الاثنين، أكتوبر 20، 2008

و الله و عملوها النسواااااااااااااان


اولا انا النهارده جايه مخصوص عشان اهنى الحريم الصعااااااااااايده كلهم بالحدث
السعيد

و انا البوست اللى فات عماله اقول البنات مقهوره و مش عارف ايه و الناس ترد على

البوست و تقول البنات الصعايده ملهومش رأى و لا اراده

النهارده افتح الاهرام الاقى واحده صعيديه تبعنا يعنى قال ايه قتلت ذئب شوفتوا الجبروت

و الافترا لا و كل صوابع من ايديها الاتنين و جرح رقبتها

و فضل يقطع فيها تلات ساعات كامله و فى الاخر حشت رقبته بالمنجل اللى بتحش بيه

البرسيم و بعدين نقلوها المستشفى فى حاله سيئه و النهارده كاتبين انها بقت كويسه

و حالتها استقرت غالبا نفسيتها هيا اللى كانت سيئه من منظر الفقيد المغدور به

و المصيبه ان عمرها 55 سنه يعنى مش شابه صغيره و صحتها مساعداها

لا دى على اعتاب الستين و جابت الذئب الارض بلمس الاكتاف و حش الرقاب

و الله الست دى بميت راجل و فعلا هما دول الصعايده الجدعان اللى يعرفوا يدافعوا عن

نفسهم فى احلك المواقف

الكارثه فى انها فضلت تستغيث بالناس و تصرخ وسط الزراعات و لا حد سأل فيها

و قال عاملين رجاله بشنبات و كله كان خايف يقرب منها

هيه دى الست الصعيديه اللى تشرف بجد و اللى اتربت على القوه و الجدعنه

مش الخوف و سلب الاراده و الانكسار و اللى تقدر تدافع ع نفسها و عن اللى حواليها

كمان

صقفه كبيره قوى لبخيته قاهره الذئااااااب



هناك 12 تعليقًا:

Empress appy يقول...

ايه بيتفرجوا بتتكلمى جد
يا نهار ابيض
لااااااااااااااا
انا مش مصدق
فى الصعيد
والنبى الرجاله ماتوا فى الحرب من بدرى طيب زعلانين ليه اننا بنقول هنشيل ابو ورده فى ايدينا علشان التحرش يتفرجوا بقى وربنا يشفيها يا رب

momken يقول...

الا هو الذئب ده ذئب ذئب يعنى ولا تقصدى ذئب بشرى

لو عندكوا الذئاب البشريه بتبص ليلى عندها خمسين سنه يبقى يستهلوا الحش

اما لو ذئب وحش يعنى ابقى قوليلى علشان مجيش هنا تانى العمر مش بعزقه

تحياتى

غير معرف يقول...

وليه ماتقوليش ان ده المعدن الاصيل للفراعنه ابناء وبنات النيل
والله انا متأكد انها ممكن تدخل موسوعة جينيس للارقام القياسيه
ياساده وياسيدات اعتقد انها ايه من ايات الله فى هذا الزمان(زمن التحرش الجماعى)
اعتقد انه المعدن الاصيل وكرم من الله للبشر وللعقل والاراده البشريه.
لك مننا كل تحيه ياسيده (نجييه)و ربنا يشفيكى
وياريت يشوفوا جين الشجاعه والمقاومه عندك ويستنسخوه
وياريت نشوفك قريبا فى برامجنا التليفزيونيه
فالله خير حافظا وهو ارحم الراحمين

غير معرف يقول...

اناقرائت الخبر انا كمان
بس اللي حسرني اكتر ان جينات اللامبالاه
اللي صابت الرجاله وصلت لحد عندكم في الصعيد وده مؤشر خطر
مايحش رقبته الا نسونها
نسوان ونفتخر هههههه

blue-wave يقول...

هههههههههههههههههههههههههههههههه
هوا دا الكلام
احلى نسوان الصعايدة:))

صيدلانيه طالعه نازله يقول...

ابى :دول يستحقوا ابو ورده و ابو كعب كمان
صدق من قال العرب ظاهره صوتيه و الحمد لله على كده حننهب
===================================
momken:ذئب من ابو اربع رجلين وودان طويله و عليهم طقم سنان كبيره هديه عشان خاطرك
و متخافش اللى حيقرب منكم حنحشه
هههههههههههههههههه
=================================
غير معرف:يعنى المعدن الاصيل على الستات بس و الرجاله صدوا خلاص
احنا عمالين نشكر فيها و نسينا الاندال
اللى كانوا بيتفرجوا عليها بدل افلام الرعب فى الدش و اهو توفير كهربه برضه
=================================
مادى:تعيشى و تفتخرى يا قمر
و للاسف دا حال رجاله بلدنا دلوقتى الرجوله انهارت مع انهيار البورصه
هههههههههههههههههههههه
==================================
blue_wave:شفت بقى ان الستات الصعايده فيهم الجدعان برضه و يتخاف منهم و اتقى شر الحريم اذا غضب
تحياتى

غير معرف يقول...

عادي الرجاله دلوقتي بقوا بيخافوا على نفسهم قوي اصل الايه اتقلبت بقت الستات هي الجدعان والرجاله بيستخبوا وراهن !!!!!!!!!!!!!!!!!!!!
وعجبي!!!!!!!
ربنا يشفيها ويشفي كل مريض.
آمين.

غير معرف يقول...

صيدلانيه طالعه نازله
السلام عليكم
نرجوا ان تكونى فى احسن حال ...نفتقد آرائك الذكيه فى مدونتنا ..
سكرتارية البرنامج
http://netonradio.blogspot.com

صيدلانيه طالعه نازله يقول...

غير معرف:فعلا ده هوا اللى بيحصل دلوقتى
الرجاله بقت بتخاف على نفسها قوى قوى و بقى النظام شيلى انت يا مدام اشمعنى انا اللى اشيل
انت كيس و انا كيس و حاجات غريبه قوى بقت بتحصل من الاخر مبقاش فيه شهامه
=================================
برنامج ات تسأل و الكمبيوتر يجيب:اسعدنى سؤالكم و نعدكم بالتواجد النشط

غير معرف يقول...

دي حلاوه الروح وحب الحياه الانسان لو حب الحياه يقدر يحقق معجزات اتمنى لها الشفاء حتى تشعر بالفخر لما فعلته

Ahmed Othman يقول...

لا أعلم ما الذي دعاني
الى تذكر معامل الفارما بالكلية
فكانت بنات الدفعة تنقسم لقسمين
خائفات من الفئران
و مخيفات للفئران

للعلم
شاهدت تعليقا على هذا الخبر بالتلفاز
و لم يسعني
الا التصفيق

تحياتي

انت تسال والكمبيوتر يجيب يقول...

عاوزين رايك فى بوست جديد بعنوان لعب وحب وجد وقتل
salah h: http://netonradio.blogspot.com

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .