الأربعاء، يناير 27، 2010

للاسف صح


انضم الفنان الجميل ذو الصوت الاجمل محمود ياسين





و الفنانه الرقيقه هند صبرى الى حمله جمع التبرعات لضحايا زلزال هايتى


حد لمض يجى يقولى قصدك جمع التبرعات لضحايا السيول فى اسوان و سيناء

اقوله لا يا خفيييييييييييف

ضحايا هايتى




و لا تعلييييييييييييق

هناك 65 تعليقًا:

richardCatheart يقول...

هههههههههههههههههههههههههههههه
هايعيشو ويموتو زى القرع يمد لبراااااااا

ربنا اكرمنا واتسترنا اؤدام اخونا العرب والعالم

المصرين لامحتاجين صفوة المجتمع ولا حكومتها

تلملهم الحمد لله احنا اللى عملنااقل واجب وسعدنا اهلنا اللى زينا واللى مايحسش بيهم غيرنا

واحب من خلال مدونتك اشكر عمرو اديب لانه صاحب اول مبادره شعبيه حقيقيه هو اللى لمنا وخلانا نعرف نعمل ايه وفى اى اتجاه ودى بس ان شاء الله البدايه

اما عن الباقى متشكرين اوى
نجمه النجوم يسرا كمان راحت عملت اعلان علشان هايتى
واللى جوه يتحرقو بجاز ولو مافيش نشرى

تسلمى وشكرا تقبلى مرورى

اسمي أحمد .. لو مخانتنيش الذاكره !! يقول...

شغل منظره بعيد عنك .. ناس غريييييييييبه

على اي حال ما شااااااااااء الله عليكي

ابداع يتجدد و اسلوب راقي جدا

كل المدونين بقو شطار و انا اللي وقعت من قعر الأفه ؟؟؟

ههههه

يا ريت اتشرف بحضرتك في مدونتي المتواضعه

http://ra7alaat.blogspot.com/

شكرا لوقتك

هي وظروفها يقول...

فعلا الخبر ده صحيح

اصلك مش فاهمه اللي فيها

يا دكتور ضحايا هاييتي يعني شهره ودور عالمي ومكانه ادبيه واجتماعيه واضواء ومش بعيد اموال وسيادتك بتفطر ايه وبتتغدي ايه

معقول الفنانه الجميله بتدخل الحمام زي بقيت الناس؟؟؟؟؟؟؟؟؟؟!!!!!!!!!

امبارح شوبير الوصولي الأتم كان بيترجي هيفاء وهبي واليسا ونانسي
بلاشتراك في حفلات مصريه للتبرع لضحايا
السيول!!!!!!!!!!
يا خساره علي ولادك يا مصر تغور البطانيه والدفه بفلوس نانسي وهيفا
احنا بنشحت عليهم ولا ايه فين فلوس الضرايب العقاريه والتأمينات
دخل البترول وقناه السويس والسياحه
واللي واللي واللي
انما ساعه الهلس الفلوس في منت تظهر
مواكب الرئيس والوريث وأم الوريث
والوزاء ومكاتبهم واموال رجال الأعمال اللي ملهموش عازه ولا فايده بيستغلونا بس
طب حتي يدوا الناس اللي ماتت واهاليهم اللي علي وش موت حاجه من اللي خدوها من الناحيه الشمال
طولت يا علا بس الواحد في البلد دي الكلب ليه تمن عنه

هي وظروفها يقول...

دكتور عندي كاتب اقتراح
ياريت اعرف رايك فيه صح ولا غلط مستني ردك عندي

لولا وزهراء يقول...

دكتورة علا اقولك ايه بس انا زعلانة بجد ان الخبر طلع صحيح ...بس مش محمود ياسين وهند صبري ويسرا هما اللي هينقذوا ضحايا السيول فيه ملايين المصريين في حملة كبييييرة معاهم واقفين واشكر عمرو اديب واشكر بنك الطعام المصري واشكر كل مصري وقف معانا واشكرك يا دكتورة على البوست ده رغم انه سببلي الحزن الا انه علمني ان مهما اخدت مناصب واقف جمب الناس لازم منساش بلدي وولادها

ghada mOhsen يقول...

اااااااه ياصداااااااعى ...

حسبى الله ونعم الوكيل ...

اى وكأن والله اعلم ان الضحايا فى هايتى كانوا بنى ءادمين واللى هنا لا ...
هانقول ايه بس ...

بس بجد ربنا يكرم اللى عملوا اللى عليهم وزياده ..

بجد يادكتور علا بوست فى الصميم

تسلمى ان شاء الله
... ;) ,,, ;) ...

ghada mOhsen يقول...
أزال المؤلف هذا التعليق.
أبو حميد يقول...

يافندم ومين ممكن يتكلم عليهم فى الإعلام العالمى لو إتبرعوا لضحايا ومنكوبى سيول مصر (و إسمها سيول مصر مش العريش وأسوان لأنها مفروض تكون بتهم مصر كلها)لكن زلزال هايتى الكل حيتكلم عليهم
ألا بالحق هايتى دى موجودة فين على الخريطة؟؟؟؟؟

بطوط حبوب يقول...

كل ما تكتبى بوست اتأكد انك فعلا غريبه

مش معاهم مصرى .. معاهم دولارت
بس هى دى كل الحكايه
فهمتى

غير معرف يقول...

السلام عليكم
هو ممكن محمود ياسين يكون بيطمح لدور عالمي
اذا كان عادل امام افتكر كان سفير للنوايا الحسنة
وافتكر حسين فهمي دخل الموضوع برده
الدخول في المؤسسات الدولية بأي صفة طموح برده

هي لعبة مصالح مش اكتر
يستغلوا دولة منهارة زي تاهيتي بغرض مكاسب تانية ويعملوا رواج انهم بيدعموا الفقرا

سيناء واسوان هيحققوا ايه ولا حاجة
ولا تاهيتي كمان


تامر وهبه

غير معرف يقول...

كل سنة وانتي طيبة





تامر وهبه

غير معرف يقول...

هههههههههه
معلش يا علا المدونات اللي فاتحها كلها علي صفحة التعليقات
انا كنت باكتب لمدونة زميلة ليكو
مدونتها بعنوان
ليدي مش عاوز تكبر بمناسبة عيد ميلادها

so sorry
اجت هنا غلط

تامر وهبه

واحدة مفروسة يقول...

اتفرست

الشاعر الفنان أحمد فتحى فؤاد يقول...

دكتورة الحكاية و بإختصار إن أمريكا ذات نفسها هى اللى بتسوق عربية الإنقاذ و الدعم و الإحتلال .. عفواأقصد و الإعمار
تفتكرى فيه حد ممكن يستجرى و اللا حتى يفكر ما يدعمش هاييتى الشقيقة ( برضه ) فى محنتها
و نأسف لأهل سينا الكرام
المرة الجاية لا قدر الله
تحياتى

Sharm يقول...

هاييتي اهم

دول 110 الف

كارثة انسانية كبيرة جدا

تخيل الف قتيل ؟
تخيل مائة الف قتيل !!
عدد مهوووووووووول جدا

صيدلانيه طالعه نازله يقول...

richardCatheart :ربنا يبارك لكل انسان يكون فى عون اخوه الانسان
طول عمر عمرو اديب راجل فى المواقف الصعبه
و مننساش موقفه ساعه ماتش السودان

Tamer Nabil يقول...

دول من التبرع قصدين الشهرة اكثر والنظرة العالمية ليهم

اقول ليهم بلا وكسة

يجى ويحط عليكم

اتهقرت والله

مع خالص تحياتى

صيدلانيه طالعه نازله يقول...

اسمي أحمد .. لو مخانتنيش الذاكره :

دى مش منظره و بس دى نداله كمان

بس عادى متوقع برضه

صيدلانيه طالعه نازله يقول...

هي وظروفها :فعلا ساعه الكوارث تلاقينا اشتغلنا فى نظام التسول و الشحاته
لكن ساعه حفله بيونسيه و التذكره اللى ب5 الاف جنيه كانت الدنيا حلوه
و الخير كتير
انا فاكره نهائى افريقيا ساعه غرق العباره برضه كانت الدنيا حلوه قوىىىى
و لا كان فى حد مات و لا نيله

ربنا يرحم

صيدلانيه طالعه نازله يقول...

لولا وزهراء:بلدى ايه يا شيخه
بلدى ناسها مطينين و لابسين مقطع و ريحتهم وحشه و محدش بيصور غير قناه الحياه و دريم لكن هايتى فيه السى ان ان و البى بى سى

و ناس حاطه برفانات و صور مع نجوم عالميين وورنيش اعلامى جاااااااااامد
جت على دى يا زهراء

Tears يقول...

يعنى همه بيجمعوا تبرعات لهايتى بينما لطيفة التونسية طالعه فى البيت بيتك تشجع الناس لجمع تبرعات للسيول فى مصر

بس لو سألتيهم ح يقولوا احنا فى الامم المتحدة و هايتى اعلنت منطقة كوارث عالمية بينما احمد نظيف لم يعلن منطقة السيول كارثة و رفض بشدة خوفا على السياحة و على وجع دماغه فالمنظات الدولية لا تستطيع فعل شىء...اه ده القانون

اما حكاية القرع يمد لبره فنحن كمصريين اساتذه فيه....ما احنا اللى بنقف نلم تبرعات للفلسطينين بينما عندنا عشوائيات و دويقة و مشردين و اطفال شوارع و اللى يحتاجة البيت يحرم على الجامع و اصلا طبقا للامم المتحدة مستوى دخل الفرد فى فلسطين اعلى من مصر!!

اللى مش مصدق يبص على موقع صندوق النقد الدولى و يشوف نسبه المصنفين تحت خط الفقر فى مصر عشان يعرف ان فلسطين بالنسبه لنا بقت دولة غنية بس احنا كده

سليمان و ابو الغيط مشغولين لودانهم فى موضوع فلسطين و اصلا بقالنا خمسين سنه مش بنتقدم بينما المصريين المائة و خمسين الغلابه اللى رايحين انجولا ح يضربوا من الخمسة الالاف جزائرى اللى محملاهم طائرات عسكرية و معاهم سنج و سيوف...بس احنا مستعدين و ح نقعد نلطم فى الفضائيات بعدها

احنا بنطلع مظاهرات حاشدة على رسومات واحد غبى رسمها فى بلد ما تهمناش انما بناخد على قفانا فى بلدنا من الشرطة و الحكومة و بلطجيتهم اللى بيزورا ارادة الشعب فى كل استفتاء و انتخاب و مش بيطلع ربع العدد ده فى مظاهرة

اسفه على طول التعليق بس الواحد مرارته اتفقعت و شعبنا يستاهل كده و زيادة

صيدلانيه طالعه نازله يقول...

ghada mOhsen :ضحايا هايتى حناخد من وراهم فلوس و فسحه بالطياره
لكن ضحايا اسوان و سينا حنقضيها باصات و ببلاش

تفرق يا حبيبتى

emymony يقول...

حاجه تجيب الضغط ..ربنا يرحمنا برحمته دى ناس اكيد مش بيحسوا بمصر ما يشوفوا بلدهم وبعدين يتمنظروا بره.
بس اكيد اهل مصر معروفين بعزتهم ومش محتاجين لهم ..كفايه نظرة ربنا ليهم
لنا رب كريم
تحياتى
ايمى

صيدلانيه طالعه نازله يقول...

أبو حميد :هايتى دى فى امريكا اللاتينيه
اى التى لا تزرع التين
طبعا كلمه مصر كلمه بلدى قوى لكن هايتى قمه الشياكه
و كفايه ان اوباما و كلينتون مهتمين بيها

صيدلانيه طالعه نازله يقول...

بطوط حبوب :اسمها مصارى مش مصرى
انا برضه اللى غريبه
ما علينا
كلنا فاهمين ده بس الكلام ده ممكن لهند صبرى مش مننا لكن محمود باشا و يسرا هانم
من هناك يظهر و انا مش واخده بالى

صيدلانيه طالعه نازله يقول...

غير معرف او تامر:هايتى الكل مهتم بيها عشان فيه اعلام قوى بيسوق لمشاكله و بالتالى الكل بيدعمه
هنا تلاقى كل راجل اعمال يطلع فى التى فى يقول انا اتبرعت بكذا و فى الاخر كله فشر و كدب و محدش بيدى حاجه و الغلابه شاربين المر فى البرد القارس ده
ربنا يكون فى عونهم بجد

صيدلانيه طالعه نازله يقول...

واحدة مفروسة:

امال انا هنا ليه عشان افرسك يا مفروستى يا جميله انتى

صيدلانيه طالعه نازله يقول...

الشاعر الفنان أحمد فتحى فؤاد

انت صح فى كلمه الاحتلال امريكا اول خطوه عملتها بعد الزلزال احتلت مطار هايتى و حتخليه قاعده عسكريه و بتضحك عليهم بالمعونات و دى طبعا بدل احتلال زى بدل السفر كده
و بكده تبقى قصاد كوبا و فنزويلا و تقدر تضربهم و تشل حركتهم براحتها

صيدلانيه طالعه نازله يقول...

Sharm:هايتى الضحايا اكتر لكن فى امكانيات بتساعدهم من امريكا و فرنسا لاطماع استعماريه موجوده لكن سينا و اسوان محدش سائل فيهم غير بالجهود الذاتيه المحدوده
يبقى مين اولى باهتمام البشوات
و يا سيدى يجربوا مره يعملوا حاجه لله
يمكن يكرمهم بيها اللى باقى من عمرهم

صيدلانيه طالعه نازله يقول...

Tamer Nabil :هما متبرعوش بس بيسوقوا للتبرع
هما دول يطلع منهم حاجه ابدا
دول ياخدوا و بس

الجواز و سنينه يقول...

يالهون
بقى صعبان عليهم بتوع هايتى
و مش صعبان عليهم بتوع اسوان و سينا
طيب هند مش من هنا
طيب الاخ محمود
و لا السفاره مش فى العماره
السفاره لبتوع بره بس

صيدلانيه طالعه نازله يقول...

Tears :ايوه انا شفت لطيفه و هيا بتشحت علينا فعلا
انا عايزه اعرف ايه اللى يعيبنا لو اعلنا منطقه منكوبه انها منطقه كوارث
ده حاجه مالناش اراده فيها و ظاهره طبيعيه يعنى مش من الحوادث الفرديه و لا سببها مختل عقليا و لا قله مندسه وسط جموع الشعب

فعلا احنا شاطرين نتعاطف مع الفلسطينيين اللى ازبل واحد فيهم احسن من احسن واحد عندنا

لانهم بيعرفوا يسوقوا لنفسهم صح

صيدلانيه طالعه نازله يقول...

emymony :يا ايمى الحمد لله اتسترت فعلا بجهود الناس الرجاله اللى بحق
و ربنا ما يحوجنا و لا يحوج بلدنا لاشكالهم ابدا

صيدلانيه طالعه نازله يقول...

الجواز و سنينه :و الله انا لسه قايله فى تعليق قبلك ان العيب مش على هند العيب على المصاروه اللى مننا و علينا
مع ان هند متجوزه مصرى حضرتك
بس يظهر السفاره فى العماره اللى فى هايتى بس

حاجه تقرف

سبايدرمان spiderman يقول...

ههههههههههههه
هههههههههههه
ههههههههههههههههه
بناخد كل الم و الم على قفانا
ههههههههههههههههه
...
اصل الناس الى هنا ملهاش ثمن
انما الى بره دول ناس غاليه و ليها قيمه

سبايدرمان spiderman يقول...

و على فكره متنتظريش حد يعبرهم و يلمهلم حاجه خالص
ولا حد يساعدهم اصلا :(

صيدلانيه طالعه نازله يقول...

سبايدرمان spiderman

مش محتاجين حد يلملنا كفايه انت و انا و احنا و كلنا نبقى مع بعض و على قلب بعض
ساعتها و الله ما حنحتاج حاجه من حد

نهر الحب يقول...

اقولك انا مش مارضة لتبرع لهايتى
رغم ان هناك فيها نقاش طويل وضوابط من وجهه نظرى المتواضعه
لكن اكيد لازم يتبرعوا لمصر وضحايا السيول والا يبقى 000 فشر
وشهرة
و
و
و
و
حاجات كتير مش حلوة
تحياتى لك

sookra يقول...

علا
انا قريت الخبر دا امبارح فى جريده فقلت مثلا فبركه صحب ومكنتش مصدقه
ياولاد التيت تاهيتى مين انت وهى وفى بلدنا الاف بيموتوا زلازل وسيول وقطارات وعربيات وبلاوى سودا
الله يخرب بيتكم
بس هما شكلهم طمعانين فى شويه دولارات او شهره عالميه
ربنا يخرب بيتهم والبيت اللى جنب بيتهم والبيت اللى جنب البيت اللى جنب بيتهم
تحياتى

كيكى عوووووو يقول...

يمكن مخدتيش بالك يكون شعبان عيد الرحيم ولا حاجة بيلم ليهم

Abo 3li يقول...

يادكتورة
ده الطبيعي... لانهم اصلا ولا يهمهم ضحايا هايتي ولا اسوان ولا حتي اي نوع من الضحايا
هما بيدورو علي الحاجة ال تلمعهم اعلاميا
مش من باب الدور الاجتماعي للفنان زي مبيقولو
يعني هما لقو ان فنانين العالم بيعملو كده اليومين دول مع هايتي... قالو اهي موضة.. ونقلدهم.. انما بقي ضحايا اسوان ولا سينا.. ليهم رب كريم.. وحكومة كريمة برضو... كريمة اوي.. اوي .. اوي
وكمان اوي

ستيته حسب الله الحمش يقول...

يا إما موضوع القرع والطنطنة الإعلامية والعالمية وسفير النوايا الهطلة

يا إما هم عارفين ان تبرعات هايتي ها تروح لهايتي بينما تبرعات السيول ها تروح سويسرا :)

اختاري انتي بقى

قبلاوى يقول...

توارد افكار

صيدلانيه طالعه نازله يقول...

نهر الحب :هما متبرعوش اهايتى بس شركوا فى جمع التبرعات
السؤال بقى ليه مش بتعملوا كده لبلدكم و لا عشان ده ببلاش يعنى

هو ده السؤال

Ashraf يقول...

الحمد لله قدر الله وما شاء فعل

هل هو نقص فى الولاء ام نقص فى التفكير ام لم نصل بعد للنضوج فى الفكر او النضوج فى السن

عموما شر البلية ما يضحك ولكن هنا بيفرس

وعجبى.................

ظل السماء يقول...

السلامُ عليكُم
أنا حابة أعللق من بعد إزنك طبعاً مع إنك ما بتعرفيني..
بس بصراحة موضوع هايتي هادا معصبني كتيييير و على قولتكُم : إتفرست منه و اتغظت!!!
أقولك لييييش! هلأ هي كارثة إنسانية ماشي.. و راحوا فيها ضحايا كتييييير, برضو ماشي..
الله يعينهُم و يصبرهُم
و كمان إن إحنا العرب ما بنفلحش إلا بره حضرتك برضو ماشي!!
إنما اللي غايظني أنا (النصب)!
أيوه ما هو أنا ساكنة في أمريكا و بشوف الأحداث كُلللللللها صريحة من غير تعتيم إعلامي زي ما اتعودنا نشوفُه دايماً!!
الخبر الصريح و الموثوق مِنُه بقى هو إن كُلللل المُساعدات اللي راحت إلى هايتي إختفت بقُدرة قادر!
١٠٠ مليون دولار خرجوا من الحكومة الأمريكية و ١٥٠ دولار خرجوا من التبرُعات إن كانت من المُسلمين اللي عايشين في الجاليات الأمريكية أو من الأمريكيين أنفُسهم!!!
راحوا فين و إختفاؤهم من مصلحة ميييييين ??? ما حدا بيعرف!

يعني المُصيبة إنو إحنا العرب حتى لما بنحااااول نعمل حاجة إنسانية بنعملها بغبااااء تام!

أنا آسفة طولت عليكي بس كُنت و الله بستنى اي حد ينزل موضوع ليه علاقة بالحدث ده عشان لازم نفوووق الإعلام العربي متعتم عليه بشكل فظيييع ما فيش غير قناة ال ام بي سي العربية هي الوحيدة اللي ذكرت الخبر بصراحة!

دُمتي بكُل خير
سلامي:)

الشعب لابد له من حكومه تشكمه يقول...

اييييييه خفة الدم اللى هم فيها دى؟؟؟

دمهم خفيف بشاااااااااااااكل..

Lady E يقول...

كده بانت الاتنين سفيرا النوايا الحسنة

ولما يعملوا موضوع التبرعات ده لهاييتي هتتحسبلهم عالميا ما هما سفرا بقى

هقول ايه غير ربنا يشفي

م/محمود فوزى يقول...

ازيك يادكتوره
معلش انا اصلا باتخنق منهم هما الاتنين
وبعدين يعنى الناس دي فى العاده مش مهتمين بالناس
رغم ان فلوسهم من جيوب الناس اللى بتدخل افلامهم وبتتفرج عليها فى القنوات

وبعدين بتوع امريكا اصلا مستغلين فرصه موضوع هاييتي بانهم احتلوها وبعتوا 100 الف جندي هناك
بحجه طبعا حفظ الامن
وعامل ايه كمان ده جايب بوش وكلينتون لتوزيع المساعدات
المساعدات اللى بيلموها اصلا من العالم

رغم انه اصلا فيه كلام عن ان الزلزال اللى حصل هناك كان نتيجه تفجيرات نوويه امريكيه مقصوده لتجربه احداث زلزال طبيعي مقصود نتيجه التفجيرات النوويه لاستخدام السلاح الزلزالى فى اى وقت
وذلك لعمل ضرر بالغ دون اى اتهام

طبعا لا اقصد ان لا نساعد المتضريين
ولكن كما قلتى ان هناك متضررين لدينا من السيول

وهؤلاء حالتهم صعبه ايضا من دمار للبيوت وتشريد فى الشوارع
وطبعا كالعاده التحرك الحكومي بطىء وقليل
وحسبنا الله ونعم الوكيل
اسف للاطاله
ربنا يكرمك ويسعدك

شاب فقرى يقول...

هايعيشو ويموتو زى القرع يمد لبراااااااا

عجبنى اوى التعليق دا

كتهم ستين وكسة

يعنى يركزوا مع الناس اللى ضاع منهم كل حاجة فى بلدهم

ودا اكبر دليل على ان بعضهم بيتجه للاعمال الخيرية عشان مصلحته والصيت وبس

لو كان عندهم شوية من الاحمر

كانوا ركزوا فى المصايب اللى فى مصر :((

على راى المواطن المكافح عبد البديع

(( لكى الله يا مصر :D ))

تحياتى

فقرى إلى الأبد :)

صيدلانيه طالعه نازله يقول...

sookra :لا و انتى الصادقه هما طمعانين يتصوروا جنب جون ترافولتا و جورج كلونى
و يجوا هنا يتمنظروا بالصور
ناس تقرف بجد

صيدلانيه طالعه نازله يقول...

كيكى عوووووو:و هو فى زى شعبولا
ده الادب شعبولا و الاخلاق شعبولا

ياريت يجوا ربعه يا شيخه
على الاقل الراجل مواقفه الوطنيه واضحه

صيدلانيه طالعه نازله يقول...

Abo 3li:انا قلت زيك و الله بيحبوا الورنيش الاعلامى زى عنيهم

صيدلانيه طالعه نازله يقول...

ستيته حسب الله الحمش :

عروستى؟؟؟؟؟؟؟؟؟؟؟

هههههههههههههههه

صيدلانيه طالعه نازله يقول...

قبلاوى :

انا بقول كده برضه

نورتنى

صيدلانيه طالعه نازله يقول...

Ashraf :هو نقص فى الرجوله

هو نقص فى الشهامه

هو نقص فى الانتماء

نقص فى حاجات كتييير

صيدلانيه طالعه نازله يقول...

ظل السماء:

انا اللى فهمته من كلامك ان المساعدات الامريكيه لهايتى اختفت يعنى برضه كلام سرح زى عندنا و مفيش مساعدات اصلا اتبعتت و لا زى عندنا فيه تبرعات و اتسرقت فى السكه
مفهمتش
ياريت تفهمينى اكتر

صيدلانيه طالعه نازله يقول...

الشعب لابد له من حكومه تشكمه

دول ضحكوووونى ضووووووووحك

اللا قوليلى ؟؟؟؟

اخبار الكنبه ايه؟؟؟؟؟؟؟

هههههههههههههههههه

صيدلانيه طالعه نازله يقول...

Lady E :اولا كل سنه و انت طيبه و عقبال 100 سنه

و يعنى السفرا بتوع النوايا تسند الزير دى مينفعوش غير فى هايتى بس واسوان و سينا
عيييييييييب

صيدلانيه طالعه نازله يقول...

م/محمود فوزى :

فعلا اول حاجه حصلت بعد الزلزال امريكا احتلت المطار و بعتت عساكر احتلت المطار
و ربنا يسهل و تسيطر على كوبا و فنزويلا

نورتنى

صيدلانيه طالعه نازله يقول...

شاب فقرى :

اللون الاحمر موجود بس فى العلم

غير كده نادر و شحيح الوجووووود

دى ناس كل غرضها التصاوير و الافيشات

و مين اللى يدفع فى السبوبه اكتر

شاب فقرى يقول...

مبروك لمصر

:)

كسبنا :D

drsonnet يقول...

الموضوع إن الفنانين يعملوا تبع جهة واحدة -الأمم المتحدة- كسفراء ولهذا ينفذونا أهدافها و خططها و إلا سيتم إقصائهم من شرف الانتساب لهذه الجهة.
و ذهابهم لهايتي لا يعني أنهم سيساعدون الناس و يتعبوا و يعرقوا كما يظن البعض فهم ليسوا ذاهبين تطوعا و لوجه الله. بل هم ذاهبين للتصوير و غضافة لمسة اجتماعية على المساعدات كما فعل الكثير من نجوم هوليود.
لكن عدم التفاتهم لسيناء و غيرها و تركيزهم فقط للظهور و السفر أيام الحرب الإعلامية بين مصر الجزائر يجعلنا نفكر في عدم التعلق بهم و رفع قيمتهم. لأنهم في الأول و الآخر فنانين يحبون الظهور لا الخدمة.
مع تحياتي لك

حلـم،، يقول...

معك حق

اتنفق معك


واحي وفائك للموضوعية

الفراشه الحائره يقول...

دكتور الحب و الغرام مستعد يسمع شكوتك يمر بيك لبر الآ مان افتح قلبك لا تتردد فقط على مدونة صوت المعاق http://sotmoaq.blogspot.com

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .