد اكيد وبنتحسن كمان

ربنا يوفقك

غير معرف يقول...

كوووووووووول سنه وانتى ومدونتك طيبين

ياااااارب دايما فى وسطنا ومعانا يااااارب

صيدلانيه طالعه نازله يقول...

فاتيمااااااااااااا

حنرد على العشرتاشر كومنت مع بعض

اولا انا تعبتك خالص فى تشطيب الشقه دى نقاشه و سباكه و كمان كب كيك

انتى يا تيما اللى احلى و اطيب و ادفا انسانه عرفتها
لسه كنت جايبه سيرتك مع كيارا و بقولها باحس انها امى انا مع اننا قريبين فى السن

ثانيا الغلابه اللى عينيهم طالعه على الكب كيك دول اعمل فيهم ايه دول لو مخدوش انا اللى حانضرب

انا باحبك قوى و مش عارفه اعمل معاكى ايه عشان اوفيكى جمايلك دى كلها

اموووووووووووووه

صيدلانيه طالعه نازله يقول...

عاشقه الرومانسيه

غلبال يا دودو انا كمان من اللى حيتفرجوا اصل انا جيت متاخر قووىىىىىى
و بعدين فاتيما اصلا صاحبه المدونه مش محتلاها
دى معاها المفتاح يا امى

نورتينى يا دودو

صيدلانيه طالعه نازله يقول...

adel
بقى بتثبتنى يا سى عادل
طب مفيش لا خطوبه و لا فسح و المثاثات بتاعه الشبكه مش حنرجعها

قال نثبتها قال

صيدلانيه طالعه نازله يقول...

star in the sky

ربنا يخليكى و عقبال ما تفرحى ببنتك

صيدلانيه طالعه نازله يقول...

أبو حميد
ربنا يخليك يا فندم
عقبال عيدكم

Kiara يقول...

رووووووووووووووعه التمبلت يافاتي

علا بجد انا سعيده اوي اني عرفتك ( بركاتك يادودو يامصيتانى )

كوووووووووول سنة والمدونة موجوده وانتي معانا ومنوراها بقلمك وضحكتك وقلبك

صيدلانيه طالعه نازله يقول...

الشعب لابد له من حكومه تشكمه

شيمو انا كمان بحبك و باحب كتاباتك
يارب دايما مع بعض و منتفرقش ابدا و نتقابل ان شاء الله قريب
نورتينى

صيدلانيه طالعه نازله يقول...

ستيته حسب الله الحمش

يا توته ده انا اللى اتشرفت بيكى اما عرفتك
و مكالماتك ليا دايما بتفرحنى و بتحسسنى بمدى اهتمامك باصحابك
اللى يشرفنى اكون منهم

بحبك

صيدلانيه طالعه نازله يقول...

هي وظروفها

من غير ما اشوف ستيته يا وليد انا حسيتها بقلبى حد جميل و محترم
و شهادتك بتاكد كده

ميرسى لامنياتك الجميله و عقبال ما نهنيك بخطوبه مدونتك
ههههههههههههههه
نورتنى

غير معرف يقول...

مبروك على عيد ميلاد المدونة
الكابتن الكبير قوى

سيف

صيدلانيه طالعه نازله يقول...

Single Mummy

كالعاده فرحانه بيكى و بتعليقاتك الجميله
و بعدين المدونه جميله عشان عينيكى الحلوه هيا اللى شايفاها
نورتينى

صيدلانيه طالعه نازله يقول...

شفـقــة و إحســــان
و انتوا كمان ميرسى ليكم مرتين

منورينى دايما

صيدلانيه طالعه نازله يقول...

Ashraf

شكرا يا جميل و كله بفضل مساندتك و تشجيعك

منورنى كالعاده فى المدونه و البيت

صيدلانيه طالعه نازله يقول...

نهر الحب

ميرسى يا انوسه دايما صاحبه واجب
و يارب نتقابل قريب ان شاء الله

اهلا بيكى دايما

صيدلانيه طالعه نازله يقول...

سبايدرمان spiderman

ميرسى لذوقك و مبسوطه ان الاستايل الجديد عجبك لان حضرتك ليك مبتكرات جميله جدا

نورتنى

صيدلانيه طالعه نازله يقول...

Baskouta
ميرسى يا بسكوته بالشيكولاته انتى
انا عمرى ما حانسى اليوم ده ابدا و كان نفسى تكملى معانا لاخر اليوم لان القعده كانت حلوه قوى

ميرسى لرقتك و ذوقك
و ده المتوقع اكيد من بسكوته

اهلا بيكى دايما

صيدلانيه طالعه نازله يقول...

