الأربعاء، أبريل 22، 2009

اكتئاب ما بعد اللعب

عااااااااااااااااااااااااااااااااااا انا باطلب و بسرعه قوات تحكيم دوليه و ياريت تبعتولى معاهم

قوات لحفظ السلام .....واحد طيب منكم يسألنى ليه كل ده اقولكم عشان ولادى و عشانى

انا كمان تسألونى ليه تانى قوووووم انا اضطر احكيلكم حكايتى من طقطق لغايه مانوصل

بقى ......احنا الاسبوع ده كنا فى اكتوبر و طبعا بما اننا فى اكتوبر يبقى لازم نروح

هايبر و كارفور عادى يعنى بمجرد ما ندخل يبدأ الباشا الصغير و السوسه اخته الزن

عايزين نروح اللعب يعنى يتفرجوا يعنى على اللعب يقوم جوزى يبدأ ينبه تتفرجوا

بس من غير ما نشبط فى حاجه ماااااشى يبصوا لينا بقرف و يقولوا ماشى

نسيبهم فى اللعب و نبدأ احنا جولتنا و شويه و نرجعلهم نلاقيهم ضاربين بوز اجارك الله

منه

مالكم يبدأ الاستاذ عايز لعبه مش عارفه ايه دى جميله قوى و يفضل ماسكها

اقوم ارد عليه طبعا برقه عشان فى ناس جنبى و انا من جوايا نفسى اعلقه فى السقف

بعدييييييييين يا حبيبى لأ دلوقتى بقى ده هوا اللى بيرد قبل ما اكمل الاقى السوسه

الصغيره

جايبه لعبه بيبى ب300 جنيه و عايزاها و برضه زعلانه من قبل ما اقول لأ حتى ليه

مش عارفهو يزعقوا بقى انتوا مش بتحبونا اشمعنى احنا مش بنجيب لعب كتير زى

الناس

و طبعا بابقى ماشيه بعيد عنهم قال يعنى مش تبعى و الزعيق ده مش ليا خاااااااااالص

رحنا كارفور الاستاذ عايز بلاى ستيشن 3 ب3000 جنيه طب يا حبيبى مينفعش

2 لا انا عايز 3 طب اجيب منين انا ده انا لو جبته حاعلقه بدل النجفه من فرحتى

و شويه و الاخت عايزه مايوه دخلنا محل ديزنى لقيت المايوه 50 سم 165 جنيه

اه و الله العظيم لما بقيت حاعيط من الفرسه و الغيظ

نيجى ساعه الغدا اللى عايز مكرونه و اللى عايز سمك و اللى عايز جلاش طبعا

امال نتخانق ازاى و نعيط على ايه ؟؟؟؟؟؟؟؟؟؟

خرجنا مره و روحنا نجيب ايس كريم عايز ايه يا حبيبى ؟

عايز شكولاته و فانيليا و

و انتى يا قمر ؟؟؟؟ عايزه مانجه خلاص روحت جبت له اللى عايزه و هيا مانجه و

فراوله

زعلت بقى انا قلت مانجه بس جبتى فراوله ليه

هو بقى زعلان اشمعنى انتوا الوان كتيره و انا لا

طبعا السوسه بعد ما لقت اخوها متغاظ بدأت تحب اللى معاها و تغيظه بيه

انا بقى اللى قربت اخبطهم فى بعض هما الاتنين من الغيظ

فى العربيه بقى ضربتنى ,اى زنقنى ,عضنى مش عارفه انام منه

و هكذا تمضى بنا الرحله فى خناق و زعيق و عياط

هاااااااااااااااااااااااااا حد بقى عنده حل سريع للى انا فيه ده و اوعوا تقولوا لى التفاهم و

الحنان و الكلام الهابط ده لاحسن اخبطه بالبلاى استيشن 3 اللى لسه مجبتوش

انا عن نفسى حاقدم طلب للمولات انها تحظر بيع اللعب و تلغى المحلات اللى توجع القلب

دى و بسرعه و الاااااااااااااااااانتوا بقى الجانيين على روحكم

و قد اعذر من انذر

هناك 27 تعليقًا:

احساس طفلة محبة للرومانسية بس واقعية يقول...

هاهاهاهاهاهاهاها
الاطفال وعمايلهم مش بتخلص برة البيت
التفاهم احيانا بيكون مستحيل
بس عارفة لو جيتى ساعتها قولتيلهم مفيش خروج تانى لمدة اسبوع او شهر حتى لو انتى كنتى عايزة تخرجى او تقولى هى كلمة يلا على العربية او خلاص مفيش ايس كريم وممكن كمان تقولى البلاي استيشن دلوقتى لا ولو استمر العياط والزعيق يبقى مش هيجى الاسبوع اللى جى لا دا مش هيجى خالص وتخديهم وتروحى او تروحى كافية او مكان هم مش بيستمتعوا بية
وممكن تنبهى عليهم من قبل ما تطلعوا اصلا ان لو حصل تصرف ضايقك منهم هترجعوا على طول او هنروح المكان الفلانة او مش هجبلك الحاجة اللى كنت عايزها
ساعتها يعرفوا ان العياط والزعيق مش بينفعوا ولما ترتبى امورك يبقى هتيلهم اللى هم عيزينوا كمكافئة بعد فترة عشان سمعوا الكلام وقوليلهم دا لان انتوا سمعتوا الكلام ساعتها

واخيرا كل الاطفال كدا ولما بيكبروا بيفهموا ويقدروا كلامنا برة البيت زى جواه لكن وهم صغيرين بيعرفوا اننا منعرفش نزعقلهم برة البيت براحتنا

تقبلى مرورى

Appy يقول...

معاكى ربنا واتنين ملايكه غير الاتنين دول
لا انا مقدرش افيدك لانى بتغاظ من الاطفال اللى كده ههههههههههههه
بس بصى بالتعود والاتفاق من جوه البيت يا كده يا تنبهى انك مش هتاخديهم معاكى

MǿиY El-Shreef يقول...

هههههههههههههههههه

ياعيني ياحببتي

والنبي ماتعقديناف الحوارات دي لحسن الواحد يقول بلاش منه الجواز :D

دي حركات كل العيال انا فاكره ماما لحد دلوقتي اما تقعد تنبه ع العيال اخواتي ههههههه

بس ياعيني بجد ربنا يعينك

انتي بس نبهي وبعدين اعقبيها ف البيت بزعيق وتحذير وتنبيه وعين حمرا

وبعدين هيحرموا :D

ربنا معاكي ياقمره

الجواز و سنينه يقول...

ههههههههههههههه
و الله حلوه كتير
انا لسه موش وصلت للسن ده
لما اوصله هاقولك
احنا يادوب نتحانق على عصير على بسكوت لعبه مش فارق نوعها
مش عارفه هاعمل ايه ساعتها ؟؟؟

بس انتى عايزه تقوليلى ان الامرات العسولات الجميلات اللى شوفت صورتهم دول
بيعملوا كده
انتى اكيد بتفترى عليهم
بلاش كده يا مفتريه
هههههههههههههههههههههههههه

Foxology يقول...

يا خبر ابيض

انا بحب الأطفال بس فعلا ساعات بيخلو الواحد متغاظ جدا ونفسه يخبطهم بحاجة :))

تحياتى :)

بطوط حبوب يقول...

ياااااااااااااااااه بقالى كتير اوى معلقتش هنا
بس والله بتابع البوستات من الموبايل والتعليق من عليه عذاب

المهم انا عرفت اد ايه انتى بتحبى الاطفال والتعامل معاهم فعشان كده انا قررت اول عيل اخلفه - مش انا بالظبط اللى هخلفه اكيد مراتn باعتبار لما اتجوز هى اللى هتخلفه - ان شاء الله ادهولك هديه

ابسطى بقى
مرضتش ادخل مدونتك وايدى فاضيه وانا بقالى كتير مبعلقش وانا عند كلامى
:P

نهر الحب يقول...

الله يخليهم لكم
ويبارك لكم فيهم

أمبارح كان عمرى عشرين يقول...

ههههههههههههههههههههه
ربنا يقويكى ولادك عسل اوى ههههههه ربنا يحميهم
وطبعا هاخد صف الأطفال خليهم يعيشو هههههه

Ashraf يقول...

ليه نحرم الطفوله من حقها الطبيعى
انا عن نفسى اجمل لذه وانا بلعب مع اولادى اى لعبه وخصوصا هذه اللعب
وشكرا
اشرف

نعكشة يقول...

ههههههههههه

ربنا يعينك و يصبرك

بصي اعتقد والله اعلم انك مفروض تخلي اطفالك يعرفوا ان كلمتهم لازم تبقى واحدة ولازم تفهميهم الوضع

يعني مثلا من وانتو رايحين تقوليلهم
يا حبايبي احنا معانا كذا كذا

تقدروا تنقوا لعب ليكوا في حدود كذا كذا

ولو مثلا مش عايزة تشتريلهم لعب
تقوليلهم
مش هينفع نشتري لعب
وتتفقي معاهم قبل ما تروحوا انكوا مش هتشتروا حاجة

ولما حد يقولك انا عايز دية
تقوليلوا مش احنا اتفقنا على حاجة
لازم ولادي يلتزموا بكلمتهم

عشان الناس الويسة كلمتهم واحدة

كدة يعني

كل حاجة بالتفاهم بتبقى حلوة

ان شاء الله

و ربنا يقويكي

سلام عليكِ

يعني مثلا لما تقوليلهم
مش هي

عاشقه وغلبانه يقول...

بسيطهه جدا ماتروحيش هناك تاني
هو يعني الطفل لو مارحش كارفور هايطق يموت يعني
مانا ماروحتوش طول طفولتي ولسه عايشه اهو
ماتفرسنيش اكتر مانا ياختي والنبي
والعيل اللي يزعلك اضربيه
تفاهم ايه وبتنجان ايه

المعلم محمد صاحب المطعم - طعمية سخنة يقول...

ان ان ان ان
انا لو من ابنك اعمل زي حرامية في كي جي تو
يا اقول خاطفاني و الم عليكي الناس يا تجيبيلي البلاي ستيشن و فور كمان من قبل ما يخترعوه حتي !

صدقيني اولادك طيبين اوي ! لسه ما اطلعوش علي اخر الاساليب في الحركات القرعه !

بصراحه يقول...

انا كل اللى اقدر اقولهولك
انى نويت افتح محل لعب اطفال كبيييييييييير جدا ان شاء الله .
واكيد هعزمك فى الافتتاح وغير الافتتاح كمان.

koketa يقول...

ههههههههههههه
ههههههههههههههههه
عسل عسل زى العسل ولادك الاتنين دول
ربنا يخليهم
انا هقولك زى ماامى دايما تقولى انا واخواتى
ارحموووووووووونى
دا انا ليا الجنة من تحت راسكم

dr.lecter يقول...

اشته عليكي

انا عاوز اخلف عيل واحد بس

لكن لو هيعمل فيا اللي بيعملوه فيكم يبقي يفتح الله بالها الخلفه

او ممكن علي الاقل اعمل موول جوه البيت علشان مانقعدش نروح مشاوير كل شويه ونكع علي قلبنا اد كده


انا هاخد معونه اقتصاديه غصب عن الحكومه علشان اربي لهم عيل علي سنجه عشره يعرف يفيد الوطن وطالب بتوفير لعب سابق ولا حق وعالم سمسم وبلاي استيشن 4 اه مش 3 طبلعا انا عندي بعد نظر اكييد

وكمان يوفروا اب وام يربوا الوااد وانا مش عاوزه واد عاوزها بت علشان اعرف اخليها بت ماحخصلتش

رئـيس التحـرير يقول...

السلام عليكم
ازي حضرتك
يشرفني جدا دعوتك للمشاركة معانا في مجلة رؤية مصرية
افتتاح الموقع الرسمي بعد شهر من إصدار المجلة على بلوجر الليلة بعد منتصف الليل ممكن تزوري المدونة الي عليها المجلة القديمة وهتلاقي اللينك الجديد وبإذن الله تعجبك وتشاركي معانا
أنا منتظرك بجد ويارب تردي عليا
ده اللينك القديم الي هتلاقي عليه اللينك الجديد بس بالليل يعني عشان تفضا مفاجأة
http://roayahmg.blogspot.com/
مودتي

بسنت يقول...

الصراحه الاسعار اللى قلتى عليها دى حاجه تفرح خالص
هههههه
كويس اوى ان ولادك ما جلهمش اكتئاب ولا حاجه

اطفال الايام دى محتاجين حد يفهم بردوا ويقدر متطلباتهم بردوا
ههههه
ربنا يخليهومللك وتعيشى وتجبيلهم

دمتى بخير

om hodhod يقول...

أنا دايما بأرد علي أولادي بأبتسامة باردة و كلمتين إن شاء اللة و ربنا يسهل ومهما ضغطوا علي بأستمر بنفس الغلاسة

صيدلانيه طالعه نازله يقول...

احساس طفله محبه للرومانسيه:هما فعلا بيستغلوا اننا بره البيت بنحاول نبقى هاديين و من هذا المنطلق بيبيعوا و يشتروا فينا و بعدين احنا اما بنسافر بيبقى الموضوع كله 3 ايام مينفعش اعاقب فيهم بالحبس و عدم الخروج انا كده باعاقب نفسى
=================================
Appy:تخيلى ان انا كنت عارفه ردك من قبل ما اقراه و زى ما قولت لك قبل كده نتقابل بعد اول طفلين و نشوف مين حيعمل ايه فى مين؟
================================
Mony:و الله فعلا بلاها جواز احسن اذا كان الواحد حيقضى بقيه عمره زعيق
و الله حتى الزعيق عدت مرحلته من زمااااااااان
=================================
الجواز و سنينه:يظهر فعلا ان انا مفتريه لان كل اللى يشوف جوز الخيل اللى معايا بيقول كده برضه بس اما تشوفيهم و هما بياكلوا بعض لان الخناق كلمه رقيقه بالنسبه للى بيحصل تعرفى انهم جوز غربان
=================================
Foxology:لو لقيت حاجه فعاله يتحدفوا بيها مش تموت ابعتهالى على البلوج فورا
هههههههه
===================================
بطوط:ناقصه انا بقى تجيبلى عيل هديه
انا ابعتلك اللى عندى عشان يونسوه احسن و بعدين ربنا يديك و تخلف و تعرف اننا كلنا بنحب الاطفال لغايه ما نخلفهم و بعد كده انتهى الموضوع
=================================
نهر الحب:ربنا يخليكى و نفرح بيكى انشاء الله و نيجى نطبطب عليكى و انتى بتصرخى من ولادك
ههههههههههههههههه
=================================
امبارح كان عمرى عشرين: يعنى هما يعيشوا و انا اقعد جنب الجامع يعنى
ماشى لو حتاخد صفهم ابعت لنا مساعده قد 1000 جنيه كده جزء من تمن البلاى ستيشن
===================================
اشرف: المره الجايه حاصورك فيديو و انت بتزعق معاهم فى اى مكان و احطها فى بوست جديد يا عم الحنين
================================

صيدلانيه طالعه نازله يقول...

نعكشه:كل اللى بتقوليه من اتفاقات و معاهدات بيحصل كل مره نخرج بس للاسف كلها بتنهار اول ما نشوف اللعب و اللبس و الحلويات
اعمل ايه انا بقى
===================================
عاشقه و غلبانه:انا قلت من الاول انتى اللى فيهم انا عايزه اوصل للنقطه دى من بدرى و محرجه منكم
عن اذنك اما اروح اطحنهم و ارجعلك
هههههههههههههههههههههههه
===============================
طعميه سخنه:و انا من نفس مبدأ النداله حاقوله فين ماما يا حبيبى و انا ارجعك ليها
انا فى المواضيع دى اندل من النداله
===================================
بصراحه: و انا من دلوقتى رااااااااافضه الدعوه و اشجبها و استنكرها
هههههههههههههه
==============================
koketa:ايه ده و انا ماما برضه كانت بتقوللى نفس الكلام و احنا صغيرين
مبروك طلعنا اخوات
==================================
dr.lecter:فى الموضوع ده الولاد احسن
الولاد اخرهم اللعب لكن البنات اللعب و الفساتين و ماكياج اطفال و شوز مش عارفه ازاى اه و الله بنتى عملتلى عقده نفسيه من كتر الطلبات
================================
رئيس التحرير:شكرا للزياره و الدعوه و انا رديت على حضرتك فى الاىميل
===================================
بسنت:لو حاجيب متطلباتهم اللى بيقولوا عليها دى يبقى مش حناكل يا قمر
و على العموم احنا نقبل التبرعات برضه
ههههههههههههههه
==================================
om hodhod:اللى انا كتبته ده المرحله التالته بعد الابتسامه و الغلاسه
نورتينى
=================================

نعكشة يقول...

ادعي ربنا يعينك بقة

:D

سلام عليكِ

ههههههههه

واحدة مفروسة يقول...

ههههههههههههههههههههه
معلش يا جميل
تتفسح و اكل غيرها
ههههههههههههههههه
انتى فى مرستان صحيح
الحل الوحيد لتلك المشاحنات
انك
اتك
تحطى قطن فى ودانك
و اخديلك حبة فاليوم قبل ما تنزهلى
هههههههههههههه
يقوموا همه اللى يتفرسوا و انتى لا
هههههههههههههههه

شلاطة يقول...

تعرفي انتي فكرتيني بطفولتي انا واخويا لما كنا صغيرين
بس بصراحة كانت ديتها قرصة ولا قلم في الخباثة وخلاص الموضوع يتحل
كلها كام سنه وهتلاقيهم طبيعين ان شاء الله
وربنا يهديهم ويصبرك عليهم

عبدالرحمن يقول...

أولا :: أحيي حضرتك على المدونة الرائعة

ثانيا بالنسبة لموضوع الناقر والنقير ولاد حضرتك ( ربنا يحميهم )

هأقول كلمة واحده :: هيه دي متعة الدنيا

ربنا يرزقنا زوجات صالحات وأبناء صالحين

تقبلوا مروري

mayada يقول...

بصي انا عارفه الاطفال العسل دول
اخويا كان كده شباط برضه
مره شبط في طيارة في القلعه

ربنا معاكي بقي واتنين ملايكه
زي ماابي قالت

ahmed_k يقول...

ههههههههههههه
ما هما كده الأطفال دايما
بيشبطوا في أي لعبه لحد ما يمتلكوها
وياخدوا غرضهم منها مش بيعيروها أي إهتمام ويبدأوا يفكروا في لعبه غيرها
عادي
بتحصل لكل الأمهات والآباء القصص دي
فخدي الأمور ببساااااطه

صيدلانيه طالعه نازله يقول...

نعكشه :و ربنا يعيننا احنا كمان عليكى يعنى مفيش امل انك تفتحى التعليقات و لا ايه عالرفه احنا حنسلط عليكى واحد يسرق لنا user name & password بتاعتك و حنعلق و بعدين نقفل تانى فأحسن لك افتحى التعليقات بمزاجك احسن ما الضابط يفتحهم بمعرفته
هههههههههههههههه
===================================
مفروستى: بتعجبنى حلولك سريعه و حاسمه طب ايه رايك اديهم هما الفاليوم و ابقى كده فى البييييييييس خالص
ههههههههههههههههه
==============================
شلاطه: المهم عقبال هما ما يعقلوا ماكونش انا اتجننت و باجرى منكوشه فى الشارع
================================
عبد الرحمن: هوا ده فعلا املنا انهم يبقوا صالحين و صالحات فى حياتهم المستقبليه انشاء الله
تحياتى
=================================
مياده: احنا اتفقنا انى حابعتهم يلعبوا مع احمد ابن اخوكى و لا حترجعى فى كلامك كلام عيال هوا و لا ايه؟
================================
Ahmed-k:كنت دايما باعدى الامور دى ببساطه بس الامور تعتبر زادت عن حدها مؤخرا و على العموم ربنا يهدى

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .