الأحد، مايو 11، 2008

التاج لمين


النهارده جالى التاج التانى فى حياتى من ساعه ما بدأت التدوين

و ده اسعدنى جدا و التاج ده من مدونه جواز و اتجوزنا

و التاج اللى قبل ده كان من مدونه بونجو و يوكى

و للاسف انا الفتره اللى فاتت كنت مش فاضيه خااااااااااالص

نظرا لسفرى المتكرر ودخلنا فى امتحانات ابنى بعدها

فمقدرتش ارد و النهارده عشان ميزعلوش منى حأرد

عليهم مع بعض و ياريت ميزعلوش منى

عشان اتكلم عن نفسى دى صعبه جدا بس هأحاول

1-اولا انا واقعيه و مش بحب احلم كتير باحب افكر فى الحاجه اللى ممكن تتحقق بسهوله و

من غير مشاكل و اما بتتعقد نفسى بتتسد منها بسرعه

2-عصبيه جدا و ممكن اى حد يستفزنى بسرعه

3- باحب ولادى جدا بس بطريقتى يعنى محبش حد يزعق لهم او يضربهم حتى لو كان

باباهم

4-بحب اصحابى جدا و محبش حد يتكلم عليهم بحاجه وحشه امامى

5-اما بحب حاجه بتحمس لها جدا و ده بيجى على حساب حاجات تانيه ساعات

6-بحب شغلى جدا و نفسى اهتم بيه اكتر بس للاسف ظروف البيت و الولاد لا تسمح

7- بحب اعمل الاكلات الصعبه زى المحاشى و الحجات التقيله و ماليش فى الحلويات

8-اما بحب بحب جدا و اما اكره برضه جدا

9-باحب السهر جدا بس بسبب المدارس و المذاكره بقيت بانام قبل الكل

10-بحب السفر جدا بس يكون بالعربيه لانى خلااااااص اتعقدت من القطارات

اهدى التاج الى 1- فاتيما صاحبه مدونه روح قلب ماما
2-مدونه كيت كات
3-مادى صاحبه مدونه غارقه فى الافكار
4-امواج صاحبه مدونه امواج
5-بطوط حبوب

هناك 10 تعليقات:

appy يقول...

2-عصبيه جدا و ممكن اى حد يستفزنى بسرعه
هههههه لسه مضيعه حقى بسبب دى النهارده ههههههههههههههخخخخخخخخ

بس انتى فيكى منى خالص
بوسه كبيرة لاولادك الحلوين واللى يزعق لهم اضربه انا علشان نطلع الكبت بتاعنا ههههههههه

امواج يقول...

صيدلانيه
ردودك جميله بجد
ربنا يوفقك
بس اعزرينى بجد انا مش بجاوب على تيجان
منعا للمشاكل والله
ممنوعه منها
بجد اسفه مش عارفه اقولك ايه
وميرسى على اختيارك ليا بجد شكرا

cenotaph يقول...

ياه ده انتي اللي تستهلي أجمل تاج

bar2ash يقول...

جميله اوي اجاباتك
وخفيفه ههههه
سلميلي علي ولادك

Foxology يقول...

كلام جميل كلام معقول مقدرش اقول حاجة عنه :))

شكرا لتمرير البلوج :)

تحياتى

Ashraf يقول...

شئ كويس ان الانسان يشوف بعض عيوبه وياريت دائما يراجع نفسه وينظر للمرأه بعين الاخر و عشان طده الصديق الوفى من يقول العيوب بدون مجامله

FaceMoon يقول...

ردودك تلقائيةواحلى حاجة فيكى انك قولتى العيوب والمميزات
ربنا يخليلك اسرتك واولادك
تحياتى

mayada يقول...

صيدلانيه ياقمر
مرسي ياحبيبتي علي التاج
واخيرا اتوجت علي ايدك
طيب ممكن امضي علي الوصل
سلميلي علي ولادك العساسيل
وربنا يوفق الدكتور اللي في سنه اولي

somaa mahaba يقول...

ههههههههه اجاباتك جميله
تسلمى وانا كمان خالتو فرنسا وعبده الرايق بعتولى تاج بس انا بقى بقيت رئيسه جمهوريه بتاج انتى لسه
على فكره ايبى شكلها متضايقه قوى يا عينى ن كلام الراجل المنحوس الصحفى
وبالذات كلمه مكبوتين
يا عينى يا ايبى بصراحه انا لو منك كنت اكلته
تحياتى ليكم واحده عصبيه برضوا
سومه_87

كلام على بلاطة يقول...

ممكن اعلق على اسم المدونة
ليه الصيدلية بتاعتك كام دور
طبعا انا باضحك مع الصيدلية لو مواخذة
مدونتك جميلة

 
Copyright صيدلانيه طالعه نازله 2009. Powered by Blogger.Designed by Ezwpthemes .
Converted To Blogger Template by Anshul .