واحدة مفروسة

روووووووسه القمر وصلت
معلش يا جميل اصل تيما اللى جايبه الكيك و بالتالى انا معاكم من المتفرجين
الا ما قالتلى اتفضلى واحده و لا حاجه

انا بقى حاديكى شويه سمارت من اللى بتحبيهم

بحبك يا قمر و ان شاء الله جايه قريب
و نتقابل بقى و نروح للحاج سينابون
ههههههههههههههههه

نورتينى

صيدلانيه طالعه نازله يقول...

موناليزا

ميرسى يا قمر و معلش بقى البالونات فرقعت

نورتينى

صيدلانيه طالعه نازله يقول...

سمع هوص (Abo 3li)

ميرسى لذوقك و همتكم هاتولها عريس من المدونات المذكره

هههههههههههههه
نورتنى

صيدلانيه طالعه نازله يقول...

فتاه من الصعيد

ميرسى يا قمر و يارب نهنيكى قريب

مبسوطه بيكى يا بلدياتى

Tamer Nabil Moussa يقول...

كل سنة وانتى طيبة والمدونة معمرة بيكى ديما يارب

ربنا يوفقك ويكرمك علا

مع خالص تحياتى

صيدلانيه طالعه نازله يقول...

Wanda

باحب تعليقاتك قوى بتحسسنى بشقاوتك
و بعدين قولى لعادل حماتك بتقولك ادينى حته و هو حيديكى على طول
هههههههههههههههه
المدونه كانت بتشجيع جوزى اه
بس ده ميمنعش انه ساعات بيقوللى ايه الهبل ده ساعااااااااااات مش على طووووووول

احلى حاجه فعلا فى المدونه انها عرفتنى باحلى ناس و اللى انتى اكيد منهم

بحبك يا واندا

صيدلانيه طالعه نازله يقول...

العيسوى الصغير

الغير معرف حاجرى وراه بالمقشه

ميرسى ليك

صيدلانيه طالعه نازله يقول...

فاتيما
انا جيت اهه
اصل كان عندى وعكه

صيدلانيه طالعه نازله يقول...

لولا وزهراء
انا بقى حادلعك زيزى
ميرسى يا قمر انا كمان بحبك قوى و باحسك حد عاقل و رزين
ميرسى ليكى بجد
سلامى للولا

صيدلانيه طالعه نازله يقول...

Pink Dreams
ميرسى يا قمر و ربنا يجعل ايامك كلهاpink

نورتينى

صيدلانيه طالعه نازله يقول...

محمد فؤاد (صاحب عمود النور)

منورنى دايما و سعيده جدا انى شفتك فى المعرض

اهلا بيك دايما

صيدلانيه طالعه نازله يقول...

بسنت
الزميله العزيزه و سياده المفتشه
و جارتنا فى المنيا
ههههههههههههههههههههه

ميرسى لذوقك
التدوين بجد حاجه جميله اتعلمت منها كتير

نورتينى

صيدلانيه طالعه نازله يقول...

7annen

ميرسى ليكى يا قمر انتى
و عقبال عيد ميلاد بنتك

صيدلانيه طالعه نازله يقول...

كيــــــــــــارا

منورانى يا قمره و انا اللى انبسطت اكتر انى عرفتك
بحبك و بحب رقتك و كسوفك قوى

نورتينى يا جميله

صيدلانيه طالعه نازله يقول...

سيف يا قمر

الكابتن اللى حيقهر اسطوره الحضرى
هههههههههههههههههه
بحبك يا جميل

صيدلانيه طالعه نازله يقول...

Tamer Nabil

ميرسى لذوقك و معايدتك

منورنى

إيمان يقول...

مبروووووووووك النيو لوك الجميل ده
وكل سنه والمدونه دايما شغاله بحبك وحب الناس ويارب دايما نستمتع ونتعلم منك يارب
وعقبال ماتفضل مفتوحه بكتباتك طول العمر يارب
مع خالص حبى وحبى يااجمل لولو
تحياتى

Mano يقول...

كل سنة وانتي ومدنتك بخير
ويارب دايما مجمعة الحبايب

هناء محمود يقول...

كل سنتين وانتى طيبة يا جميل

فعلا المدونة دى بتملا حياة الناس الفاضيين وبتفضفض عن الناس المشغولين

وبتعرفك بناس تانيين

شوفتى الأغنية دى حلوة بالمناسبة السعيدة دى

أنا فعلا اول ما عملت المدونة بتاعتى لما شيما صاحبتى أقنعتنى .. مع إنى مكونتش فاضية ومازلت بس حبتها خالص وبقت جزء من حياتى وفتحتلى نوافذ كتير على العالم إللى انا عايشة فيه وخرجتنى شوية من الدايرة المغلقة إلى كنت عايشة فيها

عقبال ميت سنة يا جمييييييل

فاتيما يقول...

ازيك يا لولاّ

وحشتينى

وش مكثووووف

الكبكيك زى ما هيا اهى و لا فتفوتة منها اتكالت يعنى؟؟؟
اومال بس عمالين تبكتونى عليها خليتوا العيال نفسها اتصدت ...و قالولى يا ماما مش عاوزين يلا نروح ...

بوسيلى العيااااااااال بتوعك

آه
لو حبيتى تغيرى الغنوة قوليلى و انا اباصيلك كود الغنوة الجديدة اللى تختاريها طوالى

بوسة و حضونااااااااااات يا لولتى

كيكى عوووووو يقول...

ياخراااااااشى على البنوتة العسل دى بقى لونها بينك!!!
نفسى بنوتى ادهنها موف فى اخضر!!!
ربنا كدة يسعدك ويفرحك دايما

صيدلانيه طالعه نازله يقول...

emymony

ربنا يخليكى يا اجمل ايمى
و يارب نفضل اخوات و اصحاب دايما

نورتينى

صيدلانيه طالعه نازله يقول...

Mano

ميرسى يا فندم و دايما منورنا

صيدلانيه طالعه نازله يقول...

أم .. بوبه

فعلا المدونه طريقه سحريه لفش الخلق زى الشوام ما بيقولوا

و كفايه انها عرفتنى على بوبه و امها
ههههههههههههههههه
نورتينى

غير معرف يقول...

كل سنه وانتى وهى طيبيين احساس حلو اوى انك تشوف مدونتك بتكبر قدامك
انا كنت باقول على مدونتى انها بنتى
واحتفلت اكتوبر اللى فات بعيد ميلادها الثالث
كل سنه وانتى طيبه

صيدلانيه طالعه نازله يقول...

فاتيما

بصراحه يا تيما انا اول مره احس بالونس لانك معايا فى الكومنتات كتير المره دى
متيجى نكتب مع بعض
انتى مش معاكى المفتاح

وحشتينى

صيدلانيه طالعه نازله يقول...

كيكى عوووووو
كيكى يا قمر
انا بقى اعرف نقاش تحفه اسمه فاتيما
ههههههههههههههههه
و كمان بتديكى كب كيك ببلاش مع المدونه عند تسليم المفتاح

صيدلانيه طالعه نازله يقول...

رحله البحث

انتى مدونتك دلوقتى داخله كى جى وان
احنا لسه روضه
ههههههههههههههههههههههه
نورتينى و يارب اشوفك هنا على طول

мαησηα يقول...

لوووووووووووووووووووووولوووووووووووووووووى شفتى بقه محدش زغرتلك هههههه

يلا يا ستى دى هديتى ليكى يا سكر

كل سنة وانتى طيبة وبخير وبالف صحة

ودايما حبيبتى منورة قلوب اللى بيحبوكى وانا اولهم :)

عقبال يارب مليوووووون سنة باذن الله

Unknown يقول...

كل سنة وأنتِ ومدونتك
بكل خير أنا كمان
صعبان علىّ حالنا

وأنا فاتت علينا سنتين
وسط بلوجر والناس الحلويين
اللى فيه بس أنا بقى كــــتبت
رسالة الحب دى لكل من دخل وعلق
عندى فيهم بما أنتِ يادكتورة كل سنة
وأحنا وبلدنا وعالمنا كله بألف خير .

قوس قزح يقول...

موووووووووووووووووووووووووووووووووواه
كل سنة و انتى طيبة و جميلة
و من احلى الناس اللى عرفتهم
و يارب كل سنة تكبر فيها مدونتك يكتر معها احبابك و اصحابك

و حلوة بقى عندها سنان و بتعض دى هههههههههههههههه
كويس انى مشيت قبل ما ادخل هنا و الاقى المدونة عضانى هنا و لا هنا :))

richardCatheart يقول...

معلش يا جميل وقع منى البوست دا ماعرفش ازاى
كل سنه وانت ومدونتك بالف خير
ولسانك بالحق على طول ممدود
وقلمك لامم شمل الافكار الاجابيه
والحبايب مع بعض

يمكن انا لسه من قريب باجى ازورك بس والله من المدونات القليله اللى حبتها وارتحت للرد والكلام والاستيعاب فيها

يارب ديما بتقولى اللى نفسك فيه ويحبب فيكى خلقه
ونسمع عنك كل خير يارب

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .