الثلاثاء، يونيو 23، 2009

اللرجوع للحق فضيله

ما كانش ينفع غير انه يعتذر و يقر بغلطه اللى قلب مصر كلها عليه

هناك 22 تعليقًا:

Desert cat يقول...

حتى اعتذاره يا دكتورة تلاه بلغة سخرية
نفسى افهم البنى ادم ده مين واره علشان يعمل كدا فى المنتخب المصرى
ابو تريكة كلمه وقاله مش حرد عليك يا كابتن علشان عارفك محترم يا سلام ياخويا على اخلاقك ما هو ابو تريكة من الخمسة اللى اتسرقت واللى انت قاعد تردح لهم من الصبح واحمد حسن من الناس اللى اتسرقت ولما كلمه قاله انت لازم تعتذر رد قاله خلى الصحف اللى بره تعتذر لكو طيب الصحف يهمها طمس حقيقة السرقة لان دى سمعة بلدها وانت قاعد تجعر وتشوه فى صورة اللعيبه بتساعدهم يعنى
لحد دلوقتى قاعده اقول ليه كان بيعمل كدا

Me7'o يقول...

ده مش اعتذار يا دكتورة
ده بس علشان يسكت كلام الناس اللى كانوا بيهاجموه لما حتى أصلاً مش معترف بغلطته وبيقولك أنا هانقل الأخبار زى ما هى

راجل مش راجل

تحياتى

آه على فكرة
أنا كل ما أخش على المدونة دى بتبسط قوى من الصورة وألاقيها أول حاجة تقع عليها عينيا

المعلم محمد صاحب المطعم - طعمية سخنة يقول...

خلاص !
كل شئ راح و انقضي و طلعنا بغرابة شديدة !!!!!!!!!!!!!!!!!

و في كل الاحوال طلعنا ! و بعدين الراجل مجبش حاجة من عنده

هو جاب الخبر الأول !

dr aly khamis يقول...

السلام عليكم و رحمة الله و بركاته
هو كان لازم يقول البقين دول علشان يدارى خيبته ...
للأسف الوسط اللى هو متربى فيه مش بتفرق معاه قوى الإتهامات دى فمعرفش قدر الكلام اللى قالوا ميعرفش قول الله تعالى ؛
إذ تلقونه بألسنتكم و تقولون بأفواهكم ما ليس لكم به علم و تحسبونه هينا و هو عند الله عظيم

و لا قول النبى صلى الله عليه و سلم ؛
كفى بالمرء كذبا أن يحدث بكل ما سمع

هو كل اللى يعرفوا قوانين الإعلام الساقط ....؛
اعمل أى حاجة علشان تكتر المشاهدين و لا يهمك عرض و لا شرف و لا ظلم و لا اى حاجة ...اهم حاجة تجيب زبون

حسبنا الله و نعم الوكيل

ahmed_k يقول...

طبعا هو كان لازم يعتذر لأنه خاض في شرف كل لاعبين منتخب مصر رغم أنه كان مجرد ناقل للخبر ولكن نقله بشكل فج ينم عن إتهام صريح لهم وتصديق لذلك الخبر الكاذب الذي لا غرض منه سوى تلميع صورة الأمن في جنوب أفريقيا التي ستنظم كأس العالم 2010
فإعتذاره رجوع للحق وكان مهم جدا بالنسبة له حتى لا تهتز صورته أمام المشاهد المصري للقاهره اليوم

egyboy يقول...

الإعتذار كان الإختيار الوحيد اللى قدامه لأن بكلامه ده قلب الناس على القناه والبرنامج وثانيا تكذيب جنوب افريقيا واعتذارها وثالثا ضغط المحيطين حواليه وربنا يهديه

kochia يقول...

بصراحة وسعت منه اوي شكله بقي بايخ
وعلي فكرة هو مش اعلامي جيد اصلا عشان مفروض يعرف يسيطر علي ردود افعاله
حتي لو صدق الكلام
مش طريقة ابدا انه يعبر بيها
بالاضافة للالفاظ اللي قالها عليهم ..
كان لازم يعتذر فعلا
حتي لو اعتذار مش من القلب

قلب ارهقته الاحلام يقول...

فعلا هو مش اعتذار علي قد ماهو محافظةعلي مظهره قدام الرأي العام ومهاجمة الجمهور ليه

خاف بس يفقد جزء من شعبيته فعمل حركة كده ترفعه من تاني ف عيون الناس

هو قالها بنفسه مش فارق معاه وكل يوم بيترفع عليه قضية والمحاميين قاعدين عنده فاضيين مستنين القضايا

الانسان لما بيبقي اهم حاجة عنده يعمل بروباجندة وفرقعة علي حساب اي حد واي حاجة

ف نظري ده فشل ذريع (:

تحياتي ,,,

فاتيما يقول...

و الله يا علا الراجل من وجهة نظرى أنجرف لمعركة لفظية و حب يدى للحلقة إثارة كعادته
لكنى لا أنفى أن رئيس الأتحاد و البعثة كلها تهاونت فى حق نفسها مسبقاً و لم يتخذوا موقف رادع من أول يوم عشان الشوشرة و كأنهم مذنبين مش مظلومين و إتسرقوا
كونهم بيقدموا شكاوى و بلاغات و هيرفعوا قضية رد أعتبار و الكلام دا
طب ما كان من أول يوم يا إخوانا ؟!
لما الواحد بيتنازل عن كرامته مش المفروض يزعل لما حد يحاول يشكك فيها
و ف النهاية برضو الموضوع دا غلوش على الفضيحة الاكبر و هيا المستوى المتدنى اللى ظهر بيه المنتخب و اللى بياكد إن اللاعيبة دول يهمهم سمعتهم الشخصية و عروض الإحتراف أكثر من الجمهور و سمعة الرياضة فى مصر
بس خلاويص
و وحشتينى يا علا

الجواز و سنينه يقول...

و الله انا اكتر حاجه غاظتنى انه لما حسن شحاته شتمه
اول حاجه قالها
آدى الناس اللى بتصلى ؟
مش فاهمه يعنى هو مش بيصلى ؟
و لا بيشكك فى اللى بيصلوا ؟
و لا بيبين ان اللى بيصلوا آدى اخلاقهم ؟
صراحه حرق دمى ساعتها و نزل من نظرى كتير
و حتى لما اخوه دخل بقوله بالمحسوس لم الدور ساق فيها
و فى الاخر اعتذر برضوا
صراحه يستاهل
احســـــــــــــــــــن

Ashraf يقول...

الله اعلم الحقيقه فين
مش يمكن فيه ضغوط عليا للاعتذار عاشان كده مش بيقوله من قلبه
ولا هو مفيش حد بيحس بحد

Foxology يقول...

الأعتذار مفيش شك بعد الضغوط الشديدة عليه وعلى القناة خصوصا ان البلد كلها كانت متجهة لمقاطعة القناة وده معناه خسائر بالملايين يعنى من الآخر عملو كدة علشان مصلحتهم مش علشان شرف رجالة المنتخب !!1

عليه العوض

THE illusionist يقول...

انا مع desert cat

اعتذاره سئ جدا وانا مش معاكى انه اعتذار
ده راجل وقح جدا
فوق الوصف
حتى اعتذاره نبرته مش حلوه
مش اعتذار ده
تقضيه واجب
س يلا
اهه اضطر يعتذر

حاول تفتكرنى يقول...

سواء اعتذر أو لم يعتذر ، الأمر يتعلق من الاساس بحدود مهنته ، كان يمكنه عرض الخبر - كما هو - دون تعليق منه ، ولكنه اسهب فى التخمينات سواء كانت حق او باطل ، وهو اتجاه عام فى معظم قنوات الإعلام مرئي ومقروء ، خاصة فيما يتعلق بمجال كرة القدم ، وهذا يعني فى حد ذاته استخفاف بالمشاهد والقارئ ، بأن استثارتهم سلة وتكوين رأي عام - مزيف - تجاه قضايا خاسرة ، من الاشياء السهلة

لهذا
فنبرة اعتذاره ما هو إلا أمتداد لهذا الطوفان الهادر من الاستخفاف بمن يجلس علي مقاعد المتفرجين

اخيرا
المدونة لها شخصية أحييك بشدة عليها
تحياتي

غير معرف يقول...

الواحد مش بيعرف ليه مش بنحب بعض كدا،ياترى لوده كان منتخب الجزائر اوتونس اوالمغرب كان ده اللي حصل بدل مانشجع او نتاكد حتى.
عموما خلاص اتفضحنا واللي كان كان ومهما اعتذر مش هيمحي من ذاكره الناس اللي حصل..
نوجه
او
بنت النيل

MǿиY El-Shreef يقول...

كان بايخ اوي اوي والله العظيم

الراجل ده سقط من عيني تماما تماما

وكان بيتكلم بكل سخف ولا كأنه عمل حاجه

مع انه كان متهم لاعيبه من افضل مايكون ف عرضها وشرفها

حاجه تنقط بكل معاني الكلمات

ربنا يهديه بقى

وحشاني (K)

أحمد سعيد بسيوني يقول...

وكان لزومها اية قلة الذوق من الأول

عموما كل اناء بما فيه ينضح

زى الهوا يقول...

ربنا يهديه , المفروض انه اعلامى يعنى ما ينشرش خبر غير لما يتبين منه .

قوليلى بقى اللعبة اللى على جنب بتاعت Pet اللى هيه مانلعبهاش فيس بوك , انا مش عارفة افهمها خاللللص

يعنى بنجيب منين الفلوس علشان نشترى من المحلات لبس واثاث ؟

Hossam يقول...

صديقتى الجميلة العزيزة الدكتورة
اشتقتلك كتير جدا
بصى يا دكتور اسفة اصلا مش نابع من جواة او يمكن عايز يوضح للناس انه اتاسف بس متكبر
ربنا يدى كل واحد على اد ضميرة
نحياتى صديقتى
سلام

mahasen saber يقول...

يعنى عاد الى قواعده سالما واعترف واغترف بغلطته
هو من البدايه فقد مصداقية العلام لما فرش الملايه اللف بتاعة زمان ايوه اليى كانت بتطلع فى الافلام العربى واداهل للاعيبه بلا تفكير ولاا حياديه ولاا هواده

بس اعتذاره ورجوعه شئ بستحق الاحترام اعتقد
يعنى الاعتراف بالغلط فضيله اعتقد

حلم بيعافر يقول...

بصراحة مش فاهم يعتذر عشان ايه
هو معملش حاجة غلط
الراجل نقلى ونقلك خبر
ودى شغلته يا جدعااااااااااااان

micheal يقول...

يلا كويس أنه اعتذر لأن الناس هنا نسيت الهزيمة وكأس العالم وكل حاجة ومسكت في اللي قاله عمرو مع اعترافي الكامل بخطأه الكبير في تناول الموضوع بالطريقة دي
:)
تحياتي

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .