السبت، سبتمبر 26، 2009

كل سنه و انتووووووا...................


كل سنه و انتوا مطلعين عينى

كل سنه و انتوا مطلعين حسى للجيران

كل سنه و انتوا مخلينى اشد شعرى من الغيظ

طبعا كلكم عرفتوا انا قصدى على مييييييييين

النهارده عيد ميلاد ابنى سيف التاسع و بكره عيد ميلاد بنتى شادن السادس

شوفتوا التنظيم ...و بكده نبقى وفرنا تورته و حفله

بس هيا فعلا جت كده لوحدها و مش مقصوده

مش عارفه الايام عدت بسرعه عجييييييييييييييبه كده ازاى

كل اللى انا فاكراه اما سيف اتولد انى كان كل املى انى انام ساعتين على بعض

و كان كل اللى يزورنى اسأله هو انا حانام امتى؟؟؟؟؟؟؟؟؟؟؟؟؟؟؟

و كان كل ما حد يقوللى عقبال ما تخاويه ابصله بقرف يعنى انا مش عارفه انام من واحد

اجيب التانى..............ايه الغباء ده

المهم عدت 3 سنين و الست شوشو شرفت بس البت يصراحه عوضتنى عن ايام

السهر و كانت بتنام بالست ساعات مره واحده و تصحى ساعه و تنام تانى تلات

ساعات لدرجه انى فكرت اعرضها على دكتور شوفتوا الهبل

المهم السنين عدت اهوا و برضه منمتش

لانى بقيت اصحى لاسباب تانيه خاااااااااالص

يعنى على كوره بدل ما تدخل الجون تدخل الاوضه و فى دماغى عدل

على خناقه على الكمبيوتر و ضرب و صريخ و عياط

سيف ضربنى ،شادن زقتنى و حاجات من هذا القبيل

بس برضه اكيد الدنيا من غيرهم كانت حتبقى غييييييير شكل يعنى مختلفه

و اكيد كنت حابقى قليله الادب و مش متربيه

لانى معاهم اتعلمت الادب و اتربيت من اول و جدييييييييييييييييييييد

كل سنه و انتوا طيبين يا قمرااااااااااااااااات




هناك 30 تعليقًا:

سمكه واحده يقول...

تصدقي من كلامك وانا متبعاكي من بعيد كنت فكراكي عندك عشرتاشر سنه ياشيخه اوعي كده
كلامك جميبل علي ولادك ربنا يباركلك فيهم يارب ويسعدك بيهم
اه صحيح هو ليه محدش بينام في اول لما البيبي بيتولد
هه ليه هه
دي حاجه تخنق يا شيخه
يارب تخويهم يا ستي ولا ايييييييييييه؟؟؟؟؟
كل سنه وانتي طيبه والاسره كلها بخير
اظن كده بقي هتتقبلي مروري امال ايه
تحياتي

Foxology يقول...

ماشاء الله لاقوة الا بالله ربنا يبارك لك فيهم ويجعلهم قرة عين لك ولوالدهم :)

كل سنة وهما طيبين وعقبال مليون سنة :)

تحياتى :)

Mafrousa يقول...

كل سنة و همه طيبين و بخير يارب
و عقبال ما تعملى فرحهم على المدونة برضه
بس ايه العيد ميلاد الاورديحي ده ؟
مافيش مصاصة؟ باكو لبان؟ بالونة؟
ههههههههههههههههه
كل سنة و انتى فى وسطيهم بخير و سعادة يارب
تحياتي و قبلاتي ليهم

ايوشة يقول...

كل سنة وهما طيبين يارب ربنا يحميهم ويحفظهم اللهم امين يارب العالمين

Unknown يقول...

كل سنة وهم طيبين
وتفرحى بيهم هم
الاتنين وتحتفلى
بعيد ميلادهم
مع اولادهم
وأولاد
أولادهم كمان.
ربنا يبارك لك
فيهم ويبعد عنهم شياطين
الانس والجن .قولــوا آمين.

(Joudy) يقول...

ماشاء الله ربنا يبارك لك فيهم يا دكتورة كل سنة وسيف طيب وشادن طيبة وربنا يفرحك بيهم يارب وتشوفيهم أحلى ناس

دمتى بكل الخير والسعادة

Zouka's يقول...

بسم الله ما شاء الله ولا قوة الا بالله
بارك الله فيما رزق
انا اتذكر لم سافرنا القاهره كام يوم وتركناهم كانت الدنيا فاضيه
ربنا مايحرمش حد منهم

كيكى عوووووو يقول...

ربنا يخلهملك
ويزدو عفرته وجنان وشقاوة!!!
***يالهوى ع ما اظن كدة انى بدعى عليكى!!!!!

موناليزا يقول...

:)ياحبيبتى ربنا يخليهوملك وتشوفيهم بعد ما يكبروا ويعقلوا وتبقى تفكريهم باللى كانوا بيعملوه وهما صغيرين
وعقبال110 سنة وانتوا دايما مع بعض

همس الاحباب يقول...

هههههههههه
كل سنة وهم طيبين وعقبال 100 سنة
وكل سنة الاسرة الكريمة بخير
وعيد سعيد عليكم
مع انهم مؤدبين وهاديين جدا ولا تاثير الصيام
هههههههه
ربنا يخليكوا لبعض

دعاء عويضه يقول...

كل سنة و انتي طيبة و كل سنة و هما طيبين و يا رب يخليكم لبعض و تفرحي بيهم

عاشقه الرومانسيه يقول...

كل سنه وهما طيبين
وربنا يبارك لك فيهم

تصورى بينى وبين اخويا برضه 9 ايام
بس انا اكبر ب3 سنين طبعا
وبرضه بتبقى حافله واحده
(:
الاقتصاد حلو
هههههههههههههه

عاشقة القمر يقول...

ربنا يخليهو ليك يحفظهم من كل شر
كل سنه هم طيبن

عاشقة القمر يقول...

ربنا يخليهو ليك يحفظهم من كل شر
كل سنه هم طيبن

kochia يقول...

كل سنة وانتي وهم طيبين

خمسة فضفضة يقول...

السلام عليكم ورحمة الله وبركاته

كل سنة وانت وهما والجميع بخير

ربنا يخليهملك وتفرحي بيهم وبعيالهم يارب


سلام

Empress appy يقول...

كل سنه وهو طيب يا رب ومخلينكى تنكشى شعرك ولابسه كيس فى رجلك وبتجرى فى الشارع حد يطول
ربنا يخليكوا لبعض

Asmaa mahaba يقول...

هههههههههههه ربنا يخليهوملك
امال انا اعلق القرود اللى هنا هم اينعم اخواتى بس مطلعين عينى يمكن اكتر من مامتهم وباباهم

mimi يقول...

كل سنة وهما طيبين

أنا عيد ميلادي النهارده

كل سنة وأنا طيبة

عاوزاكي تقري بوست عندي أسمه " عاوز تتكلم عبري .."

هيعجبك أوي

تقبلي مروري

dr.lecter يقول...

ربنا يخليهملك يارب

نفسي لما اخلف اجيب ولد واحد وبنت واحده وياحبذا يبقي بنت وبس ويبقي كده رضا

r يقول...

ربنا يخلى
وكل سنه وانتى وهما طيبين

Ahmed Othman يقول...

كل سنة و حسهم يملا عليكي الدنيا بهجة و سعادة يا رب
ما شاء الله عليهم

و يا ترى بعد السنين دي عرفتي تلاقي الساعتين اللي عايزة تناميهم

ربنا يسعد ايامك

mahasen saber يقول...

كل سنه وهما طيبين وسعدا وجوه حضنك وحضن باباهم


ربنا يباركلك فيهم ان شاء الله

ولادنا فعلا مش اكبادنا تمشى على الارض دول روحنا اليى بنشوفها قدامنا

micheal يقول...

كل سنة وأنت طيب يا سيف
كل سنة وأنتي طيبة يا شادن
ربنا يخليهملك وتفرحي بيهم دايما
تحياتي

سبهللة يقول...

كل سنة وانتوا كلكوا طيبيبن
وربنا يخليهوملك
وان شاء الله يكونوا ابناء بارين وعباد صالحين

==========

تصدقى بالله

انا حاسة كأن انا اللى كتبت البوست دة
ولو كنت كتبت عن ولادى كنت هاكتب نفس كلامك
ماعدا ان اياد اول ما اتولد كان بينام كتير
وإسراء برضه كانت بتنام كتير

م/ الحسيني لزومي يقول...

ربنا يبارك لك فيهم وينبتهم نباتا حسنا وعبقال ما تبقي جده

قيس بن الملووووح يقول...

الابناء هم زرع الايام وحصاد العمر ربنا يبارك لك فيهم

احساس طفلة محبة للرومانسية بس واقعية يقول...

كان ليا واحدة قاربتى تقولى نامى قبل النوم ما يغلى وتبقى بتتشحتفى علية كدا وانا ولا هنا لحد ما جربت وشفت بعينى اللى مبتغمضش دى وحياتك ل 3 سنين اهو بس تقولى لمين بنشتاق للعذاب احنا و ولا تسوى الدنيا من غيرهم ربنا يباركلك فيهم وتشوفيهم عرايس يفرحوا قلبك يا قمر

دمتى انتى وهم بكل خير
تقبلى مرورى

Unknown يقول...

كل سنة وانت طيبة و سيف الحادى عشر طيب هو و شادن طيبة وعقبال يوم زفافهم كمان

رئيس منظمة الهكر يقول...

هوة انتي مش تعبتي من الطلوع والنزول؟

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .