الاثنين، أغسطس 10، 2009

عيشوا شويه مع انغام

بصراحه زى ما كان 1000 مبروك مسك الختام للموسم الصيفى

ياريت كلنا نغسل وداننا بصوت انغام الرائع اللى بصراحه مسمعتش زيه لغايه دلوقتى

و تليها بالنسبه ليا شيرين عبد الوهاب

بس احقاقا للحق حرام نظلم انغام و شريطها الرائع و نحطه فى مقارنه مع اى حد الصيف ده حتى لو كان الهضبه شخصيا

هناك 17 تعليقًا:

رحلتنا في الحياة يقول...

جميلة الاغنية يادكتورة بس انا من فترة مش متابعة اللى بيحصل على الساحة الغنائية يمكن علشان بقيت مش اغانى بقيت فيديو كليبات ومناظر وبس

Ahmed Othman يقول...

انغام مطربتي المعاصرة المفضلة
أشكرك لتلك المساحة

Foxology يقول...

انغام كانت الفاكهة السنة دى بالرغم من اكتساح ألبوم شيرين اللى اول مرة احب اسمعه :)

تحياتى :)

Zouka's يقول...

is different

Asmaa mahaba يقول...

ايه يا بنتى الرومانسيه دى كلها:))

micheal يقول...

سمعت شريط شيرين وعجبني جدا..حسمع أتغام وأقولك رأيي
تحياتي

صيدلانيه طالعه نازله يقول...

ايوشه:المطربين و المطربات اللى بجد بيعملوا اغانى بجد و تحبى تسمعيها متشوفيهاش
انا شخصيا تفكيرى بيتشتت اما باشوف كليب اغنيه باكون حاباها اصلا
اللى بيتشافوا دول ناس تانيه مش مطربين
====================================
د.احمد عثمان:انغام فنانه مجتهده و تستحق النجاح و لولا مشاكلها الشخصيه الكتيره كان زمانها مطربه مصر و العالم كمان
نورت مدونتى المتواضعه
==================================
Foxology:السنه دى فعلا شهدت نجاح المطربات و تألقهم اكتر من الاخوه الرجال و ده شيىء يحسب لهم و يفرحنى
انغام كانت الفاكهه و الجاتوه و شيرين كانتالحاجه الحرشه اللى تظبط المزاج بعد الجاتوه
الاتنين محتاجينهم و منستغناش عنهم
==================================
اشرف:Yes,she's different
===================================
سومه:ههههههههههههههههه
مش قوى يعنى بس ساعات بتحتاجى تسمعيها و تشوفيها بس طبعا مش اجبارى تطبقيها
هههههههههههههههههههههههه
===============================
Hossam:فعلا شريطها مبذول فيه جهد تستحق التحيه و الشكر عليه
شكرا على الزياره
و كل سنه و انت طيب
==============================
Micheal:اذا كان شريط شيرين حلو فانغام تحفه و اكتر من رائع
=============================

Dr Ahmed Said@Black Armor يقول...

وتظل انغام صوت بلا منافس
اختيار موفق
دمتى بخير

blue-wave يقول...

انغام رااائعه طبعا مفيش كلام
يسلم ذوقك

Darsh يقول...

الشريط فعلا كان جميل جدا جدا

يمكن الامل في حاجة كويسة بيبقى دايما متعلق في انغام و شيرين

و ان كانت جنات عملت برضوا شريط فظيع معاهم

غير معرف يقول...

ياعم ياعم
بصي كل اصحابي ما يسمعوا الرنه بتاعه موبايلي ساعات كتير* يفضلوا يتريقوا عليه ويقلولي انغام انغام مبقتش قد كده
اقلوهم ياظلمهم سيبوها تغني ان شا الله حتي تطلع تشتمني حاجه تغسل الروح كده مش تزهقوا فيها
ماعلينا بقي والالبوم ده خصوصي خصوصي بحبه زي مايكون ابن البكري
مسمياه الست المصريه وتضامنا مع انغام اشتريت السي دي (مبتحصلش كتير دي) في الست بكل حاجه حبها وكبريائها وتدينها وكسرتها وجنونها كله كله

يلاسلام

دعاء عويضه يقول...

بجد اغنية جميلة جدا جدا

برغم اني تقريبا ما بسمعش اغاني بس ما بقدرش اقاوم اني اسمع اغاني انغام و شيرين و لو لمرة واحده على الاقل بعد ما ينزل الالبوم

لان بجد انغام لما بتغني بتدي كل احساسها و تعبيرتها مع كلمات الاغنية فبتزيد من احساسك بالكلمات
ده غير ان الكلمات نفسها مليانه احساس لوحدها من غير ما حد يغنيها

نوسه وريمان فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

وياريت تضيف اللينك عندك
ومش هتندم ابدآ

مودتى

د.سيد يقول...

أنغام حاجة وشيرين حاجة..
أنغام صوت جميل مثقف حساس ونفس مليئة بالمعاني التي تصل إلى درجة التعقيد, صوت تحب نجلس معه وتصاحبه وكأنك في القطار المكيف الفاخر الجو مريح جدا والناس ثرية وعندها ثقة وحرية وفي حالها لأنها غنية من جواها
شيرين صوتها جميل لكن تشعر إنه ناقص حاجة, توافق بين الإحساس والأغنية, شخص فيه فطرية عالية ولم يتدرب على التعبير بطرق مختلفة, هو سايب نفسه كده, صوت شيرين تصاحبه وأنت في أتوبيس 18, أو في ميكروباس العتبة.

إيمان قنديل يقول...

ياسلام على الأغاني اللي تهدي الأعصاب فعلا أنغام صوتها حلو وإحساسها عالي

DR_adhm يقول...

أنغام دي الواحد يسمعها لوحدوا علشان هتاخدوا في عالم تاني بعيد عن الناس بصوتها الدافي
أحلي سلام أنا أول مره أدخل مدونتك بس لذيذه
وكمان انتي زي القمر أنا شوفت الصوره

SAM يقول...

أنغام مطربة رائعة صوتا وشكلا ... البومها الاخير كان اكثر من رائع وافضل البومات الصيف انغام مش زي اي حد بتقدنم عمل مختلف دائما ... البوم بسمعه كل يوم ولا امل منه ... بنحبك ياصوت مصر

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .