الأحد، مايو 10، 2009

احنا ليه بقينا كده

مش عارفه بجد ابدأ ازاى و منين امبارح منى الشاذلى جابت حادثه بشعه لطفلين تم العثور عليهم مذبوحين فى شقتهم فى
الطالبيه بنت عمرها 6 سنين و ولد عمره 12 سنه لو تشوفوا منظر ابوهم و هوا حيموت من الحزن و الصدمه

منظر فعلا يخلى الوحش قلبه يحن ويرق

النهارده فى الاهرام اب من وادى النطرون رمى بناته فى ماسوره مياه جوفيه علشان يغيظ مراته اللى فيه بينه و بينها مشاكل

منى الشاذلى النهارده جابت ان محكمه حكمت على 5 اشخاص بالاعدام لييييييييه بقى؟؟؟؟؟؟؟؟؟؟؟؟؟؟

لان البهوات كان ليهم تار عند شخص ما راحوا بيته و خطفوه و قتلوه مش بس كده لأ طبعا لسه نارهم مبردتش

ربطوه من رجله و هو ميت و سحلوووووووووووه على طول طريق بلدهم و بعد كده قطعوا راسه و حطوها على عربيه

و لفوا بيها البلد كلهاااااااااااااااتفاخرا بانهم خدوا تارهم !!!!!!!!!!!!رجاله بقى و شرفوا عيلتهم

قبلها طبعا كانت حادثه السيده هاله فايق اللى قتلها جوز الشغاله بتاعتها و سرقها بعد احسانها اليهم و عطفها

على اطفالهم نظرا لظروفهم الصعبه و الكلام ده باعتراف القاتل مش كلامى

ياااااااااااااه ايه البشاعه و القسوه اللى بقينا فيها دى يعنى ايه زهرتين صغيرين زى شهد و زياد يدبحوا فى بيتهم من غير ذنب

دول ياروحى ملحقوش يشوفوا حاجه فى الدنيا اصلا عشان يبقوا مذنبين و ياترى لو مسكوا القاتل حيقول قتلهم ليه

انتقام من الاب و لا السرقه ولا ايه بالضبط؟بجد مش عارفه

احساس الاب و الام ايه دلوقتى و هما فى ثانيه اتحرموا من ولادهم على يد انسان سفاح و مجرم و خسيس

انا ام و عارفه احساس الام اما ولادها يعيوا بيبقى ازاى فما بالكم لو اتقتلوا يعنى خلاص مش حتحضنهم و لا تبوسهم تانى

طب دوووووووووول المجرم مجهول طب الاب اللى رمى بناته فى الماسوره بايديه عشان يغيظ مراته زى ما يكون بيرمى شويه زباله

من غير ما يتهزله جفن يتقال عليه ايه بجد و الله حاااااااااجه تحير

لييييييييه كل العنف و الدم والقسوه دى اللى بقت فى عصرنا الحالى حاجه عاديه خالص لدرجه اننا نسمع

عن 3 جرايم ابشع من بعض خلال اسبوع واحد بس مهما كانت ظروفنا صعبه وحياتنا قاسيه صعب ان يبقى القتل و الذبح للابرياء

وسيله لتخليص حقوقنا و انتقامنا من بعض ,صعب ان السرقه تبقى الوسيله الوحيده اللى نكسب بيها رزقنا

يا جمااااااااااااااااااعه احنا افتقدنا الرضا ....................كل انواع الرضا بالمقسوم اللى هوا الرضا بالقضاء

لو الفقير رضى بحاله مكانش قتل و سرق علشان ياخد فلوس مش من حقه و متعبش فيها اصلا

لو الاب رضى بحياته مع زوجته و شال الكره و الخناقات من حياته و اشترى سعاده ولاده مكانش قتلهم بس عشان يغيظ مراته

لو................لو...............لو.................حاجات كتيييييييييييييره قوى لو كنا رضينا بيها ما كانش و لاحاجه

وحشه من اللى حكيتها دى حصلت من الاول اصلا



هناك 39 تعليقًا:

د. ياسر عمر عبد الفتاح يقول...

فعلاً جرائم قمة في البشاعة
وناس فقدت أدميتها
لازم يبقي فيه وقفة جامدة ذد الحاجات دي
مبقيناش بنسمع عن إعدام كثير زي زمان
والله بجد لازم يبقي فيه إعدام علني شوية

بس هوه إحنا مبقيناش كده
الجرائم البشعة دي بتحصل في كل حتة في العالم وطول التاريخ.. وأقسي كمان من كده
وكمان بتحصل طول عمرها في مصر
بس مكناش بنعرف
دلوقت الإعلام بقي بيعمل سبوت لايت علي كل حاجة بتحصل فبانت إننا بقينا وحشين أوي
طيب واحد هيقولي معدي الجرائم زاد
أيوه لأن إحنا كمان زدنا أوي أوي
وكمان ضغوط الحياة زادت

احساس طفلة محبة للرومانسية بس واقعية يقول...

انا مش قادرة اقراء

تصدقينى انى ببعد عن كل كلمة بتتكتب فيها البشاعة دى

تصدقينى لو قلتلك خايفة اخاف من مصر
وخايفة استوعب اللى بيحصل صح

تصدقينى لو قلتلك انى خايفة شوية الامل وحب التغير للاحسن يضيعوا منى

تصدقينى لو قلتلك انى بقيت بلوم نفسى وباقى الشعب اللى ساكت وبيقول نفسى نفسى ومش عارف ان بكرة هيجى علية الدور

ذنبهم اية الاطفال دول
هو خلاص هم اللى هيدفعوا الثمن

لسة جاية من عند ليدى بتتكلم فى نفس الموضوع كلمكم و ردى هنا وهناك المنى جدا

ربنا يصلح الحال
قبلى مرورى

صيدلانيه طالعه نازله يقول...

د.ياسرعمر عبد الفتاح:احنا بلد شعبه متدين سواء مسلمين و او مسيحيين وطول عمرنا كنا بلد امن و امان يبقى اما تحصل جرايم كتيره فى فتره قصيره كده يبقى اكيد فى حاجه غلك و الغلط زاد و فاض كمان

صيدلانيه طالعه نازله يقول...

احساس طفله محبه للرومانسيه بس واقعيه
========================
و مين سمعك انا كمان بدأت اخاف من كل حاجه انا ساعات باخاف على ولادى و انا ماسكاهم فى ايدى بخاف لاحسن فى المرسه يحصل لهم حاجه وحشه مش عارفه ايه هيا اصلا
بصى الخوف من المجهول بقى هوا السائد دلوقتى
ربنا يستر و يبعد الوحش عنا يااارب

koketa يقول...

انا مش عندى تعليق ومش هتكلم
علشان انا معنديش غير انى اقول
لازم نخاف ايوة لازم نخاف
انا بابا بيودينى الكلية ويرجع يجيبنى
ماما بتروح معاية لما اجى اروح لاصحابى
انا الى بقولهم ييجوا
لانى بخاف
بقيت بخاف وهقوله
احنا فقدنا الامان
احنا فقدنا كل شئ حلو

صيدلانيه طالعه نازله يقول...

koketa:و الله مش عارفه اقولك ايه بس عندك حق كل المؤشرات بتدل على ان الامور زمامها فلت و مبقاش فيه حد من المجرمين دول بيخاف لانه بكل بساطه مبقاش ليهم كبيييييرو كل اللى فى نفسه حاجه بيعملها

مسدس صغير يقول...

والله اشياء تدمى القلب
حاجة فعلا بشعة
الناس دى مش بشر وللا ايه؟؟
ربنا يستر
فعلا لا امان من اليوم للبشر
نسأل الله ان يعيد الامن والامان لمجتمعاتنا
وجزاكم الله خيرا دكتورة

بس اعتقد يكون للصيادلة دخل فى حاجة زى دى؟؟
هههههههه
ممكن

عاشقه وغلبانه يقول...

لسه قايله عند جيجي حالا ان في حاجه غلط
الناس فيها مليون حاجه اتغيرت
حتي الاحساس اتغير واسهر حاجه القتل واقرب منظر الدم

شاب كــ طخين ـــــا يقول...

يا ساتر يارب
فعلا احنا بقينا وحشين اوى مع بعض
مش عارف اعلق الصراحه حوادث مؤلمه ربنا يتولانا

بصراحه يقول...

انا و قبل اى تعليق عايز ابلغك انى بهديلك تاج موجود ومستنيكى فى المدونه عندى .(كنت بجاوبه واهديتهولك فى نفس الوقت اللى انتى كنت انتى كمان بتكتبى فيه البوست الجديد)

اتمنى تجوبيه

ويكا

حسام غانم يقول...

كبت + جهل + ظلم + غباء + لحظة تهور = جريمة

soly88 يقول...

الأغلبيه مبتعرفش تربى ولادها
وسابوا ولادهم للشارع والفضائيات
اركبى اى وسيلة مواصلات عامه وهتعرفى ايه اللى بيحصل

Empress appy يقول...

مش عارفه بصراحه بس انا قلبى بيتقطع من الحاجات دى وبقيت اخاف اكتر من المجتمع اللى بقينا فيه احنا نفسنا ساعات لما بنتكلم بحس اننا عدوانين مش عارفه ليه

سبهللة يقول...

قلبتى عليا المواجع
المواضيع اللى انتى كاتبها دى حارقة دمى بقالى كام خاصة قتل الطلفين
من ساعة ما سمعت عن الحادثة وصورة عيالى انا فى بالى وبقول لنفسى انا لو حصلى كدة والعياذ بالله كنت اتجننت بجد
حسبنا الله ونعم الوكيل
ربنا يلطف بينا
اللهم ارحمنا بما ترحم به عبادك الصالحين
=======
دة الميل بتاعى يا حبيبتى
بس انا مش بعقد على الماسينجر من اساسه..ماعنديش وقت
raniarachad@yahoo.com

MǿиY El-Shreef يقول...

في حاجه عجيبه بجد اليومين دول معايا

انا برد ولما ارجع مش بلاقي الكومنت بتاعي

عموما .. المواضيع الي زي دي من ضعف الايمان

الناس بعدت اوي عن ربنا ومابقتش تخاف وبقت بتعبد الفلوس وبس

حاجه توجع القلب والله

ربنا ييسر الحال :(

Unknown يقول...

طيب مفيش انكار ان محدش يقدر يوصف الجرايم دي بكلمة مظبوطة

بس تعالي نشوف مبررات .....

الفقر و الجهل و البطالة و المرض و العجز و اللي بيعولهم السارق و .. و... و ........

اكيد محدش بيسرق و بيخاطر حبا في السرقة ... كل واحد و ليه ظروفه و ضغوط عليه .... ادعي ربنا يرحمهم و يصبر اهلهم و يفك كرب اللي سرق و يحسن ظروفه

د.آيه يقول...

لا حول و لا قوة إلا بالله ..
بجد مبقتش عارفة إيه كمية البشاعة اللي بقت موجودة دى ..
ربنا يحفظنا ..

مدونتك جميلة بارك الله فيكى

همس الاحباب يقول...

مع الاسف العنف والجرائم البشعة انتشرت انتشار رهيب
واصبحت على مراى ومسمع منا جميعا
وكاننا اصبحنا فى غابة
اما بالنسبة لموضوع الطفلين فى الطالبية
وتحديدا شارع سعد امام الموازى لشارع العروبة فالحادث اعرفه جيدا نظرا لقربى من تلك المنطقة اضافة الى ان بنت عمتى ساكنة فى نفس الشارع التى تمت به الحادثة
فالموقف على طبيعته ابشع بكثير مما ذكره البرنامج
والاعجب من ذلك ان الخلاف كان على حفنه من الجنيهات مع والد الطفلين والاعجب من ذلك ان القاتل قريب لهم ويدعى انه عم الاطفال
فبالله عليكم اى قلوب تلك التى تتخلص من الاطفال فى عمر الزهور مهما تكن الاسباب
حسبى الله ونعم الوكيل

r يقول...

شوفى دلوقتى بشوف كل حاجه بقت خارج الوعى الناس تصرفاتها فيها كتير جدا غريب
والقتل دا شئ منه لان الانسان لما بيكون خارج الوعى بيبقى كأنه بلا ضمير لمحاسبته وبلا قلب ليرجع عن افعاله
وبلا اشياء كتير
دى منظومه كامله من الفساد بدايه من الدوله نهايه باصغر فرد فيها
فبيخلى الفرد يفقد الثقه والقناعه بوجود رقيب عليه يحاسبه ويخاف منه
تعرفى انا بتابع كتاب للروائى اغورهان ودا كاتب تركى اسرته علمانيه
لما بيتكلم عنهم وعن عدم خوفهم ولا مبالاتهم بفتكر حالنا واللى محسوبين على الاسلام
الموضوع رضا وقناعه وراحه وضمير وكل سلوكيات تخلى الانسان يشعر بانسانيته
انا عارفه انى خرجت عن موضوعك بس انا شيفاها كدا حلقه كامله القتل جزء صغير منه
واللى مستخبى لسه كتير
ربنا يستر

Foxology يقول...

احنا فعلا بقينا كدة

انحطاط اخلاقى ملوش معنى لكن اسبابه كبيرة وكتيرة

يلا عليه العوض

صيدلانيه طالعه نازله يقول...

مسدس صغير:الصيادله ممكن يساعدوا فى اباده ذوى النفوس المريضه دول و بارخص الوسائل و اسهل الطرق
================================
عاشقه و غلبانه:فعلا الدنيافيها مفاهيم كتير اتغيرت و بالتالى السلوك البشرى اتغير و للاسف للاسوأ
===============================
امبارح كان عمرى عشرين:اذا كنت انا مكنتش عارفه اكتب من بشاعه الحوادث
فطبيعى يبقى التعليق برضه صعب
ربنا يرحم الجميع
================================
بصراحه:التاج ده برضه بالنص جالى من كوكيتا فانشاء الله حارد على الاتنين سوا بعد امتحانات الولاد
================================
حسام غانم:المعادله كده فعلا مضبوطه و لو حاجه من السلبيات اتحسنت شويه اكيد باقى المنظومه حيتعدل
=================================
soly88:و الله عندك حق البيت و الاخلاق اللى بيقدمها للاولاد عليهم عامل كبير فى سلوك الولاد بعد ما يكبروا و يخرجوا للمجتمع
==================================

صيدلانيه طالعه نازله يقول...

Appy:انا فعلا ساعات كتير باحس انى بقيت عصبيه و رد فعلى على مواضيع بسيطه بيبقى حاداكتر من الازم و للاسف ده انتقل للولاد و بقوا عصبيين برضه
و المفروض ان الواحد يتحكم فى انفعالاته
اكتر من كده و ده طبعا الفرق بين المجرم و الانسان السوى
==================================
سبهلله:انا برضه من ساعه ما سمعت عن الحادثه دى و هيا معلقه معايا قوى لان انا برضه الصيدليه تحت البيت و دايما الولاد بعد ما يصحوا ينزلولى تحت
بس الواحد بيدعى ربنا انه يسترها معاه و ميشوفش حاجه وحشه فى ولاده و لا ولاد غيره ابدا انشاء الله
نورتينى بعد غيبه
================================
Mony el shereef:فعلا معظم الحوادث دى كانت بسبب الفلوس و الظروف الصعبه اللى الناس بقت فيها بس مش معنى كده ان كل واحدظروفه صعبه يقتل
==================================
طعميه سخنه:يعنى كل واحد ظروفه صعبه يروح يسرق و يقتل و تبقى حجته ان ظروفه مش كويسه لا طبعا ده مش مبرر
لازم الانسان يتعب عشان يحسن مستواه مش يخطف اللى عند غيره و يجرى
دى كده تبقى غابه و اللى فيها حيوانات
================================
د.ايه:البشاعه كانت موجوده من زمان بس كانت قليله بس دلوقتى زادت وبانت قوى للاسف
ربنا يستر و نورتينى
===================================
همس الاحباب:امال بينكروا ليه انه حد من قرايبهم فى التحقيقات فى برنامج منى الشاذلى قالوا دى مجرد اقاويل مش مثبته فى التحقيقات و انهم مش ليهم اعداء خالص
الدنيا بجد بقت عجيبه و اللى بيحصل ده فعلا وحش قوى و يوجع القلب بجد
=================================
بسنت:اكيد اللى بيرتكب جريمه زى دى يبقىمغيب العقل ما هو مش معقول حد يمسك طفل و يدبحه بايديه و يبقى عنده عقل و ضمير اصلا الانسان بس اللى بيبقى عنده عقل و ضمير و ده للاسف اكيد حيوان
===================================
Foxology:يظهر فعلا و الله ان دى بقت اخلاقنا و تصرفاتنا دى نابعه منها و من انعدام ضمايرنا و ياريت فعلا يبقى فيه عوض

Unknown يقول...

معاكي طبعا
بس ساعات التفكير بيقف و مفيش قدامه الا السرقة بعد محدش رضي يسلفه تمن علبة دوا لابنه ..........

انا قولت في الاول مفيش كلمة توصف بشاعة الجريمة

micheal يقول...

حاجة تقرف..الله أعلم حنوصل لفين بس انا حاسس ان القادم اسوأ لو إستمر الحال علي ما هو عليه بدون تغيير
تحياتي

نعكشة يقول...

لا حول ولا قوة إلأا بالله

مش عارفة والله

بس هما دول مرضى نفسيين اكيد

إية البشاعة دية

انا مش متخيلة حد يدبح حد ولا يقتله يخربيت كدة
بيجيبوا القدارة دية منين

ربنا يستر علينا

سلام عليكِ

جلال كمال الجربانى يقول...

السلام عليكم ورحمه الله وبركاته

أنا كل اللى أقدر أقوله
إن معظم الجرائم دى ترجع للجهل والتعصب الأعمى ولبعدنا عن ربنا
لأن الناس دى لو تعرف ربنا كويس كانت عرفت القناعه والرضا بالمقسوم والتسامح ..
ونوعيه الجرائم والأمراض التى أصبحت مصاحبانا أو مأاخيانا
تغيرت للأفظع وتزيد دوناً عن الدول التى فى مستوانا
هو إحنا أصلاً وش ذلك ولا إيه
هى دى مصر ؟؟؟
ولا حول ولا قوه إلا بالله
وتقبلى تحيتى ومرورى

ودمتِ فى أمان الله وحفظه

Unknown يقول...

الله يستر
بصى انا وداليا اهو دا عيبه دايما لما نتكلم ونحكى لبعض حالنا وحال اهلنا فى مصر من شرقها لغربها بنقول ربنا يخجنا منها على خير !! وكأن دا اقصى امانينا 000 السؤال اين هم رجال الشرطة البواسل
مش برضة من شغلهم السهر على راحتنا .
ولا احنا اللى بنسهر خوفا منهم ؟

حاصلى توارد خواطر معاكى بس متاخر لانى كاتبة حاجة ممتاثلة لما سبقتنى اليه
اتمنى ان لا تتضايقى
تحياتى

رحلتنا في الحياة يقول...

لا حول ولا قوة الا بالله ولسه ياما هنشوف بجد ايه اللى حصل فى الدنيا والناس بقيت بالشكل ده :(

قلب ينبض بالحب يقول...

قبل ما نلوم على اي حد يالولا ياريت نبص على الاسباب الي اديت لكده مش ببرر سلوكهم بس بقول في تسيب وعدم مرعاة لاحتياجات البشر الاساسية الي بتودي لكده ربنا يهدي يارب ويهد الظلمة

يوميات شاب منوفى يقول...

المجتمع يسير نحو الهاوية بسرعة الصاروخ
روحى مدونة عاشقة وغالبانة هتلاقى قضية اغتصاب لبنت عندها تسع سنين
يوم الاحد جريمة قتل لطفل وطفلة ومين الى قاتلهم ابن عمتهم علشان خلافمع خالة
خلاص ضاع الامان حتى من اقرب الناس مش عارف نعمل اية الوضع خطير

صيدلانيه طالعه نازله يقول...

طعميه سخنه:محدش يرضى ان القاتل يبرر جريمته زى ما قلت الاول و الجريمه فعلا بشعه و فوق التصور
===================================
نعكشه:اللى يقدر يقتل طفل و طفله و يشوف دمهم فى ايديه و يقدر بعد كده يهرب يبقى اكيد سيكو اساسا
و لا حول و لاقوه الا بالله
==================================
واحد من العمال:انا قلا ان عدم الرضا بالمقسوم و الرغبه فى تغييره بالقوه هو سبب الجرايم كلها
===================================
نهر الحب:انا رديت عندك على الموضوع ده
و موضوع اننا نكتب نفس الحاجه مش مشكله طالما بنساهم فى حل المشكله عن طريق طرحها للنقاش
===================================
ايوشه: منى الشاذلى امبارح سألت نفس سؤالى احنا ليه بقينا كده
ليه بقى؟؟؟؟مش عارفه
===================================
قلب ينبض بالحب:ظروف الناس بقت وحشه اه بس هل ده يبقى مبرر للقتل و السرقه الكتير اللى بقت بمعدل 4 جرائم فى اليوم لا اعتقد
==================================
يوميات شاب منوفى : كانا قريت عنده فعلا على جريمه الاغتصاب دى
و موضوع الطفلين كانت صدمتى كبيره قوى اما عرفت ان القاتل ابن عمتهم اللى كان عاش معاهم و حب ينتقم من خاله ده مش انتقام ده تدنى لدرجه الحيوانات نفسها تبرىء نفسها من مثله
==============================

islamz يقول...

مجتمع فاقد للرحمة فاقد للقيم فاقد لكل شيء .. ماذا تتوقعين ....

دمتى بود

الفراغ يقول...

اذا الايمان ضاع فلا امان
هى مشكلتنا عدم الايمان بقدرنا
مش قادره اتكلم فى الجرائم البشعه الحاصله فى مجتمعنا..
ولا اقول الا حسبى الله ونعم الوكيل..فالنظام مش فاضى الا علشان يحمى نفسه وبس

MaNoOoSh يقول...

ربنا يرحم اهلهم ويصبرهم على فراق ولادهم الصغيرين دول
وينتقم من كل ظالم ومفتري.. اصل البلد دى اتملت افترا وظلم.
ربنا يلطف بينا وبأولادنا

Unknown يقول...

ليكي عندي تاج
تعالي ادبسي شوية

الجواز و سنينه يقول...

يااااااااه الحمد لله اخيرا هاعرف اعلق عندك
و الله يا علا انتى اوى اسعدتينى بمكالمتك كتير و الله
و انتى زى العسل و الله
اما عن الحكايات اللى قلتيها فاليومين دول ربنا يسترها
و الله بقت الحكايه فزيعه
كل يوم قتل مش عارفه ايه السببالاعلام و لا الناس
و لا اييييييييييه
ربنا يسترها علينا يارب
بوست هايل بس يوجع

صيدلانيه طالعه نازله يقول...

islamz:اكيد فعلا فاقد الشيىء لا يعطيه
نورتنى
==================================
الفراغ: انا قلت ان سبب مشاكلنا هى عدم الرضا بالواقع اللى فرضه ربنا و اعتراضنا عليه و رغبتنا فى تغييره بقوه السلاح مش بعملنا و جهدنا
==================================
Manooosh:ربنا يصبر اهلهم لان الاطفال دول لسه ملحقوش يعملوا حاجه وحشه ربنا يرحمهم منها
===================================
طعميه سخنه:و بكده يبقى تالت تاج و ربنا يقوينى عليهم
===================================
الجواز و سنينه:يا فندم ده اقل واجب و الله و اى خدمه سيادتك
اللى يوجع فعلا هو حالنا اللى بقينا عليه
ربنا يرحمنا جميعا برحمته
===================================

Mafrousa يقول...

يا حبيبة قلبي
العنف بيولد العنف و الناس مخها اتلحس من البلاوي اللى بيشربوها
زمان كانت حوادث القتل قليلة و غريبة على مجتمعنا
اما دلوقتي بفى الغريب انك مش تصبحى الصبح على اخبار من ديه
ربك يستر علينا يارب و يكفينا شرهم

kochia يقول...

الموضوع محتاج وقفة ازاي مش عارفة
انتشار الامر بهذا الشكل المريض شئ مخيف جدا جدا
وبقي سهل زهق الارواح
وارواح الاطفال كمان
الامر لله

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .