الثلاثاء، فبراير 09، 2010

انت وحشتنى قوى



طول عمرنا كنا مع بعض و مفترقناش

لغايه دلوقتى و رغم الوقت اللى عدى لسه فاكره اول مره شفتك

استغربتك شويه ...........غيرت منك شويتيين..........بس حبيتك قوى

عمرنا ما كنا مرتبطين ببعض ظاهريا

بس وقت الجد كنت بلاقيك راجل بجد

طول الوقت كنا بنتخانق و نشد فى شعر بعض

و اقول امتى بقى اخلع من هنا و اسيبك زى monkey cut

بس دلوقنى انت واحشنى قوىىىىىىىىىىىىى

كل ما افتكر خروجاتنا فى اسكندريه و قعدتنا فى ماكدونالدز محطه الرمل

افضل اضحك لغايه عينيا ما تدمع من اللى كان بيحصل فيها




طول عمرى كان نفسى احضر فرحك زى كل البنات و افرح بيك

بس انت ركبت دماغك و عملته بره


كان نفسى ابقى اول واحده تشيل مريم و عاليا اول ما يشوفوا الدنيا

بس حتى دى ماكانش ليا نصيب فيها

نفسى اسمع كلمه عمتو كتير و ازهق منها لكن للاسف

حتى دى باسمعها يومين تلاته من السنه للسنه

زى هلال العيد



الى الدكتور يامن الساكن فى جده

و اللى مش باشوفه غير يومين فى السنه

عايزه اقولك


انت وحشتنى قوى


هناك 83 تعليقًا:

Zouka's يقول...

والله انا ضد نحديد النسل -رغم كل النظريات والامور الشرعيه-

انا ولله الحمد عندى 4 اخوات -اى اننا بالصلاة على النبى 5 اخوات فى عين العدو-

ولكن هل من مزيد اى والله

كلنا كبرنا وتزجنا وخلفناوالحمدلله

ولكن كل واحد وله طعمه وطباعه -وكذلك زوجه واولاده-

وكذلك تغربنا واتجمعنا ولكن البعض تغرب وما يزال يوم تجمعنا يوم عيد

ايضا نسايبى اهل حماى 10 اخوه واخوات
لمه و عزوه وربنا مايحرمش حد من اخوه او زميله او جاره او حبيبه او اى شخص حتى ولو ممن يخدمه او يليه فى المرتبه والسياده

بأذكرك يادكتوره كانت معنا بنوته حلوه- مكلبزه- بتشتغل عندنا فى الصيدليه ومشيت بعد خدمه طويله وانا وانت والاولاد بنذكرها بكل خير- رغم خناقاتى معاها ومعاكى بسببها-

وهكذا الدنيا لقاء وفراق

والذكرى اطول من العمر

وعجبى

Mafrousa يقول...

ربا ما يحرمكوا من بعض ابدا يا علا
و يجمع ما بينكم يارب

غير معرف يقول...

الحياة كده فراق ولقا

ربنا مايحرمكم من بعض ويخليكم دايما لبعض وتسمعى عمتو اسبوع مش يومين تلاتة بالسنة هههههههههههه :D
فكرتينى من زمان وانا كان نفسى يكون معايا اخ كبير امشى معاه واقول البوى فريند بتاعتى واخليه يسافر معايا فى اى مكان انا عاوزاه لما امرمطه معاياههههههههههههههههههههه

صيدلانيه طالعه نازله يقول...

Ashraf
مش عارفه ليييييه حاسه انك بتلقح كلام
ههههههههههههه
بس و لا يهمنى و لا كأنى سمعت حاجه
ربنا ما يحرم حد من حد ابدا
ايا كان هذا الحد
آميييين يارب العالمين

كيكى عوووووو يقول...

حمتو يا حمتوووووووووو
انا كيكى ياحمتووووووووو
انفع ولا لا؟؟!!

صيدلانيه طالعه نازله يقول...

واحدة مفروسة

يارب يا روسه لاحسن واحشنى قوى

صيدلانيه طالعه نازله يقول...

star in the sky

لا ده اصغر منى و بعدين انا اتجوزت بدرى و ملحقتش امرمطه
هههههههههههههه
نورتينى

صيدلانيه طالعه نازله يقول...

كيكى عوووووو

تنفعى طبعا
بس حمتو دى لو قالوها حاقتلهم

ههههههههههههههه

سواحة يقول...

:-)
انا بقى قطعت تذكرة لحد عنده و شيلت بناته و لعبت معاهم لحد ما افتكرت انى شبعت بس
طلع انى مشبعتش :-) و لسه جعانة كلمة عمتو :-(((

المهم عندى امل اشيلهم ثانى قريب
امتى الله اعلم :-)

عقبال ما يرجعلك هو و بناته فى اقرب فرصه حلوة

صيدلانيه طالعه نازله يقول...

Wanda

تسلمى يا جميله و ربنا يتقبل دعاكى
انا فعلا بافكر اروح عمره و افضل معاهم شويه
دعواتك بالتساهيل

سواحة يقول...

أمل حلو
ربنا يكرمك بيه و ينولك زيارة بيته فى اقرب فرصة
و ابقى ادعيلى و للمدونين كلهم :-))

قول يارب ياجماعة
ياااااااااااااااااااااا رب

لــــ زهــــــراء ــــولا يقول...

دكتور علا
-*-*-*-*
الله على المشاعر الجميله يا ارق عمتو
مشاعرك تحفه بجد ةباينه اوى من خلال الحروف
مش لاقيه كلمه اعبر بها عن مشاعرى لنى اقدر الاخوه بجد الحمد لله لدى اخ واحد فقط ربنا يبارك فى عمره ويفرح قلبه لكن لما احب حد بجد اقول عليه اخويا او اختى
ربنا يبارك لكى فى كل احبائك يا علا

وبجد مشاعرك راقيه ورقيقه جدا جدا
تسلم الانامل التى خطت تلك الحروف

عاشقه الرومانسيه يقول...

انا كمان هاموت واسمع كلمه عمتو
واهى هانت وقربت اسمعها
ربنا يخليكم لبعض
ويبارك لكم فى مريم وعاليا

فاتيما يقول...

ربنا يخليكم لبعض يا لولاّ

و ترجعى تسمعى كلمة عمتو تانى
ميت الف مرة ف الدقيقة

فين بوست اللقاء يا هااااااانم

و لا خلاص راحت عليه؟

المهم الصور وصلتلى و شفتك انتى و العيال فيهم و بسكوتة كمااااان معانا

بحبك قوى
و ابقى باصيلى شوية تفاصيل
و طمنينى

انا معكوكة حاليا فى كام حاجة
و لما تخلص على خير
هبقى اطمنك انتى و دودو

سلااااااام

الجواز و سنينه يقول...

ربنا يجمعكو مع بعض تانى
و تسمعى كلمه عمتو لغايه ما تزهقى

Cute Kitty **sookra يقول...

ربنا يرجعهولك بالف سلامه وتشبعى من كلمه عمتو
ويارب تروحى تزورى الرسول وتزوريه وهناك ابقى ادعيلى وادعيلنا كلنا
مساكى شيكولاته يالولو
دا دلع علا

Pink Dreams يقول...

ربنا يرجعهولك بالسلامه يا رب

وربنا يخليكوا لبعض يا قمرايه

وتشوفى ولاده ويقعدوا يقولولك يا عمتو يا عمتو لحد ما تزهقى :)

romansy يقول...

ان شاء الله هتسمعيها كتير كتير
الغربه وحشه وبعدين دلوقتى بقت الدنيا عاوزه تعب

غير معرف يقول...

ربنا يخليكوا لبعض وما يحرمكوا من بعض ابداااااااااااااا

ويجبهولك بالف سلامه يارب

رئيس جمهوريه نفسى يقول...

حسيت البوست دة قوي أختى الوحيدة بتجهز ورقها ومسافرة لجوزها السعودية ومش عارف من غيرها هي واولادها الدنيا حتبقي عاملة ازاى ولا شكل البيت واجازاتى حيبقى طعمها ايه

mira يقول...

حبيبتى ربنا يجمعكم على خير
بس اكيد اللى بعده عنك الظروف مش اكتر
ربنا يخليكوا لبعض
تحياتى

إيمان يقول...

ربنا يخليكم لبعض يارب
ويقرب البعيد ومايحرمكم من بعض ابدا ويرجع بالسلامه يارب
تحياتى

لـــولا يقول...

الله على الاحساس العالي ربنا يخليكوا لبعض وميحرمكيش من كل حبايبك
يارب يسعد قلبك ويفرحك بكل اللي حوليكِ البوست بتاعك فرحني قوي وتعبني من جوايا قوي قوي قوي
لـــولا
الرد اللي فات كان لزهرة بس الزهايمر بقى هههههههههه

Mahmoud البطراوى يقول...

ربنا يخليكم لبعض يارب
ويخلينى ليكى .. ويجوزنى واحنا بندعى بالمره
:D

ستيتة يقول...

وأحب أهدي نفس البوست "يعني وحشتني قوي يا مفسحني ومهنيني يا صاحبي" لحمبوزو ساكن الرياض
بس انا لو حد قالي عمتو أجيب قنبلة وأنسف أبوه :) علشان العيال ميهونوش عليا
دول حبايب القلب ونور عيني واسم عيلتي

لكن عمتو نووووووووووووووووووووو
انا بكره العمات

انا عمة بقلب خالة
قلب خساية

Mahmoud Ahmed يقول...

ربنا يخليكوا لبعض يرارب
و ان شاء الله تسمعي عمتو لحد ما تزهقي و مش هتزهقي منها خالص ^_^

adel يقول...

سيبك من كل ده :) :)
اخبار خطيبتي ايه :$:$ (ده وش مكسوف قوي ياحماتي)

د. شلافييط يقول...

محدش يصدقها
محدش بيقولها عمتو
مريم بتقولها يا علا على طول
زي مبتقوللي يا يامن بدون القاب
بس هي عارفة ان علا هي عمتها وده واقع لا يمكننا تغييره.
بالنسبة للأرتباط الظاهري دي حاجة غريبة شوية، لأن واقعيا الأرتباط الظاهري لا يكون الا فالأفلام الهندية او في فيلم دراكولا
لما كان دراكولا يفكر كانت مينا بتقرأ افكاره و العكس صحيح.
و بمناسبة ذكر الأخ دراكولا فأحب ان اقول ان هذه الرواية هي اول رواية اقتنتها الدكتورة علا ويمكن يكون ده سبب فكرة الأرتباط الظاهري المكنون داخل اللاوعي التنافسي لديها.
و بما ان الله لم يرزقنا بأخوة يعوضوا اللي عملتيه فيا (حتى الآن لأن مفيش حاجة مضمونة وكمان الطب اتقدم)
لذلك ليا تعقيبين
1- انت وحشتيني اكتر و كمان اشرف وسيف وشادن بالرغم ان مريم كرهت شادن علشان كل ممريم تعمل حاجة غلط اقولها خلاااااااااص شادن تروح المدرسة مكان مريم وكمان تاخد المايوه والبرنص واليونيفورم ومريم تبدأ تصوت.
2- انصح اي حد عايز يعمل عمرة او حج ميفكرش يروح حتة غير السعودية .
شكرا

Unknown يقول...

تسلم ايديكى ياقمر
ودايما متالقة ومبدعه

بقايا انسانه يقول...

والله بجد انتي بكيتيني

ومن قبل ماوصل لاخر الكلام عرفت انه لاخوكي

اناحاسه بيكي اوي

عشان انا كمان اخويا مسافر

ربنا يهون عليهم ليل الغربه

هي وظروفها يقول...

اكيد د/يامن بيبادلك نفس الاحساس

بس ظروفه كده

محدش بيسب اهله وبلده الالو كانت لقمه العيش هنا صعبت عليهونفسه يحقق لهم جزء من الحياه الكريمه

تعرفي ان صحابي اللي مسافرين بره

بيقولوي لو رجع الزمن بينا مش هنسافر
لان الغربه علي قد ما بتدي بتاخد حاجات

بس ربنا يوفقه ويحقق كل احلامه
ويارب ربنا يكتبلك عمره
وبعد ما تخلص فروضها
تقعدي معاه في جده اسبوع وتسمعي
احلي عمتو في الدنيا

سمع هوص (Abo 3li) يقول...

قطيعة ... محدش بيكولها بالساهل....
الله يقطع الفلوس والغربة البتفرق اخ واخته..

ربنا يخليكم لبعض... ويرجعهولك بالسلامة ان شاء الله..

كنتي وحشانا بقالنا كام يوم مشفناش منك حاجة هنا... بس لما رجعتي قلبتي المواجع وفكرتينا بكل الغالين الغايبين...

تحياتي... وصباحك سكر زيادة

صيدلانيه طالعه نازله يقول...

Wanda
امييييين يارب
دعواتكم و ان شاء الله اروح و ادعيلكم
نورتينى يا واندا

صيدلانيه طالعه نازله يقول...

لولا وزهراء
انا كمان يا زهرا معنديش اخوات غيره
عشان كده فارق معايا قوى اللى حصل
و ان كل المناسبات اللى كان المفروض انى مستنياها عشان اشاركه فيها ضاعت منى
معلش بقى
ربنا عاوز كده

بحبك يا زهرا

صيدلانيه طالعه نازله يقول...

عاشقه الرومانسيه

دودو المريضه يارب تكونى احسن دلوقتى
يارب تسمعى الكلمه دى على طول و يكتر اللى بيقولوهالك يارب

الف سلامه ليكى يا دودو

صيدلانيه طالعه نازله يقول...

فاتيما

انا اللى محتاجه اتطمن عليكى
انا اتعودت عليكى قوى يا هانم و ده فى حد ذاته مؤشر خطر
ههههههههههههههههه
اللقاء بقى انتوا كتبتوا عليه
انا بس مبسوطه انى شفتكوا و شفت ناس كتيره و الحمد لله كلهم كانوا عند حسن تخيلى ليهم

عمتو دى بقى مش عارفه ايه حلها بس امبارح بعد ما كتبت البوست اتصلوا بيا و كلمونى كتير

يظهر كل ما يوحشونى حاكتب بوست

صيدلانيه طالعه نازله يقول...

الجواز و سنينه

يارب يا دودو من بقك لباب السما


انتى واحشانى جدا

صيدلانيه طالعه نازله يقول...

sookra

يارب يا سكره نفسى قوى اروح عمره و ادعى
محتاجه قوى الموضوع ده و دلوقتى قبل بكره
و متخافيش انا مش حانسى حد فى الدعا

صباحك شيكولاته بالبندق

صيدلانيه طالعه نازله يقول...

Pink Dreams

ربنا يخليكى يا جميله
و اشوفك فرحانه دايما
اخبار الامتحانات ايه؟
يارب تكون جت كويسه

نورتينى يا قمر

صيدلانيه طالعه نازله يقول...

romansy

و للاسف التعب بيجى على حساب ايامنا و سعادتنا
ياللا بقى حنعمل ايه

مبسوطه بزيارتك

صيدلانيه طالعه نازله يقول...

7annen

آمييييييييين يارب

اللهم استجب

صيدلانيه طالعه نازله يقول...

رئيس جمهوريه نفسى

ربنا يهون الغربه على الكل
للاسف الدنيا بقت صعبه قوى و الكل لازم يتعب فيها
بس الواحد مش عارف اخره التعب ايه
نورتنى

صيدلانيه طالعه نازله يقول...

mira
انا عارفه و مقدره
بس ساعات الواحد بيحتاج يفضفض لحد
و الحمد لله انتوا كلكم موجودين

نورتينى

صيدلانيه طالعه نازله يقول...

emymony

يارب يا حبيبتى
و يارب ميفرقش اى حد فى الدنيا عن الناس اللى بيحبها

صيدلانيه طالعه نازله يقول...

لـــولا

سواء انتى او زهرا انتوا الاتنين محل اعتزاز و ترحيب عندى و زيارتكم بتفرحنى

مبسوطه ان البوست عجبك و معلش انه ضايقك شويه و ده معناه انك حسيتى بيا

انا بحبكوا قوى

صيدلانيه طالعه نازله يقول...

بطوط حبوب

انت بتدعيلنا و لا بتدعى لنفسك

روح ادعى لنفسك فى مدونتك هنا الدعاء لينا احنا بس
نورتنى

صيدلانيه طالعه نازله يقول...

ستيته حسب الله الحمش

هو انت منهم اللى بيكرهوا العمات
كنت حاكتبها كده بس خوفت انضرب و لا حاجه

اصل انا عمات ولادى عسلات و الله و باموت فيهم

الكره لكلمه عمتو زكريات قديمه اليمه

مش بيصرخ مش بيعيط
ههههههههههههههههههههههه

انا بقى عمرى ما حابقى خاااااااااله ابدا لانى بنت واحده و اخ واحد يعنى عمه غصب عن عين اهلى و مفيش اختيارات

و مينفعش احذف اجابتين و لا استعين بصديق

فات المعاااااااااااااد

صيدلانيه طالعه نازله يقول...

سبايدرمان spiderman

طبعا مش حازهق و بافكر اعملها سى دى بصوتهم

نورتنى

صيدلانيه طالعه نازله يقول...

adel

و الله يا عادل
فى الواقع يا ابنى انت فاجئتنى
و الله المثاثه الشبكه اللى انت قدمتها هيا سابتها فى القاهره
معرفش بقى معنى الحركه دى ايه
و الحدق يفهم

صيدلانيه طالعه نازله يقول...

د. شلافييط

يعنى لازم التسييييييح ده على الصبح
و انا عماله اقول عمتو و مش عايزه اقول ان عيالك مش متربيين و بيقولولى يا علا حاف كده من غير غموس
طب ده يبقى عيب مين
الناس بقى تحكم
و بعدين ماله دراكولا يعنى و فيها ايه ان تكون اول روايه اشتريها دراكولا
مش حاسه انها فضيحه يعنى

و بعدين انا استاهل انى قلت يا بت حبى اخوكى شويه
امشى ياللا من هنا عشان حنرش ميا قدام الباب
هههههههههههههههههه

صيدلانيه طالعه نازله يقول...

نهر الحب
ميرسى يا انوس
ده بس من ذوقك
ابقى طمنينى عليكى دايما

صيدلانيه طالعه نازله يقول...

بقايا انسانه

انا اسفه انى نكدت عليكى
بس انتى شكلك كنتى متلككه على العياط
ربنا يهون الفراق على الجميع و يرد الغايب بالف صحه و سلامه

Unknown يقول...

طب كنتوا بتتخانقوا ليه
تسلية وخلاص
ولا تطييع وقت

صيدلانيه طالعه نازله يقول...

هي وظروفها
الغربه قد ما بتدى فعلا بتاخد من اعصابنا و صحتنا و ذكرياتنا
دعواتك بقى فى موضوع العمره

صيدلانيه طالعه نازله يقول...

سمع هوص (Abo 3li)

احسن حاجه انك كتبت اسم المدونه جنب الاسم
اصل اسم ابو على بقى كتير قوى

المواجع موجوده عند الكل و مفيش عيله فى مصر مفيهاش حد متغرب سواء داخل مصر او خارجها

ربنا يوفق الكل و يرد الغايب على خير
نورتنى

صيدلانيه طالعه نازله يقول...

العيسوى الصغير

كنا بنتخانق ليييييييه
عشان الاخوات لازم يتخانقوا و الا ميبقوش اخوات
ههههههههههههه
نورتنى

شمس النهار يقول...

حاسة اللي بتقوليه ده كله

انتي بتشوفيه يومين في السنة

انا كل كام سنة لما اشوفة

تحول بالنسبة لي صوت فقط

اما الصورة اهي عندي صورة له حطاها قصادي علشان ماانساش شكلة


عذائي الوحيد انه مبسوط في مهجره وان ده اللي هو عايزة

سلامي

صيدلانيه طالعه نازله يقول...

شمس النهار

حاساكى بتتكلمى على ابنك يا شمس
و اسفه انى قلبت عليكى مواجع انا عارفاها و حاساها
ربنا معاكى و مع كل اللى حاسين زينا

نورتينى

أحمد عبد الحميد يقول...

معلش ده حال الدنيا
أنا كمان أختى الصغيرة حتسافر لجوزها ومش حاشوفها غير كل أجازة
مش عارف حلاقى مين يجر فى شكلى ويغتت عليا
بس بجد حتوحشنى وربنا يسعدها مع جوزها

صيدلانيه طالعه نازله يقول...

أبو حميد
للاسف كلنا هذا الشخص الزعلان
هو انا شكلى قلبت المواجع على الكل
معلش بقى
ده حال الدنيا

Mahmoud Ahmed يقول...

تعملي سي دي يقولوا فيها يا عمتو
هههههههه
جيدده الفكره ده قوي
هههههههه
بس ليه بكره يجيوا و تسمعيها على طوول

Remas يقول...

حبيبتى ازيك

كان نفسي اشوفك اوى في معرض الكتاب بس للاسف مش عرفت اروح بسبب البرد اللى كان عندى

ربنا يرجع لك اخوكى بالف سلامة يارب

ويجمعكم على خير

عارفه انا كمان اخويا اتجوز برا ومش شفت مراته ولا بنته اللى عندها خمس شهور لحد دلوقتى وهاتجنن واسمع منها كلمة عمتو

ربنا يخلى لك اخوكى يارب وبنوتاته ومراته

شفـقــة و إحســــان يقول...

ربنا يخليهولكم يارب وما تتحرميش منه ابدا
وربنا يجمع شملكم

اميره الصعيد يقول...

ربنا يجمعكم علي خير
وميحرمكمش من بعض ابدا

blue-wave يقول...

ربنا يخليكوا لبعض

عايش... ولكن !!!! يقول...

انا هسمع كلمة عمو بقا :)

قريب يعنى

ربنا ينولك كل اللى تتمنيه

hasona يقول...

السلام عليكم
هكذا الحياة تجمع بين تناقضات كثيرة
نجتمع ونتفرق ويبقي بيننا طريق الامل

ربنا يجمعكم علي الخير دائما
ويجمعنا جميعا علي التقوي

صيدلانيه طالعه نازله يقول...

سبايدرمان spiderman
لا على طول يبقى ملل و خنقه
كفايه السى دى خااالص عليهم

نورتنى

صيدلانيه طالعه نازله يقول...

reem

انا كمان يا ريم كان نفسى اشوفك
و شفت مدونه من اسكندريه اسمها ريم برضه افتكرتها انت بس اما قالت اسكندريه عرفت انها مش انتى

انا اخويا مراته راحتله عروسه بالفستان الابيض ومحضرتش لا فرح و لا سبوع
المهم ربنا يهنيهم و يسعدهم

صيدلانيه طالعه نازله يقول...

شفـقــة و إحســــان
آميين يارب العالمين

صيدلانيه طالعه نازله يقول...

اميره الصعيد

يارب من بقك لباب السما

صيدلانيه طالعه نازله يقول...

blue-wave

ميرسى لذوقك
نورتنى

صيدلانيه طالعه نازله يقول...

عايش... ولكن !!!!
مبروك عليك كلمه عمو
و ميرسى للزياره

صيدلانيه طالعه نازله يقول...

hasona

يظهر الدنيا كده فعلا
و مفيش حل تانى غير اننا نقبل

نورتنى

richardCatheart يقول...

ربنا يجمعكم على خير وان شاء الله انت اللى تقفى فى افراح اولاده وتبقى احلى عمتو وتعملى كل اللى كان نفسك تعمليه فى فرحو
انا بقى عماتى زى السكر وبحبهم وبموت فيهم ربنا يدهم الصحه علشان كده بموت فى كلمه عمتو

وعندى حته بنت اخ اسمها على اسمى ومشكله
توقف اسكندريه كلها على سن ورمح ربنا يفرحنى بيها

ويفرحك بولادك وولادو ان شاء الله
ويخلى كل الاخوات لبعض امين يارب العالمين

ويكا يقول...

حلوه اوى اوى
monkey cut دى .

الا صحيح ، هي الاصل فيها الكلمه العربى ولا الانجبليزى ؟؟؟
لان اللى انا درستها فى المدارس كانت عربى

صيدلانيه طالعه نازله يقول...

richardCatheart

ربنا يخليكى لعماتك و بنت اخوكى
بس اما تبقى اسكندرانيه و موقفه اسكندريه دى تبقى مشكله فعلا
هههههههههههههههههه

نورتينى

صيدلانيه طالعه نازله يقول...

ويكا

لا طبعا العربى هو الاصل

قرد قطع

ليها وقع فى الاذن غير monkey cut خااااااااالص
نورتنى

أحمد زاهر يقول...

ربنا يرجعهولك بالسلامه

غير معرف يقول...

ربنا يرجعهولك بالسلامه يا رب

انتي من اسيوط :) ... احنا جيران بقا :)

تحياتي

الشاعر الفنان أحمد فتحى فؤاد يقول...

ربنا يجمعك بيه أكتر من اليومين دول
و ما يحرمك منه أبدا أبدا أبدا
دمتى بألف خير

Tamer Nabil Moussa يقول...

ربنا يقرب البعيد

ربنا يوفقك ويكرمك علا

مع خالص تحياتى

هناء محمود يقول...

متقطعيش قلبى بقى

أنا كمان أخوية الدكتور هانى فى السعودية

ووحشنى أوى وعمورة أبنه وحشنى موووووووووووت


إهئ إهئ إهئ


ربنا يرجعهم بالسلامة يارب

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .