الثلاثاء، نوفمبر 03، 2009

تحبه عااااااااااده و لا مخصوووووص؟؟؟؟؟؟

طبعا اول ما تشوفوا سؤالى ده حتفتكروا انى حاعزمكم على كشرى و باسألكم شطه و لا صلصه

لا طبعا انتوا مخكم راح لبعيييييد خالص ......مش انا اللى اعزم على كشرى انا اخرى شندوتش طعميه

و من غير سلطه كمان عشان الامراض

شوفوا بقى احنا عندنا واحده قريبتنا دخلت كليه الطب السنه دى و مامتها من فرحتها بيها رفضت انها تسأل حد من القرايب

عن عظم بشرى عشان البنت تذاكر عليه تشريح و قالت اااااااابدا انا بنتى تاخد عظم مستعمل نوووووووووووو

انا لازم اجيبلها عظم عالزيرو وارد ترب بلدنا (اصل احنا عيله بتشجع الصناعه المحليه)

المهم وصت كام واحد من معارفها و قرايبها انهم يشتروا ليها هيكل كامل (ياللا شالله ما حد حوش)

الراجل غاب كام يوم و رجع لها يسألها عايزاه عاده و لا مخصوووووووص الست يا عين امها انزهلت و مفهمتش

راح مسهلها الموضوع شويه عايزاه من ابو 25 و لا 70 طبعا الست قبل ما تختار المخصوص ابو دقه و شطه

كتير و كتر الورد الراجل لحقها و قالها 25 و 70 يعنى 25000 او 70000

بصوا انا معرفتش باقى القصه و لا حبيت اعرفها لانها متوقعه انا بس اطمنت ان الست لسه عايشه

مجتلهاش سكته قلبيه و لا مصيبه تانيه

اييييه رأيكم بقى فى القصه دىىىىىىىىىىى انا شخصيا حاكتب تنازل عن جثتى بعد موتى لولادى

يتصرفوا فيها براحتهم و شوفوا بقى اذا كان شويه العظم ب70000 يبقى لو باللحم كمان حتبقى بقد ايه

شوفوا انتوا كيلو اللحمه بكام دلوقتى و احسبوها و انا من ناحيتى حكتر اكلى خالص عشان الوزن يزيد

و البيعه تبقى مجديه و اهى تفك ازمه للعيال فى زماننا الحلو بالزياده ده

سؤال و ياريت حد يقولى ايه الفرق بين العاده و المخصووووص يعنى العاده كان من عامه الشعب

موظف يعنى و لا من اولاد الشوارع و المخصوص من اعضاء المجلس الموقر و لا كان وزير سابق

مش عارفه !!!!!!!!!!! و ياريت اللى يعرف يتصل على 09009999999 و ليه جمجمه هديه

و كاااام صباااااااااااااع


هناك 41 تعليقًا:

فاتيما يقول...

إيه الإقتراحات الفللى دى ع الصبح
الرقم على فكرة حلو
شغال يعنى
بس دا معناه خطير
إن البنى آدم المصرى بعد موته
اغلى من
و هو عايش ؟!!!
دول غلبوا الحكومة فى تعويضات الحوادث ام خمأشر ألف ...
إكن الواحد لو إتزنق بقى
و حبيت اجوز الواد يوسف تبقى محلولة أهى زى ما قولتى
و لا نشيل هم
و لا بتاع
حلو قوى الهيكل العظمى
اللى بيرقص دا
يوسف عنده هيكل فسفورى بينور ف الضلمة و لونه أخضريكا
كنا مسمينوه عضومة
دنا لازم من هنا و رايح
إحترمه بقى
يجيله بخمسماييية و لا حاجة على سعر السوق و البورصة الحالية
يا ترى الهياكل دى بتتجاب إزاى ؟؟
سرقة بحتة
و لا برضا اهل المتوفى
و لا إيه؟؟
اصلى قريت مرة عند بلال فضل
عن موظف راح فتح قبر أخوه تقريباً
و أخد الشرايح اللى كانت فى ركبته عشان يبيعها
لأن تمنها كان غالى و هوه كان مزنوق ...
الله يلعن أبو الزمن الردى اللى بقينا فيه و خلى الناس تنباع و تنشرى
المهم طمنينا على قريبتك
و قطع الطب و سنينه
بوسيلى العيال
و صباح الرعب و الهالوييييين

صيدلانيه طالعه نازله يقول...

فاتيما:انا اول ما عرفت الحكايه دى افتكرت بلال فضل على طول و قصه ما فعله العيان بالميت هيا هيا مع الفرق ان اللى بيجيب الهياكل دى بيبقى التربى حضرتك و سرقه طبعا مش برضا قرايب الميت و لا حاجه
انا لو منك اشتريلى كام واحد و اخليهم و اهو برضه استثمار يا شيرى بدل ما انتى حطه القرشينات تحت البلاطه
هههههههههههههههه

Cute Kitty **sookra يقول...

كدا بقى يبقى الواحد يستثمر قرشيناته فى الموضوع دا
لا وايه احنا بيتنا جنب الترب يعنى حاجه بلاش
نيهاهاهاااااااااااا

صيدلانيه طالعه نازله يقول...

saso:بدأت اقلق منك شكلك شرير
على العموم احنا جيران فى المدونه و المليان يكب على الفاضى

عاشقه الرومانسيه يقول...

والله كنت هاسئل نفس السؤال
ايه الفرق بين العاده والمخصوص؟؟؟؟؟
لقيتك انتى كمان مش عارفه
طيب ما تخلى قريبتك تخطف رجليها لحد التُربى وتسئله ينوبها فينا ثواب
اهو على الاقل نفهم
حلو الاستثمار ده
انا بقى ممكن اتنازل عن جستى لامى
بسسسسسسس
اهى تنفعها برضه
وممكن اخليها تحنطها اهى تحتفظ بيها على بعضها
من غير ما تتحلل
مش فكره برضه؟

صيدلانيه طالعه نازله يقول...

عاشقه الرومانسه:طب و الله فكره
منكم نستفيد شفتى اما الناس بتتجمع مع بعضها بيفيدوا بعض ازاى
هو ده اللى بيسموه حوار الحضارات
بس دلوقت اسمه حوار القرافات
هههههههههههههه
نورتينى يا دودو

خواطر شابة يقول...

لااله الا الله يعني الواحد لما يموت يوصي انهم يركبوا عليه جهاز اندار ضد السرقة.
ارجوا منك الاستعلام عن الفرق بين العادي والمخصوص ينوبك ثواب
مع تحياتي

صيدلانيه طالعه نازله يقول...

خواطر شابه:طيب جهاز الانذار ده حينذر مين من مين
فكرى و قوليلى و انا عن نفسى حاشوف الفرق بين العاده و المخصوص و اقولك
و لو فيه كومبو حاسألك

خواطر شابة يقول...

انا جهاز انداري حوصلو بالبيت اللي يقرب مني الجهاز يندر اللي في البيت انا جثثي متربية على الغالي ومش حمل بهدلة تحبي أوصي لك على جهاز معايا

Zouka's يقول...

يا جماعه بلاش الحساسيه الزياده.
كلنا من التراب والى التراب نعود,
ثم هى ارزاق ناس برضه
وفايده للطلبة الطب الغلابه
دى حتى مشرحة كليه الطب مش لاقيه جثث حتى ب 10000 جنيه للواحده
ثم ماذا يضير الشاه بعد موتها.
و الحل بسيط يا ساده,
ان يدفن المسلمين فى تابوت زى الديانات الاخرى -ولكن لا أعرف شرعيتها-
وربنا يحسن خاتمتنا ويستر علينا فى الدنيا والاخره.

موناليزا يقول...

وانا كنت مفكراكِ عارفة الفرق وتقوليلنا عليه:)
ولان الجايزة مش عاطفية خالص:)
هستنى اجابة الناس بتوع طب

Mafrousa يقول...

هههههههههههههههههه
عادة يعنى العظم مفكك و محطوط فى قفة
و الطالب هو اللى يجمعه باين كده
هههههههههههههههه
و المخصوص متربط
يالهوي علينا شعب

كيكى عوووووو يقول...

انا لقت جيت ع سيرة حبيى هارتى الكشرى
لقيتنى دخلت ع ترب الغفير
انتى مستغربة ليه ؟ اكيد اختلاف فى التمن عشان الجثة الصابحه غير البايته

Zouka's يقول...

اتابع كلامى,
ده-لو كان الكلام ده صح-
يفسر لنا قضايا خطف الاطفال وسرقة الاعضاء البشريه فى المستشفيات (وفى فلسطين على يد قوات الاحتلال),
وحاجات تانيه كتيير فى صفحة الحوادث والقضايه,
وسلامى لفاتيما
واحب اقولك ان هذا مايؤكده الجميع
وأحد كبار اساتذتى فى الطب فى الجامعه -بنته طالبه سنه ثالثه طب ايضا-
ان معنى كده الانسان بلحمه وعظمه واعضاؤه ( قلب وكلى وغيره.... ) ممكن يوصل الى نص مليون جنيه فقط لا غير,
و لسه ياناس ........
لان من العلامات الصغرى ليوم القيامه-على حد علمى المتواضع- ان العيش بيحسد الميت فى قبره-والله اعلم
وعجبى

Asmaa mahaba يقول...

هههههههههههههههههه لا ممكن الجتت بتختلف جته بيضه جته سوده جته مستورده وبعدين فى حد ميت موته ربنا وحد ميت مقتول وجايز العاده يبقى الجثه بالشبح بتاعها والمخصوص جثه شبحها مش موجود
عاااااااااااااااااااااااااا انا حوصى جثتى يقفلوا عليها بضبه ومفتاح ويحرسوها لحد ما يتاكدوا انى اتحللت اللهم لا تجعلنى جثه عادى ولا مخصوص لبتوع طلبه طب ربنا يحفظنا

Migo Mishmish يقول...

دكتووور
حيث ان المبلغ كبير كدا وحيث انى راجل رفيع وزى مابيقولو جلد على عضم ..يعنى بالعربى هيكل عظمى متحرك وبيتكلم كمان لغات يبقى اكيد سعرى هايبقى زياده
لو سمحتى ممكن تبعتى رقم جارتكو دى ؟ عشان نمضي العقد ؟ بلا تدريس بلا نيله
بلد غريبه
الميت سعره اغلى من الحى
الحرامى سعره اغلى من الشريف
الفاشل الكسلان سعره اغلى من النشيط المخلص
المنافق سعره اغلى من الواضح الصريح
الرقاصات والمطربين ولاعبى الكورة والممثلين اغلى من الدكاترة والمدرسين والمهندسين
ايه البلد دى ؟
بلد بتاعه جثث صحيح
تحياااتى
ميجوووووو وزوجته مشمش

Empress appy يقول...

طيب كويس البنى ادم بيغلى بعد الموت اهو

(Joudy) يقول...

عادة ومخصوص مممم أتقد إن العادة هو اللى من هنا أما بقى المخصوص أكيد اللى مستوردة فى توبيت لا ومش أى أى دى ملونة كمان ههههههههههه

وبعدين انتى بتفكرينى بفيلم صعيدى رايح جاى لما بيقوله تاخد اتنين بسعر النهاردة ههههههههههه

دمتى بكل الخير والسعادة

همس الاحباب يقول...

سبحان الله
فيه امل ان المصرى يبقى ليه سعر
بس مع الاسف بعد وفاته
يلا المهم انه يبقى ليه سعر وخلاص
بس ايه الفرق بين العادة ولا المخصوص
ويا ترى لو قطع غيار اغلى ولا ايه
الواحد يبدا يكتب وصيته
وبطمئن هيتباع قطع غيار ولا جملة
هههههههه

غير معرف يقول...

السلام عليكم
انا بصراحه مش دكتور ومعرفش بالظبط التفاصيل دي
لكن اللى اعرفه ان بقى دلوقتى فيه دميه ممكن تنفع تبقى قريبه من الجسم وتنفع يتذاكر عليها وخاصه فى السنوات الاولى
ده اللى اعرفه

بس لحد دلوقتى معرفش العاده والمخصوص فى الجثث
يمكن يكون المخصوص مثلا لسه ظازه مقتول حالايعنى
هههههههههههههههه
او انه يكون مش ناقص حاجه
يعنى مثلا ممكن يكون حد لحق خاد منه صباع ولا ودن

ربنا يعافينا

على فكره احنا احيانا منخدش بالنا من اللى معانا
يعنى الحمد لله اننا بصحه جيده
طيب مثلا الكبد الحته منه بكام والعمليه بكام والكليه والامعاء وهكذا

الحمد لله على نعمه التى لا تحصى ولا تعد
وربنا يبعدنا عن الجثث

رحلتنا في الحياة يقول...

لا حول ولا قوة الا بالله حتى الاموات بيتاجروا فيهم

momken يقول...

شوفى ياستى

اعتقد والله اعلم

ان العاده :-

هو شخص كان عنده نقص كالسيوم ومصاب بهشاشه عظام والادويه بهدلت الهيكل
طبعا ده غير انه مصاب بخشونه

وده هيتعبها جدا فى المذاكره

اما المخصوص

فده شخص رياضى زى الفل ومات فى حادثه اتخطف مش عاش لحد عضمه ما ساوس

المهم بعد ده كله قوليلى ترب بلدكوا فين علشان اوصى يرمونى فى اى ترعه وميدفنونيش هناك

دول بينقوا يا حاجه


الله انتى دمك زى السكر
ربنا يسعدك


تحياتى

صيدلانيه طالعه نازله يقول...

ياريت توصيلى على جهاز انذار مخصوص مش عاده يعنى من النوع اللى بيقفش الحرامى
هههههههههههه
=====================================
اشرف:فعلا بالطريقه دى اتفسر لنا كثره حوادث اختفاء الاطفال و الكبار و اللى عمرهم ما بيرجعوا لانهم اتقطعوا و اتباعوا بالتجزئه و طبعا كده بيبقى اغلى بكتييييييييير
=====================================

صيدلانيه طالعه نازله يقول...

موناليزا:اظن بعد ما قريتى التعليقات قدرتى تكونى فكره عن العاده و المخصوص
هههههههههههههههه
ظبطى نفسك ابقى و الحقى اكتبى وصيتك

صيدلانيه طالعه نازله يقول...

واحده مفروسه:ايه يا بت النصاحه دى
طب و الله كويس ان كتر الفرسه مقدرتش تاثر على قدراتك الابداعيه
بس برضه جايز
مفيش حاجه بعيده على الناس دووووووول

صيدلانيه طالعه نازله يقول...

كيكى عووووووووووو:ايه ده يعنى لولا الكشرى مكنتيش جيتى عندى
خلاص ملحوقه انا حاعلقلك علبه كشرى على باب المدونه عشان تباتى فيها
هااااااااااا عايزاه عاده و لا بالعضم يووووه قصدى و لا مخصووووووص

صيدلانيه طالعه نازله يقول...

سومه:
ازيك يا جميله و ازى المملكه السعوديه على حسك
انتى كده بترسى قواعد عنصريه فى تحديد العاده و المخصوص و ده كلام لا اقبله فى مدونتى
هههههههههههههه
الكلام هنا على العظم يعنى اما يحرسوكى لغايه ما تتحللى يبقى كده الخطر بدأ مش اختفى يا ناصحه
ههههههههههههههه
قال و عامله نفسك فله بقى و خدتى احتياطاتك

صيدلانيه طالعه نازله يقول...

MigoMichmich:اهو انت عرفتنا العاده و المخصوص من غير ما تحس يعنى المطربين و الراقصات و لاعيبه الكوره و المرتشين و الصيع هما دول المخصوص اما مدرسين الكادر و موظفين الحكومه بكافه تخصصاتهم هما دول العاده
شكرا لتنوير المحكمه و الجمجمه و الصوابع حنبعتهملك على يد شبح مخصوص بعد شويه انت بس قول جزر حتلاقيه قدامك

صيدلانيه طالعه نازله يقول...

Appy:شوفتى بقى ان الانسان يا بدايته يا نهايته و احمدى ربنا انه بقاله سعر بس للاسف مش حينفع الورثه لانه اتسرق اصلا

صيدلانيه طالعه نازله يقول...

(Joudy):
حلوه التوابيت الملونه دى
بس تفتكرى هوا ده الفرق المصرى و المستورد
اشك

صيدلانيه طالعه نازله يقول...

همس الاحباب:شفت بقى ان اللى يصبر ينول ازاى
طبعا القطاعى اكسب بكتير من الجمله و ياريت تكتب وصيه مفصله
بس انت كده ما جاوبتش على السؤال
ايه العاده و ايه المخصوص

صيدلانيه طالعه نازله يقول...

م/محمد فوزى:انا باتكلم عن العظم مش الجثه كامله و بعدين حتى الدميه مبتبقاش واضحه زى العظم الحقيقى
و ربنا يبعدنا عن المرض
آميييييييين يارب العالمين

صيدلانيه طالعه نازله يقول...

ايوشه:طبعااااااااااااا امال انتى فاكره ايه يا بنتى كله دلوقتى بقى يخضع لقانون العرض و الطلب

صيدلانيه طالعه نازله يقول...

momken:و ممكنيكون العاده واحد غرق فى العباره فكش من الميه او اتحرق فى القطر او كل من الاكل المرشوش مبيدات مسرطنه
اما المخصوص فهو كل اللى غير كده

محمد الحسيني يقول...

تم نشر اول موضوع عن شركة المياة باسيوط
يسعدنا زيارتكم في مدونة اسيوط بلدي

micheal يقول...

ههههههههههههههههههههههههههههههههههههههههههههههه
هلكت من الضحك والله
مخصوص وعادة
و70 ألف جنيه
طب بقولك ايه..ما ترحموني من تعب القلب اللي أنا فيه ولف الإنترفيوهات واعملوا عليا الأبحاث اللي عاوزينها وحأخد 7000 جنيه بدل 70000..شوفي النظام وقوليلي
:)

Zouka's يقول...

ياجماعه احقاقا للحق
الطلبه مش بيدرسوا الجثه كلها (او الهيكل) فى سنه واحده
دول هم بياخذوا الجزء العلوى(upper) فى سنه اولى مثلا
والسفلى فى سنه ثانيه مثلا(lower) وهكذا
قصدى اللى هيدفع فى الواقع مش هيدفع المبلغ ده كله-وبلاش تهويل واثاره وحقد-
والمقتدر بس يتعلم امال الجامعات الخاصه بيدفعوا فبها دم قلبهم وعلى قلبهم زى العسل
ثم ليه مابنتبرعش بجسمنا وعظامنا وقرنيتنها وعدسة عيننا وكلاوينا ..
وهكذا لهدف نبيل مثل العلم وحتى ترخص الاسعار وتقلل الخطف والسرقه والطرق الخلفيه لهذا الهدف
وربنا ينجح كل طالب
وشكرا

حلم بيعافر يقول...

هههههههههههههههههه
دالبنى ادم بيساوى كتير بعد مايموت بقى
كويس انك صيدلانية مش طب بشرى ولا بيطرى
ريحتى دماغك والله

Unknown يقول...

ازيك يا قمر
وحشانى جدا
ياخبر عادة ومخصوص فى الجثث
لا حول ولا قوة الا بالله

Tamer Moghazy يقول...

وانا اللي كنت فاكر انه الانسان سعرة بيرخص..اتاريه بيذيد..
يااااااااااااه..
فكرتيني بهيكل عظمي عندي من ييجي 14 سنه كنت باعمل بيه مقالب في اصحابي لانه فوسفوري وبيرعب في الظلمة..
معندكيش حد يشتريه والنبي..؟؟ (';')

Mahmoud البطراوى يقول...

انا فطست من الضحك بجد
بس على فكره الاسعار دى مبالغ فيها جدا
الهيكل اخره 280 جنيه والمخصوص ب 380 مثلا

واحب اقولك الفر بين المخصوص والعادى للزمن يعنى
المخصوص اللى اتذاكر عليه قبل كده ومتلون بقى وحركات
والعادى الى لسه خارج حالا :D

بوست تحفه

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .